انا لمن شفتك وانت واقف من هناك واقف تلوح في الشجيرة الكان زمان ناسجين عليها حروف هوانا وعشقناشفتك تلوج للفراق .وانا كنت بكتب قصتك قايلاكا ياخ مخلص معاي وكتبت للقصة النهاية ياخ شفت ليك زولا بيكتب ليو رواية طوالي يكتب في النهاية وتاني يرجع للبداية وهل شفت ليك مطرا بيدا يكون غزيرا وتاني يرجع بس ينقط نقطة نقطة تكون بداية بعد نهاية وانابس جريت وعلي النهايةقايلاك تكون مخلص معايوانابس بديت القصة من اخر فصل وعلي العلي كاتبة النهاية تكون فرح وتكون معاي تهواني لي اخر العمر وتمسكني من يد الحزن ونعبر سوء بحر الفراق راكبين علي مركب فرح لكن حصل عكس الحصل في القصة في اخر فصل .مش قلت ليك قايلاكا ياخ مخلص معايلابس لي توب من الخداع وانا كنت شايفاو توب حرير كل مااقرب والمسك بتلمس الدفا والحنان وعلي العليو التوب خفيف طوالي بين معدنك وعلي العلي قلت النحن واديكافرصة تفرحك والفرصة جات من القليب اليلو سنين ماودعك لاخاصمك لاحتي غادر سكتتك لاحتي حن لي زولسواكا ولاحتي ماتنفسك والفرصة جان من القليب العاش حداك وحيموت حداك ويكون حداك لمن تحن وتجيو براك وعلي العلي بعد الحصل انالسة في مركب هواك .
