حكايات"تملك قلبي "

سحر الغيره 🌹

انا بقالي ساعه واقفه تحت مستنياهم بالعربيه في الحر ي ماما
'ي حبيبتي ابن عمتك كده دايما تأخير
معرفش انا ازاي سمعت كلامك اصلا وجيت احنا علي طول خناق
'معلش عشان امك المره دي تعالي علي نفسك وكمان عمتك نازله معاه
طيب اقفلي اهم جم
_ازيك ي حبيبتي عامله ايه
انا كويسه ي عمتو
: والله ما اعرف انا نازل ليه
ياريتك ما نزلت
: شوفتي يماما انا قولتلك انها رخمه
والله مفيش ارخم منك😌
_بس بقا ي ولاد يلا نمشي عشان الناس مستنينا ..ونتي ي زينه متاكده من الناس دوول يعني
ايوه طبعا ي عمتو الشقق هناك حلوه اووي ومتظبته كويس تعالي نقي للبيه ده اللي نتي عيزاه
: هو مينفعش تقصري لسانك
لا مينفعش
_يلا ي زينه ي بنتي نمشي
حاضر ي عمتو
روحت معاهم عشان نجيب شقه لسيف عشان تبقي جاهزه عشان لما يفكر يتجوز بما اني مهندسه عماره ف لازم اكون موجوده ..رحنا شفنا الشقه وعجبتهم وخدوها وكتبوا العقد وروحتهم بعربيتي وروحت البيت تعبانه ف نمت
صحيت علي صوت ماما بتتكلم في الفون مع عمتو وفرحانه
في أيه ي ماما ..كنتي بتكلمي مين
'كنت بكلم عمتك..جوز عمتك كلم ابوكي انه يطلب ايدك لسيف وابوكي وافق وقال انك موافقه
بس انا مش موافقه
'ليه بقا ان شاء الله هو في زي سيف دكتور وشاطر ورحتو نقيتوا الشقه امبارح واكيد مش هتصغري ابوكي
ايوه يعني لو موفقتش يبقي بصغر بابا وبرجعه في كلمته..طيب وسيف اكيد هيرفض يبقي اتحلت
'لا هو كمان قال مش هيرفض قرار ابوه وموافق عمتك اللي قالت
يعني انتوا عايزين تجوزا اتنين لبعض عشان ابهاتهم وهما مش موافقين الجواز ده فاشل
'بت بطلي كلام كتير ابوكي قرر انه ان كتب الكتاب و الزفه الخميس بتاع الاسبوع ده
......هو نتوا بتهزروا انهارده الاتنين ي ماما
انا مجهزه انا وعمتك كل حاجه 😁
دخلت وانا علي اخري منهم فضلت حابسه نفسي في الاوضه لحد يوم الاربع اللي هو الحنه
قولت انها هتبقي في البيت مكنتش عايزه اروح في حته ومش عايزه اشوفه وهو كمان لما جه فضل قاعد مع بابا
اتجوزتوا للاسف تاني يوم وخلصت الفرح اللي فضلت قاعده ومتحركتش ولا هو وروحنا البيت
اول لما دخلت قولتله عايزه اتكلم معاك
: سامعك
بس انا مش موافقه علي الجواز ده انا متجوزه عشان بابا مش اكتر مقدرش اعارض قراره وانا مش بطيقك اصلا ف ياريت زي ما دخلنا بالمعروف نخرج بالمعروف وكمان كام اسبوع تطلقني
: اكيد موافق انا ما هصدق اخلص منك وكمان وفرتي عليا كلام كتير انا هدخل انام في اوضه تانيه ونتي نامي هنا
ماشي اتفضل
خرج سيف من اوضتي ودخل نام
صحيت الصبح حضرتله الفطار وفضل قاعد في البيت وانا كنت بعمل كل حاجه وجهزت الغدا وكَل ومكنش ما بينا كلام لان لو اتكلمنا هنتخانق
فضل قاعد في بيتفرج علي التلفزيون وانا زهقت من قله الكلام رحت قعدت معاه
هو نت هتفضل ساكت كده
: عيزاني اقول ايه
اتكلم..قول اي حاجه..حاسه اني قاعده لوحدي في البيت وانا بخاف لما اكون لوحدي انا
: بس نتي مش لوحدك ما نا قاعد اهو
بس ساكت
: مهو لو اتكلمنا هنتخانق ي زينه
طيب وليه نتخانق ي سيف احنا كبار وطالما هنفضل قاعدين مع بعض كام اسبوع يبقي بلاش خناق الفتره دي
: ماشي وانا موافق بس بشرط
ايه الشرط
: ابقي حطي شطه في الاكل انا بحب كده 😁
حاضر 😂
: يلا نقوم ننام
ماشي يلا
قمنا نمنا ..صحينا الصبح ظبطت الشقه والغسيل غسلته وجهزت الفطار ولبست عشان شغلي وصحيت سيف
سيف ..قوم عشان شغلك
: هو الصبح طلع
ايوه امال ايه مش هيطلع يعني
: طيب قومي عشان اقوم
حاضر ..انا جهزت لبسك والفطار جاهز بره
: ماشي..استني افطري معايا وبعدين ابقي امشي
: ماشي انا بره
فطرنا ونزلنا وكل واحد راح علي شغله
وعدي حوالي اسبوعين وعلاقتنا بدأت تتحسن من وجه نظري بقت احسن من الاول بكتير
بس انا بقيت بحس تجاه بإحساس غريب بقيت بحب اشوفه وهو بياكل وبيشرب وهو بيتكلم وهو ساكت بقيت بحب كل تصرفاته بحب وجوده في حياتي اعجبت بيه في الاسبوعين دوول وطبعا مستحيل ابينله وبصراحه معنتش عايزه موضوع الطلاق بقيت عايزه اكمل معاه انا حبيته بس معرفش هو شعوره ايه احنا اتجوزنا غصب ف بالتالي لو هو عايز يسبني مش هغصب عليه انا كمان
: زينه..مش عايزه تخرجي
نخرج فين
: تعالي نتغدا بره
ماشي انا هقوم البس
لبست وخرجنا واحنا بناكل كنت حاسه انو عايز يقول حاجه
سيف مالك
: زينه..عدي علي جوازنا ٣ اسابيع ودخلين علي الرابع ..المفروض اني اعمل اللي طلبتيه مني ..لازم اطلقك الاسبوع ده
يعني نت عايز كده
:ده اللي هيريحنا
ماشي انا عايزه اروح
: طيب كملي اكلك
لا عايزه اروح
: طيب قومي
روحت وانا عايزه اقوله بلاش طلاق مش عايزه أطلق انا طلبت منك قبل ما اعرفك قبل ما أحبك ..عايزه اكمل حياتي معاك ده هيبقي اكتر قرار صح خدته اني افضل معاك..بس اعمل ايه نت عايز تتطلقني مش هعرف اغصب عليك نفسي
وصلت البيت ورحت علي اوضتي وفضلت افكر هعمل ايه ملقتش حل نمت
صحيت الصبح لبست ومشيت من غير ما احضر فطار
رن هو عليا انا مردتش
كنت في شغلي وواقفه مع ناس بفهمهم هيعملوا ايه وجه زميل ليا شغال معايا وكان بيتكلم معايا في شغل ف حصل موقف قدامنا خلاني اضحك وهو ضحك ف لقيت سيف معرفش طلع منين وضرب زميلي بوكس وقعه علي الارض وكان رايح يكمل عليه انا حوشته وانا مش فاهمه عمل كده ليه ولا طلع منين
كنت بحاول اهديه شد أيدي ونزلني معاه ركبنا وروحنا البيت وانا متكلمتش
مجرد ما دخلت البيت والباب اتقفل حسيت انه هيموتني انهارده
بصيتله وهو ابتدأ بقا بكل عصبيته
: كنتي واقفه معاه ليه ...وكنتي بتضحكي ليه ..ومش بتردي علي الزفت ده ليه ..هو انا مش جوزك والمفروض اعرف نتي فين..وازاي تنزلي من باب البيت من غير ما تقولي

طيب ي سيف اهدي بس
: مش ههدي ولا نيله ردي عليا احسن والله اصور قتيل انهارده
ماشي..ده زميلي في الشغل وكان واقف بنتناقش في حاجه في الشغل وضحكت عشان في موقف حصل قدامي ف ضحكت وهو ضحك ومردتش عليك عشان مش عايزه اكلمك
: ومش عايزه تكلميني ليه
عشان نت زهقان مني وعايز تطلقني وانا عايزه افضل معاك
: ومين قال كده انا كنت بقولك عشان اشوف رده فعلك مفيش طلاق نتي مرآتي وهتفضلي مرآتي
نت بتقول ايه ؟
: زي ما سمعتي انا مش هطلقك
بجد !
: بجد
ممكن اسألك سؤال
: ها
ليه مش طلقني وليه ضربته وليه مش عايز تسبني وليه كنت خايف عليا عشان مردتش
: عشان بغير عليكي ف ضربته
وتغير عليا ليه
:عشان بحبك ي زينه

""تملك قلبي ذلك العاشق بعينيه ""
#إسراء ابراهيم
#تَملك قلبي