#المغرورة_والأعمى
بقلم بسمه البياتي
١١______١٢
#بارت١١
ﻟﻤﻐﺮﻭﺭﺓ - ﻭ - ﺍﻷﻋﻤﻰ -
( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ )
- ﺑﺎﺭﺕ ﺍﻟﺤﺎﺩﻱ ﻋﺸﺮ -
ﺃﻳﻠﻮﻝ .. ﺑﻴﻮﻡ ﺍﻟﺤﻨﺔ ﺍﺧﺬﺗﻨﻲ ﻭﺩ ﻟﻠﺼﺎﻟﻮﻥ ﻭﻫﻨﺎﻙ ﺍﺳﺘﻠﻤﻮﻧﻲ ﺣﻒ ﺻﺒﻎ ﻣﻜﻴﺎﺝ ﺭﺍﺩﺕ ﺍﻡ ﺍﻟﺼﺎﻟﻮﻥ ﺗﺴﻮﻳﻠﻲ ﺗﺴﺮﻳﺤﺔ ﻣﻘﺒﻠﺖ ﻋﻔﺖ ﺷﻌﺮﻱ ﻧﺎﺯﻝ ﻋﻠﻰ ﻃﻮﻟﺔ ﻭﺧﻠﺘﻠﻲ ﻋﻠﻴﺔ ﺗﺎﺝ ﻣﺎﺭﻭﻧﻲ ﺑﺎﻟﻮﻥ ﺍﻟﺒﺪﻟﺔ
ﻟﺒﺴﺖ ﺍﻟﻔﺴﺘﺎﻥ ﻭﺑﺎﻭﻋﺖ ﻋﻠﻰ ﺷﻜﻠﻲ ﺑﺎﻟﻤﺮﺁﻳﺎ ﻛﺎﻥ ﺷﻌﺮﻱ ﻣﺼﺒﻮﻍ ﻟﻮﻥ ﺳﻠﻔﺮ ﻣﻼﺋﻢ ﻭﻳﺎ ﺑﻴﺎﺽ ﺑﺸﺮﺗﻲ
ﺍﻣﺎ ﺳﻮﺍﺩ ﻋﻴﻮﻧﻲ ﻭﻛﺒﺮﻫﺎ ﻭﻳﺎ ﺍﻟﺮﺳﻤﺔ ﺯﺍﻳﺪ ﻋﻴﻮﻧﻲ ﺟﻤﺎﻝ ﺗﻠﻤﺴﺖ ﻭﺟﻬﻲ ﺑﻴﺪﻱ
ﻭﻫﻤﺴﺖ ﺑﺪﺍﺧﻠﻲ ﺍﻟﻤﻨﻮ ﻛﻞ ﻫﺬﺍ ﻭﻫﻮ ﺍﺻﻼ ﻣﺮﺍﺡ ﻳﺸﻮﻓﻨﻲ
ﺍﺟﺔ ﻋﻴﺴﻰ ﺭﺟﻌﻨﺎ ﻣﻦ ﺩﺧﻠﺖ ﻟﻠﺒﻴﺖ ﺗﻔﺎﺟﺌﺖ ﺑﻮﺟﻮﺩ ﺍﻗﺎﺭﺑﻨﺎ ﻛﻠﻬﻢ ﻧﺴﻮﺍﻧﻬﻢ ﻭﺑﻨﺎﺗﻬﻢ
ﺟﺎﻧﻮﺍ ﻣﺰﻳﻨﻴﻦ ﺍﻟﺒﻴﺖ ﻭﻣﺴﻮﻳﻠﻲ ﻛﻮﺷﺔ ﻭﻳﻤﻬﺎ ﻛﻴﻜﺔ ﺟﺒﻴﺮﺓ ﻭﺻﻴﻨﺔ ﺍﻟﺤﻨﺔ ﺟﺎﻥ ﻣﻨﻈﺮﻫﺎ ﺗﺤﻔﺔ
ﻣﻦ ﺩﺧﻠﺖ ﺑﺪﺕ ﺍﻟﻬﻼﻫﻞ ﻭﺍﻟﻜﻞ ﻳﺼﻠﻲ ﻋﻠﻰ ﺍﻟﻨﺒﻲ ﺍﻟﺒﻨﺎﺕ ﺷﻐﻠﻮﺍ ﺍﻟﺪﻳﺠﻲ ﻭﻛﺎﻣﻮﺍ ﻳﺮﻛﺼﻮﻥ
ﻓﺮﺣﺖ ﺑﻬﺎﻱ ﻭﻛﺪﺭﺕ ﺍﻧﺪﻣﺞ ﻭﻳﺎﻫﻢ ﺭﻛﺼﺖ ﻭﻳﺎ ﺍﻟﺒﻨﺎﺕ ﻭﺟﺎﻧﺖ ﻫﺎﻱ ﺃﺣﻠﻰ ﺍﻟﻠﺤﻈﺎﺕ ﻋﻨﺪﻱ
ﻗﺒﻞ ﻻﻳﺤﻨﻮﻧﻲ ﺭﺍﺣﺖ ﺳﺎﺭﺓ ﺟﺎﺑﺖ ﻛﺮﺳﻲ ﺧﻠﺘﺔ ﻭﺳﻂ ﺍﻷﺳﺘﻘﺒﺎﻝ ﻭﺍﺟﺖ ﺳﺤﺒﺘﻨﻲ ﻣﻦ ﺃﻳﺪﻱ
ﺃﻳﻠﻮﻝ .. ﻭﻟﺞ ﻫﺎﻱ ﻭﻳﻦ ﻣﺄﺧﺬﺗﻨﻲ ؟
ﺳﺎﺭﺓ .. ﺗﻌﺎﻟﻲ ﺍﻛﻌﺪﻱ ﺍﻫﻨﺎ ﻭﺧﻠﻲ ﻫﺬﺍ ﺍﻟﺸﺎﻝ ﺍﻻﺣﻤﺮ ﻋﻠﻰ ﻭﺟﻬﺞ ﻭﺍﺑﺪ ﻻﺗﺸﻴﻠﻲ ﻭﺍﺣﻨﺎ ﺍﻟﻤﻤﺰﻭﺟﺎﺕ ﻧﺠﻲ ﻧﻔﺘﺮ ﺩﺍﻳﺮ ﻣﺪﺍﻳﺮﺝ ﻻﻥ ﻳﻜﻮﻟﻮﻥ ﺍﻟﻤﻤﺰﻭﺟﺔ ﻭﺭﺍﺝ ﺭﺍﺡ ﺗﺘﺰﻭﺝ
ﺃﻳﻠﻮﻝ ... ﻫﻬﻬﻬﻬﻬﻬﻬﻪ ﺧﺮﺏ ﺑﺒﻠﻴﺴﺞ ﺍﺷﻜﺪ ﻣﺘﺄﺛﺮﺓ ﺑﺎﻟﻤﺴﻠﺴﻼﺕ ﺍﻟﺘﺮﻛﻴﺔ
ﺭﺍﺣﺖ ﺳﺎﺭﺓ ﺷﻐﻠﺖ ﺍﻏﻨﻴﺔ ﻟﻴﻠﺔ ﺍﻟﺤﻨﺔ ﺍﻟﺘﺮﻛﻴﺔ ﻭﺟﻤﻌﺖ ﺍﻟﺒﻨﺎﺕ ﺍﻟﻤﻤﺰﻭﺟﺎﺕ ﻭﺍﺟﺖ ﺗﻔﺘﺮ ﻭﺗﻐﻨﻲ ﻭﻳﺎ ﺍﻷﻏﻨﻴﺔ
ﻭﺍﻧﻲ ﻣﻦ ﺟﻮﺓ ﺍﻟﺸﺎﻝ ﺧﺮﺑﺎﻧﺔ ﺿﺤﻚ
ﻛﻞ ﺷﻮﻳﺔ ﺗﺠﻲ ﺗﺮﻓﻌﺔ ﻭﺗﺮﻳﺪﻧﻲ ﺍﺑﺠﻲ
ﺳﺎﺭﺓ .. ﺍﻟﻠﻪ ﻋﻠﻴﺞ ﺍﻳﻠﻮﻝ ﺍﺑﺠﻲ ﺑﺲ ﻫﻠﻤﺮﺓ ﻣﻮ ﺭﺍﺡ ﺍﻭﻏﻒ ﻋﻠﻰ ﻛﻠﺐ ﺃﻣﻲ ﺃﺭﻳﺪ ﺍﺯﻭﻭﻭﻭﻭﻭﻭﻭﻭﺝ
ﺃﻳﻠﻮﻝ ... ﻳﺒﻮﻭﻭﻭ ﻫﻲ ﺗﺤﺠﻲ ﻭﺍﻧﻲ ﺍﺿﺤﻚ ﻳﻤﻜﻦ ﻫﻲ ﺑﺠﺖ ﻭﺍﻧﻲ ﻣﺒﺠﻴﺖ
ﻭﺍﻟﺤﻠﻮﺓ ﻣﻨﺪﻣﺠﻴﻦ ﻭﻳﻐﻨﻮﻥ ﻭﻳﺎ ﺍﻷﻏﻨﻴﺔ ﻭﻫﻤﺎ ﻭﻻ ﻳﻌﺮﻓﻮﻥ ﺷﻨﻮ ﻣﻌﻨﺎﻫﺎ ﻟﻮ ﺷﻨﻮ ﻛﻠﻤﺎﺗﻬﺎ
ﻫﻠﻜﺪ ﻣﻀﺤﻜﺖ ﻋﻠﻰ ﺳﻮﺍﻟﻒ ﺳﺎﺭﺓ ﻋﻴﻮﻧﻲ ﺩﻣﻌﺖ ﻭﻫﻲ ﺍﻟﺜﻮﻟﻪ ﻓﺮﺣﺖ ﻋﺒﺎﻟﻬﺎ ﺑﺠﻴﺖ ﻓﻌﻼ ﺗﻮﻧﺴﺖ ﺑﻴﻮﻣﻬﺎ ...
ﺧﻠﺼﺖ ﺍﻟﺤﻔﻠﺔ ﻭﺍﻗﺎﺭﺑﻨﺎ ﻛﻞ ﻭﺍﺣﺪ ﺭﺟﻊ ﺍﻟﺒﻴﺘﻪ ﻷﻥ ﺑﻴﺖ ﻗﺪﺭ ﺻﻐﻴﺮ ﻭﺛﺎﻧﻲ ﺷﻲ ﺍﺣﻨﺎ ﻣﻨﺴﻮﻱ ﺣﻔﻠﺔ ﻋﺮﺱ ﻓﻤﺎﻛﻮ ﺩﺍﻋﻲ ﺍﻟﺒﻘﺎﺋﻬﻢ ﺑﺲ ﺧﺎﻟﺘﻲ ﻣﻨﻰ ﻭﺑﻨﺎﺗﻬﺎ ﺑﻘﻮﺍ
ﺍﻧﻲ ﻭﺍﻟﺒﻨﺎﺕ ﻓﺮﺷﻨﺎ ﺑﻐﺮﻓﺔ ﺍﺩﻭﻣﻲ ﻭﺭﻳﺎﻥ ﺣﺘﻰ ﺍﻧﺎﻡ ﺟﻨﺖ ﻛﻮﻟﺶ ﺗﻌﺒﺎﻧﺔ
ﺗﻤﺪﺩﺕ ﺑﺎﻟﻔﺮﺍﺵ ﺩﺍﻧﺎﻡ ﺍﺟﺖ ﺭﺍﻣﺎ ﻳﻤﻲ ﺳﻮﻳﺘﻠﻬﺎ ﻣﻜﺎﻥ ﻭﻧﻮﻣﺘﻬﺎ ﺑﺤﻀﻨﻲ
ﺳﺎﺭﺓ .. ﺭﻣﺮﻡ ﺣﺒﻴﺒﺘﻲ ﻫﺬﺍ ﺍﺧﺮ ﻳﻮﻡ ﺍﻟﺞ ﺗﻜﺪﺭﻳﻦ ﺗﻨﺎﻣﻴﻦ ﺑﻲ ﺑﺤﻀﻦ ﻟﻮﻟﺔ
ﺃﻳﻠﻮﻝ .. ﺑﺼﺪﻣﺔ ﺷﻨﻮ ﻗﺼﺪﺝ ﻭﻟﺞ
ﺳﺎﺭﺓ ... ﻗﺼﺪﻱ ﺷﺮﻳﻒ ﺣﻀﻨﺞ ﺭﺍﺡ ﻳﺼﻴﺮ ﻣﻠﻚ ﻋﻤﻮ ﺇﻳﺎﺱ
ﺃﻳﻠﻮﻝ ... ﺍﻧﺠﺒﻲ ﻟﺞ ﺍﺷﻮ ﺻﺎﻳﺮﺓ ﺍﺩﺑﺴﺴﺰ ﻭﻣﺘﺨﺠﻠﻴﻦ
ﺳﺎﺭﺓ ... ﻋﺸﺘﻮ ﻭﻣﻦ ﺷﻨﻮ ﺍﺧﺠﻞ ﻫﻮ ﺍﻛﻮ ﺃﺣﻠﻰ ﻣﻦ ﻫﻴﺠﻲ ﺣﻀﻦ ﺍﺣﻨﺎ ﺍﻟﺤﺪﺍﻳﻖ ﺍﻟﻨﺔ ﺍﻟﻠﻪ
ﺍﻳﻠﻮﻝ ... ﺗﻌﺎﻟﻲ ﻧﺒﺪﻝ ﺍﻧﺘﻲ ﺻﻴﺮﻱ ﺑﻤﻜﺎﻧﻲ ﻭﺍﻧﻲ ﻣﺴﺘﻌﺪﺓ ﺍﺑﻘﺔ ﺣﺪﻳﻘﺔ ﻃﻮﻝ ﺍﻟﻌﻤﺮ
ﺃﺳﻤﺎﺀ ... ﻟﻮﻟﺔ ﻣﺪﺗﻼﺣﻈﻴﻦ ﺧﻮﺍﺗﻲ ﻃﺎﻟﻌﺔ ﻋﻴﻨﻬﻦ ؟؟
ﺍﻳﻠﻮﻝ .. ﺍﻱ ﻭﺍﻟﻠﻪ ﻫﺎﻱ ﻣﻨﻰ ﻣﻠﺘﻬﻴﺔ ﺑﺄﺑﻮﺝ ﻭﻧﺎﺳﻴﺔ ﺗﺮﺑﻴﻬﻢ
ﺃﺳﻤﺎﺀ .. ﺍﻱ ﺻﺢ ﻛﻼﻣﺞ ﻭﺍﻟﻠﻪ
ﺃﻳﻠﻮﻝ .. ﻳﻼ ﻛﺎﻓﻲ ﺳﻜﺘﻮﺍ ﺍﺭﻳﺪ ﺍﻧﺎﻡ
ﺃﺳﻤﺎﺀ .. ﻧﺎﻣﻲ ﺧﻴﺔ ﻧﺎﻣﻲ ﺑﺎﺟﺮ ﻭﺭﺍﺝ ﺗﻌﺐ ﻭﺳﻬﺮ
ﺃﻳﻠﻮﻝ .. ﺭﻓﻌﺖ ﺭﺍﺳﻲ ﻣﻦ ﺍﻟﻤﺨﺪﺓ ﻭﺑﺎﻭﻋﺖ ﻋﻠﻴﻬﺎ ﻛﺘﻠﻬﺎ ﻃﻠﻌﺘﻮﺍ ﻋﻴﻠﺔ ﻭﺍﻃﻴﻴﻴﻴﺒﺔ
ﻏﻤﻀﺖ ﻋﻴﻨﻲ ﺟﺎﻥ ﺍﺳﻤﻊ ﺻﻮﺕ ﺧﺎﻟﺘﻲ
ﻣﻨﻰ ... ﻭﻟﺞ ﺍﻳﻠﻮﻝ ﻫﺎﻱ ﻋﻠﻰ ﻣﻨﻮ ﺗﺤﺠﻴﻦ ﺍﻧﻲ ﻣﻠﺘﻬﻴﺔ ﻭﻳﺎﻋﺒﺪﺍﻟﻠﻪ ﻭﻧﺎﺳﻴﺔ ﺍﺭﺑﻲ ﺑﻨﺎﺗﻲ
ﺃﻳﻠﻮﻝ ﻓﺘﺤﺖ ﻋﻴﻨﻲ ﻣﺼﺪﻭﻣﺔ ﺧﺮﺭﺏ ﻫﺎﻱ ﺷﻠﻮﻥ ﺳﻤﻌﺘﻨﻲ ﺑﺎﻭﻋﺖ ﻟﻜﻴﺖ ﻣﻜﺎﻥ ﻣﺎﺭﻱ ﻓﺎﺭﻍ
ﻳﻌﻨﻲ ﺍﺷﻚ ﻫﺪﻭﻣﻲ ﻭﺗﺎﻟﻲ ﻭﻳﺎ ﻫﺎﻱ ﺍﻟﺒﻨﻴﺔ
ﺍﻳﻠﻮﻝ .. ﻣﻨﻮﺵ ﺷﺒﻴﺞ ﺟﻨﺖ ﺍﺷﺎﻗﺔ ﻭﻳﺎ ﺍﻟﺒﻨﺎﺕ ﻟﻴﺶ ﻭﻳﻦ ﺍﻛﻮ ﻣﺜﻞ ﺗﺮﺑﻴﺘﺞ ﻓﺪﻳﺘﺞ ﺧﺎﻟﺘﻮ
ﻣﻨﻰ .. ﻭﺍﻟﻠﻪ ﻟﻮ ﻣﺎ ﺍﻛﻮﻝ ﻋﺮﻭﺳﺔ ﺟﺎﻥ ﺳﺤﻠﺘﺞ ﻣﻦ ﻫﺬﺍ ﺷﻌﺮﺝ ﺍﻟﻤﺘﺒﺎﻫﻴﺔ ﺑﻲ
.. ﻻ ﻻ ﻛﻮﻟﺸﻲ ﻭﻻ ﺷﻌﺮﻱ ﺳﻜﺘﺖ ﺑﻌﺪ ﻣﺎ ﺍﺣﺠﻲ ﻃﻠﻌﺖ ﺧﺎﻟﺘﻲ
ﺻﺤﺖ ﺑﻌﻠﻮﺍ ﺻﻮﺗﻲ ﻣﺎﺍﺍﺍﺍﺍﺍﺍﺍﺍﺍﺍﺍﺍﺭﻱ ﻭﺣﻖ ﺭﺑﺞ ﺍﺫﺍ ﻭﺻﻠﺘﻲ ﺍﻟﺒﺎﺏ ﺍﻟﻐﺮﻓﺔ ﺍﺧﻠﺺ ﻋﻠﻴﺞ
ﺛﺎﻧﻲ ﻳﻮﻡ ﺍﻟﺒﻨﺎﺕ ﺑﺎﻟﻜﻮﺓ ﻛﻌﺪﻭﻧﻲ ﺣﺘﻰ ﺍﺳﺒﺢ ﻭﺍﺗﺮﻳﻚ ﻭﺍﺭﻭﺡ ﻟﻠﺼﺎﻟﻮﻥ
... ﻫﻔﻔﻔﻒ ﻭﺍﻟﻠﻪ ﻧﻌﺴﺎﻧﺔ ﻳﻌﻨﻲ ﺿﺮﻭﺭﻱ ﻻﺯﻡ ﺍﺭﻭﺡ ﺻﺎﻟﻮﻥ ﻭﺍﻟﺒﺲ ﺑﺪﻟﺔ
ﻭﺩ .. ﺍﻳﻠﻮﻝ ﻛﻮﻣﻲ ﻭﺑﺪﻭﻥ ﻛﻼﻡ ﺯﺍﻳﺪ
... ﺍﻭﻙ ﻛﻤﺖ ﻭﺍﻣﺮﻱ ﻟﻠﻪ
ﺍﺧﺬﻭﻧﻲ ﻗﺪﺭ ﻭ ﻭﺩ ﻟﻠﺼﺎﻟﻮﻥ ﻭﻛﺎﻟﻌﺎﺩﺓ ﻣﻜﻴﺎﺝ ﻭﺗﺴﺮﻳﺤﺔ ﺍﻧﻲ ﻃﻠﺒﺖ ﻣﻨﻬﺎ ﺗﺴﺮﻳﺤﺔ ﺑﺴﻴﻄﺔ ﻻﻥ ﺧﻔﺖ ﻻﻳﻨﺘﻔﻮﻥ ﺷﻌﺮﻱ
ﺍﻡ ﺍﻟﺼﺎﻟﻮﻥ .. ﻣﺎ ﺷﺎﺀ ﺍﻟﻠﻪ ﺷﻨﻮ ﻫﺎﻟﺠﻤﺎﻝ ﺍﻟﻴﻮﻡ ﺯﻭﺟﺞ ﻳﺘﺨﺒﻞ ﻣﻦ ﻳﺸﻮﻓﺞ
ﺃﻳﻠﻮﻝ ... ﺍﺑﺘﺴﻤﺘﻠﻬﺎ ﻭﻣﺤﺠﻴﺖ ﺷﻲ
ﺍﻧﺪﺭﻳﺖ ﻋﻠﻰ ﺧﻮﺍﺗﻲ ﻳﻴﻮﻭﻭﻭ ﻟﻜﻴﺘﻬﻦ ﻃﺎﻛﺎﺕ ﺑﺠﻲ ﻣﺸﻴﺖ ﻭﺻﻠﺖ ﻳﻤﻬﻢ ﻫﺎﻱ ﺷﻜﻮ ﺷﺒﻴﻜﻢ ﺗﺮﺓ ﺭﺍﺡ ﺍﺯﻭﺝ ﻣﺮﺍﺡ ﺍﻣﻮﻭﺕ
ﺣﻀﻨﺘﻬﻢ ﺛﻨﻴﻨﻬﻢ ﺳﻮﺍ
ﺍﻛﻮ ﻣﺮﺓ ﺻﺎﻓﻨﺔ ﻋﻠﻴﻨﺎ ﻛﺎﻟﺖ ﺷﻨﻮ ﺍﻟﺪﻧﻴﺎ ﺻﺎﺭﺕ ﺑﺎﻟﻤﻜﻠﻮﺏ ﺟﻨﺖ ﺍﻋﺮﻑ ﺍﻟﻌﺮﻭﺱ ﺗﺒﺠﻲ ﻭﺧﻮﺍﺗﻬﺎ ﻳﺴﻜﺘﻮﻫﺎ ﺍﺷﻮ ﺍﻧﺘﻮﺍ ﺑﺎﻟﻌﻜﺲ ﻫﻲ ﺩﺗﺴﻜﺘﻜﻢ ﻭﺍﻧﺘﻮﺍ ﺗﺒﺠﻮﻥ
ﺿﺤﻜﻨﺎ ﻋﻠﻰ ﻛﻼﻣﻬﺎ
ﺭﺟﻌﻨﺎ ﻟﻠﺒﻴﺖ ﺍﻭﻝ ﻣﺸﺎﻓﺘﻨﻲ ﻣﺎﻣﺎ ﺣﻀﻨﺘﻲ ﻭﺗﺒﺠﻲ ﻣﺘﺤﻤﻠﺖ ﺍﺷﻮﻑ ﺩﻣﻮﻋﻬﺎ ﺑﺠﻴﺖ ﻭﻳﺎﻫﺎ
ﺃﻳﻠﻮﻝ .. ﻛﺎﻓﻲ ﺑﺠﻲ ﻣﻴﺎﺳﺔ ﺗﺮﺓ ﺍﻧﻲ ﺑﺎﻗﻴﺔ ﻋﻠﻰ ﻗﻠﺒﺞ ﺗﺤﻠﻤﻴﻦ ﺗﺨﻠﺼﻴﻦ ﻣﻨﻲ
ﻣﺎﻣﺎ .. ﻭﻫﻲ ﺗﻤﺴﺢ ﺩﻣﻮﻋﻬﺎ ﻭﺗﺒﺘﺴﻢ ﺭﺑﻲ ﻳﺤﻔﻈﺞ ﺑﻨﺘﻲ ﻭﻳﻜﺘﺒﻠﺞ ﺍﻟﺴﻌﺎﺩﺓ ﻭﺍﻓﺮﺡ ﺑﺸﻮﻓﺔ ﺍﻃﻔﺎﻟﺞ
ﺃﻳﻠﻮﻝ . ﺑﺴﺖ ﺍﻳﺪﻫﺎ ﺭﺑﻲ ﻻﻳﺤﺮﻣﻨﻲ ﻣﻨﺞ ﺍﻧﺘﻲ ﻭﺑﺎﺑﺎ
ﺻﺪﻭﻙ ﻟﻌﺪ ﻭﻳﻦ ﺑﺎﺑﺎ ؟
ﻣﺎﻣﺎ ... ﺗﻌﺮﻓﻲ ﻣﻴﺤﺐ ﻫﻴﺠﻲ ﻣﻮﺍﻗﻒ ﺣﺘﻰ ﺑﻌﺮﺱ ﺧﻮﺍﺗﺞ ﻫﻢ ﻃﻠﻊ ﻗﺒﻞ ﻻﻳﺠﻮﻥ
ﻛﻌﺪﺕ ﺷﻮﻳﺔ ﻭﺑﻘﻴﺖ ﺍﺧﺬ ﻭﻳﺎ ﺍﻟﺒﻨﺎﺕ ﺻﻮﺭ
ﺩﺧﻞ ﺃﺩﻡ ﻛﺎﻝ ﺍﺟﺔ ﻋﻤﻮ ﻋﻴﺴﻰ ﻭﻋﻤﻮ ﺇﻳﺎﺱ
ﻣﻦ ﻛﺎﻝ ﻫﻴﺞ ﺟﺴﻤﻲ ﻛﻠﺔ ﺑﻘﺔ ﻳﺮﺟﻒ ﺍﺭﻳﺪ ﺍﺳﻴﻄﺮ ﻋﻠﻰ ﻧﻔﺴﻲ ﻣﺎ ﺃﻛﺪﺭ
ﺃﺟﺔ ﺇﻳﺎﺱ ﻛﻌﺪ ﻳﻤﻲ ﻣﻦ ﺍﻟﺘﻮﺗﺮ ﺣﺘﻰ ﻣﺒﺎﻭﻋﺖ ﻋﻠﻴﻪ
ﻛﺎﻟﻮﺍ ﻳﻼ ﻛﻮﻣﻮﺍ ﺩﻧﺮﻭﺡ
ﺍﻳﻠﻮﻝ .. ﺑﺼﺮﺍﺣﺔ ﺍﻧﻘﻬﺮﺕ ﻋﻠﻰ ﺇﻳﺎﺱ ﻣﻦ ﺷﻔﺖ ﻋﻴﺴﻰ ﺍﺟﺔ ﻳﺴﺎﻋﺪﺓ ﺣﺘﻰ ﻳﺮﻭﺡ ﻟﻠﺴﻴﺎﺭﺓ ﻻﻥ ﻣﻤﺘﻌﻮﺩ ﻋﻠﻰ ﺍﻣﺎﻛﻦ ﺍﻟﺒﻴﺖ ﻣﻴﻜﺪﺭ ﻳﻤﺸﻲ ﻭﺣﺪﺓ ﻻﻳﺮﻭﺡ ﻳﻨﻀﺮﺏ ﺑﺎﻟﺤﺎﻳﻂ ﺍﻭ ﺍﻷﻏﺮﺍﺽ
ﻋﻴﺴﻰ ﻫﻮ ﺟﺎﻥ ﻳﺴﻮﻕ ﺳﻴﺎﺭﺓ ﺇﻳﺎﺱ ﻭﺩ ﻛﻌﺪﺕ ﺑﺎﻟﺼﺪﺭ ﻳﻤﻪ ﻭﺍﻧﻲ ﻭﺇﻳﺎﺱ ﻟﻴﻮﺭﺍ
ﻭﺟﺎﻧﻮﺍ ﻣﺎﺟﺮﻳﻦ ﺳﻴﺎﺭﺓ ﺛﺎﻧﻴﺔ ﺻﻌﺪﻭﺍ ﺑﻴﻬﺎ ﻣﺎﻣﺎ ﻭﺧﺎﻟﺘﻲ ﻭﺍﻟﺒﻨﺎﺕ
ﻃﻮﻝ ﺍﻟﻄﺮﻳﻖ ﺳﺎﻛﺘﻴﻦ ﻻ ﺍﻧﻲ ﺍﺣﺠﻲ ﻭﻻ ﻫﻮ ﺭﻏﻢ ﻭﺩ ﻭﻋﻴﺴﻰ ﺃﺑﺪ ﻣﺴﻜﺘﻮﺍ
ﺩﺧﻠﻨﺔ ﺍﻟﻤﻨﻄﻘﺔ ﻛﻠﺶ ﺣﻠﻮﺓ ﻭﻛﻔﺖ ﺍﻟﺴﻴﺎﺭﺓ ﻛﺪﺍﻡ ﺑﻴﺖ ﻳﺠﻨﻦ ﻧﺰﻝ ﻋﻴﺴﻰ ﺣﺘﻰ ﻳﻔﺘﺢ ﺍﻟﺒﺎﺏ ﻭﻳﺪﺧﻞ ﺍﻟﺴﻴﺎﺭﺓ ﻟﻠﻜﺮﺍﺝ
ﻭﺩ ﺳﺎﻋﺪﺗﻨﻲ ﺍﻧﺰﻝ ﻣﻦ ﺍﻟﺴﻴﺎﺭﺓ ﻻﻥ ﺍﻟﺒﺪﻟﺔ ﺟﺒﻴﺮﺓ ﻭﺿﻮﺟﺘﻨﻲ ﺩﺧﻠﺘﻨﻲ ﻟﻸﺳﺘﻘﺒﺎﻝ ﺟﺎﻥ ﺇﻳﺎﺱ ﻛﺎﻋﺪ ﻭﺍﻧﻲ ﺭﺣﺖ ﻛﻌﺪﺕ ﺑﻤﻜﺎﻥ ﺛﺎﻧﻲ ﺍﺟﻮﺍ ﻣﺎﻣﺎ ﻭﺧﺎﻟﺘﻲ ﻛﻌﺪﺭﺍ ﻳﻤﻨﺎ
ﺍﻟﺒﻨﺎﺕ ﻛﻞ ﻭﺣﺪﺓ ﺭﺍﺣﺖ ﺍﻟﻤﻜﺎﻥ ﺩﻳﺘﻔﺮﺟﻮﻥ ﻋﻠﻰ ﺍﻟﺒﻴﺖ
ﻋﻴﺴﻰ ... ﺍﻟﻤﺼﻮﺭ ﻓﺪ ﺭﺑﻊ ﺳﺎﻋﺔ ﻭﻳﺠﻲ
ﺃﻳﻠﻮﻝ .. ﻫﻤﺴﺖ ﺑﺪﺍﺧﻠﻲ ﻭﺍﻟﻠﻪ ﻋﻨﺪﺝ ﺳﻮﺍﻟﻒ ﻳﺎ ﻣﻴﺎﺳﺔ ﻫﻲ ﻣﺎﻝ ﺻﻮﺭ
ﺟﺎﻱ ﺍﺩﺭﺩﻡ ﺑﻴﻨﻲ ﻭﺑﻴﻦ ﻧﻔﺴﻲ ﺭﻓﻌﺖ ﺭﺍﺳﻲ ﻭﺟﺎﻥ ﺍﺷﻬﻚ ﻭﺍﻧﺼﺪﻡ ﻭﺑﻘﻴﺖ ﺍﺑﺎﻭﻉ ﺍﻟﺨﺎﻟﺘﻲ
ﺃﻳﻠﻮﻝ ... ﺧﺎﻟﺔ ﺭﺍﺡ ﺍﻛﻮﻟﺞ ﺷﻲ ﺑﺲ ﻻﺗﺨﺎﻓﻴﻦ
ﻣﻦ ﺣﺠﻴﺖ ﻫﻴﺞ ﺍﻟﻜﻞ ﺍﻧﺪﺍﺭ ﻋﻠﻴﻪ
ﺧﺎﻟﺔ ﺗﺮﺓ ﺍﻛﻮ ﺍﺑﻮ ﺑﺮﻳﺺ ﻓﻮﻙ ﺭﺍﺳﺞ ﻋﻠﻰ ﺍﻟﺤﺠﺎﺏ
ﺍﻧﻲ ﺑﺲ ﻛﻠﺖ ﺍﺑﻮ ﺑﺮﻳﺺ ﺍﺷﻮ ﺧﺎﻟﺘﻲ ﺻﺎﺭﺕ ﺗﻬﺰ ﻫﺠﻊ ﺗﺮﻭﺡ ﻣﻨﺎ ﻭﺗﺠﻲ ﻣﻨﺎ ﻭﺗﻜﻤﺰ ﺻﺎﺭﺕ ﻣﺜﻞ ﺑﻴﺐ ﺑﻴﺐ ﺧﻄﻴﺔ ﺗﺮﻳﺪ ﺗﻨﺰﻉ ﺍﻟﺤﺠﺎﺏ ﺑﺲ ﻣﺨﻠﻴﺘﻠﺔ ﻛﻮﻭﻣﺔ ﺩﻧﺎﺑﻴﺲ ﻭﻋﺎﺻﻲ ﺑﺮﺍﺳﻬﺎ
ﺍﻧﻲ ﻭﻣﺎﻣﺎ ﻣﺘﻨﺎ ﻣﻦ ﺍﻟﻀﺤﻚ ﺍﻟﺒﻨﺎﺕ ﺍﺟﻮ ﻋﻠﻰ ﺻﻮﺕ ﻛﻤﺰﻫﺎ
ﺍﺧﻴﺮ ﺷﻲ ﻋﻴﺴﻰ ﺍﺟﺔ ﻭﺧﺮﺓ ﻣﻨﻬﺎ ﻭﻛﺘﻠﺔ ﺑﺲ ﺷﻨﻮ ﻋﻴﺴﻰ ﻻﺯﻡ ﺑﻄﻨﺎ ﻣﻦ ﺍﻟﻀﺤﻚ
ﻭﺭﺑﻲ ﻛﻠﻤﺎ ﺃﺫﻛﺮ ﻣﻨﻈﺮﻫﺎ ﺍﺷﺒﻊ ﺿﺤﻚ ﻫﻬﻬﻬﻬﻬﻬﻪ
ﺧﻄﻴﺔ ﻣﻦ ﻓﺎﻳﺘﺔ ﻣﻦ ﺟﻮﺓ ﻗﻤﺮﻳﺔ ﺍﻟﻌﻨﺐ ﻭﺍﻛﻊ ﻋﻠﻴﻬﺎ
ﺃﺟﺔ ﺍﻟﻤﺼﻮﺭ ﻭﺍﻟﻈﺎﻫﺮ ﺟﺎﻥ ﻳﻌﺮﻑ ﺑﺤﺎﻟﺔ ﺇﻳﺎﺱ ﺍﻟﻬﺬﺍ ﺑﻘﺔ ﻳﺴﺎﻋﺪﺓ ﺑﺎﻟﻠﻘﻄﺎﺕ ﺃﺧﺬﻧﺎ ﻫﻮﺍﻳﺔ ﺻﻮﺭ
ﺑﻌﺪ ﻣﺨﻠﺼﻨﺔ ﺻﻮﺭ ﺍﺟﺖ ﺳﺎﻋﺔ ﺍﻟﺼﻔﺮ
ﺃﺧﺬﻭﻧﻲ ﻗﺪﺭ ﻭ ﻭﺩ ﻭﺍﺳﻤﺎﺀ ﻟﻠﻐﺮﻓﺔ
ﺟﺎﻧﺖ ﺍﻟﻐﺮﻓﺔ ﺗﺤﻔﺔ
ﺳﺎﻋﺪﻭﻧﻲ ﺍﻟﺒﻨﺎﺕ ﻧﺰﻋﺖ ﺍﻟﺒﺪﻟﺔ ﻭﻓﻜﻴﺖ ﺍﻟﺘﺴﺮﻳﺤﺔ ﺍﻧﻄﻮﻧﻲ ﺳﻴﺖ ﻧﻮﻡ ﺍﺑﻴﺾ ﺑﺎﻟﺒﺪﺍﻳﺔ ﻣﻘﺒﻠﺖ ﺍﻟﺒﺴﺔ ﺑﻌﺪﻳﻦ ﺍﺫﻛﺮﺕ ﻫﻮ ﻭﻳﻦ ﺭﺍﺡ ﻳﺸﻮﻓﺔ ﺍﺧﺬﺓ ﻟﺒﺴﺘﺔ
ﺍﺟﺖ ﻣﺎﻣﺎ ﻭﺧﺎﻟﺘﻲ ﻭﺑﻘﻮﺍ ﻳﻮﺻﻮﻥ ﺑﻴﻪ ﻭﺍﻧﻲ ﺑﺲ ﺍﻫﺰ ﺑﺮﺍﺳﻲ ﺑﺎﻟﻤﻮﺍﻓﻘﺔ ﻭﺩﻋﻮﻧﻲ ﻭﺭﺍﺣﻮﺍ
ﺍﻧﻔﺘﺢ ﺍﻟﺒﺎﺏ ﺩﺧﻞ ﺃﻳﺎﺱ ﺍﻟﻈﺎﻫﺮ ﻣﺘﻌﻠﻢ ﻋﻠﻰ ﻃﺮﻳﻖ ﺍﻟﻐﺮﻓﺔ ﺟﺎﻥ ﻳﻤﺸﻲ ﺑﺨﻄﻮﺍﺕ ﺑﻄﻴﺊ
ﻭﺻﻞ ﻟﻠﺴﺮﻳﺮ ﺩﻧﻚ ﺗﻠﻤﺴﺔ ﺣﺘﻰ ﻳﺘﺄﻛﺪ ﻫﻮ ﻭﺻﻞ ﻳﻤﻪ ﻭﻛﻌﺪ
ﻓﺮﻙ ﻭﺟﻬﺔ ﺑﻴﺪﺓ ﻭﻛﺎﻝ
ﺇﻳﺎﺱ ... ﺃﻳﻠﻮﻝ
ﺃﻳﻠﻮﻝ ... ﻧﻌﻢ
ﺇﻳﺎﺱ ... ﺗﻌﺎﻟﻲ ﻛﻌﺪﻱ ﺍﻫﻨﺎ ﻭﺃﺷﺮ ﻋﻠﻰ ﻣﻜﺎﻥ ﺑﺼﻔﺔ
ﺃﻳﻠﻮﻝ ... ﻣﻦ ﻛﺎﻟﻲ ﺗﻌﺎﻟﻲ ﻣﺘﺖ ﻣﻦ ﺍﻟﺨﻮﻑ ﻭﺍﻟﺘﻮﺗﺮ ﻣﺪﺭﻱ ﺷﺒﻴﻪ ﺑﺎﻟﻜﻮﺓ ﺭﺣﺖ ﻛﻌﺪﺕ
ﺇﻳﺎﺱ ... ﻋﻨﺪﻱ ﺳﺆﺍﻝ ﻭﺍﺭﻳﺪ ﺍﺟﺎﻭﺑﻴﻨﻲ ﺑﺼﺮﺍﺣﺔ
ﺃﻳﻠﻮﻝ .. ﺍﻭﻙ
ﺇﻳﺎﺱ .. ﺷﻨﻮ ﺑﻴﻨﺞ ﻭﺑﻴﻦ ﺃﺳﺎﻣﺔ ؟؟
ﺃﻳﻠﻮﻝ .. ﺑﻘﻴﺖ ﻣﺼﺪﻭﻣﻪ ﻣﻦ ﻛﻼﻣﺔ ﻫﺬﺍ ﻛﻞ ﻋﻘﻠﺔ ﺑﻬﻴﺠﻲ ﻳﻮﻡ ﺩﻳﺴﺌﻠﻨﻲ ﻫﺬﺍ ﺍﻟﺴﺆﺍﻝ
ﺟﺎﻭﺑﺘﺔ ﻣﺎﻛﻮ ﺷﻲ ﺑﻴﻨﺎ
ﺇﻳﺎﺱ .. ﺑﻌﺼﺒﻴﺔ ﺍﺣﺠﻲ ﻭﻻﺗﻜﺬﺑﻴﻴﻴﻴﻴﻴﻴﻦ
ﺃﻳﻠﻮﻝ ... ﻓﺰﻳﺖ ﻣﻦ ﺻﻮﺗﺔ ﻭﺑﺘﻌﺪﺕ ﻋﻨﺔ ﺑﺴﺮﻋﺔ
ﻛﺘﻠﻚ ﻣﺎﻛﻮ ﺷﻲ ﺑﻴﻨﺎ
ﺇﻳﺎﺱ .. ﻟﺞ ﻛﺎﻓﻲ ﺗﻤﺜﻴﻞ ﺍﺫﺍ ﺟﻨﺘﻲ ﺗﺤﺒﻲ ﻟﻴﺶ ﻗﺒﻠﺘﻲ ﺗﺰﻭﺟﻴﻨﻲ ﻣﻮ ﺟﻴﺖ ﺑﻨﻔﺴﻲ ﻭﺳﺌﻠﺘﺞ ﺍﺫﺍ ﺍﻛﻮ ﺍﺣﺪ ﺿﺎﻏﻂ ﻋﻠﻴﺞ ﻛﻮﻟﻴﻠﻲ
ﺑﺲ ﺍﻟﻈﺎﻫﺮ ﺍﻧﺘﻲ ﻋﺎﺩﻱ ﻋﻨﺪﺝ ﺗﺤﺒﻴﻦ ﻭﺍﺣﺪ ﻭﺗﺄﺧﺬﻳﻦ ﻏﻴﺮﺓ
ﺃﻳﻠﻮﻝ .. ﻛﺎﻓﻲ ﻣﺎ ﺃﺳﻤﺤﻠﻚ ﺍﻧﻲ ﻣﺨﺎﻳﻔﺔ ﻣﻨﻚ ﺣﺘﻰ ﺃﻛﺬﺏ ﻋﻠﻴﻚ ﻭﺍﺫﺍ ﻫﻮ ﻳﺤﺒﻨﻲ ﻫﺎﻱ ﻣﺸﻜﻠﺘﺔ ﻣﻮ ﻣﺸﻜﻠﺘﻲ
ﺇﻳﺎﺱ .. ﻫﻬﻬﻬﻬﻬﻪ ﻃﻠﻌﺘﻲ ﻣﻤﺜﻠﺔ ﺑﺎﺭﻋﺔ ﻣﻊ ﺍﻷﺳﻒ ﺍﻧﺘﻲ ﺑﻨﺖ ﺃﺑﻮ ﻗﺪﺭ ﻫﺬﺍ ﺍﻟﺮﺟﺎﻝ ﺍﻟﻄﻴﺐ
ﺃﺣﺐ ﺃﻛﻮﻟﺞ ﺗﺮﺓ ﺃﺳﺎﻣﺔ ﻗﺒﻞ ﺍﻟﻌﺮﺱ ﺑﺄﺭﺑﻊ ﺃﻳﺎﻡ ﺃﺟﺔ ﻋﻠﻴﻪ ﺍﻫﻨﺎ ﻭﻃﻠﺐ ﻣﻨﻲ ﺍﻋﻮﻓﺞ ﻻﻥ ﺍﻧﺘﻲ ﻭﻳﺎ ﺗﺤﺒﻮﻥ ﺑﻌﺾ ﺑﺲ ﺍﻫﻠﺞ ﻣﻴﻘﺒﻠﻮﻥ ﺗﺄﺧﺬﻱ ﻭﺃﺑﻮﺝ ﺟﺒﺮﺝ ﺣﺘﻰ ﺗﺘﺰﻭﺟﻴﻨﻲ
ﺃﻳﻠﻮﻝ .. ﺇﻳﺎﺱ ﻳﺤﺠﻲ ﻭﺍﻧﻲ ﻣﺼﺪﻭﻣﺔ ﺣﺮﻑ ﻣﻨﻄﻘﺖ
ﺇﻳﺎﺱ .. ﺃﺷﻮ ﺳﻜﺘﻲ ﻭﺍﻟﻠﻪ ﻟﻮ ﻣﺎ ﺃﺑﻮﺝ ﻭﺃﻛﻒ ﺑﻌﻴﻨﻲ ﺟﺎﻥ ﻧﻔﺲ ﺍﻟﺪﻗﻴﻘﺔ ﻃﻠﻜﺘﺞ ﺑﺲ ﺍﻟﺨﺎﻃﺮﺓ ﺳﻜﺘﺖ ﻭﻛﻤﻠﺖ ﻫﺬﺍ ﺍﻟﺰﻭﺍﺝ
ﻣﻦ ﻫﺎﻱ ﺍﻟﻠﺤﻈﺔ ﺍﻧﺘﻲ ﻣﺤﺮﻣﺔ ﻋﻠﻴﻪ ﺭﺍﺡ ﺍﺑﻘﻴﺞ ﻋﻠﻰ ﺫﻣﺘﻲ ﻓﺘﺮﺓ ﻭﺑﻌﺪﻫﺎ ﺍﻧﻄﻴﺞ ﺣﺮﻳﺘﺞ ﻭﻫﺬﺍ ﺍﻟﺸﻲ ﻻ ﻋﺒﺎﻟﺞ ﺍﺳﻮﻱ ﺍﻟﺨﺎﻃﺮﺝ ﻛﻞ ﻫﺬﺍ ﺍﻟﺨﺎﻃﺮ ﺍﺑﻮﺝ
ﻣﻦ ﻫﺎﻟﻴﻮﻡ ﺍﻧﺘﻲ ﺣﺎﻟﺞ ﺣﺎﻝ ﺍﻱ ﻣﻤﺮﺿﺔ ﺍﻭ ﻣﺴﺎﻋﺪﺓ ﺗﻘﻮﻣﻴﻦ ﺑﻜﻞ ﻭﺍﺟﺒﺎﺗﺞ ﻣﺎﻋﺪﺍ ﺷﻐﻠﺔ ﻭﺣﺪﺓ ﻣﺎﻛﻮ ﻓﺮﺍﺵ ﺑﻴﻨﻲ ﻭﺑﻴﻨﺞ ﻻﻥ ﻣﻮ ﺇﻳﺎﺱ ﻳﺎﺧﺬ ﻭﺣﺪﺓ ﮔﻠﺒﻬﺎ ﻳﻢ ﻏﻴﺮﺓ
ﺃﻳﻠﻮﻝ .. ﺍﻭﻙ ﻭﺍﻧﻲ ﻣﻮﺍﻓﻘﺔ
ﺇﻳﺎﺱ .. ﻏﺼﺒﺎ ﻋﻠﻴﺞ ﺗﻮﺍﻓﻘﻴﻦ ﻣﻌﻨﺪﺝ ﺣﻞ ﺛﺎﻧﻲ
ﺃﻳﻠﻮﻝ .. ﻫﻮﺍﻳﺔ ﺍﺳﺘﻔﺰﻧﻲ ﺑﻜﻼﻣﺔ ﺑﺲ ﺳﻜﺘﺖ ﻣﻦ ﻛﺎﻝ ﺍﻧﺘﻲ ﻣﺤﺮﻣﺔ ﻋﻠﻴﻪ ﺑﻌﺪ ﺍﺣﺴﻦ ﺍﺻﻼ ﺍﻧﻲ ﻣﻄﺎﻳﻘﺘﺔ ﻭﺭﺍﺡ ﺍﺗﺤﻤﻠﻪ ﺍﻟﺤﺪ ﻣﻴﻄﻠﻜﻨﻲ
ﺇﻳﺎﺱ ... ﻣﻦ ﻋﺮﺽ ﻋﻠﻴﻪ ﺍﺑﻮ ﻗﺪﺭ ﺍﺯﻭﺝ ﺑﻨﺘﺔ ﻣﻜﺪﺭﺕ ﺍﺭﻓﺾ ﻭﺍﻓﻘﺖ ﺑﺲ ﻃﻠﺒﺖ ﺍﺳﻤﻊ ﻣﻮﺍﻓﻘﺘﻬﺎ ﺑﻨﻔﺴﻲ ﻻﻥ ﻣﺎ ﺍﺭﻳﺪ ﺍﻇﻠﻤﻬﺎ ﻭﻳﺎﻱ
ﺣﺠﻴﺖ ﻭﻳﺎﻫﺎ ﻭﺑﺪﺍﺧﻠﻲ ﺟﻨﺖ ﺍﺗﻤﻨﻰ ﺗﺮﻓﺾ
ﺑﺲ ﺍﻧﻄﺘﻨﻲ ﺟﻮﺍﺑﻬﺎ ﻣﻮﺍﻓﻘﺔ
ﻋﺮﺿﺖ ﻋﻠﻰ ﺃﺑﻮ ﻗﺪﺭ ﻳﺠﻮﻥ ﻳﻌﻴﺸﻮﻥ ﻭﻳﺎﻧﺔ ﻷﻥ ﻓﻌﻼ ﺑﻬﺬﺍ ﻭﺿﻌﻲ ﻣﺤﺘﺎﺝ ﺗﻜﻮﻧﻠﻲ ﻋﺎﺋﻠﺔ ﻭﺃﻋﺘﺒﺮ ﻧﻔﺴﻲ ﻭﺍﺣﺪ ﻣﻨﻬﻢ
ﺑﺎﻟﻜﻮﺓ ﻭﺍﻓﻖ ﺃﺑﻮ ﻗﺪﺭ ﻭﻣﻦ ﻫﺬﺍ ﺍﻟﻴﻮﻡ ﻗﺮﺭﺕ ﺃﻓﺘﺢ ﺻﻔﺤﺔ ﺟﺪﻳﺪﺓ ﺑﺤﻴﺎﺗﻲ ﻭﺃﻧﺴﻰ ﺍﻟﻤﺎﺿﻲ ﻭﺍﻧﻄﻲ ﺍﻟﺒﻨﻴﺔ ﻛﻞ ﺣﻘﻮﻗﻬﺎ ﻻﻥ ﻫﻲ ﻣﺎﻟﻬﺎ ﺫﻧﺐ ﺑﺘﺠﺎﺭﺑﻲ ﺍﻟﻔﺎﺷﻠﺔ ﻭﺣﺎﻟﻲ ﺣﺎﻝ ﺍﻱ ﺭﺟﺎﻝ ﺗﻤﻨﻴﺖ ﻳﺼﻴﺮ ﻋﻨﺪﻱ ﺍﻃﻔﺎﻝ ﻳﺸﻴﻠﻮﻥ ﺍﺳﻤﻲ ﻭﻳﺴﻨﺪﻭﻧﻲ ﻣﻦ ﺍﻛﺒﺮ
ﺑﻴﻮﻡ ﺍﻟﻌﻘﺪ ﺳﻤﻌﺖ ﺑﺼﻮﺕ ﻭﺍﺣﺪ ﻳﻬﺪﺩ ﻭﻳﻜﻮﻝ ﺍﻧﻲ ﺍﺣﺒﻬﺎ ﻭﺭﺍﺡ ﺍﻛﺘﻠﻜﻢ ﻭﺍﻛﺘﻞ ﻧﻔﺴﻲ
ﻭﺳﻤﻌﺘﺔ ﺷﻠﻮﻥ ﻳﺒﺠﻲ ﺑﺤﺮﮔﺔ ﮔﻠﺐ
ﺳﻜﺘﺖ ﻭﻣﺤﺠﻴﺖ ﺷﻲ ﻟﻜﻦ ﺍﻟﺸﻚ ﺩﺧﻞ ﮔﻠﺒﻲ
ﺣﺎﻭﻟﺖ ﺑﻴﻨﻲ ﻭﺑﻴﻦ ﻧﻔﺴﻲ ﺍﻟﮕﻴﻠﻬﺎ ﺍﻟﻒ ﻋﺬﺭ ﻛﻠﺖ ﻳﻤﻜﻦ ﻫﻮ ﻳﺤﺒﻬﺎ ﻭﻫﻲ ﻣﺘﺮﻳﺪﺓ ﻣﺜﻞ ﻣﻜﺎﻟﻲ ﻋﻴﺴﻰ
ﻗﺒﻞ ﺍﻟﻌﺮﺱ ﺑﻜﻢ ﻳﻮﻡ ﻣﻦ ﺍﺟﺔ ﻋﻠﻴﻪ ﻭﺍﺣﺪ ﻛﺎﻝ ﺍﻧﻲ ﺃﺳﺎﻣﺔ ﺃﺧﻮ ﻋﻴﺴﻰ
ﻛﻌﺪ ﻳﺤﺠﻴﻠﻲ ﻋﻦ ﺣﺒﻪ ﻫﻮ ﻭﺃﻳﻠﻮﻝ
ﻛﺎﻝ ﺃﺑﻮﻫﺎ ﺟﺒﺮﻫﺎ ﺣﺘﻰ ﺗﻘﺒﻞ ﺑﻴﻚ ﻃﻠﺐ ﻣﻨﻲ ﺃﻋﻮﻓﻬﺎ
ﺍﻧﻲ ﻣﺘﺤﻤﻠﺖ ﻛﻼﻣﺔ ﻭﻃﺮﺩﺗﺔ
ﻭﺑﻘﻴﺖ ﺑﻴﻦ ﻧﺎﺭﻳﻦ ﺍﺫﺍ ﺍﺗﺮﻛﻬﺎ ﺭﺍﺡ ﺗﺨﺴﺮ ﺳﻤﻌﺘﻬﺎ
ﻭﺍﺫﺍ ﻛﻤﻠﺖ ﻭﻳﺎﻫﺎ ﺭﺍﺡ ﺍﻋﻴﺶ ﻃﻮﻝ ﻋﻤﺮﻱ ﻣﺨﺪﻭﻉ
ﺑﺲ ﻣﺠﺎﻥ ﻋﻨﺪﻱ ﻏﻴﺮ ﺣﻞ ﻷﺯﻡ . ﺍﺗﻤﻢ ﺍﻟﺰﻭﺍﺝ ﺍﻟﺨﺎﻃﺮ ﺍﺑﻮ ﻗﺪﺭ
ﻋﺎﺗﺒﺖ ﺭﺑﻲ ﻟﻴﺶ ﺍﻧﻲ ﻫﺬﺍ ﺣﻈﻲ ﺷﻨﻮ ﺍﻟﺸﻲ ﺍﻟﻤﺴﻮﻱ ﺑﺤﻴﺎﺗﻲ ﻭﻫﻴﺠﻲ ﺩﺍﺗﻌﺎﻗﺐ ﻋﻠﻴﻪ ﻻ ﻋﻨﺪﻱ ﺣﻆ ﺑﺎﻫﻞ ﻭﻻ ﺣﻆ ﺑﺰﻭﺍﺝ ﻭ ﻻ ﺑﺤﺐ ﺣﺘﻰ ﻧﻮﺭ ﻋﻴﻮﻧﻲ ﺍﺧﺬﺗﺔ ﻣﻨﻲ ﺗﻌﺒﺖ ﻭﻫﻤﻮﻡ ﺍﻟﺪﻧﻴﺎ ﻛﻠﻬﺎ ﺻﺎﺭﺕ ﻋﻠﻰ ﺍﻛﺘﺎﻓﻲ ﻭﻣﺎ ﺍﻋﺮﻑ ﺍﻟﺪﻧﻴﺎ ﺷﻀﺎﻣﺘﻠﻲ ﺑﻌﺪ
أنت تقرأ
المغرورة والاعمئ
Genç Kız Edebiyatıالقصه ﺟﺘﻤﺎﻋﻴﺔ ﻋﺎﻃﻔﻴﺔ ﻗﺼﺔ ﻋﺎﺋﻠﺔ ﻋﺮﺍﻗﻴﺔ ﻣﺘﻮﺳﻄﺔ ﺍﻟﺤﺎﻝ ﻳﻘﻮﻡ ﺍﻷﺏ ﺑﺘﺰﻭﻳﺞ ﺃﺑﻨﺘﺔ ﺍﻟﺠﻤﻴﻠﺔ ﺍﻟﻰ ﺭﺟﻞ ﺃﻋﻤﻰ ﺑﺴﺒﺐ ﺍﻓﻀﺎﻝ ﻫﺬﺍ ﺍﻟﺸﺨﺺ ﻋﻠﻰ ﻋﺎﺋﻠﺘﺔ ﺍﻟﻔﺘﺎﺓ بقلم بسمة البياتي
