حكايات"تملك قلبي "

النصيب🌹

-انهارده يوم جميل اوووي ي الاء اووي
'فرحانه ليه بقا ان شاء الله
- ايه ي غبيه نتي ناسيه انهارده حنه اختي
'المفروض تكوني زعلانه انها هتسيبك
-مهو زعلانه بس فرحتي بيها اكبر بكتير
'بكره نتي كمان تتجوزي
- لا ي ختي انا مش ناويه اتجوز مفيش حد يستاهل واحده زيي اصلا
'ف كتير يستاهلوا بس نتي اللي مش مديه حد فرصه
-الاء انا مش ناقصه والنبي حكم خليني كدا سنجل عايشه بحريه
'علي رأيك يلا نجهز عشان بليل
عدي الوقت عليا بسرعه محستش بيه غير وانا برقص مع اختي وماسكه ايديها وفرحانه بيها انها هتعيش مع اللي بتحبه واختارته
-اه براحه مش تحاسب
بصيت للشخص اللي خبطني جامد ده عشان ازعق  معاه بس مجرد ما لفيت لقيت ملاك قمر عمري ما شفت ف جمال عنيه ولا هشوف
اتلبكت وحسيت اني مش عارفه اتكلم وهو كمان سكت حسيت اني لقيت حد كنت بدور عليه من سنين كان ف عنيه ألم ووجع كبير
: اسف ي انسه غصب عني مكنش بقصدي والله
- لا خلاص عادي ولا يهمك هو حضرتك كنت ماشي ليه من هنا عايز حاجه
: ايوه كنت بدور علي العريس 
- كان هنا دلوقتي ممكن تستني هنا ومتتعبش نفسك وانا هدور عليه واجيبه
: تسلمي ي ...
- اسمي زينه ونت
:  انا سيف
ي حلاوتك لحلاوه اسمك لو مكنتش شوفتك انهارده كنت هزعل اووي والمصحف ....حسيت انه خد باله وانا متنحه كدا ف قولت انقذ نفسي واروح ادورله علي العريس
لفيت شويه ورجعت تاني
- ادي العريس اهو تتطلب حاجه تانيه ي كابتن سيف
: لا تسلمي ي زينه تعبتك معايا
يلهوووي يلهوووي دي احلي زينه سمعتها ف حياتي
- علي ايه انا معملتش حاجه عن اذنك
: مين البنت دي ي عريس الليله
/دي اخت مراتي المستقبليه ومش مرتبطه ي عم
: شكلها هتبقي مرتبطه
عدي الفرح ومشفتوش تاني استنيت اشوفه تاني ف اي مناسبه بس مشفتوش كنت مضايقه وكنت محروجه اسأل جوز اختي عنه

ف فضلت ساكته ومقتنعه انه لو من نصيبي هيرجع تاني وهشوفه انا مكنتش عايزه لا ارتبط ولا اتجوز دلوقتي خالص لاني ملقتش اللي يستاهلني انما ده حاجه تانيه مستحيل اشوف حد شبه لو لفيت العالم
ماما تعبت جدا وكنت لوحدي ف البيت كلمت اختي تبعتلي جوزها بس طلع مسافر ف كلم صاحبه وبعته بعربيته يجي ينقل ماما

لسه بفتح الباب وانا ميته من العياط شفته شفت سيف قدامي  ف لحظه نسيت كل حاجه
: نتي بتعيطي ليه بطلي عياط حرام تخلي عنيكي تدمع كده
- هاااااا ..
: فين طنط
- طنط مين  ..ايوه ماما جوه ف اوضتها
: تسمحيلي اكشف عليها
- نت دكتور
: ايوه دكتور قلب تسمحيلي ادخل
- ايوه طبعا اتفضل
كشف علي ماما بهدوء وخلص وطلع وندا عليا
-ف ايه مالها ماما
: مفيهاش هي تمم جدا هي بس عملت مجهود كبير وده تعبها خليها مرتاحه
- حاضر ي دكتور
: قوليلي كابتن زي ما كنتي بتقولي بتطلع منك حلوه اووي
ف اللحظه بصيت لابتسامته وحسيت ان كل حاجه حاوليا كويسه مبسوطه وهو معايا
- ماشي ي كابتن
: زينه
- نعم
: هو نتي ف حد ف حياتك
- ها لا ليه
: اصل بصراحه من يوم ما شفتك وانا منستش ملامحك ولا برائتك ولا ضحتك ولا جدعنتك  و ف كل كنتي بترحيها كنت معاكي
وف نفس الوقت خايف اخد خطوه القيكي مرتبطه وابقي عملت زي ما عملت ق الأول ارتبطت ب واحده  بتحب واحد تاني وخنانتني وسباتني

- لا ي سيف انا مش مرتبطه بحد انا من يوم م شوفتك وانا بدعي  ربنا تكون من نصيبي نت الإنسان اللي بدور عليه واللي حلمت بيه انا عمري ما فكرت ف الارتباط غير لما شفتك اتمنيت تكون  حقي ف الدنيا ي سيف
: زينه
- نعم ي سيف
: انا بحبك .
قلبي دق كتير اووي لما قالها كنت مالكه الدنيا
- وانا بحبك اووي
.: .تقبلي تتجوزيني ي ست البنات
- مواقفه ي روح قلب ست البنات

""تملك قلبي ذلك العاشق بعينيه""

#إسراء ابراهيم
#تملك قلبي