احببت طالبتي
#بقلمي لحن الحياة
-بارت1-
********************
بعطله نهايه السنه بعد مانجحت من الخامس إعدادي اني وبنت خالي اسمها قبس
ف متعودين اني وقبس نجتمع ويا صديقانته كل فتره يم وحده من عدنه يوم عندي ويوم عند قبس
فقررنه نجتمع ببيت قبس كعدنه ندردش اني والبنات بخصوص السادس والمناهج الصعبه وصارت مناقشه وآراء بينا حجت إيناس
: بنات لازم نبدل جهدنا ونتعب نفسنه حتى نأخذ المعدل الي نريده
ليان:أي والله وخاصة السادس هو الراح يحدد مصيرنا
رجاء:اي والله واني وحدي ماادبرها اذا من مدرس خصوصي يفهمني المواضيع بتفاصيلها
أماني :- بهاي الحاله لازم ندخل دورات تقويه
قبس -اشلون يعني
أماني -بنت عمي داخله دورات تقويه بمركز اعدادية كربلاء شتكولن نسجل احنه هم
ليان- بس بالأول لازم نأخذ رأي اهلنه بالموضوع
أماني- أي طبعا هالشي اكيد والشغله راجعتلجن اتاكدن من موافقة اهلجن وردولي جواب حتى إدا توافقن يوم الأحد نروح نسجل بالمركز ماشي
ترخصن البنات بعدها ومشن لبيوتهن وبقيت بس اني
اكلج قبس اني هم اروح حتى اشوف أهلي شيكولون بلكي الله يوافقون
قبس -وين ولج اتغدي وروحي
ليان -لا ياكلبي غير مره أن شاء الله. ..طلعت امشي سريع ولكيت خالتي بالمطبخ سلمت عليها ولبست عباتي وطلعت
دخلت البيت وخرت العبايه عن راسي وفتت من باب المطبخ ماكو أحد. ...
طبيت ادور على امي رحت للغرفة ماكو رحت للاستقبال هم ماموجوده
لعد ويا حظي تختفين يايمه
صعدت خليت عباتي بالغرفة ونزلت وشفت امي بالصاله شافتني وكالة
- هلا ليلو اشوكت اجيتي
ليان - قبل اشوي شو دورت عليج ماكو وين جنتي
_جنت وره البيت أشر ملابس اخوانج. ...
هاا اكلج ماماتي. .. تقربت وكعدت يمها ولزمت اديها
-احجي يمه شكو. ..
ليان أريد أخذ رايج بموضوع وأريد تقنعين ابوي بي
-بالأول خلال اعرف شنو موضوع وإذا بي حظ ويسوى بيج خير وادللي ..
-يمه انتي تدرين بالسادس صعب واني اريد اطلع معدل عالي..اماني اليوم حجت عن بنت عمها تكول مسجله بمركز بإعدادية كربلاء...واقترحت علينه نسجل احنه وياها ..حتى من نداوم احنه فاهمين المناهج وتصير سهله علينه ..
-والمطلوب مني شنو
-المطلوب .تفاتحين بابا بالموضوع..
-والله هي خوش شغله .بس بعد تبقى يم الوالد..يجي واحجي وياه..بعد رايده مني شي.
أنت تقرأ
احببت طالبتي
Roman d'amour..عَيناكَ تُجيدُ إربَاكِي .. فأنَا أتحاشَى النّظرَ فيهِمَا مُباشَرة , فَهُما نُقطَةُ ضَعفِي !
