مرحبا (بالشركة)
علي :آرزو راح يجي استاذ ايمن حته انسوي عقد الشركة
آرزو :استاذ ايمن منو
علي : عنده شركة بأمريكا مهندس شاطر كلش بالهندسة ومعروف بأمريكا
آرزو : حلو ، مادام انتَ تعرفة هاهيه
السكرتير: استاذ علي واستاذ آرزو اجه استاذ ايمن
علي : خلي يدخل
..... سلموا على بعض وسووا عقد شراكة
.
.
.
خل نتعرف على ايمن
ايمن : مرحبا اني ايمن عمري 40 سنه
تزوجت من جان عمري 24 سنة ابوية وابوهه اتفقوا على الزواج اني مجنت رايدهه ورة كم شهر من الزواج توفه ابوهه صارت مشاكل واني قررت اعوف كلشي واروح وفعلا عفتهه وعفت عائلتي ورحت سافرت الأمريكا وهناك كونت نفسي وقريت ماستر ودكتورا وسويت شركة .
قبل فترة تواصلت ويه صديقي اسمه(حسين) وسألت عن عائلتي هوه يعرفهم گلي كلهم زينين سألته عن شمس لان من يوم الي عفتهه واني ضميري يأنبني
حسين: شمس زينه صارت دكتورة وتشتغل بنفس المستشفى الي اني بيها
بس سؤال انته من عفتهه چنت تعرف انو هيه چانت حامل
ايمن : حامل؟؟
حسين : اي وصار عندكم بنيه ماشاء الله عليهه حلوة وشطورة
ايمن : لحظة اني دخت مجنت اعرف
حسين : اسمهه گاردينيا عمرهه 16 سنه
ايمن : تمام حسين اني بعدين اتصل باي
وره ما سديت الخط ضليت دايخ وافكر بعدين قررت اروح للعراق
كلت اروح بحجة شراكة وية شخص تواصلت ويا قبل فتره هوه من العراق (علي) وفعلا رجعت للعراق حته اشوف بنتي من وصلت رحت سويت العقد ويه استاذ وبعدين اتصلت على حسين حتة اشوف شمس كلي احنه بالمستشفى.
.
.
.
شمس :جنت كاعدة بالغرفة مالتي بالمستشفى وفجأة دخل شخص للغرفة
مرحبا بشنو اكدر اساعدك
ايمن : مرحبا معرفتيني ، صفنت شمس ،اني ايمن
شمس : ايمن ؟؟ ليش اجيت
ايمن : اجيت حته اخذ بنتي
شمس : بنتك 🤯 الي مشايفهه اطلع برة ايمن وستحيل اخليك تشوفهه مو تاخذهه اطلع بسرعه
ايمن : راح اخذهه وحتشوفين
شمس : وره ما طلع ايمن اني ضليت ابچي خفت لياخذ بنتي لان اني ماعندي غيرهه هيه وامي ، رأساً شلت التليفون دكيت على امي كلتلها وين گاردينيا كالتلي نايمة كلتلهه قفلي الباب ولتفتحي لأي احد اني راجعه
رجعت للبيت سولفت كل شي لأمي ونقهرت كالتلي لازم نلكه حل لهذا الموضوع
.
.
.
