نصيبي (حقيقة) منقولة عن الكاتبة ميرو الشريف

حلقة 2

عبدو طلع من عند أمالي خطيبته وخدي سيارته وضرب عليا وبعد مايقارب 25مكالمة فائتة ردت خالتي.....
عبدو:حنو
خالتي:يحنن عليك الأيام السود أمشي الله يقهرك ويكسرك زي ماكسرت خاطرها. ....
عبدو:ياخالتي معليش خليني نفهمم
خالتي:بصياح شن بتفهمني انك طلعت مش راجل وأنك نقضت بوعدك وعهدك!تعال نفهمك انه حنين بين الحياة والموت حنونه الغالية مشت في غيبوبة أمشي ياولد قلبها الله لايربحك.
شبح عبدو لنقال وقعد كلامها يرن في وذنه قداش مره
بدي يخبط على دركسيون ويصيح:لالالالالالالالاياربي لالالالالالالالا إلا فراقها ياربي لا خدي تلفون ورد يضرب من جديد بيعرف أما مستشفى بس خالتي قفلت تلفون.
نادى اصحابه وكل زوز مشو لمستشفى وقعدو يدورو على اسمي لين لقاني هو

بعد ماعرف اني في الدور الثالت ركب واس نفسه ثقيل شبح للممر كله أهلي قاعدين

نزل مرة تانية!مشي سأل على دكتور وخش عليه
الدكتور يشبحله شن تعرفها المريضة؟
عبدو قبض أيده وغمض اعيونه وتذكر خالتي لما قالتله ولد قلبها عبدو والدموع ماليات عيونه حط أيده على صدره وخبط عليه بالقوة:ايه هيا بنت قلبي بنت اهوااااا اهوااااا.
الدكتور:اهدا ياأستاذ بإذن الله تنوض صحيحة وكأني مش مرتك ربي يكتبها من نصيبك
عبدو يمسح في دموعه الي على طرف عينه شن وضعها توا
الدكتور:اني مانبيش نخبر أهلها بس بنسالك هيا من قبل عندها مشكلة في الكلية اليسرى
عبدو:أي من قبل دارت حادث مع آماليها والكلية اضررت هلبه بس مانحتهاش
الدكتور:أي بصراحة حتى الكلية مضررة هلبه لازم نشوفو بديل ونديرولها العملية في أسرع وقت....
عبدو تنهد اني بنعطيها كليتي.
الدكتور :انصدم اه!
عبدو قرب من الدكتور نبي دمي يمشي فيها نبي جزء مني مستوطن فيها.
الدكتور:اوكي حانحكي مع أهلها ونقولك
عبدو ناض مانبيش حد يعلم بأني بنتبرعلها خليها مجهول
الدكتور بأذن الله
عبدو خدي زرقة وكتب رقمه وطلع.
شبح خوي جاي نزل طاقية الجاكيت وحط ايديه الزوز في جيوبه وطلع قدام المستشفى.
ركب سيارته ونزل الكرسي وبدي يتفرج على صورنا مع بعض وصوري  وكل ثانية تنزل منه كم دمعه حسرة على قدرنا ونصينا الي بلحظه غباء منه انتهي
زوز عشاق تمت صلاحيتهم❤

__________________
بعد زوز شهور 21/4
عبدو متمدد على سرير وايد مغطي بيها وجه ويشبح لتغدية أيوة بالزبط عبدو أهمل روحه كاشكل وكانفسية وكاروح معاش يأكل ولايستطعم حتى في العسل.
الدكتور:عبدو
عبدو نحأ أيده وتنحنح:أيوة
الدكتور يشبحله ويضحك:مبروك عليك
عبدو قعمز بسرعه ماتقولهاش
الدكتور:حمدالله على سلامتها من حوالي نص ساعه ناضت من الغيبوبة
عبدو ضحك وناض نحئ التغدية :مشكور وربي ليك مني حاجه ماتتوقعهاش
الدكتور:نبي سلامتك علاش نحيتها

عبدو:دامها هيا ردتلي حانولي تمام
طلع من الغرفه وجي للمكان الي فيه اني وبسبب الزحمه قعمز في الكافي!

________________
كنت نشبحلهم ومش مصدقة شهرين مشو من عمري وإني تحت الغيبوبة مش حاسة بي شي.
كان خاطري نسأل عليه أو نعرف أخباره بس خايفه والله خايفه يصدموني أو يقولولي قرأ فاتحته.
في الليل كانت مقعمزة معاي خالتي كامرافقة!
جت قعمزت في قدامي:حنين
قمت راسي وشبحتلها وإني ساكت
خالتي:عيطي احكي فضفضي بس ماتبكيش وتحرقيلي قلبي عليك الي باعك بيعه!
اني جيت بنتكلم بس حاسة صوتي مبحوح رفعت أيدي وحطيتها على قلبي وادموعي ينزلو وخلاص !
خالتي لمتني في حضنها بالقوة وتسمح على ظهري وإني شادة فيها ونبكي
اني:اهههههههه قلبي ياخويلة قلبي يوجع فيا يحرق فيا خالتي بعدتني من عليها ومسكتني من كتوفي الزوز :ماديريش في روحك هكي خلاص خلاص
حطيت أيديا الزوز على وجهي وقعدت نبكي بحرقة ونشهق بصوت عالي
انفتح الباب علينا
رفعت راسي كان عبدو منزل رأسه وشاد بي أيده على المانيلا متاع الباب
خالتي شبحتله ناضتله وبدت دف فيه من صدره :برا من عليها_برا شن يتقتلها بتمشي في جنازتها انت!
عبدو يمسك في ايدين خالتي وطلعها البرا وصكر الباب علينا
اني نضت من السرير وصبيت بحكم ليا شهرين كاملات ماوقفتش على رجليا مقدرتش نصبي أكثر طحت على ركبية زوز قبل مايتكمل كلمة ثانية جي الأمن وعتل الدار وطلعه. .......
الله يعلم بي حالتي الأيام يلي مشو رفضت نقد في المستشفى والعملية متاع الكلى خلوهالي بعد شهر رمضان

طلعت على حوشنا
كنت انسانه تانية معاش فيه هذيك الضحكه ولا الكلام ابدا بدي نموت شويا شويا
حظرت عبدو من جميع الأماكن!
في يوم 5/1 اول 1 ايام في رمضان شعر للشاعر :الشاعر احميدة بلقاسم القطاعين!
صيامي بلاك صيام هم وعله
عدى اشقا واوجاع كله كله

صيامي بلاك كله مرار
صيام وفي جوفي تلهب النار
تذرف العين تسيل بإستمرار
وفي خاطري درب الزها نوصله

صيامي بلاك صيام حاله شين
واعر فراقك يادلال العين
تايه بلاك القلب بات حزين
وماهناك غيرك الأفراح يدله

اصيامي بلاك صيام شينك صوم
لافطرت لاريت الهناء في النوم
من غيبتك ماعاد عندي عزوم
تعبان حالي ياجميل الطله

صيامي بلاك صيام هم وعلة
عدى بكا واوجاع كله كله
_____________________
الساعه:1:00 صباحا
كنت مقعمزة على تلفوني وجاني مسج من الواتس فتحته وكان من رقم مكتول:
السلام عليكم حنين كيف حالك_اني مهيب خواطر عبدو الكبير اكيد زابطتيني_ بصراحة خديت الرقم من أختي وناويك بالحلال ❤كأنك رايدة الموضوع نطلعو الفرح بعد عبدو خوي إي وإني عازمك على حفلة عبدو 9ايام العيد بإذن الله ❤ليلتك سعيدة ورمضانك مبروك.........

يتبع.