بـغـداد 10:20 يوم الجمعة:
صباااااح الخخخييررر ياااقووووم سععدددد
هند:صباح الخير ياااحلللوه العشيره
كرار:بدات اللواكة
لينا:هند انتي من البارحه دتتلوكيلي فحجيلي شتريدين!
هند:اريد اجي وياج للكلية
لينا:اي مو اني داكول تريد شي هلينيه وبعدين شعندج جايه ويايه
هند:عاجبني اغير جوو
كرار:عاجبهاا تغير جو بالكلية بله شتحجين وياهاا هاي
لينا:عوفهاا عرفهاا
سمر:هاي لسااعكم متريكتوو
كرار:بناتج ميخلن الواحد ياكل عدل بس يسولفون
لينا:صبباح الخير حياااتي معليج بهذا
سمر:يمه لينا وهند كومو نظفوا غرفكم وتعالو نظفووا الجوه
لينا:صعدت لملمت غرفتي وفتحت الفوون تصفحت ونزلت جوه
وهسه اجه دور اعرفكم بنفسي
اني لينا من بغداد ، ٢١ سنة ، مرحلة ثالثه ، رشيقة جدداً احب جسمي ، طولي وسط ، حنطاويه ، عيون شبه كبار، بالمختصر جميلة ، اما كمستوى بالدراسه فاني جيدا ، احب قراءه الكتب جدداً واحب اثقف نفسي من هواية نواحي ، اما بالنسبة للحب فهو طفولتي كلهاا ، الحبيب (احمد) حبيب طفولتي،
وهسه نعرفكم ع اهلي متكونين من :
سمر:امي الجميلة ٤٢ سنة، الي تفهمنه ودائماً تشجعنه وواكفه ويانه بكل صغيره وجبيره،ربت بيت.
سعد:ابوية الاحبه ٥٠ سنة، الي ميمنعنه من اي شي خال النه حريه ومساحه كلش جبيره بس بحدود وواثق بينه بدرجه جدداً جبيرة.دكتور جامعي.
كرار:اخوية الارعن مواليد ٩٦ مرحله رابعة المفروض متخرج بس صارت اله اسباب وترك الدراسه فتره (راح تعرفون الاسباب بالبارتات الجاية) متعاطف ويحبنه جدا دائماً ويانه صح هوايه نتعارك ومزاجنه مو نفس الشي بس احببه.عدنه سوبر ماركت يكعد بيه اكثر الوقت ومرات ابوي.
هند:بزر الكعده ١٧ سنه سادس، هاي عاد صندرق اسراري والي تفهمني ودائماً ويايه.
البصرة 10:30 يوم الجمعة:
عامر: شكككمم مرة كتلك اكعد وكافي مشاكل عاد متعبت ممليت كل يوم مشكلة اكبر من القبلهاا ميمر يوم اذا مجايب مصيبة ع راسنه شوكت راح تصير رجال شوووكتتت.
علي:بويةة هدي ليصعد ضغطك انة احل السالفه روح وارتاح انت.
عامر: مره انت تحلل السالفه ليمته يعني يمته يصير رجال وبراسة خير.
علي:بووييةة كتلك اهدأ انه احل السالفة ادخل يم جدي جوه والك الصافي.
علي:شفت ابوي دخل للبيت ورحلت لعباس وضربته بوكس ببطنه خليته يوكع بالكاع.
علي:ليمته اضل ادافع عنككك هاااا ليمته ماتستحي كل يووم مصيبة جديده
عباس:هههه والله ضحكتني يخوي
علي:لتستفزني عباااسسس
عباس:واذا ستفزيتك شسوي تطلع بطولاتك علي يخوي؟
علي:عبااااااااااسسس كاافييي ععااااادددد
عباس:ههه
علي:مراح تنعدل وتصير رجال لا والحسين مراح تنعدل
عباس:اي انه مو رجال رايد شي!
علي:شووف اكلكك لكك وحگ امير المؤمنين اخلي طلقة براسك واموتكك ومافكر انت اخووييي اسمع اكلك هلمره راح احل السالفه نفس ما حليت القبلهااا بس اذا اسمع صايره مشكله ثانيه من وراك محد يخلصك من ايدي فهمتت
عباس:ذنبي راح يظل بركبتكم للموت انت وابوي وجدي خلي هلشي ببالكم
علي:.........
عباس:حقك ما عندك جواب ابعد عني خلني اكوم
علي:روح
وهسه لازم نعرفكم ع علي وعائلتة :
انه علي ٣٠ سنه، ابن شيوخ جدي مربيني من انة وصغير احب امور العشيرة وهاي الاشياء احب اكعد بالديوان واحل مشاكل الناس صح هي امور صعبة ححيل بس تعودت ومن حبي لهاي الامور ماحس بتعب اله بمرات قليله من يصر ضغط عليه، طويل وصاحب عضلات وجسم مملي اسمر عيون عسليات لحيتي مو طويلة ولا قصيره وسط شواربي مرفوعه شوية، احنا كعائلة عدنه خير من الله من بساتين وبيوت وعمارات وشغل ،
وهسه نعرفكم ع عائلة
شيخ صلاح:جدي ٧٠ سنة، بعدع بحيله والي يشوفة يكول شباب، طبعه صارم وميقبل ع غلط صح يتشاقه وهيج سوالف بس هو انسان كتله مال عصبيه عنده ظلم ببعض الاحيان كلمته وحده متصير ثنين ، عنده اهم شي كلام العالم.
شيخة جورية:جديتي ٦٧ سنة، هاي عاد الحب مال بيت كله تشاقه وترزلنه هوايه بس عسل رزالتهاا علينه تزوجو هي وجدي من هم وصغار وجدي ما باوع ع غيرهاا وكبروا سوه وهم بعدهم ع نفس حبهم.
هسه نحجيلكم عن عمامي واحد واحد هو وعائلته:
كاظم:عمي الجبير ٥٥ ، هذا عاد حاقد علية بشكلل جبير ماحسه عمي ولا اعتبره اساساً بس كدام العالم.
سعاد:مرته ٥٥ سنه ، مريه خلوقه وحبابه بشكل ميتوفع (مدري شون ماخذه عمي كويظم)
جاسم:ابنه ٢٥ سنه هذا كل وقته ببغداد ماعنده مسؤليه ابد.
زينب:بته ٢٤ سنة خاله راسها من راسي تصخر وتركض الي وخفيفه بشكل يلعب النفس.
عامر:ابوي ٥٠ سنه ، ابوي نفس اطباع جدي بس اهداء هوايه منه.
نظميه:امي ٤٥ سنه، روحيتي هااايي انسانه متنوصف لوو وصفوهاا العلماء.
انه الجيبر
عباس:اخوي ٢٧ سنه ، جان انسسان شقاوجي وعايش الحياة بس ضحك اله ان اجه اليوم الي صار بيه الي صار(راح تعرفون بالبارتات الجاية)
فاطمة:خيتي ٢٢ سنه ، دائماً تضحك وتحشش بس عيونهاا تكول غير شي (راح تعرفون الاحداث بالبارتات الجايه)
ستار:عمي الصغير ٤٦ سنه ، هذا عاد منعتبره عمنه عبالك صديقنه دائماً ويانه بكلشي حشاش وميبين عليه الكبر ابداً
سناء:مرته ٤٠ سنة ، ماكدر احجي عليهاا شي غير انو هي نقيه بشكل مو طبيعي.
سجاد: ابنه ٣٥ سنة ، مزوج صارله سنه وعنده براء.
حسن:الححبيب وحزام ظهري واخووي ابنه ٢٩ سنة ، هذا بير اسراري مافديوم ضام عليه شي وهو كذلك.
قاسم:ابنه ٢٠ سنه هذا مشيطن العائله اختصاص ضحك وشقه.
ابرار:بته الصغيره ١٧ سنه.
كلنه عايشين ببيت واحد بس عمي كاظم طالع ببيت بوحد قريب علينه بالفرع الثاني ، جديتي جابت بس ٣ بسبب اجتي فتره ومرضت فتطروا يشيلون الرحم ،. والكل ستغرب شون جدي ما اتزوج بعد حتى يجيبوله اطفال اكثر وخصوصاً جدي جان بنفسه يجيب بنات هوايه بس مااخذ وحده ع جديتي لان جان يحبهاا كلش ولحد الان.
