المهمه(مكتمله)

٦

#المهمه.        ٦&١٧&١٨&١٩

الحلقه ١٦

👑 سبحان الله وبحمده ...سبحان الله العظيم 👑

اميره : لا.. كده كتير.   اتاخر قوي .  انا هنزل .. لازم اعرف حصل ايه    
. ..
احمد كان متوتر وخايف بس ساكت .. بيراقب الموقف بهدوء

خالد مسك ايديها : مفيش نزول انتي كده بتعرضي حياتك للخطر .. ياسين بيعرف يتعامل كويس مع الموقف

اميره بنرفزه : انت ازاي هادي كده ده صحبك

خالد : ١٠ دقايق كمان لو مجأش انا هدخل مع الفريق وهعرف اخرجه .. 
اميره وخالد واحمد. وكل الفريق مستنين ياسين
عند ياسين

ياسين : نعم مستر مارك

مارك : انت غبي مستر ياسين .. لقد عرفت من انت
. 
ياسين بنظره سريعه لمح عدد الرجال وبدأ يتعامل مع الموقف بكل جديه .. واحد كان ماسك المسدس وواقف وراه ..
لف بسرعه وخبط ايديه وخد المسدس منه وضرب الراجل التاني بالرجل وفضل يضرب نار وبعدين لمح نجفه كبيره في المكتب ضرب فيها نار وقعت في نص المكتب وفي لمح البصر كان ياسين اختفي من المكتب

جري علي العربيه
اول اما اميره لمحته جريت عليه وحضنته 

ياسين : يلا مفيش وقت احنا اتكشفنا
خالد : معاك الحاجه

ياسين : السيديهات معايا والميكروفيلم
العربيه اتحركت بسرعه علي مكان تاني غير الفندق
نزلو في مكان شبهه مهجور

ياسين : مفروض نسافر لمصر في اقرب وقت عشان طول ما احنا هنا معرضين لخطر

خالد : الاول استريح وبعدين الشرطه هنا هتتوصل معانا وتساعدنا في المقابل عايزين نسخه من السيديهات

ياسين : موافق بس الاول نكون في مصر بأسرع وقت .. خالد عايزين هدوم غير دي ليا واميره واحمد

خالد : هبعت صقر يشتري هدوم واكل
ياسين : بسرعه .. انا داخل لاميره

ياسين دخل لاميره اللي كانت ماسكه في ايد احمد وقاعدين ساكتين .. ياسين فهم انهم خايفين

ياسين بضحك : مش قولتلك ياعم بطل تمسك ايد مراتي

احمد : هو ده وقت هزار .. وبعدين دي اختي ..

ياسين شاور لاحمد يخرج عشان يقعد مع اميره شويه .. احمد فهم وخرج لخالد

ياسين  حضن اميره : اميرتي .. ساكته ليه

اميره : كنت خايفه عليك اووي ياياسين . متخيلتش ان الموضوع صعب كده

ياسين بهزار :  الوحش راح فين .. ده انا كنت ابتديت اخاف منك .. عامله تقولي انا قويه وانا جامده وفي الاخر طلعتي بؤ
اميره : انا خايفه عليك انت واحمد .. مش مهم انا

ياسين : انتي اهم عندي من العالم كله .  ازاي انتي مش مهم .. وبعدين عايزك قويه .. انا بستمد القوه منك .  مش عايز اشوف ضعف .. عايز اشوف اسد .  بطل جامد .. وبعدين عايزين نخلص ونرجع مصر بقي .  عشان في كلام كبير هيتقال

اميره ضحكت : احنا في ايه وله ايه ..