مو قسمتي

البارت الثالث

هلووو😍

مهما تكاثرت ابتلاءاتك ومهما اشتدت محنك، ومهما ضاقت عليك الحياة ومهما فقدت أعظم ما ملكت، لا تيأس من كرم الله ولطفه.

////////////////////

ثاني يوم...
كعدت الصبح مطفي لان مشكلة البارحة وللصلاة الفجر افكر ...
نزلت الدرج واشوف حوريتي واكفة

شهاب.. صح النوم ياحلووو
حورية... يصح بدنك شهوبي بس بضحكة
شهاب... تريكتي لا؟
حورية.. لا ماشتهي لان بابا وماما مااكلو واني ماريد
شهاب .. بضوجة ماشي حورية اني حطلع وكولي لعمي هسة يجي ...

ماشي ...

شهاب
طلعت من البيت مختنك اذكرت ابوية وامي صح اني موعيت عليهم بس يبقة الهم اثر بكلبي وكذالك اني عايش مرتاح بيت عمي بس هم الواحد ميكدر ياخذ راحتة الا بيتة

وراها رجعت للبيت وكلت خل اكعد احجي وي حورية واخذ معلومات عن هذا احمد حت تفض السالفة

صعدت للغرفة دكيت الباب
فزت هية وكالت بصوت مبحوح
منو
... اني اني شهاب
فتحتلي الباب كتلها اريد احجي وياج تعاي ننزل بالهول نحجي

كالت اوك .....نزلنة

هديل .. شوف شهاب اعرف انت هسة جاي تلومني على الي شفتة وعلى الصار بس ياريت تعذرني اني بنت من حقي احب وانحب...

شهاب... اوكفيي لا تكملين كلامج المالة اي معنا
حقج تحبين وياج بس مو بهل الطريق ست
يعني تحبين تجيبين واحد بتوالي الليل؟ لو شنو وشنو احجي خليني ساكت اني ولد واستحي اكولة ... ليش هديل اني اشوفج اختي وحرصي عليج واجبي..

اكثر واحد انقهرت علي هوة عمي... رجال صايم مصلي ماتطلع منة العيب والكل تحلف براسة
دنكت وبجت نقهرت عليها ..

كتلها شوفي هديل اريد منج هسة تسمعيني كلش زين ...
اريد اسمة الكامل ومنطقتة وكلشي تعرفي عنة كالت ماشي اسمة احمد مرتضى ساكن بمنطقة الشعلة ...

شهاب
...اوكفي اوكفي شجاب الشعلة على الاسكان؟
هديل... اي مو اختة وياي بالمدرسة وهوة شافني

شهاب...اوكي
وجان تدخل حورية .. ووجها متنك علية ووجهت كلام لحورية

حورية... اكلج هديل صدك حتزوجين وتعوفيني
شهاب.. جاوبتها اني بضحكة الطف الجو على هديل..كتلها ييي حتزوج ويوم الالج😉

ماشوف غير حورية انهزمت وتخزر بية اني طكيتها ضحكة وو فات عمي كالي حظر نفسك شهاب حنطلع رايدك بشغلة .. كتلة تأمرني يابة

طلعلنا سوة بسيارتة النترا .. على كد حالنا
كتلة خير

عمي.. شوف شهاب اني ربيتك من جان عمرك ٣ سنيين ولحد هذا عمرك ١٩ مفد يوم حسيتك ابن اخوية دوم اشوفك مثل رائد واعز بعد ابني الثاني.. وطالبك بشغلة اتمنة ماتردني واني ابوك

شهاب... خير عمي ان شالله خير والي تردية يجرالك...

عمي.. بوية اني من جتي حورية للدنيا وعرفت بيك هاويها وكلت بس تكبر ازوجك ياها بس اخ عملة هديل خربت الاول والتالي .. عمي شهاب اني رايدك نسيب وابن الي بس مو حورية
واني ادري بيها صعبة عليك تاخذ....

شهاب بصدمة..عمي لاتكملها... قصدك هديل؟؟؟ زين شلون وانت تعرفني رايد حورية ومنتظرها تكبر واكحل عيني بشوفتها ليش عمي هيج

عمي.. يابوية افهمني اني ماكدر انطيها لهذا بضميرك عملتة وياها مبين صدك شاريها ؟ لو انت تسويها

شهاب .. دنكت لاعمي طبعا.
عمي .. شفت شلون وانت تربيتي واعرفك كلش زين وتكدر تحافظ عليها
شهاب .. زين عمي اني احب حورية شلون ازوج هديل شلون استغفرالله. ماعرف اني بصدمة بس الله يعلم بيها

عمي.. شوف بوية زواجك علية انت بس استر عليها وحورية مو قسمتك...

يتبع...♡

موقسمتي
#زهراء الحلفية