برائه مقتوله

الفصل الثاني عشر

وان سألوني عنك من تكون انت
سأكتفي بقول معجزة يتمناها الجميع
وانا من حظيت بها
🖤🖤🖤🖤🖤🖤🖤
في صباح اليوم التالي استيقظت رهف بفرحه تملأ قلبها فاليوم هو يوم لقاء المعشوق الذي غاب عن العين وتمزق القلب من الشوق إليه نظرت في الساعه وجدتها السابعه صباحا فنهضت سريعا من مكانها غسلت وجهها وقامت بتبديل ملابسها وخرجت من غرفتها وجدت عمها يجلس بالخارج قابلها بابتسامة حانيه
عم رهف : صباح الورد البلدي علي احلي عيون
رهف: صباح الخير يا عمي بابا جه
عم رهف : لا هتلاقيه لسه نايم
رهف : تمام طيب انا همشي انا يا عمي
عم رهف: متأكدة مش عايزة حد فينا معاكي
رهف : متخافش ربنا الي حماني العمر الي فات كله اكيد مش هيتخلي عني دلوقتي
عم رهف : ربنا يسترها معاكي يا حبيبتي
رهف: يارب ياعمي طيب هاتلي الفلوس عشان امشي انا
عم رهف وهو يعطيها الحقيبه : انا عدتهم يا حبيبتي دول التلاتين الي انتي طلبتيهم والعشرة في الشنطه التانيه
رهف وهي تغادر : ماشي يا عمي متحرمش منك ابدا مع السلامه
غادرت رهف منزلها. وبقلبها خوف ورعب وحماس وشوق ومشاعر كثيرة مختلطه
🖤🖤🖤🖤🖤🖤🖤🖤
في تلك الزنزانة المظلمه كان قد استيقظ ويجلس متألما وحزينا ويتحدث بداخله معها : يا تري يا رهف ليه مجيتيش تزوريني خالص يا تري حصلك حاجه ولا انتي نسيتيني ولا انتي محبيتينيش اصلا وكنت بالنسبالك مجرد حمايه بس عيونك كانو صادقين جدا ولا انا الي غبي ياتري فيكي ايه ياالله وياتري الواطيه دي عملت ايه في أميرة يا تري أميرة استسلمت واتكسرت في غيابي ولا لسه قويه استرها عليهم يارب يارب انت عارف اني مظلوم فكها عليا بقا
ظل جالسا تائها في افكارة
🖤🖤🖤🖤🖤🖤🖤
في قصر الادهم استيقظت تلك الساحرة الشريرة من نومها بألم شديد في رأسها من كثرة احتساء الكحول نهضت بتكاسل وتوجهت الي المرحاض ووقفت تحت الماء لعله يخفف الم رأسها قليلا بعد حوالي نصف ساعة خرجت من المرحاض وارتدت ملابسها وهبطت إلي الأسفل وامسكت هاتفها واتصلت علي المحامي وطلبت منه الحضور علي الفور
ثم جلست تشرب القهوة التي أعدتها لها والدة ادهم
🖤🖤🖤🖤🖤🖤🖤
بعد حوالي نصف ساعه في شركه الأمن كانت رهف تجلس هناك في مكتب مدير الشركة
رهف : جهزت الي طلبته منك
عاصم مدير الشركة: اه يا افندم كله جاهز بس في سؤال حسابنا مع ادهم باشا كالعادة ولا معاكي
رهف : لما ادهم بيه يخرج ويخلص الي هيعمله هيجيلك ويتحاسب معاك
عاصم : تمام يا افندم عموما الرجاله جاهزين
رهف : تمام طبعا في عربيات معاهم
عاصم : مع حضرتك خمس عربيات كل عربيه فيها عشر رجاله جاهزين ومسلحين
رهف : حلو اوي كده هما فين حاليا
عاصم : منتظرينك تحت
رهف : تمام هستاذن انا
غادرت رهف الشركه وركبت احدي السيارات وقامت بتوجيه الرجال الي مكتب المستشار العقاري بعد قليل وصلت إلي هناك وكان جاهزا بانتظارها هبطت رهف من السيارة وركبت مع المستشار القانوني وطلبت من الرجال أن يسيرو خلفها توجه الجميع الي شركه كمال بعد قليل وصلو الي هناك أمسكت رهف هاتفها واتصلت على كمال
رهف : صباح الخير
كمال : صباح الورد انتي فين
رهف : قدام شركتك
كمال : هههههههههههههههههههه ده انتي سريعه اوي
رهف : في الوقت الحالي السرعه مطلوبه
كمال : وهو كذلك دقائق واكون قدامك
اغلقت رهف الخط وبعد قليل خرج كمال من الشركه وأشار لرهف لتسير خلفه ركب سيارته وقادها متوجها إلي مركز الشرطه بعد حوالي ساعه وصلو الي هناك
🖤🖤🖤🖤🖤🖤🖤🖤
في قصر الادهم كانت تجلس بكل غرور وتتحدث مع المحامي
سيرين: انا هخليها تمضي وانت ما عليك غير انك تكتب العقود حالا علي ماهي تنزل وبعد كده تروح تسجلها بمعرفتك وتدفع كويس وتخلص كل حاجه وترجعلي
المحامي وهو يخرج اوراق من حقيبته : مفيش مشكله
قامت سيرين بالنداء علي والدة ادهم
والدة ادهم: خير يا بنتي
سيرين : اندهي ع الأمورة بنتك عشان تيجي تمضي العقود
والدة ادهم: يا بنتي الله يهديكي ليه ده كله
سيرين بغضب : اعملي الي بقوله من غير مناقشه
والدة ادهم وهي تصعد الدرج : حاضر
صعدت والدة ادهم الي غرفه أميرة وجدتها تجلس علي الفراش وشعرها مفرود بعشوائية وتنظر الي صورة اخيها وتبكي بصمت
والدة ادهم وهي تنظر للصورة بحزن: مبقاش موجود يا اميرة الي كان بيحمينا راح
أميرة بدموع : هيرجع يا امي ومحدش هيكسرنا ابدا
والدة ادهم ببكاء: الله يهديكي انا مش عيزاكي تتأذي سيبيلها الڤيلا واحنا هنشوف اي مكان تاني نعيش فيه مش عيزاها تأذيكي
أميرة بتحدي : انا مش هسيبلها تعب ادهم وشقاه لو علي موتي يارب الدنيا تولع مش هديها حاجه
والدة ادهم ببكاء وهي تتوسل صغيرتها : عشان خاطري انا اعمليلها الي هي عيزاه
أميرة بغضب شديد: لا يا امي تعب اخويا ميروحش في الاخر لواحدة زي دي
والدة ادهم ببكاء وهي تركع علي ركبتيها: يا لهوي منكو يا ولادي العند هيموتكو زمان قولتله تغور فلوسك الي عندهم سيبها تغور قال لا واخرتها رمته في السجن وانتي بردو بتقولي لا واخرتها الله اعلم هتعمل فيكي ايه ياخيبتي فيكو يا خيبتي
أميرة بغضب: ريحي نفسك يا ماما مهما يحصل مش هتنازل سمعاني مش هتنازل