البارت 4…
قصة أخطاء مراهقة…
# للكاتبة خادمة الامام علي ع (ودق) …
ها عوضتكم هل مرة هههه شلونكم 😁
انا وعدتكم انشر الساعة 11 بس شوي مرات ما دا افرغ من اشغالي اليومية ف شوي اتاخر بعض الاحيان ف عذروني اوكي 😁 و غلسو على السحك
{{{{{{{{{{{{{{{-------------------}}}}}}}}}}}}}}}
اعتقد وصلت فكرتي الكم عن اهلي و طبعهم و شلون يتعاملون ويانه هاي كوم و الكوم الثاني صديقاتي و اختي سهير .............
الله اتذكر سياج المدرسة و الساحة البره و نركض انا و صديقاتي و نضحك و ما هامتنه هموم الدنيا اللي حملناها من الصغر اتذكر ننتظر يرن الجرس و نطلع نركض للساحة و اذا عدنه فلوس نشتري من الحانوت و احنه فرحانين و نگعد ناكل انا و سهير و صديقتي و صديقتها اللي هم يصيرن خوات و نسولف انا و اسيل و سهير و زينب
اسيل… دموع تعاي نشتري من الحانوت
دموع… ها بس (بقيت امتمت )
اسيل… تعاي و معليج 😊
دموع… اوكي 😊
اني اروح وياها بس ما اشتري لأن ابوي ينطيني مصرف قليل و ما اشتري بيه بالعكس اضمه لغير وقت و تعودت ما اشتري بس اسيل من تشوفني ما اشتري هيه تشتريلي ما تخليني و تكرر هالشي يومية تشتريلي جان ابوها شوي حالته زينة و ينطيها مصرف أسبوعي و مبلغ زين بذاك الوكت و هيه ابد ما تبخل عليه كلشي تشتريلي مثل ما تشتري لروحها مرات حتى تشتريلنا لفات من حانوت المدرسة الثانية اللي بصف مدرستنا الله لحد الان طعمهن بحلگي 😋 لفاتهم كلش حلوة و كبار و يترسوهن زلاطة و طرشي و عنبه هنه صدك لفات فلافل بس يسوه ابو الكباب 😂😂 و حانوتهم مو بس لفات يبيعون حتى تحفيات و اكسسوارات و العاب اطفال و بعد هواي شغلات حتى حانوت مدرستنا بي هيجي شغلات بس مو حلوات مثل هذني الي بالمدرسة الثانية ف مرة انا و اسوله رحنه نشتري و انا عجبني صندوق احمر صغير و بي قفل و مفتاح و اشتريته حتى اجمع بي فلوس و بوقتها عرفت انو صديقتي اسيل حنونة وطيبة حيل و ما تبخل عليه بيوم و صارتلي اخت غير احبها و احب تفائلها دائماً اسولف و تضحك و لا مرة شفتها ضايجة دومها حلوة و مرحة عكسي انا جنت دائما صايجة من وضعي بالبيت و حتى من جنت صغيرة صادقت هواي بنات و صارن روحي بالدنيا بس وره فترة تغيرن عليه و كامن ما يلتقن بيه و التهن بارواحن و نسني بس اسيل بقت نفسها ما تغيرت جنت اكول هنيالها ما تضوج و دائما تضحك بس ما جنت اعرف انو الشخص اللي يضحك هواية اكثر شخص متألم و مخبي جواه حزن جبير بحيث ما يگدر يطلع قهره بس بالضحك
انا جنت اخلصها ضايجه و بالليل من اريد انام بس اخلي راسي على المخدة يسبقني دموعي حتى يحضنن الفراش و بس انام يعني اتمدد تجي ببالي كل الشغلات اللي اسويها بيومي ،،،شنو سويت،،، وشنو حجيت،، و هذا الشي الي اني حجيته او سويتة غلط،، و أني ما جان لازم اسوي هيج،،
جنت دائماً أحاسب نفسي قبل ما انام و اخلصها اتكلب بالفراش ساعات يالله اكدر اغمض جفن عيوني اللي يورمن من البجي بعدين سمعت حديث عن احد الائمة يكول بي (من لم يحاسب نفسه فليس منا) هيج الحديث علما اعتقد و هو مو بهاي الصيغة بس اني ما اذكرة بشكل مضبوط بعدين عرفت انو الإنسان لازم يحاسب نفسة على الصغيرة و الكبيرة و على كلشي يصير بحياته او على كلشي هو يسوي وجان التفكير مأخذ نص وقتي و أكثر شي من انام فكلش اتعب وهذا أكثر شي مضوجني 😔😔😔
المهم اني و اختي سهير قبل ما انام يعني من نرتب الفراش جنك مقسمينه بيناتنه يعني اني افرش فراشين و هي ثلاثة خباثة😂😂
أنت تقرأ
أخطاء مراهقة (اعلان) قريبا
ChickLitوحيده بشكل يليق بي ، كالسماء اللتي تحضن الجميع ، ولا احد يحتضنها قصة حقيقية ل فتاة بسن المراهقة تعاني احساس الوحده و تمر بأوقات كئيبة لتقع بمشاكل و تعمل خطا و ذنب لكن هل سيغتفر هذه الذنب و الخطأ خلينه نشوف احبت هذي المراهقة ان تروي قصتها لتكون عبرة...
