*• فـي مَـهـب الـرِيـح •*
للكاتبة #ام_الگيمر
~~ البارت الأول
هلاو حبيباتي مشتاقتلجن رجعتلكم من بعد غيابي الطويل بقصه تجنن و مختلفه كولش عن كتاباتي السابقه
.....
😏 يلا داده ام الكيمر شوكت تكملين و تخليني احجي
😁 معميلاتي طاك كلبي عليهن يله عيني بلشي احجينه 🙈
كولش متحمسات معميلاتي للقصه الجديده
☺️ فدوه الج و لمعميلاتج حبيبي اكيد تعجبهم ان شاء الله
هلاو معميلات ام الكيمر 😁
اني اسمي روان عمري ١٨
مواصفاتي عادي كأي بنيه ما ابالغ ابدا طولي ١٦٨ وزني ٦٥ شعري طوله وسط اسود و اني بيضه و عيوني سود شكلي عادي مقبول لاعيون خضر ولا شعر اصفر مثل البطلات الباقيات بالقصص اني اخر العنقود لاهلي عندي اخ واحد اسمه رائد واخت جبيره اسمها رانيه و امي ربه بيت عمرها ٤٠ و بابا عمره ٥٠ 😭
عائلتنه بسيطه وكلب ع كلب لانو مالنه غير احد اهل امي بالعماره وميجون خوالي وخالاتي بالسنه مره نشوفهم يعني علاقتنه محدوده وياهم احنه عايشين بغداد واهل بابا عمامي يمشون بحجي نسوانهم شيكولن الهم ينفذوه بابا متقاعد عسكري ومريض عده سكر وضغط احنه كاعدين بايجار ب٣٥٠وسحب كهرباء ونت فالراتب يطير قبل لانستلمه نداين عليه بس حامدين الله وشاكري واهل الخير ميقصرون يصبرون ع بابا كل شهرين يله ندفع فلوس كهرباء لانو التقاعد كل شهرين والعيشه مدبريها بالكوه اخوي مرحله رابعه اداب انكليزي ويشتغل بالعطله عماله وبالكوه كمل الكليه لانو حالتنه تعبانه واختي مرحله رابعه تربيه بنات ومخطوبه خطيبها يدفعلها خط ومصرف وخطيه ممقصره ويانه من ينطيها تقسمه بينه لانو اني سادس علمي بابا دومه يوصينه بالدراسه يكول حتلو اموت حموت مرتاح انو وصلتكم بهيج مراتب صح ماكو تعيينات بس دراسه تفيد اني سادس ودراسه صعبه بس شاطره صديقاتي داخلات مدرسين خصوصين من يرجعن من كل محاضره يدزلي شكتبهون الاستاذ واطلع باليوتيوب استاذه يشرحون كولش احب الدراسه اني وختي واخوي عمرنه متبطرنه لو شتكينه بالعكس حامدين الله وشاكري لانو بجال اهلنه وصلنه لهيج مرتبه بالدراسه اختي بلشت متحانات هي واخوي واني هم بلشت اقره لامتحانات نهائيه خلصو متحانات رائد ورانيه وخطيه متخليني انضف لو اسوي شى كله هي تعوفني اقره بلشت هي تحضر بنيشان وتجهيزات العرس ويه خطيبها سجاد خوش ولد وابن اوادم ابن صديق بابا وصديق رائد وياه بالكليه وبنفس منطقتنه ناس حالتهم زينه وخطيه مقصرو ويه رانيه كولش احبها رانيه حبابه ولطيفه واجتماعيه عكسي اني انطوائيه ع كد السؤال اجاوب وماحب اختلط بس بصديقاتي محددات واهلي حتى كرايب ماختلط وياهم جنت عايشه بقلق وتفكير وخوف ماطلع منتضره متحانات ونفسيتي تعبانه وشكلي يخوف حابسه روحي بالغرفه بس اقره وفوكاها اني محافه ابدا ماما متقبل بس شواربي احف وحاجبي ترتيب بسيط لانو نسوان عمامي حيايه يسون افلام ميحبن امي فيطلعن حجي اذكر مره شافني مخليه حمره ورديه بالبيت هم مطالعه راحن لامي يكولنلها بتج طالعه عينها مينجرعن حيايه ااخ منهن مال حرك 🔥اني البس بطرون وقميص طويل او تنوره وقميص حسب لبسي بسيط وماعدي هواي ملابس بنات عمي من يعتكن ملابسهن يطنهن النه اني ورانيا وننقهر حيل لانو يشفقن علينه واول مناخذهن ننطيهن لناس فقره ومنلبسهن ابدا طلعت نتائج رانيا ورائد ناجحين وبتفوق سويتلهم كيكه بالبيت وزينتها وشغلتلهم اغاني وكمنه نركص بس فرحتي جانت ناقصه انو انجح من السادس واحقق حلم بابا اصير دكتوره طب عام واتعين وادلل اهلي واعوضهم عن كلشي بقى شهر ع الامتحانات وزواج رانيه بعد اسبوع حضرنه كولشي واني اجرت نفنوف طويل وصلوخ للحنه سوينه حنه بسيطه بس عماتي وصديقاتي وصديقات رانيه وخالاتي هنه اربعه اجني وبيبتي ام ماما لانو بيبتي ام بابا متوفيه طلعت اجنن خليت مكياج اني بالبيت ولبست الفستان لانو اخت سجاد راحت ويه رانيا للصالون اجت رانيا بال٤العصر طالعه تجنن حبيبت كلبي وتلكيتها بهلاهل وهوسات واركص واجا سجاد واهله وموسيقى كولش حلوه الاجواء جانت واحلى شى شفت اشون رانيه وسجاد فرحانين الله يديم الفرحه عليهم حناها وشويه وراحو واني بقيت اهز باتن خالاتي وعماتي يمنه وبيبي كملنه تعزيل وتنضيف البيت الساعه ب٢بليل متت تعب دخلت اتمدد لانو ورايه كعده صبح اني اروح ويه رانيا للصالون حلبس بطرون وقميص كولش مرتبات ونازكات جنت دارتب بالغرفه ودخلت رانيه وكعدنه نبجي شون حنتفارك رانيه حيل قريبه عليه وموبس خوات لا صديقاتي كولشي نحجي لبعض وامنه صديقتنه كولش شويه ونمنه لانو ورانه كعده ب٨الصبح كعدنه حضرنه ريوك واجا سجاد ودانه للصالون اني ورانيه خطيه جبتلها لفات تاكلهن لانو حتموت من الجوع الصالون عدها كومه عرايس للاربعه يله خلصتها واجا رائد اخذنه من الصالون رانيه خابرت سجاد كلها بالطريق جايين وصلنه للبيت هلاهل وجكليت وهوسات تلكنه عماتي وخالاتي وبيبي وامي كعدت رانيه بالهول واني بديت اركص بالنص هزيت هز مصاير فرحانه لرنوشه هواي وبنفس الوقت كلبي يوجعني ع فراكها رانيه اختي وصديقتي وكولشي .......
يتبع..
#ام الكيمر_اسفه بس عندي شغل ومكاعده بالبيت
كل يوم انزل بارت انشالله وطويل مو قصير حتى تابعون القصه وان شاء الله تعجبجن معميلاتي حبيباتي
