حكايات"تملك قلبي "

شوفته ف أحلامي 🌹

قبل ما اشوفه في الحقيقه شوفته في حلمي ي ألاء شوفته بكل تفاصيله الصغيره مكنتش متوقعه اشوفه ولو حته ألمحه مكنتش اعرف انو حقيقه بجد معرفش ازاي طلع مديري في الشغل
نتي عارفه انا لما دخلت وشوفته اتخضيت وجريت من خوفي ازاي اشوفه وانا شوفته في حلمي يعني يعني ممكن الخيال يبقي حقيقه في يوم من الأيام انا مش عارفه انا فرحانه ولا زعلانه ولا اعمل ايه يعني المفروض ارجع الشغل ولا مرجعش
-ألاء ومترجعيش ليه ده فرصه شغل كويسه جدا
خلاص هروح بكره
رحت وانا مش عارفه ادخل اقول ايه علي اللي حصل امبارح
بعد اذنك ممكن ادخل
:ايوه تعالي اتفضلي
انا اسفه علي اللي حصل امبارح ي استاذ سيف
: محصلش حاجه ي انسه زينه ولا يهمك
والله كان نفسي اقوله انسه طالعه من بوقك زي السكر والله
بقول لحضرتك هو ينفع اشتغل مع حضرتك لحد بليل يعني اشتغل شفتين معنديش مشكله
: تمم مفيش مشكله بس انا هوصلك
نعم!اقصد انا ...لا قصدي ..بعد اذنك
معرفش بيحصلي ايه لما بيتكلم بحب ضحكته اووي وعنده غمازه تتدوخ معرفش ده هشتغل معاه ازاي وافضل مؤدبه يعني
: انسه زينه ممكن اطلب منك طلب وده يعني لو مش هيضيقك
لا طبعا اتفضل
: انا معجب بواحده هنا في الشركه لو ينفع تقوليلي اقولها ازاي
الكلمه نزلت عليا وقفت قلبي والله
معجب معجب بمين اقصد وانا مالي يعني ومشيت وسبته
روحت البيت وانا مش قادره امسك نفسي من العياط انا حبيته في حلمي وكمان حبيته في الحقيقه هو ليه بيحصل معايا كده
وفجاه لقيت فوني رن
الو مين معايا
: انا سيف انا حسيت انك اضيقتي مني بعد إذنك ي زينه ينفع نبقي صحااب
ايوه طبعا ينفع بعد اذنك هقفل انا
-في ايه مالك .
ده بيقولي نبقي صحااب ي ألاء انا بحبه
- اهدي كده وكله هيبقي تمم انا هخطط لخطه عشان نخليه يحبك
ياريت بسرعه عشان انا هموت بسببه قريب والله
-يلا نامي عشان الشغل الصبح
: زينه نتي فين اتاخرتي ليه قلقتيني عليكي
بجد قلقت عليا وقلقت عليا ليه بقا
: مفيش بس هو انا ممكن اسالك سؤال
اتفضل
: هو في حد في حياتك
لا ليه..
بسأل عادي يعني
ماشي
: تعالي نخرج نتغدا بره
نعم؟!نت قولت ايه
: في ايه نتي كويسه انا بعيد الكلام تاني علي فكره
معلش والله مش مركزه اكيد طبعا يلا
اتكلم كتير معايا عن حياته وانا اكتفيت اني افضل بصاله كده
خلص كلامه وانا فضلت سرحانه فيه شويه لحد ما فوقت علي صوته وهو بينادي عليه
وطلعنا بره المطعم والدنيا شتت
وهو بصلي وضحك وكانت اجمل بيه وأجمل ضحكه في المطر ده
فضلت اسبوع اخرج معاه واتعرفنا علي بعض جدا لحد ما يوم كنا رايحين المطعم اللي رحته اول مره نتغدا فيه وخلصنا اكل وطلعنا لقيت الدنيا شتت
سألني سؤال
: هو نتي في حد في حياتك
لا ليه...
: لا عادي بسأل
: لا مش عادي بعد كده لما اسال في حد في حياتك تقوليلي ايوه
مش فاهمه
: فاكره البنت اللي قولتلك اني بحبها وعايزه اقولها اني بحبها اهو البنت دي سالتها سؤال مره انها مرتبطه ولا لا وردت لا ففرحت
انما لما ابقي حبيبها واسالها تاني تقولي لا كده ازعل
ضحكت وفرحت وكان قلبي بيرقص من كلامه يعني هو بيحبني يعني انا اللي كان بيتكلم عنها
هسالك تاني ..في حد في حياتك
مهو انا مفيش حد هقولك ايوه ازاي
: لا في
مين
: انا ....انا بحبك ي زينه

""تملك قلبي ذلك العاشق بعينيه""
#إسراء ابراهيم
#تَملك قلبي