قصه صدفه القدر ....
البارت 3 .....
بابا كال حضري نفسج بعد يومين العقد ....
تعبت نفسيتي بس شسوي هذا قدري وكولشي مكتوب ...
رحت لميت غراضي صارو 3 جنط ملابس وجنطه غراضي مكياج واكسسوارات وهيج ... رحت قبل يوم من العقد حفيت وجهي بس اي فرحه ماكو ... حضرت فستان بيجي مال محجبات للعقد وشال يوالم ويا .... ونمت وحسيت بالليل رنا نامت يمي وحضنتني ...كعدت تقريبا ساعه 10 صبح غسلت وبدلت باوعت لغرفتي الله ... ودعتها ونزلت ... ودعت اهلي وضليت ابجي ورنا موتت نفسها .... شلعت نفسي منهم ورحت صعدت بالسياره .... علي وبابا حيوصلوني .... تعبااانه
ليش هيج اتحملت ذنب غلط مو غلطي .... فتنه من يم الكليه للحظه ردت ابطل بس خفت ع بابا لان انطاهم كلمه .... بابا كلي ديري بالج ع نفسج هناك وشال مبلغ بعلاكه وانطانيا وكلي هذني مصروفج بابا .... الطريق طويل نمت شويه فتحت عيني ع علي يكعدني ...
علي... يلا روني حبيبتي كومي وصلنا ....
رونق... نزلت وطبينه لبيت جبير وحلووو كولش بي بابين باب ع المطبخ وباب ع الديوان الي يكعدون بي الزلم ... فتت للمطبخ لكيت مره بكد ماما تقريبا ... وبنيه شابه اصغر مني لابسات اسود كلت .... السلام عليكم ....
ام عبدالله .... وعليكم السلام انتي الفصليه موو؟ ...
رونق... اي اني ....
سوسن... نورتي البيت خيه تفضلي ...
ام عبدالله .... تعالي تفضلي يمه ....
رونق.... فتت وماعرف احد....
ام عبدالله .... سوسن وديها لغرفتها وساعديها تصعد الجنط وتعالن بسرعه علمود العقد ....
سوسن.. صار يمه ... يلا عمري تعاي ....
رونق... طلعت جبت جنطي وفوتناهن وصعدناهن فوك وحطيتهن يم باب الغرفه انطتني المفتاح وكالت بعدين صعدي رتبي هدومج هسه لازم ننزل نزلت وياها... لكيت بنيه شابه وبعد مره بس صغيره يعني تطلع 34 او 35 هيج بس هم مبينه حبابه ووحده شايله طفله ترضع بيها ومره جبيره بالعمر ...
الحجيه ...جاا انتي العروس يمه ...
رونق... اي بيبي اني ....
الحجيه... تعاي يمه تعاي ابوسج...
رونق... رحت يمها بوستها وحضنتها .... وضلت تصلي ع النبي .... الى ان اجتي المره الي شفتها بالمطبخ يصيحولها ام عبدالله ...
ام عبدالله ..يلا يمه كومي يريدج السيد...
رونق .... كمت ودموعي تجري ... حسيت نفسي راح انعدم مو اعقد ... كعدت يم الباب والسيد يردد واني اردد بصوت مخنوك ... تم العقد واني انهاريت. ...
سوسن.... ع كيفج حبيبتي كومي يلا اوديج لغرفتج ترتبين ملابسج اهدئي لتسوين بنفسج هيج ....
رونق .... لا اريد اودع بابا...
سوسن ... روحي للحديقه هسه يطلعون وسلمي عليهم ...
رونق .... طلعت مثل مكالت وشفت بابا حضنته رحضنت علاوي وسلمو عليه وطلعو واخذو روحي وياهم ...
سوسن... حبيبتي كومي اصعدج لغرفتج لتنقهرين ...
رونق... اخذتني للغرفه .... بدلت ملابس بيت دشداشه سوده ... احتراما الهم ... طلعت ملابسي كلهن ... الكنتور 5 بيبان ... بالاولى حطيت ملابس البيت العاديات فوك والزينات جوه وفوك مال الشتاء. .... والثاني علكت الجاكيتات والملابس الرسميه وجوه صفطت الاحذيه ( تكرمون) .... كملت كل ملابسي اخذت بس 3 خانات ... بقن 2 عفتهن فارغات .... رحت لميز التواليت عدلته وحطيت كل غراضي ورتبت بالمجرات .... رحت للحمام حطيت الشامبو والمكيف والغسولات كلهن والمنشفه ... علكتها وحطيت روبي مال الحمام وعطرته وعطرت الغرفه وطلعت الشبشب مالتي ماعرف امشي بالبيت هيج .... صار المغرب واني ارتب سمعت الاذان توضيت وصليت ... رحت للفلوس مال بابا ... حسبتهن طلعن مليون ونص شلتهن ضميتهن ... لكيت علاكه سووده .... فتحتها لكيت ورقه وحلووييات كوومه نساتل وجبس وهالسوالف وككوو كوومه وعصاير فتحت الورقه... مكتوب..... ( من تفتحين العلاكه يعني انتي ببيت رجلج .... اني رنا وهذني مني وراح ادعيلج بالتوفيق ... احبج)
متحملت... بجيت .... كمت غسلت وجهي وحطيت شال اسود ودا انزل وشفت سوسن كلتلي لتطلعين تعالي اعرفج ع العائله ونزلي بعدين .... رجعنه طبينه ... جبتلها نستله والي هم ...
رونق... ههه ماعندي شي اضيفج ...
سوسن... حبيبتي بنت اصول متقصرين ...
شوفي انتي شنو اسمج ....
رونق ... اسمي رونق ويدلعوني روني ....
سوسن.. عاشت الاسامي واني سوسن ...
رونق... اسمج حلووو ....
سوسن ... انتي هم حلوه شوفي خلي اعرفج ع الكل حته تعرفين تتصرفين ...
رونق ... تفضلي ...
سوسن ... شوفي حبي العجوز الي سلمتي عليها هاي بيبيتي ام ابويه ... ابويه حان شيخ عشيرتنه هنا وانطاج عمره قبل 6 سنوات ... وامي المره الي شفتيها بالمطبخ .... اكبر اخواني هو الشيخ عبدالله ... عمره 42 .. متزوج بنت خالتي تماره .. حبابه بس عندها نوع من الانانيه ... وعندهم ثنين بنات اصغر مني بسنتين ( ريماس ورفل) وعمرهم تقريبا 16 وولد واحد اسمه حسن عمره 22 .... ورا اختي سهى عمرها 32... متزوجه ابن عمي كريم ... وعندها ولد اسمه احمد عمره 15 وبنيه تبارك عمرها 8 وهسه جابت بنيه عمرها 7 اشهر اسمها رانيه ... وراهم اخويه يسار ... الي هو رجلج ممتزوج وعمره 27 كليه طب اسنان جامعه بغداد ... بس تارك هواي ورجع هو ... حباب بس عصبي وميرضه بالغلط ابدد ... ورا اخويه عامر. ... الي انطاج عمره بالحادث .. الله يرحمه ويغفرله بس جان ساقط هواي ومحد مسيطر عليه ويسار جان مبتلي بي بس الله اخذ امانته ... ورا اني توئم ويا اختي ساره ... واني سادس اعدادي اني ادبي وساره علمي ... وهاي عائلتنه
رونق... الله يحفضكم حبي .... شكرا لان حجيتيلي عنكم ...
سوسن... تتدللين ويلا امشي نكرب للعشاا ....
رونق... اوكي امشي... نزلنه سوينه عشه سلمت ع البنات وتعرفت عليهن عن قرب ساره ميته مني ومتحبني عكس سوسن ... تعشينه كولنه سوه مادري ليش حسيت اللمه مالتهم حلوه .... للليل طبيت للغرفه سبحت وبدلت ونمت
أنت تقرأ
صدفه القدر
قصص عامةمشهد .. امشي لج تضحكين عليه وعبالج اصدكج مثل كل مره هههههه ضحكتيني .. لا عفيه والله ما اجذب صدكني حباب. ولا كلمه تره ادفنج هناا ... لججج ليش هيج تجازيني شسوويت مو دللتج مو عزلتج حته عن اهلي وهيج تسووين اليوم محد يخلصج هه واني اكول الله يحبني وانطا...
