عند زيد
زيد بصدمة: فارس
فارس قام: ايه مستغرب ليه
زيد بأرتكاب: يعني هو ...
فارس: ترجع مصر و تعرف الكل انك عايش لاكن بخصوص انك عملت كده ليه هتقولو قدام العيله
زيد: فارس اسمعن...
فارس شاور بايده يسكت: ولا حرف اتفضل علي بيتك.....
_______________________________
عند مي
مي: انا لازم اهرب !! بس اعمل ايه
مي فكرت كتيير لحد ما عرفت
مي: تمام كده هستني لحد الليل...
______________________________
في المستشفى
الدكتور خرج
الحارس: ها يا دكتور المدام نسرين مالها
الدكتور بأسف: للاسف عندها ورم بالمخ
الحارس لنفسه: لازم اقول لفارس بيه
الدكتور: عن اذنك....
في الداخل
نسرين لنفسها: اكيد لازم تتعقبي علي العمايل الي عملتيها زمان انا هشوف الموت ببطء بسببك و سبب طامعك فرقتي ريناد و فارس ( وغمضت عنيها بوجع) ياريت الوقت يرجع كنت صلحت الي عملته.....
_______________________________
في لبنان عند ريناد
ريناد قاعدت جمب الباب بزهق: ماشي يا فارس انا هوريك
و اخيرا سمعت صوت المفاتيح بتفتح
فارس دخل: ايه الي قعدك كده
ريناد قامت: ايه الي خلاك تقفل الباب بالمفتاح
فارس قفل و بلا مبالاة: ممكن تهربي
ريناد بزهق: اوفف ما اهرب يا شيخ وانت مالك
فارس بيفتح زراير قميصه: مش جوزك
ريناد بسرها: يخرب بيت برودك يا شيخ و بعدين بيعمل ايه ده
ريناد بتسائل: انت بتعمل ايه
فارس قلع القميص: بقلع
ريناد غمضت عيونها: انت قليل الادب
فارس بأبتسامة ساحرها: مش فاكرة امبارح عملنا ايه بعد الفرح( و غمز لها)
ريناد فتحت عيونها بصدمة: هاااه انت سافل و قليل الادب و....
ريناد سكتت لما لقت فارس بيقرب
فارس: اوريكي بقا سافل ازاي
ريناد: هاااه ( وجريت علي الاوضة و قفلت الباب) مش هفتح هااه
فارس بيكتم ضحكته بصعوبة: هه افتحي يا ريناد
ريناد بعند: لااء
فارس: طيب بس لما تخرجي !!
ريناد مش خرجه: هااه
فارس بهمس: ههه مجنونة
_______________________________
بليل عند مي
مي نطت من الشباك و جريت.......
مي في نفسها: هروح فين دلوقتي انا لازم اهرب مؤقتا من البلد قبل ما يخطفني تاني
مي جريت لحد ما وصلت لطريق العربيات شاورت لحد
البنت: ايوا
مي: لو سمحتي ممكن توصليني لطريقك
البنت: انتي رايحه فين
مي: بتفكير مصر
البنت: تمام اركبي انا كمان نازله لمصر....
_______________________________
في بيت الجارحي
سنا قاعدة بتفكر في الي حصل و الفديو زهير جه قعد جمبها
زهير: سنا مالك !!
سنا: بفكر في الفديو و اي سمعناه
زهير خدها في حضنه: مش تفكري لما يرجع فارس هنفضحها
سنا: انا زعلانه اوي اني ظلمت فارس
زهير: هيسمحك صدقيني
سنا غمضت عيونها....
_______________________________
في المخزن
نسرين رجعت المخزن و الحارس بعت لها اكل
الحارس التاني: و بعدين يا احمد هنقول لفارس بيه
احمد: تؤ تؤ مدام نسرين مش عاوزاه يعرف
محمد: يعني هنسكت
احمد: اه هنعمل ايه
محمد: بس لو عرف بدون ما نقول له هيموتنا
احمد: طب اعمل ايه شكل الست ندمانه
محمد: نديها فرصه تانيه تعيش عشان تيتوب
احمد بانزعاج: خلاص بقا يا محمد بقا
محمد: طيب اهدي اهدي ....
_______________________________
في فيلا الجبار
عاصم رجع و دخل الفيلا لقي نورهان بتذاكر مع كرمه و بدون ما يحس ابتسم
نورهان شافته: عاصم انت جيت
عاصم فاق من سرحانه: احم اه انا طالع انام
نورهان: طيب اقول لصافيه تحضر لك العشا
عاصم وهو طالع: لاء
نورهان: طيب براحتك
نورهان سرحت سبب رفضة للخلفه
" فلاش باك"
نورهان بدموع: ليه مش عاوزني اخلف
عاصم بيحاول يهدي: سبب
نورهان: سبب ايه قولي و ريحني
عاصم افتكر الي حصل: ماما لما ولدتني كانت بخير تاني مرة ولادة ماتت هي و البيبي . وانا بحبك يا نورهان و مش مستعد اخسرك
نورهان: بس ممكن مامتك كان عندها مشاكل
عاصم هز رأسه برفض: لاء .. نورهان لو بتحبيني بجد مش تفتحي الموضوع ده و انسي موضوع الخلفه...
_______________________________
مرت الايام و مي راحت لمصر و باتت في فندق بعد ما قالت لنورهان تساعدها و خالد قلب الدنيا عليها مش لقيها و فارس و ريناد و زيد وصلو مصر و نسرين لسه بتعاند أن ماحدش يعرف مرضها و في يوم وصول فارس و ريناد
_______________________________
في الفندق
مي قررت تشتغل في شركة مؤقتا و هي بتلبس رن فونها
مي: الو يا ماما
ام مي: ايوا يابنتي اخبارك ايه هترجعي أمتي بقا
مي: في اقرب وقت صدقيني بس مستنيه الجو يهدأ
ام مي: عندك حق علي العموم بس شهر و ارجعي
مي: حاضر يلا سلام...
_______________________________
في شركة الشرشابي
مي وصلت الشركة
السكرتيرة دخلت: فادي بيه العميلة الجديدة وصلت
فادي لف بالكرسي: خليها تفضل
مي دخلت: السلام عليكم يا استاذ
فادي: وعليكم السلام اتفضلي اقعدي
مي قعدت
فادي: اتفضلي وريني أوراقك
مي ابتسمت و هزت راسها و اديته الملفات....
_______________________________
في المخزن
زهير و سنا راحو بعد ما اتصل عليهم الحارس احمد
احمد شافهم: زهير بيه و مدام سنا عاوز اقول لحضرتكم حاجه
زهير: ايوا قول
احمد: اكيد انت عارف ان نسرين هانم هنا
سنا بصدمة: ايه
احمد كمل كلامه: امبارح أغمي عليها ولما ودينها المستشفى اكتشفنا أن عندها ورم في المخ و قالت مش نقول لحد و بالاخص فارس بيه .. انا عارف انك مش ليك دعوة بس انت صاحبه ممكن تقوله بدالي
زهير مصدوم: ورم !! طيب هي عمله ايه دلوقتي
احمد: الحمد لله كويسة بتاكل بالعافية بصراحه
زهير: طيب روح انت يا احمد ..... يلا يا سنا
سنا و زهير ركبو العربية
سنا باشفاق:زهير انت عارف لو فارس عرف حكاية نسرين هيعذبها و كفاية مرضها والي فيها
زهير: طيب هشوف....
_______________________________
في فيلا الشرشابي
مو: بيري ازيك وحشتيني
بيري صاحبه مو: وانتي كمان يا مو اخبارك ايه
مو: كويسة
بيري: مو احنا عندنا حافلة صغيرة كده بسبب رجوع اخويا من امريكا كام بيدرس هناك ياريت تيجي
مو بفرحه: اكيد انتي عرفاني بحب الحافلات
بيري: اوكاي يبقا الساعه 8 تكوني هنا
مو: اتس اوكاي
_______________________________
حكايااات عشنها و بنفتكرها بساعااات
و اياااام كانت حلوة و ايااام كانت مررة و اياام كنا مع بعض
وطول السنين مش افترقنا احنا اتحدسنا ولا ايه
حبنا ضاع كده ليه
الحزن مالي عيونا و الحقد مالي قلوووبهم
ااااه ياني من الدنيا دي فيها بشر انواع
و الضحكه مش بتمرء علي الواحد بحق
اياام كانت حلوة و ايااام كانت مررة و ايااام كنا مع بعض فيهااا
ساعات بنضحك و ساعاات بنعيط مع بعضنا
و ناس تانيه قلبهم مليانه شرررر
و ناس تانيه قلبهم مليانه شرررر
ااااه 🎶🎶🎶
_______________________________
البارت خلص
جمعه مباركه حبايبي
تفااعل كتير عشان تشجعوني
رايكم و توقعاتكم
بحبكم ❤😘
أنت تقرأ
لن اتخلي عنك ابدا/بقلم اميرة الشربيني(ميرا نوفيل)
Romantizmرواية:لن اتخلي عنك ابدا الكاتبة:اميرة الشربيني السلسله: غموض العشاق الجزء الثاني من رواية صاعقة حب
