جوان

الجزء السادس عشر«16»

سليم ،، اى فى اى
جوان،، انت جبت البرشام دا منين
سليم ،، واحد صاحبى ادهونى وقالى انه للصداع
جوان،، انت عارف دا اى
سليم ،، اى
جوان،، دا نوع من انواع المخدرات اسمه (استروكس)  واضراره خطيره جدا وبتظهر من بعد دقايق من شربه ومن اضراره انه بيخلى المتعاطى يفقد جزء من ذاكرته وبيدخلو فى مرحله الاوعى وبيخليه يعمل اى حاجه من غير وعى وممكن يكون مش عارف هو عايز اى وهو من اقوى انواع المخدرات الى دخلت مصر من  سنه ونص تقريبا واحنا بنحاول نمنعها بمعاونه من الجيش المصرى
سليم بخضه ،، يخربيتك اى اتفتحتى ف وشى زى البكبورد بقا انا اخد  مخدرات يعنى اخويا عقيد وابويا لواء وابقى مدمن يا خراب بيتك يا سليم

فى اللحظه دى دخل مالك ومسك سليم من لياقته ،، مين الى ادالك البرشام دا اسمه اى
جوان،، سيبه هو مالوش ذنب
سليم ،، واحد صاحبى واسمه كمال
مالك،، اسمع انت هتكلمه دلوقتي وتقوله انك عايز تقابله وانك عايز برشام تانى من دا وتحاول تعرف منه هو بيجيبه منين
جوان،، عفكره المفروض احنا الى نتصل علشان مياذيش سليم ونروح لعنده ونهدده وهو هيعترف بيجيبه منين العيال دى من اول كف بتعترف
مالك،، فكره كويسه بس انتى مش هتروحى
جوان ،، نعم لى ان شاء الله
سليم ،، بقولكم اى انتو هتتخانقو هنا انا عندى صداع خد مراتك من هنا يا عم مالك وانكشحو
مالك بص ل جوان ،، اهو المفعوص دا بيقولو انكشح بسببك يلا يا جعف  قصدى يا جوان
جوان بغيظ وقالت ف نفسها ،، ماشى يا مالك اما وريتك جعفر دا هيعمل فيك اى مبقاش انا جوان

طلعو من اوضه سليم
جوان،، انا الى هقوم بالمهمه دى ياريت تطلع منها
مالك،، انتى هبله يابت
جوان،، متقولش بت انا رائد فى الشرطه .ليا كلمتى وبعرف اصرف كويس واظن انت عارف يعنى اى الرائد جوان تتكلف بمهمه
مالك،، لا عارف يا سياده الرائد بأماره خطفك الى قدرتى تهربى منهم بسهوله
جوان رفعت صباعها ف وشه ،، مالك انا بحزرك انك تستفزنى واذا كان على الخطف فانا اتاخدت على خوانه فيه
مالك،، امممممم يعنى عايزه اى
جوان،، انا الى هقوم بالمهمه دى لوحدى
مالك،، مينفعش
جوان،،لى
مالك،، انا مراتى متطلعش مهمات لوحدها
جوان ،، اى ياخوايا مراتك دا الى هو ازاى دا انا مراتك على الورق وبس
فجاءه مسكت جوان دماغها وداخت وكانت هتقع
سندها مالك ،، جوان فى اى مالك
جوان ،، مش عارفه دوخت لى
مالك،، طيب تعالى نروح الاوضه وانده على ريم تشوفك
جوان،، لا لا انا كويسه بس هنام وهكون تمام
مالك،، طيب تعالى اوديكى الاوضه
اخدها مالك ووداها الاوضه وغطاها  وقلعها الحجاب وراحت فى نوم عميق نام مالك جمبها وفضل يركز فى ملامحها الى زى الاطفال وبص على شعرها الدهبى الى طوله زاد اكتر لحد ما وصل لاخر ضهرها
فرد شعرها وبداء يشم فيه ريحه شعرها بتجننه لكنه لاحظ ان جوان بتعيط بهدوء
مالك ،، جوان بلاش عياط انا قولتلك متعيطيش تانى
جوان ،، لا مش بعيط
اخدها مالك فى حضنه ومسحلها دموعها ،، لا بتعيطى يا جوان وياريت بلاش العياط دا تانى
جوان بطلت عياط لانها فى حضنه هى بقيت مدمناه وهو كمان مدمنها
بس الكبرياء كان سيد الموقف