وقالو المعزة لمن تزيدة بس في القلب بيزيد كمان برضو العشم تتوقع افعال الحبيب وتتمني انت المستحيل بس في الحقيقة تلقي النتايج تصدمك كل ماتزيد سقف الطموح صدقني مااظن ينفعك. لمن يذيد بس العشم كل الفعال هي تحطمك.وفي قول كمان بقول كل ماتزيد غلاوة زول حبيب تلقاك تدقق في الفعال طوالي قلبك يحدسك. وتكتر عليك كل الهموم كل الخلافات تسكنك ماافي اي حب بيشفع خلاف من الغلاوة الغلبتك، طوالي قلبك يحدسك.اناشكلي كترت الكلام طولت ياخ انافي الحكي لكن كمان قولا بقول لمن تخان من زول قريب ختيت هناك فيهو العشم. لمن هو ذاتو بيغدرك مابتلقي كلمات للحزن وانااسي من اول كلام حاسة الحروف مااكفتك. مادايرها الريدة انامنك مادام هيا كسور وبواقي اقعد يومي احايل فيكا وانت تماطل لمن تاني القمرة تصير بلية ولمن الطفل الشفتو بيحبي يكبر ويمشو خطاو دغرية ولماالشافعة تكبر وتكبر تبقي صبية وهاكا اتحير انابالشافعة قصدت فراقنا وانا بالطفل القلت بيحبي قصدت غرامنا وعفو النية وانا بتمني الطفل البحي يكبر ويمشي خطاو دغرية وتبقي الشافعة القلتها ليكا تكون في حالا وماتتكبر تتكبر تبقي صبية .واما القمرة دي بسة انساها بس ختيا اروزن بالقافية وتبقي الكلمة جميلة ندية وفيها موسيقي تعدل النية
