نهوة علي (عشقي نهوتي)

البارت الأول

يوم الجمعه الساعه 9:00 ص
اسراء: هي انتن شوكت تكعدن مو اليوم عدنا عزيمه
يلا كعدن امي وحدها تشتغل
نور: يا اهلا وسهلا شوكت اجيتي لج
اسراء: قبل شويه
نور: بتج وين؟
اسراء: بالبيت بقت يم ابوها
نور: جذاااابه لااا ليش 😭😭
اسراء: ههههه جذب كومي ذيج هيه جوة تسمع صوتج
نور: عابتلج روحتي قلبي عبالي صدك مجايبتها جا صرت مكافش وياج
جمانه: اشششش ولجن الله لا يطيجن من الصبح لغاوي هففف
اسراء: الحمد لله الله يسلمج انتي شلونج 😒
جمانه: هههههه الحمد لله اسأل عليج
اسراء: مبين،يلا امي جاي تصيح علينا كووومن 😡
كمنه وحده تنضف وحده تعدل وحده تساعد امي بالمطبخ صارت الساعه ب11 اجو عمامي كلهم سلمت و رحت صعدت فوك سبحت و بدلت صار الاذان توضيت و صليت
ستووب ملاحظه
(عمي الجبير هاشم ابو علي و بعده والدي و بعد عمي علاء عمره 45 سنه اصغر واحد بيهم مرته اسمها لما حبابه كلش و عنده ثنين بنات بس الجبيرة اسمها فرح حبابه ع امها و الثانيه اسمها رنا فد مكروهه و شايفه روحها و تحب علي فرح عنرها 20 سنه و رنا بكدي 18 سنه )

خلصت صلاه و نزلت جوه اصب الغده اجت فرح و رفل و جمانه ساعدني بالصب و اسراء كاعده يم نسوان عمامي و امي تصلي فرشنا زلم و نسوان سوه لان مو هواي احنه كعدنا نتغده (طبعا العزيمه بمناسبه نجاحي من السادس بمعدل عالي)
خلصنا غدا لمينا السفرة و اني خدرت الجاي و جمانه و اسراء و فرح و رفل ملتهيات شي تغسل المواعين و شي تنضف بالمطبخ خدر الجاي صبيته و اخذته
ابوي: نور
نور: أمرني بويه
ابوي: نادي الكل هنا اريد احجي بموضوع
نور: تأمر يابه ثواني و الكل يمك
احمم من رخصتجن عماتي ابوي يردنا بموضوع تفضلن للمضيف
امي: خير ان شاء
رحت اني اصيح البنات
نور: بنااات ابوي يردنا بموضوع بالمضيف امشن بسرعه يلا لنتاخر زحمه
اسراء: ما كال شيريد
نور: بربج اسراء هذا هم سؤال 😒 هسه نروح و نفهم منه شيريد
رحنا و كعدنا كلنا
ابوي: محمد كبر بعد و صار رجال و اني قررت ازوجه
عمي هاشم: ع خير ان شاء الله
ابوي: الخير يصيبك خويه و اني قاصدك يخويه ابو فرح اني طالب ايد بنتك ع سنه الله و رسوله لابني محمد و شنو تأمر احنا حاضرين
عمي علاء: والله يخويه كبعها و اخذها وين نلكه احسن من محمد هاي هيه خويه موافقين
ابوي: مشكور خويه بس لازم نسأل البنيه اول
هاا بويه فرح شكلتي موافقه لو لا
فرح: ب ب بكيف باابا
ابوي: ع بركت الله و الخطبه الخميس الجاي ان شاء الله
عمي هاشم: بالرفاه و البنين الله يتممها ع خير الف مبروك بويه محمد
محمد: الله يبارك بيك عمي الغالي
امي: الف مبروك بنيتي الله يسعدكم
فرح: الله يبارك بيج عمه تسلمين(بخجل)
بعدين كمنا احنا البنات رحنا بغرفتي نخطط و نخضر للخطبه
نور: اكلج فروحتي
فرح: كولي عمري
نور: فدوة لعمرج باجر نروح للسوك نحجز بدله و صالون و تنضفين وجهج هم
فرح: اوك الصبح غير
نور: لا الضهر ورا الغدة
فرح: ايي احسن حتى اشبع نوم هههههه
البنات: هههههه
جمانه: خررب يومج
صار العصر و كلها راحت بقو بس الولد بالمضيف يم ابوي اني اخذتلي غفه و كعدت الساعه ب5 و نص
رحت احضر العشه ويه امي
نور: مساء الفل يا وردة
امي: مساء العسل بعد قلبي
نور: اساعدج بشي يمه
امي: لا يمه خلصت ما عندي شي
نور: ماشي تسلم ايديج يا غاليه اكول اسراء وين شنو راحت
امي: لا نايمه بغرفتي
نور: اها ماشي
رحت للغرفه لكيت اسراء نايمه و بتها كاعده يمها تلعب
(بت اسراء اسمها غسق و عمرها 2 سنه و خدودها ينكرطن كرط و بيضه يممه فدوة اروحلها)
اخذتها و طلعت للحديقه و كعدت بالمرجوحه العبها
شوي شفت الولد دخلو محد شافني لان المرجوحه بين الاشجار صايرة

الولد: السلام عليكم
امي: و عليكم السلام هلا بيكم تفضلو العشه جاهز راح نصب
محمد: ماشي يمه احنه جوه كاعدين
امي: اخذو راحتكم،جمانه صيحي نور خلي تجي تدخل تساعدنه
جمانه: رايحه يمه
اسراء: جماااانه تعالي بسرعه
جمانه: (هففف كلها تصيح جمانه) جااايه جاااايه شفت علي كدامي كتله علي فدوة صيح نور خلي تجي امي تريدها
علي: ماشي وينها هيه
جمانه: برة بالحديقه كاعده ع المرجوحه
علي: ماشي
رحت و شفت نور نايمه و حاضنه غسق صفنت عليه شنو من جمال جنها ملاك نايمه و جريت حسرة
حسيت ع روحي و رحت كعدتها
علي: نور نور
نور: فزيت من مكاني ه هاا شتريد
علي: شبيج كمزتي شنو شفتيني جني
نور: لا بس جنت رايحه بسابع نومه
علي: نوم العوافي يلا كومي عمتي تريدج جوة
نور: ماشي كايمه
كمت و ما احس الا ضربه ع راسي بس خفيفه درت لكيته علي
نور: شبيك ليش ضربتني 😑
علي: هاي شلابسه متدرين ولد عمامج هنا
نور: و هسه اني شلابسه اني هذا لبسي شنو معاجبك
علي: ايي معاحبني يلا جوة ع السريع صعدي بدلي
نور: شعليك انت ليش تتدخل بيه هاااا
علي: لصيحين لا اكسر راسج يلا بسرعه كلت لا اشوفج شي ميعجبج
نور: (خفت منه) ايي صار تأمر بعد اكو شي لو اروح 😊
علي: عفيه من البدايه و سمعي الكلام لا يلا روحي اخذي راحتج
تعشينه و كملنا لميت السفرة اني و البنات و غسلنا المواعين و بعدين كلها طشت اني رحت لغرفتي و نمت بسرعه لان تعبانه كلش

تعبت البارت كلش طويل ياريت تقدرون تعبي و تتفاعلون وياي ☹
احبكم يلا بااي 😘