هلو اني اسمي ملاك عمري 20 سنه اني اصلي من لعماره بس عايشين باربيل اني ادرس سادس علمي طبعا تاخرت لدراسه بسبب الضروف مواصفاتي اني طويله طولي 165 ورشيقه وبشرتي بيضه شعري لونه اصفر طويل يوصل الى ركبتي و شفايفي مليانه تخبل اني من نوع شوي مغروره رغم اهلي ناطيني كامل حريتي من لبس وطلعه الا اني ابد ما اخون ثقتهم ولا عندي سوالف حب وغرام ابد لان الي يريدني يجي على اهلي
اعرفكم على عائلتي متكونه من بابا اسمه علي عمره 56 وامي اسمها نهى عمرها 48 سنه عندي اخ واحد الي هو احمد هو اكثر من اخ هو صديقي الي اسراري كله عنده وهو كذلك احنه بس الاثنين الامي والابويه
الحمدلله عايشين احسن عيشه باربيل بابا مدرس متقاعد واجة الاربيل لان حب امي واخذها
ومن شافها نعجب بيها كولش وراد يخطبها بس اهلها ما وافقو لان ابويه من لعماره وهمه عقلهم عشائري
ولان هيه سنيه وهو شيعي واهل بابا كذلك ما قبلو
لان جدي راد الابوي بت عمه وابوي ما قبل لان حب امي ف ترك العشيره واجة لبغداد لخاطر يزوج امي وازوجو
واحنه ما نروح لبيت جدي لان بابا من ازوج اني طلع وجدي بعد ما قبل انو يحكي ويه بابا
.
.
نجي على بيت شهاب طبعا شهاب الكل تخاف منه وهو الجبير مال العائله والكل تحبه .
.اعرفكم على شهاب
مرحبا انه اسمي شهاب ابن شيخ جابر اني ضابط واني شيخ من بعد جدي واحنه عشيره كلش جبيره بلعماره والكل الجبير انه عمري 32 سنه لجبير مال عائلتي من انه وصغير وجدي رباني واني الايد اليمين لجدي وما اقبل بلغلط ابد وعصبي بشكل وما احب احد يعاندني ابد واكره البنات وما اريد ازوج
مواصفاتي اني طويل طولي 185 جسمي ضخم بس مو كلش عضلات عندي وجسمي رياضي عيوني حاده مثل عيون الصقر خشمي حاد حواجبي دائما معقودات
عندي امي الله يحفظها احبها كلش واحبها وما اخلي اي احد يغثها
عندي اخت وحده اسمها ليله عمرها 19 سنه وهاي المدلله مالت شهاب ويحبها يموت عليها تدرس رابع علمي
ابوي متزوج ثنين الاولى ام ضحى وهاي بلبدايه ما صار عدها اطفال ف ابوي ازوج امي وجابتني اني الجبير بس ام ضحى وضحى ابد ما يحبونه واهل مشاكل
ابوي جابر ازوج امي لان ما اجا اطفال بلبدايه بس بطبعه هو مسالم وعادل ما يحب الضلم بس طبعه يحب ام ضحى وما يرفضلها طلب
ام ضحى مره حقوده وما تحب امي ولا تحبني لان تمنت تكون هيه ام شيخ ومرة كلش متسلطه
عندي اخ اصغر مني اسمه شاهين وهذا مرح عكس تماما ويحب يضحك ويسولف ويه الكل بس انه ابد ما اضحك ويه احد جدي بشكل
..
باقي الشخصيات تتعرفون عليها بلقصه
.الكاتبه (سُرى الخالد )
