جوان

الجزء الثاني عشر«12»

كان سليم واصحابه بيرقصو وهيصو الفرح وكان جوان ومالك بيتفرجو على الرقص والناس بتباركلهم

ام سهيله ،، مبروك يا عروسه امال فين اهلك اسلم عليهم

مالك،، جوان بنت عمى واهلها الى قاعدين هناك دول الى هو ابويا واخوه وطبعا ميشرفهمش انك تسلمى عليهم يعنى يستحسن تاخدى واجبك وتمشى

ام سهيله سمعت الكلام ومشيت علطول من غيظها

جوان كانت بتبص ع الرقص وفى عينها حزن وكسره كان نفسها تكون وسط عيلتها فى اليوم دا كان نفسها ابوها الى يكون وكيلها وامها تكون جمبها بس القدر له احكامه
مالك ،،تعالى نرقص بدل القعده دى عشان محدش يلاحظ اننا مش طايقين بعض
جوان باستسلام ،، ماشى

اشتغلت اغنيه « اه منك يا غالى بتجرى فى خيالى ودايما فى بالى ومش بتروح حياتى معاكى وروحى معاكى ...........»
كانت جوان تنظر للارض ومالك شارد فى عالم اخر
دخل محمد وريم يرقصو وريم همست ل مالك

شيلها يا مالك دى ليله العمر

مالك غمض عينه وشالها ولف بيها  كأنها فراشه فى ايده وهى اتخضت وكلبشت فيه نزلها وهمس ف ودنها ،، متخافيش

فجاءه اشتغل مهرجان ( عايم فى بحر الغدر ) والكل بداء يرقص جوان حست بغربه لان مالك اخواته حواليه وهى مفيش حد من عيلتها لكن شدها مالك وخلاها ترقص ونسيو انهم متجوزين غصب ورقصو بحرفنه ع المهرجان والكل وسع وفضل مالك و جوان بس ع الاستيج وبداء التحدى ما بينهم على مهرجان ( هاتلى فودكا وشيفاز )
كان بيرقصو على لحن الاغنيه والتحدى اشتعل ما بينهم مسكو ايد بعض وبقو يعملو نفس الحركات كأنهم عروسين عن قصه حب

اخدت ريم جوان ورقصتها بلدى وكان مالك بيرقص مع صحابه واخواته ع المهرجانات
وهو بيرقص بابداع على المهرجان
الفرح كان جميل بمعنى الكلمه وكان الكل فرحان ومبسوط

خلص الفرح وركبو العرسان العربيه وكانت مزينه بشكل فخم

محمد ،، انا حجزتلكم الليله ف فندق ليكم جناح  خاص

مالك بضيق ،، لى يا محمد منا اوضتى جاهزه

محمد ،، دى ليله العمر

مالك بنفاذ صبر ،، ماشى يا محمد
حضنت مرام جوان وودعتها

ف الطريق كانت جوان بتبص على منظر البحر وهى سرحانه

مالك،، اظن ان انتى كده مبسوطه

جوان......

مالك ،، انتى يا انسه بكلمك

جوان.. ها اى فى

مالك،، لا مفيش بس اظن ان انتى كده مبسوطة

جوان ،،واى يبسطنى

مالك،، اتجوزتى واحد غنى كل البنات بتتمناه وجالك على طبق من دهب جاهز