#ﺍﻟﻤﻐﺮﻭﺭﺓ_ﻭ_ﺍﻷﻋﻤﻰ
( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ )
- ﺑﺎﺭﺕ ﺍﻟﺨﺎﻣﺲ ﺍﻟﻌﺸﺮﻭﻥ -
ﺃﻳﻠﻮﻝ .. ﺑﺪﺓ ﺩﻭﺍﻡ ﺍﻟﺒﻨﺎﺕ
ﺑﺎﻥ ﺭﺟﻌﺖ ﺗﻬﺘﻢ ﺍﻟﺪﺭﺍﺳﺘﻬﺎ ﻷﻥ ﺍﻟﻘﺎﻧﻮﻥ ﺻﻌﺐ ﻭﻫﻲ ﺻﺎﺭﺕ ﻣﺮﺣﻠﺔ ﺛﺎﻟﺜﺔ
ﺟﻨﺖ ﺍﺣﺲ ﻋﻴﻦ ﻳﺎﺳﻴﻦ ﻣﻨﻬﺎ ﻻﻥ ﻫﻮﺍﻳﻪ ﺻﺎﺭ ﻳﺠﻴﻨﺎ
ﺟﻴﺖ ﻋﻠﻰ ﺑﺎﻥ ﺍﺭﻳﺪ ﺍﺳﺘﺠﻮﺑﻬﺎ ﺍﺧﺎﻑ ﺑﻴﻨﻬﻢ ﺷﻲ
ﺃﻳﻠﻮﻝ ... ﺍﻛﻮﻝ ﺑﻨﻮﻧﻪ ﺍﻧﺘﻲ ﺣﻠﻮﺓ ﻭﻃﺎﻟﺒﺔ ﻛﻠﻴﺔ ﺷﻌﺠﺐ ﻣﺎﻛﻮ ﺷﻲ ﻣﻨﺎ ﻣﻨﺎ
ﺑﺎﻥ .. ﺷﻲ ﻣﺜﻞ ﺷﻨﻮ ؟
ﺃﻳﻠﻮﻝ ... ﺣﺐ ﺧﻄﻮﺑﺔ ﺍﺭﺗﺒﺎﻁ
ﺑﺎﻥ ... ﻻ ﻻ ﺍﻟﻠﻪ ﻳﺒﻌﺪﻧﻲ ﺍﻧﻲ ﻃﻤﻮﺣﻲ ﺍﻛﺒﺮ ﻣﻦ ﺍﻟﺰﻭﺍﺝ
ﺃﻳﻠﻮﻝ .. ﻟﻴﺶ ﻫﺬﺍ ﺍﻟﻜﻼﻡ ﺣﺒﻴﺒﺘﻲ ﻗﺎﺑﻞ ﺧﻮﻣﺎ ﺗﺒﻘﻴﻦ ﺑﺪﻭﻥ ﺯﻭﺍﺝ ﻫﺎﻱ ﺳﻨﺔ ﺍﻟﺤﻴﺎﺓ
ﺑﺎﻥ ... ﺍﻋﺮﻑ ﺑﺲ ﺍﻧﻲ ﻃﻤﻮﺣﻲ ﺍﻛﻤﻞ ﺩﺭﺍﺳﺎﺕ ﺍﺭﻳﺪ ﺑﻌﺪ ﺍﻟﻜﻠﻴﺔ ﺍﺩﺭﺱ ﻣﺎﺟﺴﺘﻴﺮ ﻭﺩﻛﺘﻮﺭﺍﻩ
ﺃﻳﻠﻮﻝ ... ﺧﺮﺏ ﻭﻟﺤﺪ ﻣﺘﻜﻤﻠﻴﻦ ﺗﺼﻴﺮﻳﻦ ﻋﺠﻮﺯ ﻭﺑﻌﺪ ﻣﺤﺪ ﻳﺒﺎﻭﻉ ﺑﻮﺟﻬﺞ
ﺑﺎﻥ .. ﻣﻮﻣﻬﻢ ﺍﻟﺰﻭﺍﺝ ﺍﻟﻤﻬﻢ ﻣﺴﺘﻘﺒﻠﻲ ﻣﺎ ﺍﺭﻳﺪ ﺍﻧﺮﺑﻂ ﺑﻤﺴﺆﻭﻟﻴﺔ ﺑﻴﺖ ﻭﺯﻭﺝ ﻭﺍﻃﻔﺎﻝ
ﺃﻳﻠﻮﻝ .. ﺍﻟﻠﻪ ﻳﻮﻓﻘﺞ ﻋﻤﺮﻱ ﻭﻳﺤﻘﻘﻠﺞ ﺍﻟﺘﺘﻤﻨﻲ
ﺑﺎﻥ ... ﻓﺪﻭﺓ ﺍﻟﻘﻠﺒﺞ ﻟﻮﻟﺔ ﺍﻥ ﺷﺎﺀ ﺍﻟﻠﻪ ﻳﻮﻡ ﺍﻟﻲ ﺍﺷﻮﻑ ﺍﻃﻔﺎﻟﺞ ﻳﺘﺮﺳﻮﻥ ﺍﻟﺒﻴﺖ
ﺃﻳﻠﻮﻝ ... ﻫﻬﻬﻬﻬﻬﻪ ﻭﺍﻟﻠﻪ ﺭﺍﺿﻴﺔ ﻟﻮ ﺣﺘﻰ ﻃﻔﻞ ﻭﺍﺣﺪ ﻓﺪﻳﺘﺞ ﻋﻠﻰ ﻫﺎﻱ ﺍﻟﺪﻋﻮﺓ ﺍﻟﺤﻠﻮﺓ
ﺟﻨﺎ ﺳﻬﺮﺍﻧﻴﻦ ﺍﻧﻲ ﻭﺇﻳﺎﺱ
ﺇﻳﺎﺱ ... ﺣﺒﻴﺒﺘﻲ ﺍﺫﺍ ﻳﺎﺳﻴﻦ ﺗﻘﺪﻡ ﺍﻟﺒﺎﻥ ﺗﻮﺍﻓﻖ ؟
ﺃﻳﻠﻮﻝ .. ﻣﺴﺘﻐﺮﺑﺖ ﻣﻦ ﻛﻼﻣﺔ ﻻﻥ ﺟﻨﺖ ﻣﺘﺄﻛﺪﺓ ﻳﺎﺳﻴﻦ ﻳﺮﻳﺪ ﺑﺎﻥ
ﻭﺍﻟﻠﻪ ﻳﺎ ﺣﺒﻴﺒﻲ ﻣﺎ ﺍﺩﺭﻱ ﺷﻜﻮﻟﻚ ﻗﺒﻞ ﻳﻮﻣﻴﻦ ﺳﺌﻠﺘﻬﺎ ﻋﻠﻰ ﺍﻟﺰﻭﺍﺝ ﻭﺍﻷﺭﺗﺒﺎﻁ ﻛﺎﻟﺖ ﺷﺎﻳﻠﺔ ﻓﻜﺮﺓ ﺍﻟﺰﻭﺍﺝ ﻣﻦ ﺭﺍﺳﻬﺎ ﺗﺮﻳﺪ ﺗﻜﻤﻞ ﺩﺭﺍﺳﻪ
ﺇﻳﺎﺱ .. ﺍﺭﺟﻌﻲ ﻓﺎﺗﺤﻴﻬﺎ ﺑﺎﻟﻤﻮﺿﻮﻉ ﺣﺘﻰ ﺍﺫﺍ ﺗﻘﺒﻞ ﻳﺎﺳﻴﻦ ﻳﺘﻘﺪﻣﻠﻬﺎ ﺑﺸﻜﻞ ﺭﺳﻤﻲ
ﺃﻳﻠﻮﻝ .. ﺍﻭﻙ ﻭﻟﻮ ﺍﻋﺮﻑ ﺟﻮﺍﺑﻬﺎ
ﺳﺌﻠﺖ ﺑﺎﻥ ﻭﻣﺜﻞ ﻣﺘﻮﻗﻌﺖ ﺭﻓﻀﺖ
ﺑﻠﻐﺖ ﺟﻮﺍﺑﻬﺎ ﺍﻹﻳﺎﺱ ﻭﻫﻮ ﺑﻠﻐﺔ ﺍﻟﻴﺎﺳﻴﻦ
ﺇﻳﺎﺱ .. ﻫﻬﻬﻬﻬﻪ ﺃﺧﻮﻳﻪ ﻳﻤﻜﻦ ﻭﺍﻛﻊ ﺑﺤﺐ ﺃﺧﺘﺞ ﻳﻜﻮﻝ ﻋﺎﺩﻱ ﺍﻧﺘﻈﺮﻫﺎ ﺗﻜﻤﻞ ﻛﻠﻴﺔ ﻭﺍﺭﺟﻊ ﺍﻃﻠﺒﻬﺎ
ﺃﻳﻠﻮﻝ ... ﺍﺫﺍ ﺑﺎﻥ ﻗﺴﻤﺘﺔ ﺍﻛﻴﺪ ﻳﺎﺧﺬﻫﺎ ﺍﻟﻠﻪ ﻳﺠﻌﻠﻬﺎ ﻣﻦ ﻧﺼﻴﺒﺔ
ﻗﺪﺭ ﺍﺟﺖ ﻳﻤﻨﺎ ﻻﻥ ﺗﺤﺪﺩ ﻣﻮﻋﺪ ﻭﻻﺩﺗﻬﺎ ﺧﻄﻴﺔ ﺩﺧﻠﺖ ﺑﺎﻟﻌﺎﺷﺮ ﻭﻫﻲ ﻣﻌﺪﻫﺎ ﻭﻻﺩﺓ ﺍﻟﺪﻛﺘﻮﺭﺓ ﻛﺘﺒﺘﻠﻬﺎ ﻋﻠﻰ ﻋﻤﻠﻴﻪ
ﻭﻗﺖ ﺍﻟﻌﻤﻠﻴﺔ ﺳﺎﻋﺔ ﺛﻤﺎﻧﻴﺔ ﺑﺎﻟﻴﻞ ﻣﺎﻣﺎ ﻭ ﻭﺩ ﺭﺍﺣﻮﺍ ﻭﻳﺎﻫﺎ
ﺑﻘﻮﺍ ﺍﻟﺠﻬﺎﻝ ﻳﻤﻲ
ﺟﻨﺖ ﻛﻞ ﺷﻮﻳﺔ ﺍﺗﺼﻞ ﻋﻠﻴﻬﻢ ﻻﻥ ﺑﺎﻟﻲ ﻳﻢ ﻗﺪﺭ
ﺍﺗﺼﻠﺖ ﻋﻠﻴﻪ ﻭﺩ ﺑﺸﺮﺗﻨﻲ ﻗﺪﺭ ﺻﺎﺭ ﻋﺪﻫﺎ ﺑﻨﻮﺗﺔ ﺑﺲ ﺟﺎﻧﺖ ﺣﺎﻟﺔ ﺍﻟﺒﻨﻮﺗﺔ ﺗﻌﺒﺎﻧﺔ ﻭﺑﺎﻟﺨﺪﺝ
بيج قصص عراقيه حقيقيه من واقعنا.روعه الطائي
ﺳﺌﻠﺘﻬﺎ ﻋﻦ ﻭﺿﻊ ﻗﺪﺭ ﻛﺎﻟﺖ ﺯﻳﻨﺔ ﺍﻟﺤﻤﺪﻟﻠﻪ
ﺳﺎﻋﺔ 12 ﺭﺟﻌﺖ ﻣﺎﻣﺎ ﻟﻠﺒﻴﺖ ﺑﺲ ﻭﺩ ﺑﻘﺖ ﻳﻢ ﻗﺪﺭ
ﺧﻄﻴﺔ ﻣﺎﻣﺎ ﺟﺎﻧﺖ ﺗﻌﺒﺎﻧﺔ ﺭﺍﺣﺖ ﻧﺎﻣﺖ
ﻭﺍﻧﻲ ﻟﻠﻮﺣﺪﺓ ﻛﺎﻋﺪﺓ ﻭﻳﺎ ﺍﻟﺠﻬﺎﻝ ﻣﻴﻘﺒﻠﻮﻥ ﻳﻨﺎﻣﻮﻥ ﺑﺎﻟﻜﻮﺓ ﻳﻼ ﻧﺎﻣﻮﺍ
ﺻﻌﺪﺕ ﺍﻟﻐﺮﻓﺘﻲ ﺟﺎﻥ ﺇﻳﺎﺱ ﻧﺎﻳﻢ ﻏﻴﺮﺕ ﻣﻼﺑﺴﻲ ﻭﺟﻴﺖ ﺗﻤﺪﺩﺕ ﺑﺼﻔﺔ
ﻫﺴﺘﻮﻧﻲ ﺍﺭﻳﺪ ﺍﻏﻤﺾ ﺳﺤﺒﻨﻲ ﺇﻳﺎﺱ ﺍﻟﺤﻀﻨﻪ
ﺇﻳﺎﺱ .. ﻟﻴﺶ ﺗﺄﺧﺮﺗﻲ ﺻﺎﺭﻟﻲ ﺃﺷﻜﺪ ﺍﻧﺘﻈﺮﺝ
ﺃﻳﻠﻮﻝ ... ﻭﺍﻟﻠﻪ ﺭﻳﺎﻥ ﻭﺭﺍﻣﺎ ﺑﺎﻟﻜﻮﺓ ﻧﺎﻣﻮﺍ ﺑﺲ ﺃﺩﻭﻣﻲ ﻓﺪﻳﺘﺔ ﻓﻘﻴﺮ
ﺇﻳﺎﺱ ... ﻗﺪﺭ ﺷﻠﻮﻧﻬﺎ
ﺃﻳﻠﻮﻝ ... ﻗﺒﻞ ﻧﺺ ﺳﺎﻋﺔ ﺣﺠﻴﺖ ﻭﻳﺎ ﻭﺩ ﻭﻃﻤﻨﺘﻨﻲ ﻋﻠﻴﻬﺎ
ﺑﺲ ﺧﻄﻴﺔ ﺑﻨﻮﺗﺘﻬﺎ ﻭﺿﻌﻬﺎ ﺗﻌﺒﺎﻥ
ﺇﻳﺎﺱ .. ﻋﺪﻫﺎ ﺍﻟﻌﺎﻓﻴﻪ ﺍﻥ ﺷﺎﺀ ﺍﻟﻠﻪ
ﺇﻳﻠﻮﻝ .. ﻫﻬﻬﻬﻬﻪ ﺃﺩﻭﻣﻲ ﻛﺎﻳﻠﻠﻬﻢ ﺳﻤﻮﻫﺎ ﺃﻳﻠﻮﻝ
ﺇﻳﺎﺱ ﻓﺘﺢ ﻋﻴﻨﺔ ﻭﺭﻓﻊ ﺣﺎﺟﺒﺔ ﻭﺑﺎﻭﻋﻠﻲ
ﺇﻳﺎﺱ ... ﻫﺬﺍ ﺃﺩﻡ ﻭﻻ ﻳﻜﻌﺪ ﺭﺍﺣﻪ ﻭﺍﻟﻘﻬﺮ ﻳﺪﻟﻌﺞ ﻟﻮﻟﺘﻲ
ﺃﻳﻠﻮﻝ .... ﻻﻳﻜﻮﻥ ﺗﻐﺎﺭ ﻣﻦ ﺍﺩﻡ ﻫﻢ ﻫﻬﻬﻬﻬﻬﻬﻬﻬﻬﻪ
ﺇﻳﺎﺱ ... ﻻ ﻟﻮﻟﺘﻲ ﻋﺎﺩﻱ ﺧﻠﻲ ﻳﺸﺒﻌﺞ ﺩﻟﻊ
ﻛﺎﻓﻲ ﻳﻼ ﻧﺎﻣﻲ
ﺃﻳﻠﻮﻝ ... ﻫﻬﻬﻬﻬﻬﻬﻬﻬﻬﻪ ﺍﻣﻮﺕ ﻋﻠﻴﻚ ﺣﻀﻨﺘﻪ ﻭﻧﻤﺖ
ﺳﺎﻋﺔ ﺧﻤﺴﺔ ﺍﻟﻔﺠﺮ ﻓﺰﻳﺖ ﻋﻠﻰ ﺻﻮﺕ ﺻﻴﺎﺡ ﻭﻋﻴﺎﻁ ﻳﺠﻲ ﻣﻦ ﺟﻮﺓ
ﺍﻧﻲ ﻭﺇﻳﺎﺱ ﺛﻨﻴﻨﺎ ﻛﻤﺰﻧﺎ ﻣﻦ ﻣﻜﺎﻧﻪ ﺭﻛﻀﺖ ﺍﺭﻳﺪ ﺍﻃﻠﻊ ﻣﻦ ﺍﻟﻐﺮﻓﺔ ﺻﺎﺡ ﺑﻴﻪ ﺇﻳﺎﺱ
ﺇﻳﺎﺱ .. ﺍﻭﻛﻔﻲ ﻭﻳﻦ ﻧﺎﺯﻟﺔ ﺑﻬﺎﻱ ﻣﻼﺑﺴﺞ
ﺃﻳﻠﻮﻝ .. ﻣﻬﺘﻤﻴﺖ ﺍﻟﻜﻼﻣﺔ ﺭﻛﻀﺖ ﺍﺭﻳﺪ ﺍﻃﻠﻊ ﺍﺟﻪ ﺑﺴﺮﻋﺔ ﻟﺰﻣﻨﻲ
ﻛﻤﺖ ﺍﺻﻴﺢ ﻋﻠﻴﻪ ﻋﻮﻭﻭﻭﻭﻭﻭﻭﻓﻨﻲ ﺍﻛﻴﺪ ﺍﻛﻮﻭﻭﻭﻭﻭ ﺷﻲ ﺻﺎﻳﺮﺭﺭﺭﺭﺭ
ﺇﻳﺎﺱ ... ﺍﻫﺪﻱ ﺑﺲ ﻟﺒﺴﻲ ﻭﻧﺰﻟﻲ
ﺃﻳﻠﻮﻝ ... ﺑﺪﻭﻥ ﻭﻋﻲ ﺭﻛﻀﺖ ﺍﺧﺬﺕ ﺭﻭﺏ ﺷﺘﺎﺋﻲ ﻟﺒﺴﺘﺔ ﻭﻧﺰﻟﺖ ﻭﺍﻧﻲ ﺃﺳﻤﻊ ﺻﻮﺕ ﺍﻟﺼﺮﺍﺥ ﺟﻮﺓ ﺩﻳﺰﻳﺪ
ﻣﻦ ﺳﺮﻋﺘﻲ ﻛﻢ ﻣﺮﺓ ﺗﻌﺜﺮﺕ ﻭﺭﺩﺕ ﺍﻭﻛﻊ ﻣﻦ ﺍﻟﺪﺭﺝ
ﻭﺻﻠﺖ ﻟﻠﻬﻮﻝ ﺷﻔﺖ ﻣﺎﻣﺎ ﻛﺎﻋﺪﺓ ﺑﺎﻟﻜﺎﻉ ﻭﻣﻠﺨﺔ ﻧﻔﺴﻬﺎ
ﺑﺎﺑﺎ ﻛﺎﻋﺪ ﻋﻠﻰ ﻃﺮﻑ ﺍﻳﺪﺓ ﻋﻠﻰ ﺭﺍﺳﺔ ﻭﻳﺒﺠﻲ
ﺧﺎﻟﻲ ﻭﺯﻭﺟﺘﺔ ﻭﺑﻨﺎﺗﺔ ﻭﺟﻨﺎﻳﻨﻬﻢ ﻣﻮﺟﻮﺩﻳﻦ
ﺑﻘﻴﺖ ﺍﺑﺎﻭﻉ ﺑﺎﻟﻮﺟﻮﻩ ﻭﺍﺧﺎﻑ ﺍﺳﺌﻞ ﺷﺒﻴﻜﻢ ﻻﻳﻄﻠﻊ ﺍﻟﺒﺎﻟﻲ ﺻﺢ
ﺑﻘﺒﺖ ﻭﺍﻛﻔﺔ ﺟﺎﻣﺪﺓ ﻧﺰﻝ ﺇﻳﺎﺱ ﻭﺳﺌﻠﻬﻢ ﺷﺼﺎﻳﺮ
ﻭﻳﺎﺭﻳﺘﺔ ﻣﺴﺄﻝ
ﺟﺎﻥ ﺟﻮﺍﺑﻬﻢ ﻣﺜﻞ ﺍﻟﺴﺠﻴﻨﺔ ﻭﺍﻧﻐﺮﺳﺖ ﺑﻘﻠﺒﻲ
ﻗﺪﺭ ﻣﺎﺗﺖ
ﺑﺲ ﺳﻤﻌﺖ ﻫﺎﻱ ﺍﻟﻜﻠﻤﺔ ﻭﻛﻌﺖ ﻣﻦ ﻃﻮﻟﻲ
ﺻﺤﻴﺖ ﻓﺘﺤﺖ ﻋﻴﻨﻲ ﺟﺎﻥ ﺇﻳﺎﺱ ﻳﻤﻲ
ﺃﻳﻠﻮﻝ .. ﻫﻢ ﺯﻳﻦ ﻛﻌﺪﺗﻨﻲ ﺷﻔﺖ ﻛﺎﺑﻮﺱ ﻳﺨﻮﻑ
ﺑﺲ ﻣﻦ ﺍﻧﺪﺍﺭﻳﺖ ﻭﺷﻔﺖ ﺑﻨﺎﺕ ﺧﺎﻟﻲ ﻭﺑﺎﻥ ﻭﻣﺎﺭﻱ ﻳﺒﺠﻮﻥ ﻋﺮﻓﺖ ﻫﺬﺍ ﻣﻮ ﻛﺎﺑﻮﺱ
ﺃﺭﻳﺪ ﺍﺻﺮﺥ ﺍﺭﻳﺪ ﺍﺑﺠﻲ ﻣﺎ ﺃﻛﺪﺭ ﺑﻘﻴﺖ ﺑﺲ ﺍﺑﺎﻭﻉ ﻋﻠﻴﻬﻢ
ﺳﻤﻌﺖ ﺇﻳﺎﺱ ﻳﻮﺻﻲ ﺍﻟﺒﻨﺎﺕ ﻋﻠﻴﻪ ﻻﻥ ﻫﻮ ﺩﻳﺮﻭﺡ
ﺷﻮﻳﺔ ﻭﺑﻴﺘﻨﺎ ﺍﻧﺘﺮﺱ ﻧﺎﺱ ﻛﺮﺍﻳﺐ ﻭﺟﻴﺮﺍﻥ ﻭﺍﻧﻲ ﻧﻔﺲ ﻭﺿﻌﻲ
ﺍﺳﻤﻌﻬﻢ ﻳﺤﺠﻮﻥ ﺑﺲ ﺍﻧﻲ ﻣﺎ ﺃﺣﺠﻲ
ﻛﺎﻟﻮﺍ ﺃﻡ ﻗﺪﺭ ﻣﺘﺨﺮﺑﻄﺔ ﻭﻣﻮﺩﻳﻬﺎ ﻟﻠﻤﺴﺘﺸﻔﻰ
ﺍﺟﺘﻲ ﺧﺎﻟﺘﻲ ﺗﺤﺠﻲ ﻭﻳﺎﻱ ﻭﺗﺒﺠﻲ
ﺃﻳﻠﻮﻝ ﺍﺣﺠﻲ ﻟﻴﺶ ﺳﺎﻛﺘﺔ ﺍﺑﺠﻲ ﺍﺻﺮﺧﻲ ﻻﺗﻈﻠﻴﻦ ﻛﺎﺗﻤﺔ ﺑﮕﻠﺒﺞ ﻣﻮﺯﻳﻦ
ﺍﺟﺖ ﺃﺳﻤﺎﺀ ﻋﻠﻴﻪ
ﺃﺳﻤﺎﺀ .. ﺃﻳﻠﻮﻝ ﻛﻮﻣﻲ ﻏﻴﺮﻱ ﻣﻼﺑﺴﺞ ﻣﻴﺼﻴﺮ ﺗﺒﻘﻴﻦ ﺑﻬﺬﻥ
ﺍﺧﺬﻭﻧﻲ ﻣﻦ ﺍﻳﺪﻱ ﻭﺩﺧﻠﻮﻧﻲ ﻏﺮﻓﺔ ﺍﻟﺒﻨﺎﺕ ﻃﻠﻌﻮﺍ ﺩﺷﺪﺍﺷﺔ ﺳﻮﺩﺓ ﻟﺒﺴﻮﻫﺎ ﺍﻟﻲ ﺣﺘﻰ ﻣﺎ ﺍﻋﺮﻑ ﻣﻨﻴﻦ ﺟﺎﺑﻮﻫﺎ
ﺑﻘﻴﺖ ﺑﺎﻟﻐﺮﻓﺔ ﻣﻄﻠﻌﺖ ﻣﻨﻬﺎ ﺍﺳﻤﻊ ﺻﻮﺕ ﺍﻟﺼﺮﺍﺥ ﻭﺍﻟﺒﺠﻲ ﺑﺮﺓ ﻭﺍﻧﻲ ﺩﻣﻌﺔ ﻣﺎﻛﻮ
ﺑﻘﻴﺖ ﺍﻛﺜﺮ ﻣﻦ ﺳﺎﻋﺔ ﻋﻠﻰ ﻫﺬﺍ ﻭﺿﻌﻲ ﺍﺳﻤﺎﺀ ﻳﻤﻲ ﻣﻌﺎﻓﺘﻨﻲ
ﺻﺎﺭ ﺻﻮﺕ ﺻﺮﺍﺥ ﻗﻮﻱ ﺑﺮﺓ
ﺩﺧﻠﺖ ﺑﻨﺖ ﺧﺎﻟﺘﻲ ﻛﺎﻟﺖ ﺟﺎﺑﻮﻫﺎ
ﺍﻗﺘﺮﺑﺖ ﻣﻨﻲ ﻭﺣﺠﺖ ﻣﺘﺮﻳﺪﻳﻦ ﺗﺸﻮﻓﻴﻬﺎ ﻗﺒﻞ ﻻﻳﻐﺴﻠﻮﻫﺎ ﻭﻳﻜﻔﻨﻮﻫﺎ
ﻣﻦ ﻛﺎﻟﺖ ﻫﺬﺍ ﺍﻟﻜﻼﻡ ﻓﺰﻳﺖ ﻗﻮﻭﻱ ﻋﻔﺘﻬﻢ ﻭﻃﻠﻌﺖ ﺃﺭﻛﺾ
ﻭﺟﺎﻥ ﺃﺷﻮﻑ ﺃﺧﺘﻲ ﺣﺒﻴﺒﺘﻲ ﻣﻮﺟﻮﺩﺓ ﻭﺧﻮﺍﺗﻲ ﻭ ﻛﺮﺍﻳﺒﻲ ﻳﻤﻬﺎ
ﺭﺣﺖ ﺣﻀﻨﺘﻬﺎ ﻭﻓﻘﺪﺕ ﺑﺎﻟﺒﺠﻲ ﻭﺍﻟﺼﺮﺍﺥ ﺑﻘﻴﺖ ﺍﻫﺰ ﺑﻴﻬﺎ ﺍﺭﻳﺪﻫﺎ ﺗﻜﻌﺪ ﺍﻟﻨﺴﻮﺍﻥ ﺑﺎﻟﻜﻮﺓ ﺷﺎﻟﻮﻧﻲ ﻣﻨﻬﺎ
ﺍﻧﺪﻓﻨﺖ ﻗﺪﺭ ﻭﺍﻧﺪﻓﻦ ﻛﻮﻟﺸﻲ ﺣﻠﻮ ﻭﻳﺎﻫﺎ ﺭﺍﺣﺖ ﺍﻡ ﻗﻠﺐ ﺍﻟﻄﻴﺐ ﺍﻟﺤﻨﻮﻧﻪ ﻭﻋﺎﻓﺖ ﺍﻃﻔﺎﻟﻬﺎ ﺻﻐﺎﺭ ﻣﺸﺒﻌﺎﻧﻴﻦ ﻣﻦ ﺣﻀﻨﻬﺎ ﻭﺣﻨﺎﻧﻬﺎ
ﺳﻴﻒ ﺍﻧﺠﻦ ﺟﺎﻥ ﻓﺎﻗﺪ ﻛﺎﻋﺪ ﻭﺣﺪﺓ ﻭﻳﺒﺠﻲ ﻟﻮ ﻳﺮﻭﺡ ﻳﺒﻘﺔ ﻳﻢ ﻗﺒﺮﻫﺎ
ﻣﺎﻣﺎ ﺣﺎﻟﺘﻬﺎ ﻣﻮﺯﻳﻨﺔ ﺑﺎﻟﻤﺴﺘﺸﻔﻰ
ﺑﺎﺑﺎ ﺍﻧﻜﺴﺮ ﻇﻬﺮﺓ ﻋﻠﻴﻬﺎ
ﺍﻧﻲ ﻭﺧﻮﺍﺗﻲ ﺩﻣﻮﻋﻨﺎ ﻣﻨﺸﻔﺖ ﻧﺎﺭ ﺑﻘﻠﻮﺑﻨﺎ ﻣﺘﻨﻄﻔﻲ
ﺍﻃﻔﺎﻟﻬﺎ ﻟﻴﻞ ﻭﻧﻬﺎﺭ ﻳﺒﺠﻮﻥ ﻻﻥ ﺟﺎﻧﻮﺍ ﻳﻔﻬﻤﻮﻥ ﻭﻋﺮﻓﻮﺍ ﺍﻣﻬﻢ ﻣﺎﺗﺖ
ﻋﻤﺎﻣﻲ ﺍﻟﻲ ﺻﺎﺭﻟﻬﻢ ﺳﻨﻮﺍﺕ ﻣﻘﺎﻃﻌﻴﻨﺎ ﺍﺟﻮﻱ ﻟﻠﻔﺎﺗﺤﺔ ﻭﺃﺧﻮﺍﻥ ﺇﻳﺎﺱ ﻭﺧﻮﺍﺗﺔ ﻭﺑﻌﺾ ﻣﻦ ﺍﻗﺎﺭﺑﻬﻢ ﻫﻢ ﺃﺟﻮﻱ
ﺧﻠﺼﺖ ﺍﻟﻔﺎﺗﺤﺔ ﻭﺭﺟﻊ ﺍﻟﻜﻞ ﺍﻟﺒﻴﺘﺔ ﻭﺑﻘﻴﻨﺎ ﺍﺣﻨﺎ ﻏﺮﻛﺎﻧﻴﻦ ﺑﺎﺣﺰﺍﻧﻪ
ﻃﻠﻌﺖ ﻣﺎﻣﺎ ﻣﻦ ﺍﻟﻤﺴﺘﺸﻔﻰ ﺑﺲ ﺑﻘﺖ ﻧﻔﺲ ﻭﺿﻌﻬﺎ
ﺑﻨﺖ ﻗﺪﺭ ﺑﻘﺖ ﺍﺳﺒﻮﻉ ﺑﺎﻟﻤﺴﺘﺸﻔﻰ ﻭﺑﻌﺪﻫﺎ ﺗﻮﻓﺖ ﻭﻟﺤﻜﺖ ﺍﻣﻬﺎ
ﺃﺩﻡ ﻭﺭﻳﺎﻥ ﺍﻛﺜﺮ ﺍﻷﻳﺎﻡ ﺟﺎﻧﻮﺍ ﻳﺒﻘﻮﻥ ﻳﻤﻨﺎ ﻭﻣﺮﺍﺕ ﻳﺮﻭﺣﻮﻥ ﺍﻟﺒﻴﺖ ﺧﺎﻟﻲ ﻫﻢ ﻳﺒﻘﻮﻥ ﻛﻢ ﻳﻮﻡ
ﺣﺘﻰ ﺍﻟﻤﺪﺭﺳﺔ ﺭﻓﻀﻮﺍ ﻳﺪﺍﻭﻣﻮﻥ ﻭﺍﺑﻮﻫﻢ ﻣﻦ ﻳﺸﺘﺎﻗﻠﻬﻢ ﻳﺠﻲ ﻳﺸﻮﻓﻬﻢ ﺑﺲ ﺟﺎﻥ ﻭﺿﻌﺔ ﻳﺼﻌﺐ ﻋﻠﻰ ﺍﻟﻜﺎﻓﺮ
ﻣﺮﺕ ﺳﻨﺔ ﻋﻠﻰ ﻭﻓﺎﺓ ﻗﺪﺭ
ﺑﺎﻥ ﺻﺎﺭﺕ ﻣﺮﺣﻠﺔ ﺭﺍﺑﻌﺔ ﻭﺭﺟﻊ ﻳﺎﺳﻴﻦ ﻃﻠﺒﻬﺎ
ﻫﻲ ﻣﻦ ﺷﺎﻓﺖ ﺍﺻﺮﺍﺭﺓ ﻋﻠﻴﻬﺎ ﻛﺎﻟﺖ ﺧﻠﻲ ﺍﺗﺨﺮﺝ ﻭﺍﻟﻠﻪ ﻛﺮﻳﻢ
بيج قصص عراقيه حقيقيه من واقعنا.روعه الطائي
ﺑﺲ ﺑﻬﺎﻱ ﺍﻟﻔﺘﺮﺓ ﻣﺮﺓ ﺧﺎﻟﻲ ﺟﺎﻧﺖ ﺗﺰﻥ ﻋﻠﻰ ﺳﻴﻒ ﺗﺮﻳﺪﺓ ﻳﺰﻭﺝ ﻋﻠﻤﻮﺩ ﺍﻃﻔﺎﻟﻪ
ﺗﻜﻮﻟﺔ ﺭﻳﺎﻥ ﻭﻛﺢ ﻷﺯﻡ ﺗﺠﻲ ﻭﺣﺪﺓ ﺗﺴﺎﻋﺪﻙ ﺑﺘﺮﺑﻴﺘﺔ ﺟﺎﻧﺖ ﻣﺨﺘﺎﺭﺗﻠﺔ ﺑﻨﺖ ﺍﺧﺘﻬﺎ ﻭﻫﺎﻱ ﻭﺣﺪﺓ ﺍﻟﻠﻪ ﻣﻴﺠﺮﻋﻬﺎ
ﺍﻫﻠﻲ ﻣﻦ ﺳﻤﻌﻮﺍ ﺗﺨﺒﻠﻮﺍ
ﻛﺎﻋﺪﺓ ﻭﻳﺎ ﻣﺎﻣﺎ ﺟﺎﻥ ﺗﻜﻮﻟﻲ
ﻣﺎﻣﺎ ... ﺍﻧﻲ ﻭﺍﺑﻮﺝ ﻗﺮﺭﻧﺎ ﺍﻧﺰﻭﺝ ﺑﺎﻥ ﺍﻟﺴﻴﻒ
ﺃﻳﻠﻮﻝ ... ﺑﻘﻴﺖ ﺻﺎﻓﻨﺔ ﻋﻠﻰ ﻣﺎﻣﺎ
ﻫﺎﻱ ﺻﺪﻭﻙ ﺗﺤﺠﻴﻦ ﻟﻮ ﺗﺸﺎﻗﻴﻦ
ﻣﺎﻣﺎ .. ﻃﺒﻌﺎ ﺻﺪﻙ ﻟﻌﺪ ﺗﺮﻳﺪﻳﻦ ﺳﻴﻒ ﻳﺄﺧﺬ ﺗﺒﺎﺭﻙ ﺍﻟﻮﻛﺤﺔ ﻭﻫﻲ ﺗﺮﺑﻲ ﺍﻃﻔﺎﻝ ﻗﺪﺭ
ﺃﻳﻠﻮﻝ ... ﺍﻟﺨﺎﻃﺮ ﺍﻟﻠﻪ ﺍﺷﺘﺪﺗﺤﺠﻴﻦ ﺳﻴﻒ ﻣﻮ ﺭﻓﻀﻬﺎ ﺧﻠﺺ ﺍﻧﺴﺪ ﺍﻟﻤﻮﺿﻮﻉ
ﻣﺎﻣﺎ ... ﺯﻭﺟﺔ ﺍﺧﻮﻳﺔ ﻭﺍﻋﺮﻓﻬﺎ ﺍﺫﺍ ﺧﻠﺖ ﺷﻲ ﺑﺮﺍﺳﻬﺎ ﺗﻨﻔﺬﺓ ﻭﺳﻴﻒ ﻣﺼﻴﺮﺓ ﻳﺰﻭﺝ ﺧﻠﻲ ﻳﺄﺧﺬ ﺑﺎﻥ ﺣﺘﻰ ﺗﺮﺑﻲ ﺍﻃﻔﺎﻝ ﺍﺧﺘﻬﺎ
ﺍﻳﻠﻮﻝ ... ﻣﺎﻣﺎ ﺍﻧﺘﻲ ﺗﻌﺮﻓﻴﻦ ﺑﺎﻥ ﻣﻮ ﻣﺎﻝ ﻣﺴﺆﻭﻟﻴﻪ ﻛﻮﻟﺸﻲ ﻣﺘﻌﺮﻑ ﺗﺴﻮﻱ ﻭﺛﺎﻧﻲ ﺷﻲ ﻫﺬﺍ ﺟﺎﻥ ﺯﻭﺝ ﺃﺧﺘﻬﺎ ﻭﻛﻠﻨﺎ ﻧﻌﺮﻑ ﺳﻴﻒ ﺍﺷﻜﺪ ﺟﺎﻥ ﻳﺤﺐ ﻗﺪﺭ ﺍﻟﻠﻪ ﻳﺮﺣﻤﻬﺎ
ﻟﻴﺶ ﺗﺮﻳﺪﻭﻥ ﺗﻈﻠﻤﻮﻥ ﺑﺎﻥ
ﻣﺎﻣﺎ ... ﻫﺬﺍ ﻗﺮﺍﺭ ﺍﺑﻮﺝ ﻭﻣﺮﺍﺡ ﻳﺘﺮﺍﺟﻊ ﻋﻨﻪ ﻭﺍﻧﻲ ﻫﻢ ﻣﺄﻳﺪﺗﺔ
ﺃﻳﻠﻮﻝ ... ﺑﺎﺑﺎ ﺷﺒﻲ ﻧﻔﺲ ﺍﻟﻄﺮﻳﻘﺔ ﺍﻟﺰﻭﺟﻨﻲ ﺑﻴﻬﺎ ﺍﻧﻲ ﻭﺇﻳﺎﺱ ﺩﻳﺰﻭﺝ ﺑﺎﻥ ﻭﺳﻴﻒ ﺑﻠﻪ ﺍﻧﻲ ﺣﺒﻴﺖ ﺇﻳﺎﺱ ﻭﻣﺮﺗﺎﺣﺔ ﻭﻳﺎ
ﺑﺎﻥ ﺷﻠﻮﻥ ﺭﺍﺡ ﺗﺘﻘﺒﻞ ﺳﻴﻒ ﻟﻮ ﺗﺤﺒﻪ
ﻣﺎﻣﺎ ... ﻛﺎﻓﻲ ﺩﻭﺧﺘﻴﻨﻲ ﺍﻧﺘﻲ ﻣﻌﻠﻴﺞ ﻻﺗﺪﺧﻠﻴﻦ ﺍﻟﻴﻮﻡ ﺍﺑﻮﺝ ﺭﺍﺡ ﻳﺤﺠﻲ ﻭﻳﺎ ﺑﺎﻥ
ﺃﻳﻠﻮﻝ ... ﺍﻭﻭﻭﻭﻑ ﻳﺎﺭﺑﻲ ﻣﺎﻣﺎ ﺣﺒﻴﺒﺘﻲ ﻻﺗﺨﻠﻴﻦ ﺑﺎﺑﺎ ﻳﺤﺠﻲ ﻗﺒﻞ ﻻ ﺍﻧﻲ ﺍﺣﺠﻲ ﻭﻳﺎ ﻓﺪﻭﺓ
ﻣﺎﻣﺎ ... ﻣﻮ ﻛﺘﻠﺞ ﻻﺗﺪﺧﻠﻴﻦ
ﺃﻳﻠﻮﻝ .. ﻻﺗﺨﺎﻓﻴﻦ ﻣﺮﺍﺡ ﺍﻗﻨﻌﺔ ﻣﻴﺰﻭﺟﻬﺎ ﺑﺲ ﺍﺭﻳﺪﻩ ﻳﺎﺟﻞ ﺍﻟﻤﻮﺿﻮﻉ ﺍﻟﺒﻌﺪ ﺍﻟﺘﺨﺮﺝ ﺧﻄﻴﻪ ﻋﻠﻰ ﺍﻷﻗﻞ ﺧﻠﻲ ﺗﺤﺼﻞ ﺷﻬﺎﺩﺗﻬﺎ
ﺍﺟﻪ ﺑﺎﺑﺎ ﻭﺑﺎﻟﻜﻮﺓ ﻗﻨﻌﺘﺔ ﻳﺎﺟﻞ ﺍﻟﻤﻮﺿﻮﻉ ﺑﺲ ﻛﺎﻟﻲ ﺍﻧﻲ ﺭﺍﺡ ﺍﺣﺠﻲ ﻭﻳﺎ ﺳﻴﻒ ﺣﺘﻰ ﻣﻦ ﺗﺨﻠﺺ ﻳﺄﺧﺬﻫﺎ
ﺧﺎﺑﺮﺕ ﻭﺩ ﻭﺣﺠﻴﺘﻠﻬﺎ ﻫﻲ ﻫﻢ ﺍﻧﺼﺪﻣﺖ ﻣﺜﻠﻲ ﺑﺲ ﺍﻫﻠﻲ ﺍﺫﺍ ﺧﻠﻮﺍ ﺷﻲ ﺑﺮﺍﺳﻬﻢ ﺍﻛﻴﺪ ﻣﺮﺍﺡ ﻳﺘﺮﺍﺟﻌﻮﻥ ﻋﻨﻪ
ﺃﺟﻪ ﺇﻳﺎﺱ ﻭﺣﺠﻴﺘﻠﺔ
ﺇﻳﺎﺱ ... ﻭﺍﻟﻠﻪ ﺧﻄﻴﺔ ﺑﺎﻥ ﺷﻠﻮﻥ ﺭﺍﺡ ﺗﻜﺪﺭ ﺗﻘﺒﻞ ﺗﺎﺧﺬ ﺯﻭﺝ ﺍﺧﺘﻬﺎ
ﺛﺎﻧﻲ ﺷﻲ ﺳﻴﻒ ﻳﺤﺐ ﻗﺪﺭ ﻭﻣﺪﻣﺮ ﻋﻠﻴﻬﺎ ﺍﻛﻴﺪ ﺭﺍﺡ ﻳﻈﻠﻢ ﺑﺎﻥ
ﺃﻳﻠﻮﻝ ... ﻭﺍﻟﻠﻪ ﺍﺷﻜﺪ ﺣﺠﻴﺖ ﻭﻳﺎﻫﻢ ﺑﺲ ﻣﺎﻛﻮ ﻓﺎﻳﺪﺓ
ﺇﻳﺎﺱ ... ﻭﻫﺴﻪ ﻫﺬﺍ ﻳﺎﺳﻴﻦ ﺍﺫﺍ ﻋﺮﻑ ﺷﺮﺍﺡ ﻳﺴﻮﻭﻱ ﺑﻌﺪﻩ ﻟﻬﺴﻪ ﻳﻨﺘﻈﺮﻫﺎ
ﺃﻳﻠﻮﻝ ... ﺧﻄﻴﺔ ﺍﻟﻠﻪ ﻳﻌﻮﺿﻪ ﺑﺎﻷﺣﺴﻦ ﻣﻨﻬﺎ
ﺑﻌﺪﻫﺎ ﺑﻔﺘﺮﺓ
ﺷﻔﺖ ﻣﺎﻣﺎ ﺗﺒﺘﺴﻢ ﻭﻫﺎﻱ ﺍﻭﻝ ﻣﺮﺓ ﻣﻦ ﺑﻌﺪ ﻭﻓﺎﺓ ﻗﺪﺭ
ﺃﻳﻠﻮﻝ ... ﺩﻭﻡ ﺍﻻﺑﺘﺴﺎﻣﺔ ﺍﻟﺤﻠﻮﺓ ﺍﻥ ﺷﺎﺀ ﺍﻟﻠﻪ ﻣﻴﺎﺳﺔ ﺍﻟﻴﻮﻡ ﻭﺟﻬﺞ ﻣﻨﻮﺭ
ﻣﺎﻣﺎ ... ﺍﻱ ﻭﺍﻟﻠﻪ ﺍﻟﻴﻮﻡ ﻳﻼ ﺍﺭﺗﺎﺣﻴﺖ ﻭﺍﺧﻴﺮﺍ ﺍﺑﻮﺝ ﻛﺪﺭ ﻳﻘﻨﻊ ﺳﻴﻒ
ﺍﻳﻠﻮﻝ ... ﺿﺠﺖ ﻛﻮﻟﺶ ﺑﺲ ﻣﺤﺠﻴﺖ ﺷﻲ ﻣﺠﻨﺖ ﺍﺭﻳﺪ ﺍﻛﺴﺮ ﻓﺮﺣﺘﻬﺎ
ﻭﻣﻦ ﻫﺬﺍ ﺍﻟﻴﻮﻡ ﻣﻴﺎﺳﺔ ﻓﺮﺿﺖ ﻋﻠﻰ ﺑﺎﻥ ﺃﺷﻐﺎﻝ ﺷﺎﻗﺔ
ﻫﺪﺩﺕ ﺑﺎﻥ ﺍﺫﺍ ﻣﺘﺘﻌﻠﻢ ﻃﺒﺦ ﻭﺷﻐﻞ ﻭﺗﺮﺗﻴﺐ ﻣﺘﺨﻠﻴﻬﺎ ﺗﻜﻤﻞ ﺩﺭﺍﺳﺘﻬﺎ
ﻭﺑﺎﻥ ﻣﻦ ﺧﻮﻓﻬﺎ ﺻﺎﺭﺕ ﺑﻨﻜﻼﺩﺷﻴﺔ ﺯﺍﺋﺪ ﻓﻠﺒﻴﻨﻴﺔ ﻭﺍﺿﺎﻓﺔ ﺍﻟﻰ ﻣﺮﺑﻴﺔ ﺍﻃﻔﺎﻝ
ﺭﻋﺎﻳﺔ ﺭﻳﺎﻥ ﻭﻣﺴﺆﻭﻟﻴﺘﺔ ﻛﻠﻬﺎ ﺻﺎﺭﺕ ﻋﻠﻰ ﺑﺎﻥ
ﺍﺩﻡ ﺟﺎﻥ ﻣﻴﻘﺒﻞ ﺑﺎﻥ ﺗﻬﺘﻢ ﺑﻲ ﺩﺍﺋﻤﺎ ﻳﻤﻲ ﺣﺘﻰ ﺍﻟﻤﺪﺭﺳﺔ ﺧﻠﻴﺘﻬﻢ ﻳﻨﻘﻠﻮﺍ ﻳﻤﻨﺎ ﻟﻮﺣﺘﻰ ﺑﺎﻥ ﺗﺰﻭﺝ ﺳﻴﻒ ﺭﺍﺡ ﺍﺑﻘﻲ ﺍﺩﻡ ﻳﻤﻲ
ﻭﺍﺟﺔ ﺍﻟﻴﻮﻡ ﺍﻟﻲ ﻻﺯﻡ ﺍﻧﻔﺎﺗﺢ ﺑﺎﻥ ﺑﺎﻟﻤﻮﺿﻮﻉ ﻛﻌﺪ ﺑﺎﺑﺎ ﻳﺤﺠﻲ ﻭﻳﺎﻫﺎ
ﻭﻣﻦ ﻛﺎﻟﻠﻬﺎ ﻳﺰﻭﺟﻬﺎ ﺍﻟﺴﻴﻒ ﺑﺎﻥ ﺃﻏﻤﻰ ﻋﻠﻴﻬﺎ .......
ﻳﺘﺒﻊ
أنت تقرأ
المغرورة والاعمئ
Чиклитالقصه ﺟﺘﻤﺎﻋﻴﺔ ﻋﺎﻃﻔﻴﺔ ﻗﺼﺔ ﻋﺎﺋﻠﺔ ﻋﺮﺍﻗﻴﺔ ﻣﺘﻮﺳﻄﺔ ﺍﻟﺤﺎﻝ ﻳﻘﻮﻡ ﺍﻷﺏ ﺑﺘﺰﻭﻳﺞ ﺃﺑﻨﺘﺔ ﺍﻟﺠﻤﻴﻠﺔ ﺍﻟﻰ ﺭﺟﻞ ﺃﻋﻤﻰ ﺑﺴﺒﺐ ﺍﻓﻀﺎﻝ ﻫﺬﺍ ﺍﻟﺸﺨﺺ ﻋﻠﻰ ﻋﺎﺋﻠﺘﺔ ﺍﻟﻔﺘﺎﺓ بقلم بسمة البياتي
