انا مااتسلفت الريدة منك شان تديني ليها كسور وبواقي ماتسلفت الرافة انا منك شان توعدني وفي كل مرة تماطل فيا ولماالقمرة بقت بلية ولماالطفل الكان خليتو بيحبا وجيت وطلبت الريدة انا منك اسي كبر وماشي خطاهو هداك دغرية .ولسة هداكا تماطل فيا عدو مواسم وفاتو مواسم وجونا مواسم لما خلاص خلصت الفي .وياخي زهجت دي شكلو الدنيا حتقسي عليقلت النحن واديكا فرصة تفرحك والفرصة جات من القليب اليلو سنين ماودعك لاخاصمك لاحتي غادر سكتتك لاحتي يوم كان لي سواكا ولاحتي يوم ما اتنفسك والفرصة جات من القليب العاش حداك وحيموت حداك ويكون حداك لمن تحن وتجيو براك وعلي العلي بعد الحصل انالسة في مركب هواك .مادايرها الريدة انامنك مادام هيا كسور وبواقي اقعد يومي احايل فيكا وانت تماطل لمن تاني القمرة تصير بلية ولمن الطفل الشفتو بيحبي يكبر ويمشو خطاو دغرية ولماالشافعة تكبر وتكبر تبقي صبية وهاكا اتحير انابالشافعة قصدت فراقنا وانا بالطفل القلت بيحبي قصدت غرامنا وعفو النية وانا بتمني الطفل البحي يكبر ويمشي خطاو دغرية وتبقي الشافعة القلتها ليكا تكون في حالا وماتتكبر تتكبر تبقي صبية .واما القمرة دي بسة انساها بس ختيا اروزن القافية وتبقي الكلمة جميلة ندية وفيها موسيقي تعدل النيةقالو الوجع يازول انيق بغشي القلوب الطيبة يابختي بي قلبي الهواك يابختي بالريد المعاك وراني معدن قلبي صنفني ضمن الطيبة وقالو الوجع زولا انيق بغشي القلوب الطيبة .وانادايرة ايه غير يكسني زولا جميل زولا انيق وانا كنت فاقدة الحاجة فيك بتنفسك
