صدفه القدر

البارت 2

قصة صدفه القدر ...
البارت 2...

فزززييت ..... استغفر الله ... شربت مي يمه والله يخوف هالحلم...
شفت الساعه صارت 7 كمت ركض بدلت ونزلت ... ورحت للكليه وهم مموجود شسالفه ... صارله اكثر من 15 يوم ماكو .. شويه وشفته لابس اسود وتعبان باوعلي وابتسم رغم مبين بي شي رديتله الابتسامه ورحت وي صديقاتي ويومي صار يجنن لان شفته ... رجعت للبيت واني ابتسامته ما انساها ...

سمعت بابا( شسوي يا عيني متكوليلي اتصلوا وكالو تعالو بالليل اليوم الكعده تاخرنه هواي واميد انور ما اخذه يرحون يكتلوه ...)

دكيت الباب عليهم وفتت ... السلام عليكم ...
بابا وماما ... عليكم السلام
رونق ... بابا صدوك اليوم الكعده مال انور ...؟
بابا... اي حبيبتي لتخافين ميكدرون يسوون شي ..
رونق ...  تره مو صغيره شنو ميسوون شي ترا كاتل ابنهم ومكسر ابن عمهم شتريدهم يسوون
بابا..اهدي يمعوده لتوتريني اكثر اني خابرت كرايبي وراح نروحلهم اليوم وكافي نفاولين علينه
رونق... شفته عصب رحت بدلت واكلت وكعدت ادرس وتذكرت ابتسامته اوووف يكلبي ضحكت ع رووحي من صدوك ههه .... بالليل كوولش رجعووو اني ورنا نريد بس نعرف شكووو ...

رنا... ها بابا شصارر ...
بابا.... صفن وكال يردون فصليه وفصل 15 مليون لابن عمهم المتكسر لان حالته تعبانه كولش ويمكن مراح يكدر يمشي بالمستقبل ...
رونق... شنو فصليه ومن تجيبون وحده تروح ... اووف يربي..
بابا... مادري روحو نامو يلا ...
رنا... بابا شبيك ... زين شكد انطوكم مهله؟....
بابا....3 ايام ..
رونق.... الله كريم يلا تصبحون ع خير ...
كعدت من صبح علمود الكليه كلي بابا لترحين اريد احاجيج ورنا هم مخلاها تروح ...

وجمعنه ورا الغده كلنه ( انور وعلي ورنا واني وماما)

بابا... اسمعوني كلكم ... يردون فصل 15 مليون عادي ماعندي مشكله راح ادفع بس فصليه منو الي اوديها ....
لا عندي خوات ممتزوجات ورنا متزوجه ...

رونق... بابا مو بنت عمتي عمرها 32 وممتزوجه ليش متنطيها
بابا .... ميصير مو بكيفي هي اني مو ولي امرها ...
رونق بابا ... ترحين انتي؟

علي... بابا شنوو تخلي رونق تروح فصليه لا مستحيل اختي شلون اخليها تنذل وتخسر حياتها ...

انور... بابا خليولون اني اسلم نفسي الهم بس رونق متروح

رونق ... يحجون واني بصدمه ... معقوله اروح واخسر حياتي كليتي وعيشتي وااعيش بحياه مختلفه وبيئه غير بيئتي شلووون؟

رنا... بابا حرام والله هي شنو ذنبها وتروح ...

بابا... ماكو غير حل يلا تقبلين اخوج يموت ....
لو رونق تروح هناك فصليه لو انطيهم انور يكتلوه ....

رونق ... من سمعت هيج بجيييت حييييل ..... بكلبي الم قووي شلون دراستي واهلي وعيشتي والاهل خسرت الولد الي احبه بكلبي وبالسرر صعبةة بس شفت ماكو خيار مستخيل اخلي اخويه يموت ...

رونق.. بابا اني موافقه ارووح ...
ماما... لج انتي خبله؟ ...
بابا ... عوفوها لتضغطون عليها كافي ... كومي باباتي ارتاحي وباجر نحجي ...
رونق... صار. .... طبيت للغرفه وياريتني ماطبيت ... بجيت بحي بحياتي مباجيه مثله .... لييش هيييج انظلم بسبب غلط اخويه اني شنوو ذنبي ... صعبه اسلم اخويه للموت ...
وصعبه اسلم نفسي واخسر كولشي ... اخير شي استسلمت وكلت اروح ورافعه راسي واطلع ورافعه راسي ماكو حل ويمكن يطلعون زينين ... الله كريم ... حاولت ازرع افكار زينه براسي .... ثاني يوم من صبح اجتي رنا ...

رنا ... لج تحجين صددوك خبله انتي...
رونق .. لعد شسوي ولج اعوف اخويه يموت ؟ كولي شسوووي...
رنا... بجت وبجيت وياها وكلتلها خلص لعددد انزلي لامي تريدج ...
رونق .. مسحت وجهي وغسلت ونزلت .. كبيت للغرفه بس ماما
رونق... ها ماما شنو ردتي ...
ماما ... اكعدي وخليني اسولف وياج ولتقاطعيني..
... رونقتي انتي وافقتي تروحين فصليه ...
روحي بس اريدج ترفعين راسي بتربيتج المره لازم تكون صبوره اصبري واذا اذوج اصبزي واتحملي وصيري خوش بنيه وارفعي راس اهلج وابوج الجابج ... يمكن من يشوفوج زينه يصيرون زينين وياج ويمكن همه بالاصل زينين لتستسلمين ابد والراح تاخذي راح يصير رجلج ديري بالج عليه وداري واعتبري متزوجين عادي مو فصليه ...

رونق ... بجيت وخليت راسي بحضنها ... وكلتلها ...تدللين ورحت لغرفتي ... بابا وافق ع الفصليه وانطاهم فلوس وكلي حضري نفسج بعد يومين العقد ......