برائه مقتوله

الفصل العاشر

متعب انا... مني .. من الناس .. من الحظ .. من النصيب.. من الحزن .. من هذه الروح التي ما عادت لها القدرة علي شئ ... من نبضي الذي لا يريد أن يتوقف .. من الخزلان ..من المجامله .. من الصبر .. من القسوة في قلوبهم... من الماضي .. من الغد الذي ليس له ملامح .. من الانتظار .. من الاختناق .. من الاحلام ...
🖤🖤🖤🖤🖤🖤🖤
في غرفه صغيرة بها شعاع ضوء يأتي من نافذتها الصغيرة العاليه كان يجلس في أحد الأركان ويضع وجهه بين كفيه ويفكر بكل شئ يفكر هل كان عليه التنازل عن حقه من البدايه ويتركها قبل أن تنحدر الأمور بهذا الشكل ام ان هذا ذنب الفتاه التي ماتت علنا أمام عينيه والفاعل معروف ولم يعاقب ام أن الخطأ أنه وقع في العشق يفكر بمعشوقته وكيف حالها تري ماذا فعلت سيرين معها تركتها في المنزل ولكن تعذبها وتقوم بإذلالها ام انها انتهزت غيابه وقتلها ام انها طردتها ولكن أن طردتها تري اين ذهبت ووالدها لا يرغب بها أصبحت مشردة ام ان أحدا قام بأذيتها في ظلام الشوارع يفكر بوالدته تري اهي تبكي ام انها هدئت قليلا تتألم ام هي بخير الي حد ما تري كيف حال شقيقته ابنته المدلله اهي منهارة ام انها قويه وتواجه تري ماذا فعلت تلك الافعي مع كل منهم كل هذه الأفكار كانت تدور برأسه وهو في زنزانته المنفردة وقف من مكانه ورفع رأسه ونظر من خلال النافذه العاليه نظر إلي السماء وصرخ بأعلي صوته صرخه فجرت كل ما بداخله وأاااه لو تعلمون ماذا تعني صرخه الرجل صرخه نطق بها قلبه قبل لسانه ثم ركع علي ركبتيه وبكي بشده لأول مرة في حياته يبكي بكي لأجل كل من يحبهم بكي لأجل الأرواح الساكنه بقلبه بكي بخوف عليهم ثم جلس وحاول ابعاد كل تلك الأفكار عن عقله وبدأ يدعي ويتوسل الي خالقه
🖤🖤🖤🖤🖤🖤🖤🖤
في منزل علي عم رهف
محمد : يعني انتي عيزانا نبيع كل الي حيلتنا
رهف بدموع: انا مش بجبر حد علي حاجه انا بس بطلب مساعدتكو ولو فعلا بتحبوني متتخلوش عني
علي : ياحبيبتي احنا تحت امرك وألي انتي عايزاه هيحصل حتي لو ابوكي مش هينفذ انا هنفذ
محمد : لا انا معاكو لو ده الي هيريح قلبك انا هعمله
رهف: يبقي يلا نتحرك
علي : دلوقتي
رهف : أيوة يادوب الساعه سبعه وزي ما فهمتكو كل لحظه بتعدي وادهم محبوس وأهله تحت رحمه سيرين خطر مميت وانا مضمنش تصرفات أميرة ولا اضمن رد فعل رهف
علي : تمام هناكل لقمه ونمشي علي طول

احضرت زوجه علي الطعام علي الفور وجلس اربعتهم يتناولون طعامهم تناولت رهف طعام بسيط جدا حاولوا الضغط عليها لتأكل اكثر لكنهم لم ينجحو بذلك ومن أين تأتي لها الشهيه للطعام وهي لا تدري كيف حال معشوقها انتهي الجميع من تناول الطعام ونهض ثلاثتهم وخرجو من المنزل ذاهبين الي موقف السيارات ولحسن حظهم وجدو السيارة التي ستقلهم ينقصها عدد قليل من الركاب فطلبو من السائق التحرك ودفعو له اجره الأفراد الناقصة انطلق السيارة بهم علي الفور متوجهه الي الصعيد بعد عدة ساعات قضتهم رهف بالنوم القلق وصلو الي وجهتهم وركبو سيارة أخري تقلهم الي بيت كبير القريه وقف ثلاثتهم أمام الباب وضرب علي الجرس بعد دقائق فتحت لهم الخادمه
الخادمه : إيوة من حضراتكو
علي : احنا عايزين فايز بيه
الخادمه : طب اتفضلو وانا هجول لسيدي
دخل الجميع وجلسو بغرفه الاستقبال بعد دقائق اتي إليهم رجل بشوش الوجه كبير السن
فايز بابتسامة: يا مرحب يا مرحب بالناس الزينه
علي وهو يصافحه : اهلا بيك يا فايز بيه
فايز : ايه راجل الغيبه الطويله جوي دي
علي : انت عارف مشاغل الدنيا
محمد وهو يصافحه : اهلا بالغالي عامل ايه
فايز : اهلا بيك يا راجل يا طيب
محمد : اوي صحتك يا حج
فايز : نحمده علي فضله
فايز وهو ينظر إلي رهف : بنت امل مش كده شكل امها الخالج الناطج
رهف وهي تصافحه : انت كنت تعرف ماما
فايز بضحك : انا خال المرحومه امك يا بنتي
رهف بفرحه : اهلا وسهلا بيك يا جدي
فايز : اهلا بريحه الحبايب اتفضلو علي ما الوكل يجهز
علي : لا لا كتر الف خيرك احنا اكلنا واحنا جايين بس احنا عايزينك ضروري
فايز بقلق : خير يا علي
علي : انت طبعا عارف ان انا ومحمد كل واحد فينا عنده عشر فدادين ارض
فايز : صوح يا ولدي
علي : انت قبل كده عرضت علينا نشتريهم
فايز : وانتو جولتو مهتفرطوش في الارض واصل
علي : بس احنا حاليا مضطرين نبيع الارض كلها محتاجين تمنها ضروري
فايز : أيوة بس ده مبلغ كبير يا ولدي ليه إكده
محمد : مفيش يا حج مشروع هندخل فيه مع راجل نعرفه ولو الفرصه فاتت هنبقي ضيعنا فرصه العمر
فايز : وانا ميرضينيش حاجه عفشه ليكو
علي : ابن اصول يا حج
فايز : الله يكرمك يا ولدي بص في حاجه في رأسي لو نفعت تبجي اتحلت
علي : خير يا حج
فايز : عثمان الدمنهوري من فتره كان بيدور علي أرض كبيرة عايزها لناس كبار جوي هيعملو عليها مشروع اني هروحله واتحدث وياه هو يشتري ارضك وانا اشتري ارض محمد وإكده تبجي اتحلت
محمد : عفارم عليك يا حج انا كنت عارف انك هتحلها
فايز : طب جومو نروحله علي ما الغدا يجهز ورهف تجعد ويا الحريم
علي : يلا بينا
فايز وهو يقوم بالنداء علي ابنته : يا هنيه هنيه
هنيه بخجل : أيوة يابوي
فايز : دي رهف يا بنتي بنت عمتك امل الله يرحمها خديها تجعد معاكو علي ما اروح مشوار وارجع
هنيه : حاضر يا ابوي يلا يا رهف تعالي معاي
غادرت رهف لتتعرف علي سيدات هذا المنزل وغادر الرجال متجهين الي منزل عثمان الدمنهوري الذي يبعد عنهم عده شوارع بعد قليل وصلو الي هناك واستقبلهم الرجل استقبال حار
عثمان : يا اهلا وسهلا اتفضلو
فايز : اهلا بيك
عثمان: تشربو ايه
فايز : ولا اي حاجه احنا جايين في موضوع مهم وهنمشي طوالي
عثمان : خير يا حج
فايز : انت كنت مكلمني علي أرض من فتره مش إكده
عثمان : يدي علي كتفك لجيت ارض
فايز : لجيتها بس أصحابها مستعجلين عايزين يخلصو فيها جوام جوام
عثمان : وإني جاهز
فايز : يبجي اتفجنا الارض مساحتها عشرين فدان انت تشيل عشرة وانا اشيل عشرة
عثمان : ومالو بس فين الارض دي
فايز : مش هتصدج الارض هي بعينها الارض الي كانت عينك عليها الي جار الطاحونه الكبيرة
عثمان: الله الله خير ما عملت يا حج مين أصحابها
فايز : أصحابها يبجو محمد جوز المرحومه امل بنت اختي واخوه علي
عثمان: يا مرحب يا مرحب طيب يا حج انت عارف تمن الفدان كام دلوجتي
فايز : انتين مليون
عثمان : طيب وعشان خاطرنا
فايز : مينفعش فيها خواطر ياخوي والي هيمشي عليا يمشي عليك انا هشيلها بتمن وبأصول ربنا عشان هما مزنوجين ومحتاجين كل جرش والا مكانوش هيفرطو فيها واصل
عثمان بتفكير : واني مهكسرش كلامك يا حج بكرة بإذن الله هروح البنك اسحب الفلوس
فايز : هنروح سوا ياخوي
عثمان: وهنسجل العجود أمتي
فايز : بكرة لما نرجع من البنك هنمشي ويا الجماعه علي مصر وبعد بكره نروح نسجلهم
عثمان : اتفجنا يلا بجا نتغدو سوا
فايز : لا يا حج كتر خيرك بت محمد في البيت عندي ومستنيانا عشان نتغدو سوا وتعرف اهلها هنستأذن احنا
عثمان وهو يودعهم : زي ما تحب يا غالي نورتونا
غادر ثلاثتهم عائدين الي منزل فايز
🖤🖤🖤🖤🖤🖤🖤🖤
في تلك الزنزانة المظلمه كان مازال علي حالته وما زالت تلك الأفكار تتردد برأسه التي كادت أن تنفجر من كثرة التفكير اتي إليه أحد العساكر ليخبره أن شخصا ما اتي لذيارته فرح كثيرا من قلبه وظن انها رهف بالتأكيد ستكون هي فتح العسكري الباب ولكن من اتي إليه شخص خالف كل توقعاته رأها تدخل عليه الزنزانة وتنظر الي الجدران باشمئزاز واضح ترتدي فستان قصير جدا باللون الوردي وبه لمعه قويه جدا وحذاء بكعب عالي
سيرين باشمئزاز: يا قلبي ايه الي حصلك ده ليه مقعدينك في اوضه بالشكل ده
ادهم محاولا تمالك أعصابه: عشان ولا الش......... الي موصيين عليا
سيرين : هههههههههههههه لا ملهمش حق
ادهم بغضب : انتي جايه ليه
سيرين: جايه اعرض عليك عرض
ادهم بغيظ: سامعك
سيرين : تركع تحت رجلي وتبوس جزمتي وتعتذر وانا اخرجك من هنا وتاخد فلوسك
ادهم بضحك: هههههههههههههههههههه ده في الحلم الكلام ده صح
سيرين بغضب وهي تعطيه الجريدة : لو معملتش كده مش هتشوف الشارع تاني ولا عاجبك شكلك كده علي اول صفحه وانت بالكلبشات تحت عنوان رجل الأعمال النصاب وفضيحته الكبري
ادهم وهو يرمي الجريدة في وجهها : تعرفي متورينيش وشك تاني انا لو بموت مش هركع تحت رجلك ابدا
سيرين بغضب: يبقي تستاهل كل الي عملته ولسه هعمله
ادهم بغضب : أن لمستي رهف أو امي واختي هقتلك يا سيرين
سيرين بسخريه: اوووووووه نسيت اقولك انا طردت الكلبه بتاعتك بعد ما اتقبض عليك علي طول اصلي بصراحه محبتش اوسخ ايدي فيها
ادهم بسخرية : ليه ما انتي قتاله قتله
سيرين وهي تكز علي أسنانها: ماهو انت لو كنت زوج كويس مكنش ده كله حصل فيها ايه لو كنت سامحتني وعشنا بسعادة ما كلنا بنغلط انما انت زلتني وعاملتني كاني كلبه كانك مش شايفني
ادهم بغضب : كان ممكن اسامحك عادي لان كلنا فعلا بنغلط لكن لما الاقي انك انتي وابوكي بتلوو دراعي وبتغصبوني وانكو متفقين علي كده من البدايه يبقي متستاهليش السماح ولو انتي كنتي جيتي في يوم قولتي بكل احترام خد حقك وانا مش هغصبك عليا وانت حر في اختيارك كنت هعتبرك واحدة عندها كرامه وليكي قيمه وكنت هسامحك انما انتي ابوكي كان بيقول وانتي بتقولي امين لحد ماهو سكت وبقيتي انتي الي بتقولي وبتعملي عمايل وسخه كمان لما توصل بيكي انك تقتلي يبقي متستاهليش السماح
سيرين بصدمه:وليه مقولتش كده من الاول
ادهم بسخريه : عشان الي تعمل عملتك دي كانت المفروض عملت كل حاجه كويسه عشان تكسب ثقه الي قدامها انما انتي كل عمايلك كانت بتخليني مأمنش ليكي اكتر واشوفك زباله اكتر
سيرين بغضب: وست رهف هي الي قد الثقه هي الي نضيفه
ادهم بغضب وهو يمسك يدها بقوة : أيوة قد الثقه صريحه من اول يوم شوفتها فيه مبتجريش ورا الفلوس مستعدة تتحمل اي حاجه عشان الي بتحبهم شريفه وعمرها ما تخون ابدا انسانه من الاخر محترمه وبنت اصول مش شمال وبنت ع......... زيك يلا غوري وابقي سلميلي علي ابوكي ومسيلي علي ارايله الي من كتر ما طولت لقطت إشارة
سيرين بغضب وهي ترحل: اوعدك انك هتندم وهتشوف العذاب الوان
غادرت سيرين وتركته وحده يكاد غضبه يحرق الارض وما عليها يكاد يفجر جدارن هذه الغرفه تركته مثل الأسد المجروح الذي يزئر بداخل قفصه لا يعرف كيف يتحرر منه غاردت وعادت الي قصره وجدت والدة ادهم وشقيقته بالمطبخ كما امرتهم يصنعون لها الطعام وذلك الحقير يجلس علي الاريكه ويتابع بعض الأعمال عن طريق الهاتف دخلت الي المنزل كالعاصفه الناريه وجلست بجانب مازن
سيرين بغضب وصوت مرتفع : الحيوان ده عيزاه يتعذب عيزاه يركع تحت رجليا ويترجاني ارحمه
مازن : هههههههههههههههههههه هو الحبس الانفرادي مجابش نتيجه
سيرين بغضب شديد: لا انا عيزاه يروح الحجز العادي وتبعتله ناس تربيه جوه عيزاه يموت في اليوم الف مره
والدة ادهم حين سمعت هذا الكلام اتجهت راكضة الي سيرين وركعت علي ركبتيها أمامها
والدة ادهم ببكاء وهي تقبل يد سيرين : ابوس ايدك يا بنتي لا عشان خاطري طب خدي حقك مني انا وبلاش ولادي
سيرين بغضب: وانتي ليه مقولتيش لابنك زمان يعاملني زي الناس جايه دلوقتي تترجيني
والدة ادهم ببكاء: وهو ادهم من أمتي بيسمع لحد انا قولتله وهو قالي مدخلش بينكو قولتله ينسي حقه ويسيبك لحال سبيلك بردو رفض
سيرين وهي تركل والدة ادهم بقدمها تسقطها علي الأرض : طب غوري من قدامي لاخلص عليكو كلكو
أميرة تراقب كل هذا ببكاء وغضب ركضت سريعا الي والدتها لتعاونها علي النهوض
أميرة ببكاء وهي تساند والدتها : قومي يا امي قومي انتي بتتكلمي مع واحدة معندهاش قلب
والدة ادهم ببكاء خوفا علي ابنتها : بس يا بنتي بس عدي قدامي نكمل شغلنا
امير بصوت منخفض وهي تتجه إلى المطبخ: شغلنا ده احنا بقينا خدامين في بيتنا

اتي الليل علي الجميع سيرين بغرفتها مع ذلك القذر ومازال الغضب يأكلها
ادهم مازال غارقا في أفكاره حمد الله كثيرا أن رهف نجت من تحت يديها ولكنه فكر كثيرا ما الذي حدث لها بعد ذلك وتري كيف حالها وندم كثيرا علي إهانته لسيرين حين أتت إليه هو يعلم أنها تستحق ولكنه قلقا من ردة فعلها قلقا من ان تنتقم منه في أهله
رهف تنام علي الفراش بجانب هنيه التي تثرثر كثيرا وتتحدث اكثر ولكنها لا تسمعها مطلقا هي فقط تفكر به وفيما تنوي فعله وتتوسل الي الله بقلبها أن يوفقها وصورة ادهم وهو ينظر  لها اخر مرة لا تفارق عيناها وشعورها أثناء معانقته لا يغادر قلبها ابدا
وأميرة نائمه وتسيل من عيونها دمعه حزينه أثناء نومها وحتي أنفاسها تخرج بحزن شكلها يبدو عليه انها كبرت الف عام في يوم واحد
والدة ادهم تتمدد بجانب أميرة وتناجي ربها أن يرحم أبنائها ويخلصهم من الظلم
🖤🖤🖤🖤🖤🖤🖤🖤
الي اللقاء في الحلقه القادمه
هااااا يا شباب عايزة اسمع توقعات واراء