المهمه(مكتمله)

٧

#المهمه  ٢٠&٢١&الاخيره
الحلقه٢٠
👑سبحان الله وبحمده ..  سبحان الله العظيم 👑

ياسين وصل البيت وهو حزين
ياسين : امي عامله ايه وحشتيني
ام ياسين : بخير ياحبيبي .. انت متصاب ياياسين
ياسين : متقلقيش حاجه بسيطه .. المهم انتي طمنني عليكي
ام ياسين : بخير ياحبيبي طول ما انت بخير .. فين اميره مجتش معاك ليه
ياسين : هناك في البيت مع عائلته .. اكيد الولاد وحشنها .. قولت اسبها معاهم
ام ياسين : شكلك مش مطمني هو في حاجه بينك انت واميره
ياسين : لا .. ممكن تسبيني ادخل انام

قبل اما امه ترد كان قام ودخل علي اوضته قلع الجزمه وبيفتكر اميره .. وضحكتها الغمزه اللي في خدها اللي ببعشقها . عنيها وجمالهم .. كل حاجه فيها .. بيحاول يقلع هدومه مش قادر افتكر قبل ما يخرج من المستشفي كانت بتلبسه القميص  عشان متصاب وهو بيرخم عليها وبيبوسها.. ضحك بحزن .. كانت حنينه معه ازاي تقسي عليه كده .. نام علي السرير بالهدوم

اميره قاعده سرحانه في دنيا ياسين .. كل حركه وكل لمسه ضحكته   .. كل ده كان تمثيل ازاي .. قلبها في وجع منه .. ازاي سبها ومشي .. كان المفروض يخدها معاه .. هي بتحبه .. طيب هو تعبان مين اللي هياكله .ومين اللي هيلبسه .. لا مش لازم تفكر فيه هو خلاص استغني عنها .. لازم تنسي
قامت علي اوضتها عشان تنام

عدي يومين والامور زي ماهي ياسين هيموت علي اميره
واميره هتموت عليه مش بتاكل وعلي طول سرحانه

ام اميره : يا بنتي بكلمك ردي عليا .. قومي كولي بقالك يومين مبتكليش
اميره : مش عايزه اكول سبيني .. انا عايزه اموت
ام اميره : بعد الشر عنك يا حبيبتي .. اهدي كده واحكيلي مالك
اميره حضنت امها وعيطت : وحكت علي الاتفاق اللي بين ابوها وياسين .. وقالتلها انها بنحب ياسين .. بس هو شكله مبيحبهاش وهيطلقها زي ما اتفق مع ابوها
ام اميره : يا حبيبتي متعمليش في نفسك كده .. ده اما عمر طلقك معملتيش كل ده
اميره : عمر كان خاين .. هو كل يوم كان بيقتلني بخيانته .. مكنش مهتم بيا ..انا مكنتش فارقه معه
بس ياسين بيهتم بيا .. اتصدقي كان هيموت عشاني ... 
مش بيزعلني .  عمره ما ضربني ولا فكر يأذيني
ام اميره : اهدي يابنتي . وانا هتصرف هتصل بام ياسين واكلمها ..
اميره : لا يا ماما سيبيه مش هتضغط عليه

ابو اميره كان واقف علي الباب وسامع كلام اميره لامها
دخل عليهم وبصلها بشر 
ابو اميره  بزعيق: بقولك ايه انتي هترجعي لعمر غصب عنك .. وياسين ده متفكريش فيه تاني فاهمه
اميره : انت بتقول ايه انت عايزني ارجع لعمر اللي كل يوم بيخوني .. انت راضي عليا بكده
ابو اميره : اه هترجعي وتعيش معاه عشان عيالك .. انا عمري ماكنت هخليكي تطلقي منه .  بس انا عملت كده عشان اخوكي .. كان لازم تتجوزي الزفت ده
اميره : انت ازاي بتفكر كده .. انا مش مهمه عندك .  ده الغريب كان بيخاف عليا اكتر منك . 
ابو اميره : اخر كلام .  انا هتصل بياسين يجي يطلقك وبعد العده هترجعي لعمر تاني غصب عنك
اميره : مستحيل موتني احسن .. انا هلم هدومي وامشي من هنا واخود عيالي .. مش هقعد هنا ثانيه واحده .. وعلي فكره حتي لو ياسين طلقني .. انا مش هرجع لعمر ..