آرزو : خلصت شغل بالشركة ورجعت للبيت ولحد هسة افكر بگاردينيا اسمهه حلو 😍😍
.
مكالمة بين ليان وگاردينيا
ليان : هلو شلونج
گاردينيا : هلو زينه الحمدلله انتِ شلونج شدتسوين
ليان : الحمدلله تمام والله مدا اسوي شي انتي
گاردينيا: هسة گعدت من النوم بس دااحس بأحساس كلش غريب احس راح يصير شي موزين
ليان : لا حبيبتي ان شاء الله ماكو شي هاي لان نمتي هيچي وكت دتحسين هيچ
گاردينيا : مادري والله ان شاء الله ماكو شي يله اني خل اروح اكل شي لا مماكله من الظهر
ليان : تمام ،راح نجي اني وماما يمكم المغرب ،باي
گاردينيا: هله بيكم ننتظركم ،باي
گاردينيا : نزلت جوه حته اكل شفت بيبتي وامي وجهن ميطمن
ماما بيبي شبيكم
شمس : مابينه شي حبيبي ،تريدين تاكلين
گاردينيا : اي
شمس : تعاي للمطبخ حته اصبلچ
.
ايمن : ضليت ادور على عنوان شمس ولكيته ومااجوز اله اخذ بنتي
.
شمس : چنه كاعدين اني امي وگاردينيا بالصالة وفجأة سمعنه الباب ديندك بقوة اني كلش خفت ليكون ايمن رحت دااشوف منو صحت محد جاوب فتحت الباب طلع ايمن ، انتَ شجابك هنا
ايمن : گتلج راح اخذ بنتي
شمس: تحلم اطلع بره لا الم عليك الناس
ايمن : دفعتهه وفتت جوه شفت گاردينيا
شمس : دفعني وفات اني رحت وراه ركض ، شاف گاردينيا راد يحضنهه اني رأساً دفعته بكل قوتي حته اطلعه بره بس مگدرت
گاردينيا : من ندگ الباب بقوه اني خفت طلعت ماما تفتح الباب وراهه فات رجال غريب صاحني بأسمي وراد يحضني بس ماما دفعته وبيبي حضنتني وكامت تحجي على هذا الرجال واني كلش خفت وضل يصيح ويكول اني راح اخذ بنتي اني نصدمت معقوله هذا ابويه راد يسحبني من ايدي اني دفعته ورجعت ليوره ماما رجعت دفعته چان يضرب امي اني كمت اعيط
اني وبيبي كمنه ندفعه حته يوخر بس ماكو فايده كلش خفت على ماما
ليان : وصلنه اني وماما البيت گاردينيا آرزو وصلنه بس شفنه الباب مفتوح واكو صوت صياح جوة خفنه ليكون صاير شي آرزو رأساً نزل وكال ابقوا اهنا وفات للبيت
آرزو : امي وليان رادوا يرحون لبيت گاردينيا اني كلتلهم اني اوصلكم من وصلنه للبيت نزلوا امي وليان وچان الباب مال البيت مفتوح سمعنه صوت صياح اني رأساً نزلت من السيارة وكلت الهم ابقوا اهنا وفتت جوه شفت اكو رجال ديضرب مره وگاردينيا ومره عجوز ديدفعون الرجال اني ركضت جريت الرجال دااريد اضربه شفت وجهه طلع هوه نفسه الرجال الي سوه ويانه عقد لزمته ضربته بوكسات بحيث صار وجه دم دااريد اضربه مره لخ بس هوه دفعني وانهزم امي وليان فاتوا وراحوا على ام گاردينيا وگاردينيا كامت تبچي وتصيح ماما ركضت على امهه خطية چانت متخربطة شلتهه وديناها للمستشفى
.
.
.
