نصيبي (حقيقة) منقولة عن الكاتبة ميرو الشريف

نصيبك ماياخده غيرك

حطيت أيدي على قلبي :مولي غزال أحرف من قبل!
عبدو ابتسم ونحى الطاقية من عليه:وانتي يوم عن يوم تزيدي تحلي في عيني اكثر❤
اني:شي اليوم بترقد في الحوش وله في شقتك
عبدو:جاي بنشبحك انتي وبنولي للشقة؟
اني در كتم لأنه ماما تناديلي:باهي أهو بنلبس وشاحي وجايه
حولت الكتم وكملت معاه:أي هي حبيبي بنلبس وبننزل!
عبدو:باهي أهو نستنى فيك
صكرت عليه وحطيت تلفون في شنطة ولبست وشاحي ونزلت قعد يشبحلي ونشبحله واعيوني قلوب عليه
ركبت السيارة ورجعت لحوشنا وإني يوميا نتكلم معاه_صوت بالساعات وحتى فيديو نتكلمو لين يرقد هو ياما اني ونصورو في بعض
كنا محسودين على بعض لأنه متفاهمين هلبا يحترم فيا ونحترم فيه ولا مرة تعاركنا حتى وقت نعفلقه على طول نراضيه وهكذا. ......كنت ياعبدو يالموت وبس.........

يوم 2/20
اتصلت بيه مايردش عليا ومن الليلة الي قبلها مايردش عليا!
وبديت نحكي لماما نمشو نغيرو جو في حوش جداي وهذا كله باش نشوفه وبس ونطمن عليه
وفعلا لميت دبشي ع أساس بنبات عندهم!ومشينا وأول ماخشينا لزنقة عيتاني الجدي لقيت ضوايا وهلبه سيارات
ماما:شكلهم عندهم بيان وله حاجه هي!
اني ابتسمت اكيد مشغول في بيان خوه!

نزلنا من السيارة وخشينا لحوش جداي وهو للحظه اهيا مايردش عليا _رغم أني نشبح فيه مقعمز مع الشباب بس هو مايشبحش فيا كان عكس عبدو الي نعرفه!الزعل على وجه وكانا مكبره قداش عام...
خديت حيطة وبديت نرمي فيها عليه نين شحن!
واني درتله هاي بي أيدي. .هو شبحلي شبحه لو متت وعشت قداش عام مستحيل ننساها شبحت (سامحيني)والكسره في عيونه وكسرت الراجل وأعره. .......
نزلت وإني حايرة وشويا وركبت مرت خالي
ماما:شن اليوم بيان عيت_______
مرت خالي :ايه بيان ولدهم الوسطي عبدو.....
قلبي نخصني ومن قوة روح الخبر تكسرت الكباية في ايدي
ماما شهقت وحطت ايدها على قلبها :ووووه عليا_بسم الله عليك خيرك
اني نبكي وبالاصح نهرت وهم يشبحولي(هاذي خيرها)حسيت روحي زي الي كنت فوق فوق فوق بكل وانرمت لقاع البحر بدرجة نبي حد يجبدني من الكابوس هذا......
بعدتهم ومشيت للحمام يكرم القارئ وقعدت نرن عليه مايردش عليا_وبكاي كان كيف الي فاقده حد عزيز عليها !حرقتني لوعة ليا!كواني كوي. ........

نسمع في الباب ايطقطق كانت خالتي جبدتني فوق الحوش وتبكي معاي لأن شاهده على حبنا
خالتي تشيرلي على حوشهم:ياسر ياسر قتلك من الأول مش ليك!قتلك حيخليك فتلك اني
اني نبكي ونشبحلها ونهز في رأسي بي لاهاي تهز فيا وتبكي!وإني ماكنتش معاها.....
مشيت للبلكوني الصغير وقعدت نشبح لحوشهم وبعد مافاتو مايقارب 10دقائق طلع الغالي متأنق على سنقة عشرة شايل الباقة وكيس بي ايده وعيلته وراه بسوابيت البيان واصحابه يضربو في نوبة ويصورو فيه......
للحظه هيا معاش تحملت جسمي ارتخي وطحت على خالتي
وفي هذاكا الوقت طلعو سيارتهم وسيارات
عبدو تفاجأ وقت شاف خالي قايميني بين ايديه وطالع بيا معرفش يمشي ورأي ولا مع أهله!

_____________________
الدكتور:السلام عليكم!
ماما تبكي:بالله عليك يادكتور طمني عليها هما رأس بنتين عندي
الدكتور يشبح لخالي:المريضه تعرضت لصديق! أدت لي غيبوبة
ماما تعيط وخالي يمسك فيها كانت صدمة ليهم حنين الي من ساعات جت تضحك وتناشب توا بين الحياة والموت

ماما وبابا وكل أهلي وناسي قدام المرش ويشبحولي واني دخلت في غيبوبة مايعرفوش قداش نبي عشان نفيق ويمكن حتى معاش نفيق.....

أما عندي رغم كنت في غيبوبة كنت نحس بي حاجات بسيطة !

يتبع.......

لو لقيت تفاعل حانكملها رواية تهبل وننصح بالكل يقروها وحايشوفو قداش يستمتعو بيها...........