راحت ملاك لبيت صدقتها وطبت جوة شهاب طبعا كولش ضاج شون بت عمه وعرضه تبات بيت غريب وبهيج لبس
ابو ملاك اخذ شهاب وشوفه اربيل وتعشو سوا
كل هذا وابو ملاك ما يدري انو ابو مريض وطالب يشوفه وصلو للبيت ونزلو و شهاب حجى ويه عمه كلو عمي مناوي ترجع لاهلك وديرتك الكل ينتظرك هناك ويتمنون ترجع
جاوبه ابو ملاك كله عمي شون ما اتمنه ارجع لديرتي اكو واحد ينسى اصله وديرته بس اخاف ماكو احد يستقبلني هناك ولا يرحب بيه
شهاب كله عمي غلطان الكل منتظرك والكل يرحب بيك الديره ديرتك وذوله اهلك وناسك ديكمل كلامه
دك جهاز ابو ملاك خابرته ملاك كله ها بابا كلتله بابا تعال اخذني لان بيت خالت سرى حيباتون يمها وما اكدر ابقى يمهم واخذ راحتي
كللها ابوها نشالله بنتي مسافه الطريق
شهاب ضل باله يريد يعرف شكو
سد تلفون ابوها شهاب كله خير عمي بت عمي خو ما بيها شي
ابوها كله خير بس ملاك تريد ترجع تكول ما اخذ راحتي تكدر يبعد عمك تروح تجيبها لان اني ما بيه اروح
طبعا شهاب كلش فرح وما عرف ليش وكله تأمر عمي ماكو اي ازعاج
اخذ الصويج مالته والمسدس وطلع وهو يعرف البيت لان هو وصلها ويه ابوها من وداها وصلت البيت دك هورن طلعت ملاك انصدمت
ب شهاب هو الي جاي مو ابوها وترددت تصعد ويا وخافت من نظراته ما تعرف ليش
ركبت ملاك سياره وكالت هلوو بس هو ما ردلها لان ابد ما عاجبه لا لبسها ولا حجيها
بداخلها كالت شكد مكروه ومعقد
على شنو شايف نفسه شكد مغرور صوجي اني الي سلمت علي
كللها شهاب وهو دا يسوق ومركز نظره ع الخارج كللها انتي هييي شنو هللبس وهلحجي وهلشعر مو عيب وحرام انتي مو مسلمه
تنرفزت ملاك وصاحت بي انت الي هييي ما الك حق تدخل باسلوبي وبحياتي بعدها دا تكمل وما شافت الا راشدي على خدها هيه نصدمت وشهكت دموعها بدت تنزل
صاحت ملاك شون تمد ايدك عليه منو سمحلك كللها ابن عمج وغصباً ما عليج اكسر راسج كلتله لا ميحقلك اني بابا ما ضاربني ولا عمره مد ايده عليه وهيه دموعها تنزل وتشهك
كللها ايي لان عمي ما عرف يربيج الا وين اكو بنيه هيج تلبس وتكول للشباب بهذا لبسها تعالو تحارشو بيه
طبعا ملاك نصدمت من حجي شهاب وكلتله احترم نفسك ومدن ايدها تيد تضربه وهو وكف سياره ولزم ايدها كللها هلمره حعديها بس مره ثانيه اكسر ايدج
وهو يلوي ايدها وهيه تصبح عوفني
انت متوحش مو ادمي وتبجي ومدت ايديها تيد تنزل من سياره جرها قوي علي وصارت قريبه كلش منه وصار وجه بوجه وياها وهيه تشهك كللها
شنو رايج تصيرين مرتي
هيه شهكت وكلتله تحلم بيوم اصير مره الك لو تموت ما شوفني بيوم مره الك
وبقت ملاك طول الطريق تبجي وتشهك وصلو للبيت لزمها كللها اياج تحجين شي او تكولين الاحد هيه نزلت وهزت ببراسها بمعنى ايي ونزلت ركض لغرفتها فوق الي تصير بسد غرفه شهاب
وضلت ملاك طول الليل تبجي وتفكر بكلام شهاب وهيه جانت احلامها تدخل كليه طب وتحب وتزوج حبيبها وتعيش حياتها مقل ما تحب وافكارها كله يم حياتها و كلام شهاب الي واثق من نفسو من حجى هيج وانو حيمشي غصباً عنها
وكفت كدام لمرايه ومسحت دموها وكالت مو ملاك الي تبجي وتمشي امرك عليها لو تموت ما اقبل بيك ونشوف اني لو انت الي يمشي كلامو
كامت غسلت وجهها ونامت كعدت صبح وهيه كلها نشاط وللست برموده ضيكه وشالت شعرها ونزلت صاحت صباح الورد الكل رحب بيها وكللها صباح الخير الا شهاب الي اتعصب وضاج ولو بيدو يشرب من دمها
ام ملاك حبت شهاب هيه وابنها احمد وتمنت انو يصير زوج بتها وترجع للقريه لان هيه ما جانت تيد تطلع منها رغم انها مثقفه و واعيه الا انها بسيطه كولش
كاعد شهاب على اعصابه وكله لعمه عمي
اني نهيت على ملاك
ملاك جانت دا تشرب جاي وشهكت من سمعت كلام شهاب وعمه كله شتكول بعد عمك شهلحجي
كله عمي هيه بت عمي واني الي الحق انو انهي عليها
ومحد يكدر يحجي
تعصب العم لان يعرف انوشهاب من حجى بعد ما احد يكدر يحجي شي والعادات وتقاليد هيج تكول
وتمشي علي وعلى بنته حتى لو طلع خارج القريه
كامت ملاك وكسرت الكلاص الي جان بيدها وكسرت الغراض الموجوده مقابيلها وكلتله لو تموت ما اصير مرتك ولا تحلم بيوم انو اصير الك
ام ملام سكتت جانت تتمنى يصير زوج بتها بس مو بهلطريقه جانت تتمنى
انو يخطبها ويزوجها ويحبها مو هيج ينهي عليها راح تكوم ملاك تكرهة
ملاك تهسترت واغمى عليها وامها اجت تصحي بيها هيه وشهاب وحاولم وياها ما فاد المن ذب اخوها احمد على وجهها مي وكعت وبقت تبجي بحظن امها
احمد ما فهم شنو صار وليش هيج وملاك دفعت شهاب الي جان يكعد بيها وراحت حظنت امها وكعدت تبجي
شهاب ما جان رايد انو يسوي هيج شي بس هو فكر انو اذا نهى على بت عمه عمه راح ينحني للامر ويرجع مع شهاب للقريه وراح يرجع مجبور للقريه لان حسام ابن عمها نهى عليها
شهاب ما ينكر انو هو نعجب وانجذب لشخصيه وجمال ملاك الي اول مره الشيخ شهاب ينعجب بوحده رغم هو شكد سافر وشاف اشكال بنات بس ما شاف مثل ملاك دخلت كلبه من اول نظره
عاف كلشي شهاب وطلع من بيت عمه
ملاك بقت تصرخ وتبجي بس ما احد يكدر يساعدها
ابوها وامها خايفين كولش ع بتهم وهيه بتهم الوحيده وما بيدهم على شي لان يعرفون العادات وتقاليد
ملاك بقت تصيح على اهلها شبيكم تقبلون
يعني انو ينهي عليه وتكللهم كومو ننهزم قبل ما يرجع بس لا حياه لمن تنادي ما بيدهم شي
ابوها حضنها وكعد يمها كللها بعد روح ابوج ما بيدي على شي ابن عمج ونهى عليج
لو تاخذي لو تبقين هيج وتعجزين وما احد ياخذج غيره
ارضي بي يبعد ابوج
وشهاب زلمه ينشد الضهر بي وكلشي قسمه ونصيب
صرخت ملاك بصوتها على موتي اصيرله مره او اوافق بي لو يموت ما اقبل بي وبقت امنيه تصرخ وتبجي وبقت تكسر بغرفتها واي شي يجي كبالها
لليل رجع شهاب من برا وكللهم اخذو راحتكم اني اجرت غرفه بفندق بس عمه
ما قبل يروح للفندق وكله اكعد احجي وياك
كعدم وقنع شهاب عمه انو يرجعون للقريه
ويه شهاب
فتحو الموضوع شهاب وعمه علمود ملاك
كله عمي اني نهيت على ملاك وهيه بت عمي تجي لبيتنه تريد ترضى واسويها احلى زفه وعرس
او تيد ترجع وياك بس ابقى ناهي عليها ومحد ياخذها غيري
.
.
يتبع
احبكم كلش نشاللع مقصرت بهذا البارت
الكاتبه (سُرى الخالد )
