مو قسمتي

البارت الاول

هلوووو 😍💜
البارت الاول
موقسمتي

♡///////////♡

اني شهاب عمري ٣٩ سنة متخرج معهد كهرباء واشتغل بمحل عمي وعايش بيت عمي لان اهلي متوفين بحادث سير اثناء طريق العمرة بالسعوديةربوني بعد ماتو اهلي اخذني عمي زياد ابو رائد جان عمري ٣ سنين واني الوحيد لاهلي ..

اذكر قبل ٢٩ سنة جان عمري ١٠ سنين.....

////////////////////////

"١٩٩٠/٥/١"
" يوم الاثنين "

.

...
الدنيا مطر ووحدي كاعد بالحديقة منتظر عمي يجي من الزيارةة واني بقاني يم مرتة لان حامل ومتكدر تمشي كلي ابقة يمها لان باخر ايام شهرها

وراها جنت كاعد سمعت صوت مرت عمي دخلت بسرعة لكيتها غركانة بدمها حرت شسوي كمت بسرعة طلعت لبيت ابو تحسين كتلة عمي ابو تحسين عمتي ام رائد غركانة بدمها وماعرف شسوي هوة خطية راح دخل بدل بسرعة واجة هو ومرتة بدلتلها وطلعناها اخذنة تكسي ورحنا للمستشفى....

بعدها اتصل ابو تحسين على عمي مطول ولكينا هناك هوة وابنة رائد الي اكبر مني بسنة
وبنتة هديل اصغر مني بسنتين شفناهم هناك وعمي ابو ابو رائد سوا الاجرائات ورحنا يم صالة العمليات الي عبارة عن ارهاق وتعب وانتظار وكذالك خوف ...
بعد ساعة من العملية طلع الدكتور ويبشرنا انه نكدر نشوف مرت عمي

طلعوها واني اول مرة احظر هيج مناسبة واجواء بعدها عمي ابو رائد صاحلي اشوف الطفل كل ضني طفل مثلي العب ويا من نكبر لان اني مو كلش وي رائد احسة ميحبني .
عكس هديل تعتبرني اخوها ونلعب وندرس سوة

طبيت شفت الطفل كتلة عمو شسمة هذا كالي قصدك شسمها اني بين الحزين لان عبالي حيجي واحد وياي العب ويا ويكونلي اخ الي وبين الفرحان حتجيني اخت ثانية!
شفتة يأذن باذنها ويكول اسمها الي عجبني هواي "حورية" حبيت اسمها كولش كتلة عمي ليش سميتها حورية جان يكول اسم حورية بالقرآن الكريم، وذلك دلالة على البنات الجميلات الي راح يكونو من نصيب المؤمنين بالجنة، والبنية الحوراء هي الي بياض عيونها ناصع وجبير، والحدقة شديدة السواد وهو من صفات الجمال !

اني ضليت صافن على وصف اسمها وفعلا اسم على مسمى حورية عيونها كبار وعسلية وخدوها حمرو بياض ناصع مثل القطن ورومشها النازل على خدها وحلكها الجنة مسقولة وايدها الترفة .

عمي ضل صافن علية ومبتسم كتلة عمي ليش صافن علية كالي اضن البالي صح كتلة شنو هوة البالك كالي خليها للزمن وضحك بصورة اريحية .... واني هم ابتسمت
ضلت مرت عمي بالمستشفى يومين لان حورية خلوها بالخدج واني صار سولتي اروح يمها كلساع . ممصدك بيها وهية تخبل حلوة وجنها لعابة ...

///////

ورا ايام من جتي حورية للدنيا وصار عمرها اسبوع وعمي سوا الها حفلة صغيرة لان اخر العنقود
اني جنت طاير بيها حتة دراستي خامس ابتدائي جنت مو كلش شاطر اكثر شي اشتغل وي عمي بمحلة تصليح اجهزة كهربائية وبديت اتعلم مهنتة كلت تنفعني للزمن وجان ينطيني يومية تكضيني

فد يوم من الايام جنت طالع من المدرسة وماشي بطريقي الي امشي بي كل يوم واشوف رائد يتعارك وي ولد المتوسطة كلت هذا ابن عمي يتكاتل واني اتفرج علي ياكاع انشكي وبلعيني
رحت طبيت وزركت بنصهم واضرب واحد جان نايم على رائد بكل قوتي على ضهرة وبالطابوكة اكلة جبان اربعة على واحد شنو ولية وكفتة وضلينا نضرب بيهم لما جوي اصدقاء المدرسة فاككونة واني اضحك على رائد وعلى شكلة

كتلة يول جا بس علي تهمبل وهذول المزعطة مكدرت الهم هوة ضاج وكال
وعلي الة اردها الهم .. بس اصطبرلي خلينا ايدنا ونضحك ونمشي
كالي شهاب ؟
كتلة ها.. كالي ابن عمي وحزام ضهري انت
كتلة كفو والله وتحاضنا ورجعنا نضحك على حالنا المشبوه شلون حنرجع بهذا الحال للبيت وشنكول لعمي .. !

راحت ايام واجت ايام وصار عمر حورية سنة بدت تمشي وتخطي والكل متخبل عليها واني كل يوم اجيبلها حاجة وياي وهي هم اتحبني وتجي بس عندي وتسكت وحت رائد يزعل لان تجي يمي بس بعدين ارضي واضحك علي هههه

يتبع....!
واعذروني عن قصر البارت كتلكم بعدني ببداية الطريق واتمنى تنشرون حسابي

#مو قسمتي
#زهراء الحلفية