بيت جبير قصر في لعماره يسكنه عائله شهاب
رجع شهاب من الدوام ودخل سلم ع الكل وصاحه ابو علمود يحجي ويا على موضوع عمه الي ساكن اربيل
طبعا شهاب رفض لان هو يكره عمه لان بنظره هو غلطان ما يصير يترك اهله ويروح بس ابو كدر يقنعه انو يدورعلى عمه
جدي تمرض ويتمنى يشوف ابنه بس يكابر بشكل
واجة ابوي حجة ويايه انو اشوف عمي علمود يجي يشوف جدي وانه كتله يصير خير اسبوع وتشوف عمي يمك
طلع شهاب من يم ابو وخابر على جماعته بحكم شغله بما انو هو ضابط اتصل ونطا معلومات عمه
والمغرب اتصلو اصدقائه ونطو عنوان عمه علي
بيت شهاب جبير وناس تحب ناس عدا ضحى وام ضحى على العشه كاعدين وكتلهم باجر عندي شغل طالع بشي واي شي يصير بس تخابروني وما اريد مشاكل ابو كله اتوكل على الله تروح وترجع بسلامه
والكل كله تروح وترجع بسلامه عدا ضحى وام ضحى
طبعا ابو شهاب سوا لابنه شهاب سويت كامل غرفتين وحمام ومطبخ وصاله فوك اله وحده بناء حديث يخبل
راح شهاب وكعد يحظر بجنطته وحظرها وحظر المسدس مالته
وراح ينام بس ما كدر لان بقى يفكر شون يقنع عمه يرجع ويا يشوف جده
وبقى يفكر ما نام الى ان اجت باله فكرة وقرر يسويها
كعد صبح صبح على الكل
وطلع بسياره الاربيل ومن وصل دلو على بيت عمه وعرفه راح دك الباب طلعله ابن عمه
احمد طبعا ما عرفه لان ابو ملاك من طلع من لعمارة جان احمد ما جاي للدنيا
كله شهاب الاحمد عمي موجود كله اي تفضل وراح صاح ابو الي رحب ب شهاب كولش حار وفرح بي وطب ويه عمه جوة
العم عزم على شهاب انو ميطلع ويروح ياجر بفندق كله البيت بيت عمك يعني بيتك تبقى يمنه
بيت ابو ملاك عدهم مكان برا بلحديقه يسوون بي مسكوف
طلعو برا دا يشوون السمج برا
وطبت ملاك الي جانت راده من المدرسه لبسها ضيك و فاله شعر وراد شهاب يحجي بس سكت لان عمه موجود بس بقى مبين علي انو هو ضايج
صار وقت الغده اجتمع الكل على سفره وصارت ملاك مقابل شهاب وطول الغده شهاب يخزر ب ملاك الي ضاجت وبعد ما تعرف شون تاكل وتنرفزت وكامت من الاكل
وكالت ملاك بين نفسها شنو هذا المكروه حقه بابا من عافهم وطلع منهم لان هيج معقد هذا وملاك كرهته وكرهت كل تصرفاته وياها حسسها انو هيه كولشي ما لابسه
وراها نزلت كلت الماما اني راح اروح ابات عد صديقتي سرى الليله طالما هذا الخبل راح يبات يمنه
وافقت ماما لان تعرف صديقتي واني دائما اروح ابات يمها
رحت بدلت وكشخت وتعطرت ونزلت ع درج وشايله فوني
رحت على بابا وكتله يوصلني وبابا كال ل شهاب كوم نوصل ملاك بصدقتها ونفتر شوي باربيل اشوفك اربيل
طبعا ضجت كولش لان هذا المعقد راح يجي ويانه تمنيت يكول لا بس للاسف اجة ويانه
كام شهاب وراح ويه عمه علمود يشوف اربيل بس هو بگلبه راد يشوف ملاك وين رايحه
وهو بينه وبين روحة هاي شون طالعه بهيج لبس عمي ما عنده غيره على عرضه عمي نسى يربيها لو نسى اصله ضاج شهاب كولش
وطلعو شهاب كعد يم عمه بلصدر و ملاك ورا ملاك شغلت اغاني بسياره وعلت صوت طبعا شهاب كولش اتنرفز وضاج بس ما كدر يحجي شي وغيرته اكلته اكل لان مهما يصير هيه بت عمه وعرضه ميصير يشوفها احد هيج لابسه
وصلو لبيت سرى نزلت ملاك سلمت على ابوها بوسته وحضنته وراحت دكت الباب طلعت سرى وفاتو جوة
.
.
يتبع
حبايب قلبي صوتو واذا ما عجبكم شي كولولي 😘
الكاتبه ( سُرى الخالد )
