البارت 3…
قصة (أخطاء مراهقة)…
للكاتبة خادمة الامام علي ع…
جدا جدا اسفه تاخرت في النشر و البارت قصير كنت معزومة عند بيت عمي و ما لحگت اكتب سامحوني و ان شاء الله البارت الرابع اعوضكم 😊
766 كلمة
............……_______________..………
بقت على هاي الحالة لحد ما كبرنه شوية و بطلت تضربنه على الطالعة و النازلة يعني مثل ما نگول شوية خفت ايدها بس الصراحة هي من جانت تضربنه و تخلص تروح تأخذلها فترة و انوب ترجع تباوع النه شنو جاي انسوي لو اشوفها تضوج لان تضربنه بس ابد ما يوم كالت انا اسفه او انا مثلا تعبانه لو نفسيتي و اسفه هيجي اتعامل وياكم ابد وره يوم يومين هم ترجع تضربنه نفس الضرب و لا هامها و تعاملنا مثل الجناين بالبيت و هيه عمتهن ما نأكل الا بأذنها يعني اذا ردت اخذ تفاحة اروح اكولها.... يمه اريد اكل تفاحة اكل لو لا؟
اذا تگلي اكلي اكل و إذا كالت لا يعني ما اكل لو الدنيا تنكلب خو ملابسنه هي ما تغسلهن احنه نغسل ملابسنه انا و اختي تكول شنو اني اخدم عدجن اغسل ملابسجن كل وحدة من تنزع تغسل ملابسها و اطلعهن وياها و تشرهن احنه بعد تعلمنه نغسلهن ويانه بالحمام و نطلع نشرهن بس احنه بعدنه اطفال و مرات لو ما النه خلك لو شي و ما نغسلهن من تجي امي تريد تغسل ملابس اذا لكت ملابسنه وي ملابسهم تخليهن على جهة و ما تغسلهن يعني إلا احنة نرجع نغسلهن جان تعاملها ويانة مو شي بس الحمد لله على كل حال و اذا ما سوينا شي مثل ما تريد لو ما عجبها شغلنه نسمع الكلام كالآتي 😒 .....
اسماء :جبحجن اي والله عود انتن تلحكن ساره بنت عمجن عادل هييهي روحن شوفنها احسن منجن بألف مرة تدرس و تشتغل و ما تخلي امها تشيل گشر الحَب
دموع: يمه جا احنه هم ما مقصرين انا و سهير انظف البيت و اذا اكدر مرات اطبخ او اعجن و اغسل ملابس جا بعد شسوي
اسماء : انجبي ما توصلين لأظفرهن بعد هيه كوه هنه احسن منج يلا ولي عن وجهي
جانت امي بهاي الكلمات القليلة تحطم كل ذرة ثقة بأنفسنا انا و اختي سهير و خصوصاً اني كلش تأثرت بهل كلام و كلش اضوج اذا سمعتها تقارن بينه و بين بنات الناس جانت أكثر بنت تقارنها بيه هي بنت عمي ساره جانت تدرس و تشتغل و تكول امي مو مثلجن خايسات حتى ما تشتغلن مع العلم جنه نشتغل الشغلة الي نكدر عليها ما عدا الطبخ بس اني اطبخ التمن و نوع لو نوعين من المركة ما اعرف اطبخ غيرهن و الخبز ما اعرف اخبز كله امي تخبز يعني بعد شنو نشتغل ما اعرف يعني نشتغل الي علينه و الباقي عليها
من نحتاج ملابس للمدرسة او هيجي عاديات ابوي و امي ما يرضون احنه نروح للسوك حتى نختار على ذوقنه امي صدك ذوقها حلو بس البنية هم مرات تتمنى تشتري على ذوقها و من ترجع امي من السوگ اذا صارن علينه الملابس ناخذهن و اذا ما صارن علينه ترجعهن و تجيب غيرهن و أهم شي يعجبن ابوي مو يعجبنه و إذا كالت اخذي هذا يعني اخذة و بدون نقاش حتى لو ما يعجبني و إذا طلعن شوي اعراض عليه اكللها يمه خصري هاي البدله او الملابس العريضة ابد ما تقبل تكول ابوجن ما يقبل انا شايفة هواي شغلات بحياتي بس مثل هيج ام تعامل بناتها ما شفت و اذا خلصت من امي يجيني ابوي يطلعلي صفح هسه خوش ما تقبلون نطلع نشتري و لا ترضون على ذوقنه عاد خلينه نلبس براحتنه بالبيت هم لاااا عود نلبس تراكسوت بالبيت غير تنهجم بيوتنه 😒 يبقى يحجي بابا عيب ما يصير و ما اعرف شنو مرة خالتي اشترتلي تراك يگلي لبسي من تريد تنامين لان اني من انام العب مصارعة 😂😂😂افر افراشي فر و خو ملابسي الكاهن بحلكي😂 و من اكعد تحجي امي علينه انا و اختي لان ما نلبس بجايم
اسماء... ولجن جا المن خيطوا البجايم و الستريجات غير علمودجن انتن نومجن شهيرة لبسن ملابس بيها خير
و كل ما تلكانه هيج تغطينه بالفراش و تروح و انا عالعناد ما البس بجامة يعني من حقي البس الي يعجبني بالبيت مثل البنات يلبسن تراكسود ويلبسن حصر ويلبسن كلشي وأني البس بس تنورة و دشداشة وغيرها ما البس ابد ما يقبل حتى زي هندي هم ما يقبل بي مع العلم اني قصيرة و إذا البسة يوصل جوة ركبتي بس هم ما يقبل و حتى ملابس الي اطلع بيهن اذا ما يكون ابوي مقتنع بيهن ١٠٠٪ما يخلينة نلبسهن بعد اني شابة واشوف البنات يلبسن بدلات قصار وطوال وأشكال و الوان فأني هم احب البس خصوصا البنطلون ابوي ما يقبل بي ابد و منتهين منها
اعتقد وصلت فكرتي الكم عن اهلي و طبعهم و شلون يتعاملون ويانه هاي كوم و الكوم الثاني صديقاتي و اختي سهير .............
……………………………………
انتظروني في حلقة اخرى...
رائكم بالبارت ؟😊
أنت تقرأ
أخطاء مراهقة (اعلان) قريبا
ChickLitوحيده بشكل يليق بي ، كالسماء اللتي تحضن الجميع ، ولا احد يحتضنها قصة حقيقية ل فتاة بسن المراهقة تعاني احساس الوحده و تمر بأوقات كئيبة لتقع بمشاكل و تعمل خطا و ذنب لكن هل سيغتفر هذه الذنب و الخطأ خلينه نشوف احبت هذي المراهقة ان تروي قصتها لتكون عبرة...
