حكايات"تملك قلبي "

حلم لا يُملك 🌹

اتعرفت على شاب في الكليه بتاعتي كان شاطر جدا في دراسته فكنت بطلب منه يساعدني في بعض المواد وهو كان بيساعدني كتير
كنت وخداه صديق لحد ما بدأت احبه شويه ب شويه
كنت بزود في الفتره اللي بنقعد فيها مع بعض تحت مسمي مش فاهمه اشرح تاني كنت بسرح فيه كتير و في عيونه كتير..عيونه عسلي وبتلمع كده في الشمس حاجه عسل يعني
فضلنا كده تحت مسمي صحااب مقربين ومفيش بينا اي حاجه غير فتره الدراسه وهو بيشرح ليا المواد وبس ..بس في قلبي كان كل يوم حبه بيزيد اكتر وأكتر عن اليوم اللي قبله
قربنا علي الامتحانات وهو اللي بقا يطلب اننا نقعد اكتر مع بعض كنت بفرح اكتر وأكتر انه اللي بيطلب شكله بقا معجب بيا لحد اخر يوم في الامتحانات
:زينه!
نعم؟
:معنتش هشوفك تاني
لا اكيد ي سيف هتشوفني بعد الإجازة بقا
: هو لو جيت اتقدمتلك هتوفقي!
بصيتله ومش عارفه انطق حته فضلت بصه في عينه وساكته
: اد كده الجواب صعب!
لا ي سيف الجواب مش صعب بس الصدمه هي اللي صعبه
: صدمه!جوازي منك صدمه؟
لا مش قصدي ..ده لو صدمه ف دي احلي صدمه ممكن اسمعها
: طيب قولتي ايه!
موافقه طبعا
: انا هاجي بكره لباباكي لوحدي الاول نتفق وبعدين هجيب اهلي نتي عارفه انهم ناس غلابه علي قد حالهم ولازم أكون متفق علي كل حاجه ...
انا عن نفسي مش عايزه حاجه انا عايزه افضل جنبك وخلاص واي حاجة هتجبها انا هرضي بيها ان شالا اعيش معاك في اوضه مش هتفرق معايا طول ما نت جنبي اي حاجه تهون
: انا عارف بس اهلك هيرضوا انك تعيشي معايا في شقه اوضتين وصاله انا مستويا اقل من مستواكي
متقولش كده ..نت عندي اغني من ميه راجل كفايه اخلاقك واحترامك ليا
: هكون موجود عندك بكره الساعه ٧..بجد لو باباكي وافق هيبقي احلي يوم في حياتي
هستناك ..مش ناوي تقول حاجه
: فاهمك..بس مش دلوقتي..لما احس انك ليا وهتبقي مرآتي هقولهالك
يبقي هتقولها قريب
رواحت وانا برقص من الفرحه..يعني طلع حاسس بيا يعني بيحبني.. يعني عايز يتجوزني..يعني كل حاجه حلوه هتبقي ليا
رحت قولت لماما ان في شاب هيتقدملي بكره وانا موافقه وبحبه جدا واظن اهم حاجه في الجواز اني اكون بحبه وهو بيحبني
ماما اتفاجت لانها حست ان في حاجه عشان كده بقول كلام زي ده
'بت في أيه؟
مفيش ي ماما بس هقولك سيف مستواه المادي مش اووي هو بيشتغل وكمان عنده شقه مش كبيره بس مش مهم انا راضيه بيه..ماما عشان خاطري انا بحبه وهنكبر مع بعض وكمان هو اشطر مني في الدراسه يعني بالنسبالي احسن مني كفايه انه بيبني نفسه بنفسه
'ونتي متوقعه ان ابوكي يوافق..ابوكي عايزك احسن واحده في الدنيا بدل ما يديكي لحد يرفعك لفوق هيديكي لحد ينزلك سابع ارض
ماما انا موافقه ومش هتجوز غيره ونتوا حرين
قمت دخلت نمت وصحيت الصبح فطرت وفضلت في اوضتي وزبطت نفسي لحد ما الجرس رن
'اتفضل ي بني
: شكرا ي طنط
دخل سيف الانتريه مع بابا وبعدين طلعت قدمت عصير ودخلت تاني
سبت بابا معاه
و بعد شويه سمعت البابا بيترزعق
طلعت اجري هو ازاي يمشي كده اكيد قولتوا حاجه
ايه اللي حصل ي بابا
..مينفعكيش
هو اللي مينفكيش هو مين اللي هيتجوز..قولتله ايه
..قولتله نت ازاي تفكر اني هوافق انا اب ولازم تحس بيا انا عايز حد يعيش بنتي عيشه احسن من اللي هيا فيها
رديت بصوت عالي ..انا هتجوزه يعني هتجوزه علي الاقل راجل مش زي ابن اخوك اللي عايزين تجوزهولي حته عيل ابوه لسه بيصرف عليه
دخلت وفضلت ارن علي سيف وهو مردش
تاني يوم الباب خبط رحت فتحت لقيته واقف علي بابانا
سيف!
: ايوه سيف باباكي هنا
ايوه..اتفضل
دخل الانتريه ونديت لبابا ودخل قعد معاه وكنت بحاول اسمع اي حاجه بس مش سامعه
وبرضه سيف طلع وهو متعصب
عدوا ال٣ شهور وسيف مش بيبطلب يجي يتهزق من بابا ويرن علي الفون وبابا يقفل
ي بابا حرام عليك مين قال ان الفلوس كل حاجه نت شايف هو بيحبني ازاي .. هيحافظ عليا وهيخاف عليا وبعدين هو بيبني نفسه بابا انا بحبه عشان خاطري ده الراجل اللي هيحافظ علي بنتك صدقني
بابا سابني وقام دخل كان فاضل يومين علي بدايه الدراسه
وسيف كل يوم يرن علي بابا
قمت خرجت من البيت مكنتش خرجت من بيتنا خالص ورحت عند الحضن اللي بلاقي راحتي فيه رحت ل ألاء عشره عمري نزلت وانا نازله كان سيف طالع
: مش هزهق نتي ليا انا وبس
حرام اللي بتعمله في نفسك نت استحملت كتير وبابا مش هيرضي
: هيرضي
طلع وانا رحت.. رحت ل ألاء
روحت وانا عارفه ان سيف اطرد من البيت زي كل مره
دخلت اوضتي من غير ما اسال علي اللي حصل
سمعت دوشه تحت البيت لقيت سيف واقف تحت وصاحبه واقفين بيعزفوا وهو بيغني
يلهوووي ..سيف امشي امشي بابا لو شافك هيقتلك امشي
: بحباااااااك
قلب مش دق ده وقف هو قالي انه مش هيقوله غير لما يتأكد اني هكون مراته
..كتب الكتاب الخميس الجاي ي زينه انا وفقت..سيف ده راجل فعلا وبيحبك وده اللي هأمن علي بنتي معاه هو رغم كل حاجه فضل يحاول عشانك
شكرا ي بابا شكرا
بصيت لسيف وانا عيوني مليانه دموع
: تقبلي تتجوزبني
هزيت راسي بأيوه
: كنتي حلم بعيد ي زينه وانا حاربت عشانك ومسكت حلمي خلاص
بحبك ي زينه بحبك

""تملك قلبي ذلك  العاشق بعينيه""
#إسراء ابراهيم
#تَملك قلبي