بغداد مساء يوم الجمعة:
سعد:السلام عليكم
الجميع:اهلاً
هند:هلاا باابوية وحزام ظهري
سعد:هند شكوو شرايده بابا
كرار:هي هند صايره اختصاص مصالح
لينا:اتفق ويا كرار
هند:والله عيب عليكمم اسمعع سعد اسمع جهالك شيكولون عليه
كرار:جهال بعينج
سمر:هسه بعدين تعاركوو تعال سعد حبيبي تعال اكعد
سعد:بابا كرار شوكت تروح للمحل ترا خالد بقه هناك
كرار:اي يابه اني متفق وياه بس اخلص عشه واروح
لينا:طبعاً احنا علاقتنه باهل امي كللش قويه وخوالي وخالاتي نصيحلهم باسمائهم ميانه وشقه وياهم ككلش.
راح كرار وضلينه شقه وتحشيش
صارت ب ١٢ صعدنه فوك اني و هند كل وحده لغرفتهاا.
احجيلكم ع احمد شويه:
احمد ابن خالتي ٢٥ سنه ، حب طفولتي وهو طفولتي كلهاا من احنا وصغار سوه لحد هسه يحبني ومدللني صح هو عنده سوالف تعبانه ويا البنات هوايه ولحد هسه عنده بس اني احاول اتغاصى وكل مره نتعارك بسبب هلشغله وكل مره يكلي اني ذني اكضي وياهن وكت وانتي الاساس وام بيتي ، صح احبه واعشقه وروحي بيه وهو كذلك بس دائماً مخلية حاجز جبير بيناتنه انو ميتقربلي وميلمسني ابدداً.
البصره ١٢:٣٠م:في البستان
حسن:هم يجي يوم وتكضي
علي:تكضي وداعتك بس كول يالله وبعدين انه متعودت عليك هيج ضعيف وتنهار بسرعه
حسن:علي احبهاا ومداكدر اخليهاا تصير حلالي اروح لجدي يكلي بنات عمك موجودات مننه هنا بنات عمي اختك الي اعتبرهاا اختي واكثر لوو زينب الي مجلبه بيك لوو ابرار الي بكد الصرصر
علي:يوول كول يالله تفررج والله تفررج وانه احجي ويا جدي بس خل نفوت فتره واحجي وياه بالعباس
حسن:الله كريم يخوي
بغداد 10:20ص السبت:
سعد:صباح الخير
سمر:صباح الخير يعيوني
كرار ولينا:صباح الخير
هند:هلاو
سعد:بابا هند الواحد يكول صباح الخير
هند:شوف حبيبي سعد اني حالياً سادس ودامر بازمات جبيره فلهذا لحد يحجي ويايه
سعد:تاكلنه وتشربنه بحجيهاا
كرار:انتوو نطيتوهاا مجال
هند:كرار الافضل تسكت حياتي
لينا:الواحد يسمع اشياء لطيفه من الصبح واني اسمع هيج عركات
سمر:يلا خل نتريك دنروح لبيت جدكم
لينا:من سمعت بيت جدوو طرت من الفررح يعني حشووف الحبيب ، اكلنه وخلصنه صعدت ركض لبست بنطرون ابيض وبدي اسود مو كلش قصير وسويت شعري كعكايه ومكياج قليل ونزلت لكيتهم مكملين
سمر:يلا سعد نروح
سعد:يلا عيوني
لينا:وصلنه لبيت جدي واول مفتت شفت احمددددي ضليت صافنه وهو هم لحد ما اجتي خالتي سلمت عليه وضلينه سوالف وضحك ، وراها اجه ابن خالي الصغير شاورني احمد يريدني ، رحت للحديقه وكعدنه ع مرجوحه
احمد:اححبببججج
لينا:واني هم يللروح
احمد:شوكت تصيرين الي
لينا:باقيلي بس مرحله واتخرج ، ووراهاا اصير ملكك
احمد:اخخ شحيخلصهااا
لينا:ضلينه نسولف ونضحك
البصره ١١:٢٠ص السبت:
الشيخه جوريه:ولكك فطمم وينك
فاطمه:هسه يااحياتي ليش تصيحيلي بصفتي ولد
الشيخه جوريه:نطمي ، جدج وين
فاطمه:طلع هو وابوي
الشيخه جوريه:وامج المسعده ومرت ستار نايمات للظهاري موو.
فاطمه:لاا جده حرام عليج تحجين عليهم خطيه كاعدات
الشيخه جوريه:ادري كاعدات بس دارزلهمم
فاطمه:مو جديد هذا الشي
الشيخه جوريه:وهي تضرب فاطمه بالعصه ، لكك فطيم صاير عندك لسان
فاطمه:من زماان حيااتيي
بغداد 5:30 الاحد: دك المنبه
لينا:بضوجه، يعني هسه اله نروح للدوام
كمت لبست بنطرون وكفيته ووياه قميص مو كلش قصير لميت شعرب ذيل حصان وخليت مكياج بسيط وطلعت
صباااححح الكأبه والدووامم
كرار:صباااح التععاسه عليجج
هند:صباااح الامتحااناتتت
الاب والام:صبااح الخخيرر بنيتي
لينا:هستوني داكعد اتريك وسمعت صوت الخط
سمر:يمه شون حتطلعين بدون اكل
لينا:اكل هناااك ، يلااا مع السلامه للكلل
الجميع:بااي
لينا:فتت للجامعه وشفت جماعتي كاعدين رحت رئساً وكتلهم صباااح الخير يلعارات
ضحى:صباااح الدوخه
زين :اهوو جتتييي
عبدالله:الواحد من يجي للكليه لازم يسوف شخص متفائل بيه خير واني اشوف لينا وضحى
لينا:ولكمم عليمن هوو انتوو غير تموتون علينه
ضحى:اي بالقران
زين:دمشووا امشووا خل نفوت محاظره احسن
الجميع:يلاا
شلتي متكونه من
ضحى:صديقتي وروحي ، زين:الصديق الوفي ، وعبدالله:الجميل
طبعا احنا من مرحله اولى سوه كله سوه.
لينا:فتنه اول محاظره وبنصهاا دك الفوون واني جنت مخالته صامت سديته بسرعه والاستاذ ضل يباوع عليه بس همزين مرزلني
كملنه المحاظره وطلعنه وشفت ماما داكه عليه ٢٥ مره وهند ١٠ مرات تفاجئت كلت اكيد صاير شي اتصلت عليهم اكثر من مره ماكوو
وراها ب ٥ دقايق دكتلي هند ،
هند:لينا رجعي للبيت
لينا:شصايرر هندد
هند:رجعي للبيت بسرعه
لينا:سدت هند التلفون وضليت صافنه مفهمت شكوو بس اكيد اكوو شي صااير ، رحت كلت للخط راح اطلع لتنتظروني ، وعبدالله اصر انو يوصلني فتت الفرعنه شفت بابنه مفتوحه دخلت شفت الكل يمنه ومن ضمنهم احمد عيونه مغوركه باالدمع وهند دتصيح عليه وهو بس ساكت.
