برائه مقتوله

الفصل الثامن

ثم احترقت قصتي أمام عيناي وانا أقرأ بها ولم اقدر علي فعل شئ
مؤلم جدا ان تقول انك بخير وفي داخلك تعاني الكثير
🖤🖤🖤🖤🖤🖤🖤
في صباح اليوم التالي استيقظ ادهم ونهض سريعا وقام بالاستحمام وتبديل ملابسه ثم هبط سريعا
والدة ادهم: يلا يا حبيبي الفطار جاهر
ادهم باستعجال : لا معلش يا امي انا مستعجل
والدة ادهم : فيك ايه عيونك حزينه
ادهم بابتسامة مزيفه : انا بخير يا امي سلام
خرج ادهم من المنزل وفتح باب سيارته ليجدها تجلس بالداخل جلس بهدوء واغلق الباب
ادهم بهدوء : انتي بتعملي ايه هنا انزلي
رهف : مستنياك عشان رجلي علي رجلك مكان ما هتروح
ادهم : لا انا هخرج لوحدي وانتي انزلي وخلي بالك من نفسك
رهف : طب ومالو نقعد طول اليوم هنا انت خاول تنزلني وانا مش هسيبك عطل نفسك ع الفاضي
بعد محاولات مميته من ادهم لإقناعها بتركه وحده استسلم أمام رفضها وانطلق بالسيارة ولكن بداخل قلبه كان سعيدا انها لم تتخلي عنه وشعر في وجودها بقوه وامل انطلق بسيارته الي مكان لا تعرفه رهف وصل إلي قصر كبير مثل قصره
ادهم بحزم : استني هنا دقائق وراجع
رهف وهي تسبقه بخطوات : لما تقنعها حصلني
ادهم وهو يلحقها بغضب : انتي دماغك دي ايه هتشليني
رهف : مش مهم المهم انك لما تتشل اكون معاك
صمت ادهم لأنه لم يجد ردا مقنعا ينطق به أمام سليطه اللسان هذه بعد دقيقه فتح لهم باب الفيلا
الخادمه: اهلا وسهلا ادهم بيه اتفضل
ادهم : ياسين بيه موجود
الخادمه : أيوة اتفضل وانا هديله خبر
دخل ادهم ورهف الي القصر وجلسا في غرفه الاستقبال بهدوء بعد دقائق دخل عليهم رجل كبير بالسن ولكن ليس كثيرا جلس ووضع ساق علي ساق وأخذ نفسا عميقا من سيجارته
فابتسم ادهم ابتسامه ساخرة
ادهم بسخريه : اظن انت عارف انا جاي ليه
ياسين : معنديش فكره
ادهم : جاي عايز فلوسي الي عندك
ياسين : اسف الفلوس كلها في مشاريع كبيرة في السوق استني عليا فتره
ادهم بغضب : انا افلست ومحتاج الفلوس دي ضروري
ياسين: يا خسارة زعلتني والله عموما لو بإيدي حاجه هعملهالك
ادهم وهو يمسكه من عنقه : يبقي انتو الي ورا اليله السودة دي
ياسين: ابدا والله ملناش علاقه
ادهم بغضب : اثبتلي وهات فلوسي عشان الحق شركتي
ياسين: مفيش معايا سيوله
ادهم بغضب : يبقي اعتبر الاتفاق القديم انتهي
ياسين: انت كده بتلعب بالنار
ادهم بسخريه : النار دي انا اتحملتها سنتين عشان اطول حقي ومدام كده كده مش طايله يبقي بلاها بقا
ياسين: شوفت بقا انك لو اخدت فلوسك هتبيع
ادهم بغضب وهو يغادر : انت الي بدأت يا ياسين وانت الي هتندم

غادر ادهم ورهف وفي الطريق دار حديث بينهم
رهف : انا عايزة افهم في اي ومين الراجل ده
ادهم ...... لا رد
رهف بغضب : رد عليا انا بكلمك
ادهم بغضب شديد: بس بقا اسكتي
فزعت رهف بسبب غضبه الجامح في وجهها فبكت وبكائها اشعل النار بقلب ادهم اكثر فبدأ يأخذ انفاسا عميقه ويخرجها بهدوء ويفرك وجهه بيديه لعله يهدأ قليلا
ادهم محاولا تمالك أعصابه: ممكن تبطلي عياط وهننزل علي اي كافيه وهفهمك كل حاجه
رهف بدموع: حاضر
انطلق ادهم بالسيارة مجددا وبعد قليل توقف أمام احدي الكافيهات وهبط من السيارة بصحبتها وجلس معها داخل الكافيه
الجرسون : تتطلبو ايه حضراتكو
ادهم : واحد قهوة مظبوط وهات اي عصير فريش
الجرسون وهو يغادر : تمام
ادهم بابتسامة رغم الالم في أعماقه : ها يا ستي عايزة تعرفي ايه
رهف : مين الراجل ده وايه علاقتك بيه واتفاق ايه الي كنت بتتكلم عنه
ادهم : ده ابو سيرين
رهف بصدمه: وليه بيعاملك كده
ادهم : هحكيلك من البدايه
رهف : استني عايزة اوضحلك حاجه الاول
من يومين باليل سيرين جت خبطت علي اوضه أميرة أميرة كانت نائمه فانا فتحت كانت لابسه بيبي دول مثير جدا وضحكت وقالتلي انك لسه قائم من حضنها وإنها عارفه اني بجري وراك عشان الفلوس وأنها فهماني كويس وانك عمرك ما هتحب غيرها انا وقتها قلبي انكسر بس مش مهم المهم اني عيزاك تفهم اني عمري ما كان في نيتي من علاقتي بيك الرغبه في في الفلوس
ادهم مقاطعا لها : انا عارف ان انتي مش كده وواثق فيكي من البدايه وعشان تبقي فاهمه انا عمري ما حبيت سيرين ولو لحظه
رهف : طب ايه الموضوع
ادهم : من سنتين أتعرض عليا شراكه مع شركه كبيرة جدا فرحت اوي اني هشارك ياسين الهاشمي بجلاله قدره وافقت ومضينا العقود وقررنا نعمل حفله
رهف : وبعدين
ادهم : في الحفله قابلتها وعرفني عليها وقال إنها بنته وفضلت طول الحفله لزقالي وهمسات ونظرات
رهف : كمل يا ادهم
ادهم : بعد الحفله باسبوع ابوها جالي الشركه وعرض عليا اننا نقوي الشراكه اكتر بجوازي من بنته انا شوفتها بنت جميله وكويسه وقولت ومالو مفيش مشكله أن الاوان استقر عملنا خطوبه صغيرة وبعدها بشهر عملنا فرح كبير مصر كلها اتكلمت عنه
رهف : سكت ليه كمل
ادهم بهدوء مرعب : يوم الفرح قولنا هنقضيه في يخت وبالفعل انا وهي والبحر والنجوم وبس
رهف : قتلتني كمل يا اخي
ادهم وهو يكز علي أسنانه: طلعت مش بنت
رهف بصدمه: ينهار اسود
ادهم : يومها فضلت للصبح احاول اعرف منها مين وفين وامتي مجاوبتش محبتش اهين رجولتي اكتر واضربها استنيت للصبح ورجعت اخدتها وروحنا علي ابوها عرفته طلع القرني عارف كل حاجه وكان بيلبسني قولتله نخرج بالمعروف لوي دراعي بفلوسي الي عنده انا مشاركه بمليار ونص مليون ع أساس أنه بيأسس شركه كبيرة وهتبقي النص بالنص روحت المكان الي وراهولي علي أساس أنه مقر الشركه الي بيتبني هههههههههههههههههههه طلع مش بتاعه وطلعت انا اكبر مغفل في التاريخ وطبعا عشان فلوسي ترجع كان لازم استحملها فضلنا كده في بيت واحد لكن مفيش معامله غير لما بنكون قدام الناس أو في ضيف عندنا
رهف : زي ما كنتو بتتعاملو مع بعض عشان انا موجوده
ادهم : بالظبط من يوم ما شوفتك وقلبي دق اول مره عاملتها كويس شويه ع أساس اشغل تفكيرها عنك
رهف : انت بتخاف منها ليه
ادهم : مش خوف منها كان خوف عليكي مر علي جوازي منها سنه وكان في حفله كبيرة جدا فيها رجال اعمل كتير وكان لازم نحضر الحفله ولما بدأت الرقصه كان في بنت اعرفها مديرة أعمال رجل اعمل تاني بس علاقتي بيها كانت شبه صداقه طلبت مني نرقص وقومت رقصت معاها وطول الرقصه كنا بنضحك وبنهزر وهي كانت بتراقبنا بعيون زي الصقر وبعد الحفله نزلت اطلع عربيتي وكان ابوها معايا والبنت دي كانت مروحه واتفاجئت بعربيه ضربت البنت بقوة وغل وغضب طيرتها ونزلت ع الرصيف براسها وفي اقل من دقائق ماتت وصاحبه العربيه كانت سيرين هانم وطبعا ابوها لزق الموضوع في حد تاني ومقدرتش اعمل حاجه لان الراجل الي شال الليله كان معترف علي نفسه هههههههههههههههههههه يعني سواء سكت أو اتكلمت مفيش فايدة وفي النهاية قولت خليك مستحمل لحد ما تاخد حقك مدام كده كده مقدرتش تجيب حق البنت الي ماتت متضيعش حقك انت كمان ومن بعدها العلاقه سائت بينا اكتر وزي ما انتي شوفتي اي حد بيقرب مني بتأذيه عشان كده قررت اخدك معايا كل يوم خوفت عليكي منها
رهف 😳😳😳😳 انا بحلم
ادهم : لا ده الواقع بس انتي الي قلبك ابيض اوي يا رهف
رهف : طب ليه مبتخافش علي اهلك منها
ادهم : هي مبتفكرش في اهلي هي بيحرك عقلها اي بنت بتعيش معايا حاجه هي اتحرمت من أنها تعيشها معايا يعني انا بحبك ومبحبهاش هي كده شايفه انك اخدتي حقها الي انا من البدايه حرمتها منه
رهف : يعني انت مقربتش منها من يومين
ادهم : لا بالفعل استجابت لاغرائها بس مش عشان اغرتني أو حركت احساسي لا كنت بس بلهيها عنك ولما ملقتش نتيجه رجعت زي زمان
رهف : طب وانت تفتكر أن هي أو ابوها الي ورا الحوار ده
ادهم : مليش أعداء غيرهم وراجل اعمال منافس ليا واكيد حد منهم الي عمل اليله دي
رهف : طب والحل ايه
ادهم بتعب : بجد مش عارف مش الاقي حل الصفقه دي انا حطيت فيها كل فلوسي لان الشركه طلبت كميه مهوله من منتجاتنا وكانت دي تعتبر خبطه العمر وفعلا كانت خبطه ضيعتني انا
رهف : طب مينفعش تاخد قرض
ادهم : مفيش بنك هيطلعلي المبالغ دي
رهف : طب قوم نروح ونقعد علي رواقه في المكتب ونفكر سوا
انطلق ادهم بسيارته عائدا الي منزله
🖤🖤🖤🖤🖤🖤🖤
في غرفه بمنزل بسيط كان يجلس بحزن
منار وهي تقتحم خلوة والدها : انت هتفضل كده لامتي
محمد : اعمل ايه يعني
منار : دور عليها
محمد : ادور فين انا خلاص ضيعتها
منار: عمي علي اكيد عارف عنها حاجه
محمد وهو يغادر الشقه بسرعه : عندك حق يا قلب ابوكي
هبط محمد الي منزل شقيقه وضرب الجرس وبعد قليل فتح له علي الباب
علي : خير
محمد بحزن : مش هتقولي اتفضل
علي : بصفتك ايه
محمد : اخوك
علي : قولتلك يو م ما كسرت قلبها لوعملت الي في دماغك لا انت اخويا ولا اعرفك وعملته جاي تدور علي اخوك ليه
محمد : طب عشان خاطري طمني عليها انت اكيد تعرف عنها حاجه
علي بسخريه : ايه حسيت بيها بعد ما رميتها
محمد : ابوس ايدك ريحني
علي بغضب : لو بقي عندك ضمير فأنا هقولك الي عندي لسبب واحد بس عشان ضميرك يوجعك اكتر كل الي أعرفه أن رهف بتشتغل خدامه
محمد بصدمه خدامه فين
علي : مقالتش عشان مش عايزة حد يشوفها وهي بتهين نفسها
محمد : يعني ايه
علي وهو يغلق الباب : يعني اتعب ولف الشوارع ودور علي الي ضاع منك يمكن تلحقه ولا تلاقيه
اغلق علي الباب وظل محمد واقفا مكانه مصدوما مما سمع الهذه الدرجه كان قاسيا عليها ففضلت أن تكون خادمه علي أن تعود إليه حقا لقد خسر الكثير
🖤🖤🖤🖤🖤🖤🖤
وصل ادهم الي منزله بارهاق شديد هبط من السيارة بصحبه رهف دخل الي منزله بهدوء ولكن الصدمه شلت قدماه الشرطه بكل مكان في المنزل
ادهم بصدمه : في ايه
الشرطي : اتفضل معانا بهدوء