نهوة علي (عشقي نهوتي)

البارت الثالث

هلاو شلونكم حبيباتي اني اسفه والله البارحه منزلت لان صار عندي ضرف و مكدرت اكتب سامحوني ☹
........................................
........................................

صعدت فوك و وصلت لباب الغرفه و طفت الكهرباء
نور: ياااا وكتها يا ربي اخاف من الضلمه يمم...
احس ايد جرتني و ايد ع حلكي و دخلت للغرفه

علي: كلت لفرح دبري حجه و خلي نور تصعد فوك (طبعا هيه الوحيده الي تعرف اني احب نور و كتله اتساعدني ) المهم اني صعدت فوك و طفيت الكهرباء سمعتها اجت تصرخ سديت حلكها و دخلتها للغرفه

نور: سمعت صوت خشن يكلي اليوم واكفه و تتمضحكين ويه كاظم و شالج ملابسته عدل نوب لزكني ع الحايط و خله جسمه ع جسمه و قرب من اذني و كال خبلتيني و تعبتيني لج احبج افهميني و جرر حسره اني عرفته هذا علي ضليت جامده بمكاني و هوه طلع عرفت هوه الي مطفي الكهرباء المهم اخذت تلفون فرح و نزلت
فرح: شكرا حبيبتي
نور: .....
فرح: نور نور
نور: ه هاا حبي
فرح: شبيج وين صافنه
نور: هاا لا مصافنه بس دخت
فرح: (خرب حضك علي شسويت بالبنيه هههه)
نور: يلا خلي نفرش السفرة
فرح: يلا امشي
نور: كلما ادخل للاستقبال اودي الاكل يباوع عليه
(عبالك راح احبك اني الك)
خلصنا و كعدنا نتعشه و هوه و لا شال عينه مني
نور: يااا شبي هذا راح يفضحنه
المهم خلصنا العشه البنات يلمن بالسفرة و اني رحت اخدر جاي و رنا اكيد كاعده 😒 اجه محمد
محمد: يلا الجاي شسالفه
نور: تفضل خويه كمل
محمد: تسلم اديج
نور: تدلل قلبي
صارت الساعه ب11 و نص الكل راحو و اني رحت انام فرح بقت عدنا حتى الصبح هم نروح للسوك نكمل الشغلات الباقيه و مرت الايام ع نفس الحاله كل يوميه يجتمع الكل ع العشه و علي يباوع و رنا مضغوطه كل شوي تذب حجايه و اني مطنشتها

الصبح الساعه ب8
امي: نووور نوور وج يمه نور
نور: امممم
امي: يلا كومي حضري نفسج مو تردين ترحين للصالون ويه فرح
نور: طفرت من مكاني ايي ايي اكيد اروح
امي: ديلا كومي و كعدي اختج هم
نور: حاضر يمه،جمااااااااااانه كومي ولج احتركنه كومي بسرعه
جمانه: كمزت و كمت اركض و اكلها ركضي بسرعه و اباوع عليها ميته ضحك كتلها مقلب مو 😑
نور: ههههههههه اخخخ بطني هههههه ايي
جمانه: اوووف منج
نور: اجيت حضنتها و كتلها اسفه ممح
جمانه: يربي شسوي مكدر ازعل منج

رحت سبحت و بدلت و مشطت شعري و نزلت جوه
و دخلت للمطبخ كبل بدون ما اشوف منو موجود
نور: صباح الخير و اني فاتحه الثلاجه
علي: صباح النور وردة
نور: جمدت بمكاني و درت ع كيف و اني مغمضه عيوني و شفته علي لا لا مستحيل انت بكل مكان تطلعلي شنو جني و شردت
علي: كاعد بالمطبخ اشرب جاي و دخل عليه ملاك شعره طويل و حرير و الطول اوووف كالت صباح الخير كتلها صباح النور وردة اندارت عليه و هيه خجلانه اخخ فديت كالت لا لا مستحيل انت بكل مكان تطلعلي و ركضت ضليت اضحك عليها
نور: اوووف منك علي لبست حجاب و نزلت شفته يم الدرج واكف
علي: عليمن لبستي بعد احنا شفنا الشعر الحلو
نور: 😒 صوجك وخر مني يلا
علي: هستوج حبابه و دمغتها براسها
نور: اااي لتضرب وخر تاخرت اريد اتزقنب و اولي للصالون
علي: قربت منها و همست بأذنها لتكثرين مكياج ع طبيعتج احلى 😉
نور: 🤗 ميرسي كلك ذوق
علي: يلا اخذي راحتج يا ملاكي و جريت حسره
نور: الله. ياك (صدكني بكلامك متكدر تخليني احبك)
اسراء: شبيج وين صافنه
نور: ه ها لا مصافنه بس نعسانه شوي
اسراء: يلا بسرعه روحي تريكي تاخرتي
نور: راح اروح ابدل سويلي لفه حبابه
اسراء: ماشي يلا روحي
بدلت لبست جبه و فوكاها عبايه و اخذت بوشيه (نقاب) علمود من اتمكيج البسه
رحنا للصالون و بلشت بفرح خلصت و طلعت تجنن
نور: ما شاء الله تخبلين 😍 راح تجلطين اخوي
فرح: اخاف اخوج يجلطني هههه
نور: ههههه و صاحت عليه ام الصالون بلشت بيه و ورايه رنا