المهمه(مكتمله)

تدريب

#المهمه
الحلقه ٤. ٤&٥&٦
👑استغفر الله العظيم واتوب اليه 👑

اميره وياسين في العربيه عشان ترجع بيتها

ياسين : اميره كنتي بتقولي عاوزه تشوفي هتعملي ايه في حياتك .. ايه اللي عاوزه تعمليه

اميره : عاوزه اشتغل

ياسين : انتي معاكي ايه
اميره : تجاره

ياسين : ايه رايك تشتغلي معايا
اميره : اشتغل معاك ازاي

ياسين : عندي مطعم صغير ولو تحبي بعد اما نخلص المهمه تنزلي تشتغلي فيه

اميره : ممكن اسالك سؤال

ياسين: اتفضلي

اميره : انت ليه بتعمل معايا كده .. صعبانه عليك يعني

ياسين :اولا انتي بتفكريني بحد عزيز عليا اووي . ثانيا انتي مش صعبانه عليا عشان انا عارف انك قويه وبتستحملي . ثالثا عاوز نكون اصدقاء يعني لو مش هتضيقي

اميره : اوك اصدقاء . بس بفكرك بمين

ياسين : هبق احكيلك بس تعالي نتغدا انتي مكلتيش حاجه من الصبح تعالي نشوف المطعم ونتغدا ونروح
اميره : اوك

راحو علي المطعم وطلبو اكل وبيتكلمو مع بعض

اميره : حلو المطعم ماشاء الله

ياسين : تسلمي .. انتي كلمتي اخوكي وماري

اميره : اه كلمتهم من يومين وقولتلهم انتي اطلقت وماري كلمتني وقالتلي خليكي قويه وقعدت ترغي شويه وبس

ياسين : اممم .. بصي انتي هتقوليلهم انك هتشتغلي هنا في المطعم عشان بعد كده هتقولي اننا اتقبلنا في المطعم وبعدين هنكتب الكتاب بعد شهور العده بتاعتك اما تخلص وهنسافر علي امريكا عندهم

اميره : اوك اتفقنا * يلا عشان عاوزه انام

ياسين وصلها عند البيت ومشي علي بيته

بعد اسبوعين من التدريب وابتدت اميره جسمها يتعود علي المجهود وكل يوم ياسين بيوصلها ويجبها وعلي طول مع بعض بيدربها

بعد شهر 🔰

كانت اميره اتعرفت اكتر علي ياسين وخالد كمان والظباط ومفيش جديد غير انها بتدرب معاه وابتدي يعلمها تمسك المسدس ازاي وتضرب نار

ياسين : اقفي والبسي دي علي ودنك عشان الصوت

اميره لبست وفي ايديها المسدس وياسين واقف وراها وبيرفع ايديها عشان تظبط الزاويا وبيكلمها وهي مضايقه

ياسين بعصبيه : انتي مش معايا ليه ركزي

اميره : ابعد شويه مش عارفه اركز منك

ياسين : ليه ابعد وبعدين ليه علي طول كده معايا . انا بعلمك

اما. اميره خايفه تضعف وتحب ياسين عشان لسه مجروحه . خصوصا انه بيعملها باسلوب حلو.