في مهب الريح

البارت الحادي عشر

#ام_الكيمر

#الناقلة_حوري

*• فـي مَـهـب الـرِيـح •*

#البارت الحادي عشر

مر عشر ايام بعد الامتحانات وعلي بالدوام خطيه تعبان يخابرني من يكمل شغله باليل ومرات نسهر ومرات لا علاقتنه حلوه وبده لحد هسه يكلي بنيتي وصدك احس بحنانه من اشوف عيونه تلمع حب ولهفه اليه

جنت كاعده داراسل صديقاتي وكالن نتائج اطوها باجر روحي..

خابرت علي ارجف وخايفه من صدك اخاف وابجي مجاوبه بس رهبه النتائج متتفسر خطيه عاف شغله وكعد يشاقه وينكت عليه ..

باعي ولج بس ترسبين ابطلج 😂😂😂😂😂
ياا عزه 😱😱😱😱...

اي اني كتلج وبعد بكيفج هههههه..

يبو لتضحك والله ازعل.....

بنيتي ناجحه والله ثقي بيه ...

بقيت للـ ١ بليل افكر ومقبل علي جبرني انام كعدت من الصبح هو خابرني كعدني ....

يلا يالكسوله كومي غسلي وجهج وبدلي وللنتائج بسرعه ..

سديته من علي وغسلت وبدلت ونزلت كالت رائد حيوصلج ..

رحت للكليه نتضرنه كومه اني ورائد لحد ماوصل اسمي ..

يعني واكفه بعده الاستاذ ممطيني النتيجه كمت ابجي وبالكوه لازمني رائد  لحد ما الاستاذ بابا ناجحه امتياز تقديرج ..

انوب زدت بالبجي خابرت علي ابجي عباله راسبه ههههه

علي نجحت نجحت...

فدوه لمريتي شطوره ...

رجعت للبيت ابوي وامي كولش فرحو ..

وعلي خابرني كال هديتج ثكيله بس انزل..

عرس رائد قبل عرسنه لانو علي عده شغل ميكدر ياخذ اجازه ...

شتريت نفنوف يجنن بصلي وحذاء عالي ومكياج بالصالون سويته وتسريحه بسيطه شعري طول كولش طلعت اجنن علي اجا لحنه رائد وزعل بسسب النفنوف لانو صلوخ وشعري طالع بس قنعته انو هو عرس اخوي....

خلصت الحنه واخذنه صور وكمنه نركص اني ورائد ..
صدك فرحتله من كل كلبي ورانيه مدنفشه ع الحمل ..
ثاني يوم كعدنه من صبح لبست فستان مال محجبات وتوربان سويت يخبل علي كولش عجبه..

زفيناهم للفندق ومتت تعبت من الركص 😂😂😂

وهلهولتي عاليه وعلي كلساع كارصني سكتي سكتي ..
رجعنه للبيت ميته تعب وهلكانه علي رجع اهله لبيتهم بس نسوان خواته ماحبيت تصرفهن اني وداركص يكولن لامي علي شوفي جنتج شكد خفيفه علي ميقبل هيج موعمه...
سمعتهن بأذني بس محجيت بس بداخلي متت من القهر ..