مو قسمتي

البارت الثاني

وجهچَ ينعشكَ ؛  كوة!"♥️🍥

_______
ورا كم سنة مرت واني صرت بصف  سادس علمي  ورائد كلية صيدلة مرحلة اولى وهديل رابع علمي
ماعرف احس همي كبر قبل اواني صعب بهيج عمر كل فكري انه اخاف مثقل على عمي وعائلتة  وخاصة هديل كبرت  يعني جبيرة وواعية ونضجت مرات احسها تتجنبني واني اكضي وكتي وي جماعتي اخاف لا احرجهم بالحجاب او الكعدة . مهما اكون احل عليها

اما حورية هاي بحثا اخر كبرت  وبدة همي يكبر وياها ماعرف اذا البالي اعجاب  ام حب صارت بصف خامس ابتدائي
كلامها ومرحها تجذب الواحد ماعرف شفسر مشاعري الها نجذبت الها بكل تفاصيلها اخاف عليها من الهوة الطاير يمكن اعجاب...
اني خايف من هذا التفكير بيها سطرني لان عمي اذا سمع يطردني وماعندي مكان اروح بي!

//////

فد يوم من الايام جنت طالع وي جماعتي للكوفي وهم ندرس عود واحنة جذب كضينا كلة ضحك وسوالف...
  واني راجع دخلت للبيت واحس صوت بالطرمة
كلت هاي بزون وتجاهلت الامر
دخلت لكيت عمي ومرتة ورائد يسولفون سلمت وسولفنة صعدت للغرفة مالتي الي هية بصف غرفة هديل ...
شوي واسمع صوت احد يحجي بالتلفون
وبنية اكيد هديل تجاهلتها 
بعدين سمعت صوت استغفر الله غريب يعني ...........

كلت ياربي معقولة هديل يطلع منها هيج ادخل؟ وخاف اذبها براسي بس التلفون دليل واذا افضحها .. عيب وهي عرضي  شلون بية زين خل ارقب بيها ونشوف وين توصل وياها  مهما تكون هاي بت عمي ومني وبية..

نمت وكعدت من  الصبح لان جمعة
وضايج منها ماطايق اشوفها بدلت وطلعت رسن حت متريكت
للعصر رجعت حت مقريت  اخ ياربي منين طلعتلي هل الشغلة ومو اي شغلة 
شغلة جبيرة اوف بس ..
وراها صار اذان المغرب اذن صليت وصاحوني على العشة نزلت سلمت  حجة عمي وكال

اكول شهاب
كول عمي ...
لا عمي مايأمر عليك ضالم بس هليام اشوفك ضايج خير صاير شي وضامة علية

اني رسن كتلة لالا عمي شكو قابل بس دايخ من الدراسة وكذالك الامتحانات النهائية قربت وان شاءلله خير 
شفتة سكت وراها جابو العشة وتعشينا وهديل ماكو كلت الحمد الله
بس جانت اكو انسانة موجودة
وهيجت كل مشاعري الدافنها بكلبي وعقلي و روحي الذايبة 
اني ماعرف شكول لنفسي هية بعدها طفلة شلون حبيتها  لان هية امبينة اكبر من عمرها؟

كملت عشة وصعدت  كلبت بالتلفون وعفتة
رحت طلعت الملازم الكشرة  وبعدها ورا ال١٢ نزلت اكل جعت دخلت للمطبخ واشوف باب المطبخ ممسدود  فكرت رائد برا لان هوة يتاخر  وي اصدقائة للوحدة يدرسون
المهم عفت الباب ولتهيت اسوي اكل  وراها ردت اصعد بس لساعة الباب مفتوح كلت خل اطلع واشوف .. طلعت ولو ادري ماا طالع لو ادري الكاع بالعتني ولا شفت هل المنظر ...