زواج اجباري

بارت4

ريحانه:ماما مو كافي كل يوم طالعه علمود تشترين شي 

ام ريحانه:يا ماما غير جاي اجهزج هوه اني كم ريحانه عندي هي بنيتي هالوحده خليني افرح بيج يا يمه 

ريحانه:بس اني ماريد احد يفرح بيه ولا اني اريد افرح بنفسي ما احبه ما اريده 

ام ريحانه:كافي عاد هاي خلص الولد صار قسمتج وانتي قسمته كافي ارضي بالوضع 

ريحانه:حتى انتي ماما اوف واني عبالي انتي واكفه وياي ليش ربي ليش هيجي يصير بيه

اجه يوم العقد و اخذوني للصالون علمود المكياج والتسريحه لبست بدله ذهبي بيها ذيل طويل من ورا ومكياجي هم جان ذهبي  جنت طالعه حيل حلوه اجه امير حتى نلبس الحلقات جان لابس زي عربي(غتره و دشداشه) للامانه جان طالع كلش حلوه عنده رصعات بخده تخبل 

لبسنه الحلقات ولبسني الذهب ركصنه شويه وطلع بليل ورا مخلص العقد نايمه ع فراشي اباوع ع الحلقه يعني هاي خلص صرت اله بعد ماكو اي امل 

رجعت اداوم بس لورا زواجي بعد كليه لان امير كال مو اله كليه لان حالته الماديه جانت كلش ززينه 

نرجس:يا نعال يا حقيره يعني تنخطبين وتعقدين واني معندي علم واني اكول ليش ادك عليه متجاوب

مرحيا اني نرجس اقرب صديقه الريحانه عمري 22 سنه لان متاخره سنه شكلي اشبه الكورين واني لان اشبهم احبهم  

ريحانه: ي اني غير لو لحكت احك راسي انتي مشفتيني شلون صرت بس نرجس ما اريده بابا غصبني عليه اكره ما احبه

نرجس:اووف يكلبي انتي المهم تعالي سولفيلي حلوو لا شسمه عمره شيشتغل 

حجيت النرجس كلشي عن امير نرجس هم نصحتني اتاقلم ويا امير لان هوه خوش ولد ومينعاب من اي شيي بس اني مو بالي سالفه الزواج المهم اجني عطله الصيف وبدت تحظيرات عرسي  من ملابس ومكياج وامير حظر البيت كمل نواقصه من غرفه نوم وتخم  ولازم نشتري غراض للولد هم نيشان اله خلصنه من هذا كله واجه يوم العرس