زواج اجباري

بارت 3

ريحانه:اني مصدومه من حجي بابا ترا اني لا وافقت ولا رفضت اوكي اشو هذا بابا من وحده وافق اني هم محجيت شي نتظرت يطلعون 

بابا انته صدك تحجي اني مردت احجي حتى لا افشلك ويا الناس شلون توافق من وحدك 

ابو ريحانه:اني كلتلك اريد افرح بيج قبل لا اموت انتي شبيج متفهين 

يعني انته تفرح ع تعاستي صدك تحجي بابا اني ما اريد افرح اني اريد اكمل دراستي بابا انتو ليش متفهموني

ابو ريحانه:خلص اني بعد نطيت كلمه للناس ومكدر ارجع بيها وهوه خووش ولد ومتاكد راح تحبي

ريحانه:......

رحت الغرفتي ابجي ع حظي يعني ما  اريده ليش يجبرني عليه اووف ربي انته وحدك تكدر تساعدني

مر تقريبا شهر ع جيتهم واني بهذا شهر جسد بلا روح كتئبت لا اكل ولا شرب حتى للدوام ما اروح 

ام ريحانه:ماما ريحانه كومي راح يجي امير وامه علمود نروح نشتري الذهب والحلقات يلا حبيبتي 

ريحانه:ماما ماريد لا ذذهب ولا حلقه كلشي ما اريد حتى ما اريده  ما احبه ما احبه اووف ليش متفهمين يعني اني تعبت هذا التعب كله وصلت لهنا علمود يجي واحد بحلقه ينهي كلشي

ام ريحانه:ولله يا يمه حجيت ويا ابوج بس شبيدي عليه يكلي اذا متقبل بالولد يعني عدها شي يمه ريحانه اذا تحبين واحد كليلي 

ريحانه:ماما انتي صدك تحجين اني اريد اكمل اريد اخذ شهاده طب اريد يصيرقبل اسمي الدكتوره

ام ريحانه: شسوي يا يمه تدرين كلش زين اني مابيدي شي ويلا كومي فشله من الناس جاين لنتاخر عليهم

ريحانه :اووف اووف كمت بدلت ملابسي وحطيت شوي مكياج بعد ملحه من ماما اجوي رحت للسياره اريد اكهد ورا امه كالت لا كعدي لكدام

ام امير:يمه ريحانه تعالي كعدي كدام يم رجلج

ريحانه:لا خاله اكعد ورا يم امي ميصير اكعد ليكدام وانتي موجوده

ام امير:لا خاله تعالي كعدي معليج اني عندي سالفه ويا امج اريد احاجيه

كعدت ليكدام يمه 

امير:شلونج ريحانه 

ريحانه:تمام بخير وانته شلونك

امير:دوومج بخير اني زين اذا انتي زينه 

شكرا

رحنه فترينه كم محل يلا عود امي وامه قتنعن اخذت حلقه اليه جانت حيل نزاكه وامير هم اخذ اله حلقه جان مكتوب على الحلقه مالته(شبهت الجمال بك فبكى خجلا) امي وامه اخذ الذهب قررنه العقد بعد  اسبوع والعرس بعطله الصيف وبدت ماما و تحظيراته مال العقد كل يوم طالعه حتى تشتري شغله جديده