نهوة علي (عشقي نهوتي)

البارت الرابع

اسفه ع التأخير بس صارت عندي ضروف منا و عرس ابن خالي منا سامحوني و ان شاء الله اعوضكم حبيباتي مممممح 😍
..........................................
..........................................

كعدت الصبح و اسمع صوت صياح جوة نزلت حتى افهم شكو
علي: ما تنطوها يعني ما تنطوها شنو ياخذها غريب و اني هنا خلث هاي هيه نهيت عليها كلولهم ما ننطيها فهمتووووووو (بصياح)
امي كامت تلطم ع روحها و بابا و عمامي يحاولون يهدون علي
نور: ش ش شكو ما مامااااااا (بصياح هستيري)
امي: اهئئئئ اهئئئ
نور: شكو احد يفهمني شصاير
ام علي: خاله علي نهى عليج نهوه عشائريه
نور: ش شنو و سودت الدنيا بعيني و اغمه عليه
كعدت و اني بحض علي يذب بوجهي مي
نور: اني جنت احلم موووووو اهئئئ
علي: لا متحلمين
نور: وخر مني وخررررر كله بسببك دمرت حياتي شتريد مني شتريد عوفني بحالي ليش تعذبني هااااا
علي: ضجت من حجيها يعني لان احبها و اخاف اخسرها هيج تحاجيني، الحاضر يعلم الغايب باجر اعقد ع نور هذا اخر كلام عندي، حجيت هيج و طلعت
نور: بابا ابوس ايدك حاجي خلي يغير رأيه ما اريد اتزوج هسه والله بعدني صغيرة و ماشفت شي من حياتي دخيلك يا بابا اهئئئ اهئئئئ
ابوي: ميصير بنتي هوه شيخ و يجوز تنكسر كلمته بنيتي
نور: (اشوف ابوي يحجي و هوه تعبان من الي صار بس ميكدر يحجي شي)، شيخ شييييخ ع نفسه
خاله زهره ابوس ايدج حاجي ابوس رجلج 😢
خاله زهره: و اني شبيدي يا بنيتي اذا عمامج محد يكدر يحاجي كليلي
نور: تعبت منهم و رحت صعدت فوك و سديت الباب عليه و كعدت بلكاع ضامه رجليه و حاطه وجهي بيناتهن و ابجي شوي و اندك الباب، منوو ما اريد احد عوفوني بوحدي شتردون مني بعد حياتي و دمرتوها شتردووووون
فرح: نرر فتحي الباب هاي اني فرح
نور: كمت فتحت الباب و حضنتها و ابجي و اشهك بصوت عالي
فرح: (بجيت ع بجيها اووف يربي) خلص حياتي لتبجين فدووة اروحلج دموعج غاليه والله
نور: لا كلام لان تعبت شما احجي ميفيد سديت الباب و قفلته كعدت فرح ع الجربايه و اجيت نمت بحضنها و ابجي و اشهك لحد ما غفيت بس صدك ارتاحيت بحضنها
فرح: ما ادري شسوي اني اوكف وياها لا صدك بعدها صغيرة مو مال زواج لو اوكف ويه علي الي يحبها من 6 سنين دخيلك ياربي ساعدهم صار الضهر نزلت جوه و شفت علي كاعد بالحديقه وحده رحت يمه
الله يساعدك ابن عمي
علي: جريت حسرة و كتلها هلا و يساعدج
فرح: انت متأكد من الي سويته
علي: شنو رأيج انتي بواحد يحب وحده من 6 سنين و يجي اليوم واحد و يخطبها
فرح: حقك شما تحجي بس اجل العقد شوي يعني متلحك تحضر شي باجر
علي: افكر و اردلج خبر
فرح: الله يتممها ع خير يلا خويه اني اترخص منك
علي: مرخوصه، كعدت افكر بكلام نور معقوله لهدرجه تكرهني و متريدني بس لا هيه اليه و متصير لغيري لو يبقه اخر يوم بعمري
فرح: رحت صليت و رجعت اصب بالغده وياهن
ام نور: فرح خاله نور وين
فرح: نايمه خاله
ام نور: خليها نايمه عمت عيني عليها اهئئ
فرح: شبيج خاله استهدي بالرحمن و صلي على محمد
ام نور: اللهم صل على محمد ان شاء الله خير
فرح: شفتهن طلعن من المطبخ كلهن سحبت خاله و كعدتها ع الكرسي، خاله اريد اكلج شي
ام نور: كولي خاله
فرح: خاله علي يحب فرح من 6 سنين لذلك مقبل تروح لغيرة و نهى عليها
ام نور: فرح اذا جاي تقشمريني بحجيج ترى اني مو طفله
فرح: حشاج خاله بس والله كل كلمه كلتها صح الله شاهد عليه بس اريد منج متكولين لأحد
ام نور: سوده عليه يا بعد عمتك سرج ابير خاله اطمني كمنا اهذنا باقي الاكل و رحنا ناكل
علي: قبل لا تبدون بالأكل اريد اكول شي
ابو نور: تفضل كول
علي: اجلت العقد ع يوم الخميس اريد تحضروها زين ما اريد شي ينقصها لان الجمعه العرس
ابو نور: مو جنك مستعجل وليدي
علي: اييو اكثر مما تتصور
ابو نور: هاي هيه وليدي مثل ماتريد
علي: تفضلو كملو اكلكم
فرح: فرحت من علي كال هيج و كلت يا الله شكد يحبها الله يحفظهم لبعض و يبعد عنهم الشر
المهم تغدينا و لمينا السفرة و غسلنا الماعين اني و رفل و جمانه بعدين خلصنا و رحت جاي اصعد فوك و اودي الاكل لنور خطيه مماكله شي من الصبح صاح عليه علي
علي: فررح
فرح: هاا علي كول
علي: وين رايحه المن هذا الاكل
فرح: اصعد الاكل لنور
علي: انطينيا اني اصعدة الها و روحي ارتاحي انتي
فرح: ماشي خويه رايحه
علي: صعدت فوك و فتحت باب غرفتها و دخلت شفتها نايمه جنها ملاك شعرها صاير ع وجها و البرموده طالعه تجنن عليها اوووف يا رويحتي
حطيت الصينيه بالكاع و رحت كعدت وراها ع الجربايه العب بشعرها و احجي ااخخخ يا بعد قلبي شسويتي بيه اخذتي عقلي و قلبي يا تفكيري انتي 6 سنين احبج و تردين اشوفج ترحين لغيري يا فراشتي اروح فدوة لطولج يا لكصيرونه طولج اخذ عقلي تدرين اااه يا قلبي بستها براسها و نزلت جوا صحت ع فرح تروح تكعدها حتى تاكل
فرح: ماشي يخويه رايحه
نور: حسيت بي من دخل و اجه كعد يمي كوه تمالكت نفسي و ما تحركت حجه حجي كلش حلو بس ما احبه يا ربي شسوي دخيلك يا ربي نوب مصعدلي الاكل بأديه اووف يربي شوي و حسيت احد جاي يصعد خليت و سويت نفسي نايمه
فرح: دخلت لكيت الصينيه مال الغدة بالكاع و نور نايمه، نور نور حييبتي
نور: اممممم
فرح: كومي تغدي اريد اكلج خبر حلو
نور: فزيت ع حيلي و كتلها علي بطل يتزوجني
فرح: ههههه لا مو هيج
نور: لعد شنو تجذبين عليه حتى اكل
فرح: لا والله مو هيج بس تعالي تغدي و اكلج بس هاا شرط الصينيه كلها هههه
نور: شلكيتني رنا الهايشه ههههه
فرح: ههههه اي دضحكي من البدايه خلي نشوف وجهج مورد
نور: اممم خوش تغديت و كملت و كمت اغسل و فرح راحت تنزل الصينيه
فرح: رحت انزل الصينيه و شفت رنا كاعده بالمطبخ مدري تشرب مي
رنا: عشتو شيخ يصعدلها الاكل و بت عمها تنزله
فرح: و انتي شحارك قلبج
رنا: محارك قلبي شي بس حض الكحاب كاعد
فرح: اجيت احجي و شفت علي واكف اباب المطبخ و الشرار يطلع من عيونه دخيلك يا ربي
علي: رنااااااا و اجيت سحبتها من شعرها منو الكحبه هاا هاي صارت مرتي بعد لسانج اكصه اذا جبتي سيرتها بعد افتهمتي
رنا: اني احبك ليش تتزوج وحده متحبك اصلا
علي: انتي لا تتدخلين مااااشي ضربتها راجدي و طلعت همه كلهم اجو ع صوتي
ام رنا: هاا شكو ليش سوه هيج بيج
فرح: خاله من ايدها تكول ع نور كحبه و هوه سمعها و اجه كتلها
رنا: ولكم هاي الساقطه اني الها
ام رنا: كافي سدي حلكج عيب هالحجي كوومي فوتي جوه يلا كووومي، خويه ابو نور خيه ام نور اني اعتذر منكم ع تصرفات رنا
ابو نور: شسالفه خويه مصار شي هيه مثل بنتي
ام رنا: الله يحفظك لبيتك و اولادك يلا اني اترخص
ابو نور: مرخوصه خويه الله وياج
نور: اسمع صوت صياح جوه و مابيه حيل انزل تعبت من هالوضعيه صعدت فرح و كتلها شكو ليش هالصياح كله
فرح: هاي رنا كلت عليج كحبه و علي سمعها و كتلها كتله خلصها خلاص
نور: اممم 🙂
فرح: شبيج يا نور شوفي علي شكد يحبج و ميت عليج و يريدج يمه اليوم قبل باجر ليش هالعناد يا خيتي ليش هيج تعذبينه لان يحبج
نور: والله اني مكايلتله يحبني هوه حبني وحده خلي يتحمل
فرح: ضربتها ع راسها و كتله شنو هالحجي ولج ضلي معنده لحد ميروح من بين اديج و ترى حب 6 سنين مو شويه خلي نفسج بمكانه و شوفي
نور: ما اريد لا اخلي نفسي بمكانه ولا اشوف المهم شنو الخبر الي ردتي تكوليليا
فرح: خررب خضج ولا نسيتي هههه
نور: شلكيتيني غبيه
فرح: لا يابه حشاج المهم علي اجل العقد ليوم الخميس و كال جهزوها زين لان الجمعه العرس
نور: شنو شنوووو بكيفه يقرر
فرح: شسالفتج ولج اتفقو بعد ميصير
نور: شنو اتفقو يا ربي لتخبلوني
رحت سبحت و ابجي جوه المي بلكي ارتاح شوي
طلعت و بدلت و نزلت جوه رحت كعدت بالمطبخ يم رفل اجت اسراء و بيدها بتها اخذتها منها و طلعت طبعا محد حجه شي للان يدرون بس يحجون اني مراح اسكت و اضل ابجي و اصيح ف عافوني لوحدي اخذت غسوقه و طلعت كعدت بالمرجوحه شوي و غفيت اني و غسق كعدت دنيا المغرب شلت غسق و دخلت جوه
نور: يمه عمامي و عوائلهم وين
امي: راحو لبيوتهم بس فرح و رفل بقن علمود باجر ترحين للسوك
نور: ماشي يمه
اسراء و امي يسون بالعشه و اني صعدت فوك يم فرح و رفل شوي و اجت جمانه
جمانه: يبنات يلا تعالن تعشن يكول ابوي
فرح: يلا حبي جايين
نور: يلا سبقني اني اغسل و اجي
فرح،رفل: ماشي رايحين
نور: رحت غسلت و نزلت جوه و شفت علي عدنا، اهووووو هذا ما وله
ابوي: نور
نور: نعم بابا
ابوي: تعالي بنيتي تعالي كعدي يم رجلج
نور: جايه يابه بس اشرب مي و اجي (خررب حضي)
شربت مي و رجعت كعدت يم علي المهم خلصنا العشه سكته محد حجه صعدت فوك حتى انام باجر وراي فره بالسوك اوووع

لهنا و خلص البارت اتمنى عجبكم انطوني رأيكم
و لا تنسون لايك و كومنت فدوة ☹

احبكم طوووخ ممممح
جااو قلبوشاتي