ﺍﻟﻤﻐﺮﻭﺭﺓ - ﻭ - ﺍﻷﻋﻤﻰ -
( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ )
- ﺑﺎﺭﺕ ﺍﻟﺜﺎﻧﻲ ﺍﻟﻌﺸﺮﻭﻥ -
ﺃﻳﻠﻮﻝ ... ﺍﻟﺪﻧﻴﺎ ﻇﻬﺮ ﺑﺎﺑﺎ ﻭﻣﺎﻣﺎ ﺭﺍﺣﻮﺍ ﻧﺎﻣﻮ ﻭﺍﻧﻲ ﻭﻣﺎﺭﻱ ﻛﺎﻋﺪﺍﺕ ﺑﺎﻟﻬﻮﻝ ﻭﺑﺎﻥ ﺑﻐﺮﻓﺘﻬﺎ
ﺟﺎﻥ ﻳﻨﺪﻙ ﺟﺮﺱ ﺍﻟﺒﺎﺏ ﻃﻠﻌﺖ ﻣﺎﺭﻱ ﺗﺸﻮﻑ ﻣﻨﻮ
ﺛﻮﺍﻧﻲ ﻭﺳﻤﻌﺖ ﺻﻮﺕ ﺻﻴﺎﺡ ﺑﺎﻟﺤﻮﺵ ﺑﺴﺮﻋﺔ ﻃﻠﻌﺖ ﺃﺷﻮﻑ ﻣﻨﻮ
ﺟﺎﻥ ﺗﺼﻴﺮ ﻛﺪﺍﻣﻲ ﻣﻬﺎ ﻭﺯﻭﺟﺔ ﺃﺳﺎﻣﺔ ﺳﺠﻰ ﺍﺷﻮ ﻫﺬﻥ ﻣﻦ ﺷﺎﻓﻨﻲ ﺍﺳﺘﻠﻤﻨﻲ ﺻﻴﺎﺡ ﻭﻏﻠﻂ
ﻣﻬﺎ ... ﺍﻟﻠﻪ ﻻﻳﻨﻄﻴﺞ ﺍﻡ ﺍﻟﺰﻟﻢ ﻫﺠﺎﻣﺖ ﺍﻟﺒﻴﻮﺕ ﺗﺮﻳﺪﻳﻦ ﺗﻬﺠﻤﻴﻦ ﺑﻴﺖ ﺍﺧﻮﻳﺔ
ﺳﺠﻰ ... ﺍﻟﻴﻮﻡ ﺍﻓﻀﺤﺞ ﺑﻴﻦ ﺍﻟﻨﺎﺱ ﻳﺎﺳﺎﻗﻄﺔ ﻳﺎ ﻛﺢ ....
ﺍﻧﻲ ﻣﻦ ﺳﻤﻌﺘﻬﻦ ﻫﻴﺠﻲ ﻛﺎﻟﻦ ﻋﻴﻮﻧﻲ ﺻﻌﺪﺕ ﺍﻟﻜﺼﺘﻲ
ﻫﺴﺘﻮﻧﻲ ﺍﺭﻳﺪ ﺍﻫﺪ ﻋﻠﻴﻬﻦ ﺳﻤﻌﺖ ﺻﻮﺕ ﺑﺎﺑﺎ
ﺻﺎﺡ ﺑﻴﻪ ﺃﻳﻠﻮﻝ ﻓﻮﺗﻲ ﺟﻮﺓ
ﻣﻬﺎ ﻭﺳﺠﻰ ﻣﻦ ﺷﺎﻓﻦ ﺑﺎﺑﺎ ﺍﻧﺨﺮﺳﻦ
ﺑﺎﺑﺎ ... ﻓﻮﺗﻮﺍ ﺟﻮﺓ ﺍﺭﻳﺪ ﺍﻓﺘﻬﻢ ﺷﻜﻮ
ﺩﺧﻠﻮﺍ ﻟﻼﺳﺘﻘﺒﺎﻝ
ﺑﺎﺑﺎ ... ﻳﻼ ﻓﻬﻤﻮﻧﻲ ﺷﻨﻮ ﺍﻟﺴﺎﻟﻔﺔ ﻭﺷﻨﻮ ﻫﺬﺍ ﺍﻟﻐﻠﻂ ﺍﻟﺴﻤﻌﺘﺔ
ﻣﻬﺎ .. ﻋﻤﻮ ﺗﺮﺿﺎﻫﺎ ﺑﻨﺘﻚ ﺃﻳﻠﻮﻝ ﺗﻬﺠﻢ ﺑﻴﺖ ﺃﺧﻮﻱ
ﺑﺎﺑﺎ ... ﺑﺘﻌﺠﺐ ﺷﻠﻮﻥ ﺗﻬﺠﻢ ﺑﻴﺘﻪ؟
ﻣﻬﺎ ... ﻋﺪﻫﺎ ﻋﻼﻗﺔ ﻭﻳﺎﺍﺍ
ﺃﻳﻠﻮﻝ ... ﻣﻦ ﺳﻤﻌﺘﻬﺎ ﻫﻴﺠﻲ ﻛﺎﻟﺖ ﺍﻧﺠﻨﻴﺖ
ﺍﺭﻳﺪ ﺍﺣﺠﻲ ﺳﺒﻘﺘﻨﻲ ﻣﺎﻣﺎ
ﻣﺎﻣﺎ ... ﺍﺣﺘﺮﻣﻲ ﻧﻔﺴﺞ ﻭﺳﺪﻱ ﺣﻠﻜﺞ ﺑﻨﺘﻲ ﺗﺎﺝ ﺭﺍﺳﺞ
ﺑﺎﺑﺎ ... ﻣﻴﺎﺳﺔ ﺳﻜﺘﻲ ﺧﻠﻲ ﻳﻜﻤﻠﻮﻥ ﻛﻼﻣﻬﻢ ﻟﻸﺧﻴﺮ
ﻣﻬﺎ ... ﺍﺣﺠﻲ ﺳﺠﻰ ﻟﻴﺶ ﺳﺎﻛﺘﺔ
ﺳﺠﻰ ... ﻋﻤﻮ ﺍﻧﻲ ﺍﻟﺒﺎﺭﺣﺔ ﻓﺘﺸﺖ ﻣﻮﺑﺎﻳﻞ ﺯﻭﺟﻲ ﻭﻟﻜﻴﺖ ﺑﻲ ﺻﻮﺭﺓ ﺑﻨﺘﻚ ﻫﺎﻙ ﺷﻮﻓﻬﺎ
ﺍﻧﻄﺖ ﺍﻟﻤﻮﺑﺎﻳﻞ ﺍﻟﺒﺎﺑﺎ
ﺃﻳﻠﻮﻝ ... ﺑﺎﺑﺎ ﻭﺭﺑﻲ ﻛﺬﺏ ﺍﻧﻲ ﻣﻦ ﺟﺎﻥ ﺑﻌﺪﻩ ﻣﻤﺰﻭﺝ ﻣﺎ ﺍﻃﻴﻘﺔ ﻳﻌﻨﻲ ﻣﻌﻘﻮﻟﺔ ﺍﺟﻲ ﻫﺴﻪ ﺑﻌﺪ ﻣﺎﻫﻮ ﺍﺯﻭﺝ ﻭﺻﺎﺭﻟﺔ ﻃﻔﻞ ﻭﺍﻧﻲ ﻫﻢ ﻣﺰﻭﺟﺔ ﺍﺳﻮﻱ ﻋﻼﻗﺔ ﻭﻳﺎ
ﺑﺎﺑﺎ ﺟﺎﻥ ﺩﻳﺒﺎﻭﻉ ﺑﺘﺮﻛﻴﺰ ﻋﻠﻰ ﺍﻟﺼﻮﺭﺓ
ﺑﺎﺑﺎ ... ﺍﺷﺮﻟﻲ ﺍﺳﻜﺖ
ﺃﻳﻠﻮﻝ ... ﺍﺧﺘﻨﻜﺖ ﻣﻌﻘﻮﻟﺔ ﺑﺎﺑﺎ ﺻﺪﻙ ﻛﻼﻣﻬﻢ ﻭﻳﺸﻚ ﺑﻴﻪ
ﺑﺎﺑﺎ .. ﻣﺎﺭﻳﺎ ﺭﻭﺣﻲ ﺟﻴﺒﻲ ﺗﻠﻔﻮﻧﻲ
ﻣﻬﺎ .. ﻋﻤﻮ ﻻﺗﻜﺒﺮ ﺍﻟﺴﺎﻟﻔﺔ ﺍﺣﻨﺎ ﺟﻴﻨﺎ ﻧﻨﻄﻴﻚ ﻋﻠﻢ ﺣﺘﻰ ﺍﻧﺖ ﺗﻮﻛﻔﻬﺎ ﻋﺪ ﺣﺪﻫﺎ ﻭﺧﻠﺺ
ﺑﺎﺑﺎ ﻣﻬﺘﻢ ﺍﻟﻜﻼﻣﻬﺎ ﺍﺧﺬ ﺍﻟﻤﻮﺑﺎﻳﻞ ﻣﻦ ﻣﺎﺭﻳﺎ ﻭﺍﺗﺼﻞ ﻋﻠﻰ ﻋﻴﺴﻰ
ﺑﺎﺑﺎ ... ﻋﻴﺴﻰ ﺍﺭﻳﺪﻙ ﻫﺴﻪ ﺗﺠﻴﻨﻲ ﻟﻠﺒﻴﺖ ﻭﺗﺘﺼﻞ ﺑﺎﺳﺎﻣﺔ ﻫﻢ ﻳﺠﻲ
ﻣﺎﻛﻮ ﺷﻲ ﻣﻦ ﺗﺠﻮﻥ ﺭﺍﺡ ﺗﻌﺮﻑ
ﻣﻬﺎ ﻭﺳﺠﻰ ﻟﻮﻧﻬﻢ ﺍﻧﺨﻄﻒ
ﺳﺠﻰ ... ﻋﻤﻮ ﻓﺪﻭﺓ ﻻﺗﻜﻮﻝ ﺷﻲ ﺍﻻﺳﺎﻣﺔ ﻭﺍﻟﻠﻪ ﺍﺫﺍ ﻋﺮﻑ ﻳﻄﻠﻜﻨﻲ
ﺑﺎﺑﺎ .. ﻭﻣﻦ ﺷﻨﻮ ﺧﺎﻳﻔﺔ ﺍﻧﺘﻮﺍ ﻣﻮ ﺍﺻﺤﺎﺏ ﺣﻖ ﻭﺟﻴﺘﻮﺍ ﺑﻬﻞ ﻇﻬﺮﻳﺔ ﺗﺘﻌﺎﺭﻛﻮﻥ ﻭﺻﻴﺎﺣﻜﻢ ﺳﻤﻌﺔ ﺳﺎﺑﻊ ﺟﺎﺭ ﻭﺗﻬﻤﺘﻮﺍ ﺑﻨﺘﻲ ﺑﺸﺮﻓﻬﺎ ﻟﻴﺶ ﻋﺒﺎﻟﻜﻢ ﻫﺬﺍ ﺍﻷﺗﻬﺎﻡ ﺳﻬﻞ ﻭﺭﺍﺡ ﺍﺧﻠﻲ ﺍﻟﻤﻮﺿﻮﻉ ﻳﻌﺪﻱ ﺑﺴﻬﻮﻟﺔ
بيج قصص عراقيه حقيقيه من واقعنا.روعه الطائي
ﻧﺺ ﺳﺎﻋﺔ ﻣﻬﺎ ﻭﺳﺠﻰ ﻳﺘﻮﺳﻠﻮﻥ ﺑﺎﺑﺎ ﺣﺘﻰ ﻻﻳﺤﺠﻲ ﺷﻲ
ﺍﺟﻮﻱ ﻋﻴﺴﻰ ﻭﺍﺳﺎﻣﺔ ﻭ ﻭﺩ
ﻣﻦ ﺷﺎﻓﻮﺍ ﻣﻬﺎ ﻭﺳﺠﻰ ﺍﻧﺼﺪﻣﻮﺍ
ﺑﺎﺑﺎ .. ﺃﺳﺎﻣﺔ ﺻﻮﺭﺓ ﺃﻳﻠﻮﻝ ﺷﺴﻮﻱ ﺑﻤﻮﺑﺎﻳﻠﻚ
ﺃﺳﺎﻣﺔ ﺍﻧﺨﻄﻒ ﻟﻮﻧﺔ ﻭﻣﻴﻌﺮﻑ ﺷﻴﺤﺠﻲ
ﺃﺳﺎﻣﺔ ... ﻋﻤﻲ ﺭﺍﺡ ﺍﺣﺠﻴﻠﻚ ﻭﺍﻟﻠﻪ ﺷﺎﻫﺪ ﻋﻠﻰ ﻛﻞ ﻛﻠﻤﺔ ﺍﻛﻮﻟﻬﺎ ﻫﺎﻱ ﺍﻟﺼﻮﺭﺓ ﻗﺪﻳﻤﺔ ﻋﻨﺪﻱ ﻣﻦ ﻗﺒﻞ ﻻ ﺍﻳﻠﻮﻝ ﺗﺰﻭﺝ ﺍﻧﻲ ﺍﺧﺬﺗﻬﺎ ﻣﻦ ﻣﻮﺑﺎﻳﻞ ﻭﺩ ﺑﺪﻭﻥ ﻣﺘﻌﺮﻑ
ﺑﺲ ﻭﺍﻟﻠﻪ ﻣﻦ ﻫﻲ ﺍﺯﻭﺟﺖ ﺍﻧﻲ ﺷﻠﺘﻬﺎ ﻣﻦ ﺑﺎﻟﻲ
ﻭﻫﺎﻱ ﺍﻟﺼﻮﺭﺓ ﻳﺸﻬﺪ ﺍﻟﻠﻪ ﻧﺎﺳﻴﻬﺎ ﺟﻨﺖ
ﻭﺩ ﺍﺧﺬﺕ ﺍﻟﻤﻮﺑﺎﻳﻞ ﻣﻦ ﺑﺎﺑﺎ ﺷﺎﻓﺖ ﺍﻟﺼﻮﺭﺓ
ﻭﺩ .. ﺑﺎﺑﺎ ﻓﻌﻼ ﻫﺎﻱ ﺍﻟﺼﻮﺭﺓ ﻋﻨﺪﻱ ﺍﻧﻲ ﺍﺧﺬﺗﻬﺎ ﺍﻷﻳﻠﻮﻝ ﻭﺭﺍﻣﺎ ﻭﺣﺘﻰ ﺷﻮﻑ ﺍﻟﺼﻮﺭﺓ ﻣﻘﺼﻮﺻﺔ
ﺑﺎﺑﺎ ... ﻟﻌﺪ ﺷﻨﻮ ﻫﺬﺍ ﻛﻼﻡ ﻣﺮﺗﻚ ﻭﺍﺧﺘﻚ ﺍﺟﻮﻱ ﻓﻀﺤﻮﻧﺎ ﺑﻬﻞ ﻇﻬﺮﻳﺔ ﻏﻠﻂ ﻭﻣﺴﺒﺔ ﻳﻜﻮﻟﻮﻥ ﺍﻳﻠﻮﻝ ﻋﺪﻫﺎ ﻋﻼﻗﺔ ﺑﻴﻚ
ﺍﺗﺴﻌﺖ ﻋﻴﻮﻥ ﺃﺳﺎﻣﺔ
ﺃﺳﺎﻣﺔ ... ﻭﺩﺍﻋﺔ ﺍﺑﻨﻲ ﻣﺎﻛﻮ ﻫﻴﺞ ﺣﺠﻲ ﺍﻳﻠﻮﻝ ﺍﺷﺮﻑ ﻣﻦ ﺍﻟﺸﺮﻑ
ﺑﺎﺑﺎ ... ﺍﻧﻲ ﺭﺍﺡ ﺍﺳﻜﺖ ﻣﻮ ﺍﻟﺨﺎﻃﺮﻙ ﻟﻮ ﺍﻟﺨﺎﻃﺮ ﻣﺮﺗﻚ ﻭﺍﺧﺘﻚ ﺑﺲ ﻋﻴﺴﻰ ﻭﺍﻛﻒ ﺑﻌﻴﻨﻲ
ﻣﻦ ﺍﻟﻴﻮﻡ ﺩﻳﺮﺑﺎﻟﻚ ﺍﺷﻮﻓﻚ ﻛﺪﺍﻣﻲ ﺣﺘﻰ ﻟﻮ ﺑﺎﻟﺼﺪﻓﺔ
ﻋﻴﺴﻰ ﻣﺪﻧﻚ ﺭﺃﺳﺔ ﻭﻳﺤﺮﻙ ﺑﺮﺟﻠﺔ ﻣﻦ ﺍﻟﻌﺼﺒﻴﻪ
ﻋﻴﺴﻰ ... ﻋﻤﻲ ﻭﺍﻟﻠﻪ ﻣﺎ ﺍﻋﺮﻑ ﺷﻠﻮﻥ ﺍﻋﺘﺬﺭ ﻣﻨﻚ ﻭﻣﻦ ﺃﻳﻠﻮﻝ
ﺃﺳﺎﻣﺔ ﺍﺷﻜﺪ ﺣﺎﻭﻝ ﻳﺘﻌﺬﺭ ﺑﺲ ﺑﺎﺑﺎ ﻣﻨﻄﺔ ﻣﺠﺎﻝ
ﺃﺧﺬ ﻣﺮﺗﺔ ﻭﻃﻠﻊ ﻭﺃﺳﻤﻊ ﺻﻮﺕ ﺻﻴﺎﺣﺔ ﻋﻠﻴﻬﺎ ﺑﺎﻟﺤﻮﺵ
ﻭﻋﻴﺴﻰ ﻫﻢ ﺃﺧﺬ ﻣﻬﺎ ﺍﻟﻠﻪ ﻳﺴﺘﺮ ﺷﺮﺍﺡ ﻳﺴﻮﻱ ﺑﻴﻬﺎ ﺑﺲ ﻭﺍﻟﻠﻪ ﺗﺴﺘﺎﻫﻞ
ﻛﻤﺖ ﺩﺍﺻﻌﺪ ﺍﻟﻐﺮﻓﺘﻲ ﺻﺎﺣﻨﻲ ﺑﺎﺑﺎ ﻭﺃﺟﻪ ﻭﻛﻒ ﻛﺒﺎﻟﻲ ﻭﺣﻀﻨﻲ
ﺑﺎﺑﺎ ... ﺗﺪﺭﻳﻦ ﻟﻴﺶ ﺭﺩﺕ ﻣﻨﺞ ﺗﺴﻜﺘﻴﻦ ﻣﻦ ﺣﺠﻴﺘﻲ ﻻﻥ ﻣﺮﺩﺕ ﺗﺒﺮﺭﻳﻠﻲ ﺷﻲ ﺍﻧﻲ ﻣﺠﺎﻥ ﻋﻨﺪﻱ ﺷﻚ ﺑﻴﺞ ﻟﻮ ﻭﺍﺣﺪ ﺑﺎﻟﻤﻴﺔ
ﺃﻳﻠﻮﻝ .. ﻓﺪﻭﺓ ﺍﺭﻭﺣﻠﻚ ﺑﺎﺑﺎ ﺣﺒﻴﺒﻲ
ﻭﺩ ﻛﺎﻟﺘﻠﻲ ﺍﺳﺎﻣﺔ ﻣﺸﺒﻊ ﻣﺮﺗﺔ ﻛﺘﻞ ﻭﺩﺍﺯﻫﺎ ﺍﻷﻫﻠﻬﺎ
ﻭﻋﻴﺴﻰ ﻫﻢ ﻛﺎﺗﻞ ﻣﻬﺎ ﻣﺪﻣﻴﻬﺎ ﻭﻫﺴﻪ ﺭﺍﺡ ﻳﺰﻭﺟﻮﻫﺎ ﺣﺘﻰ ﻳﺨﻠﺼﻮﻥ ﻣﻦ ﻣﺸﺎﻛﻠﻬﺎ
ﺍﻛﻮ ﻭﺍﺣﺪ ﻛﺮﺍﻳﺒﻬﻢ ﻣﻄﻠﻖ ﻭﻋﻨﺪﺓ ﺑﻨﺎﺕ ﺍﺛﻨﻴﻦ ﺭﺍﻳﺪﻫﺎ ﻭﻋﻴﺴﻰ ﻣﻮﺍﻓﻖ ﻋﻠﻴﻪ
ﺻﺎﺭ ﺃﺳﺒﻮﻋﻴﻦ ﻣﻦ ﺭﺍﺳﻠﻨﻲ ﺇﻳﺎﺱ ﻭﻛﺎﻝ ﺍﻧﺘﻈﺮﻳﻨﻲ ﺍﺟﻲ ﺍﻃﻠﻜﺞ
ﺍﻋﺮﻑ ﺑﻲ ﻳﻮﻣﻴﺔ ﻳﺘﻮﺍﺻﻞ ﻭﻳﺎ ﺑﺎﺑﺎ ﻋﻠﻤﻮﺩ ﺍﻟﺸﻐﻞ
ﺑﺲ ﺃﺑﺪ ﻣﻴﻔﺘﺢ ﻣﻮﺿﻮﻋﻲ ﻭﻻ ﻳﻜﻮﻝ ﺷﻮﻛﺖ ﻳﺠﻲ
ﺍﻟﻴﻮﻡ ﻭﺩ ﻭﻗﺪﺭ ﻳﻤﻨﺎ ﺍﻧﻲ ﺑﺲ ﻣﻦ ﺍﻧﺠﻤﻊ ﻭﻳﺎ ﺧﻮﺍﺗﻲ ﻭﺍﻃﻔﺎﻟﻬﻢ ﺷﻮﻳﺔ ﺍﻏﻴﺮ ﺟﻮﻭ ﻭﺍﺿﺤﻚ
ﺑﺎﻟﻴﻞ ﺟﻨﺖ ﺑﻐﺮﻓﺘﻲ ﻭﻳﺎ ﺍﺩﻡ ﻭﺭﻳﺎﻥ ﻭﺭﺍﻣﺎ ﺟﻨﺖ ﻣﻜﻌﺪﺗﻬﻢ ﻳﻤﻲ ﻭﻳﺄﺧﺬ ﻭﻳﺎﻫﻢ ﺳﻴﻠﻔﻲ
ﺍﺟﻮﻱ ﺍﻟﺒﻨﺎﺕ ﻳﻤﻲ
ﻗﺪﺭ ... ﺍﻟﻴﻮﻡ ﻧﺘﻌﻠﻞ ﺑﻐﺮﻓﺘﺞ
ﻭﺩ ... ﻟﺞ ﺷﻮﻓﻲ ﻫﻮ ﺷﺒﺎﻗﻲ ﺑﺎﻟﻐﺮﻓﺔ ﻋﺒﺎﻟﻚ ﻃﺎﻛﺔ ﺑﻴﻬﺎ ﻣﻔﺨﺨﺔ ﻣﻤﺒﻘﻴﻦ ﺷﻲ ﻣﻤﻜﺴﺮﻱ
بيج قصص عراقيه حقيقيه من واقعنا.روعه الطائي
ﻗﺪﺭ ... ﻳﻼ ﻓﺪﻭﺓ ﺍﻟﻬﻢ ﻣﻦ ﻳﺮﺟﻊ ﺇﻳﺎﺱ ﻳﺠﻴﺒﻠﻬﺎ ﺍﺣﻠﻰ ﻣﻨﻬﺎ ﻣﺎ ﺷﺎﺀ ﺍﻟﻠﻪ ﺑﺎﻟﻤﻌﺮﺽ ﻋﻨﺪﺓ ﻏﺮﻑ ﺍﺟﻨﻦ
ﺃﻳﻠﻮﻝ ... ﻫﻪ ﺍﻟﺒﻴﻨﻲ ﻭﺑﻴﻦ ﺇﻳﺎﺱ ﺍﻧﺘﻬﻰ ﻫﻮ ﺑﺲ ﻳﺠﻲ ﻳﻄﻠﻜﻨﻲ
ﻭﺩ ... ﻟﻮﻟﺔ ﻋﺪﻧﺎ ﻣﻮﺿﻮﻉ ﻭﻳﺎﺝ
ﺻﺢ ﺍﻧﺘﻲ ﺍﺧﺘﻲ ﻭﺍﺣﺒﺞ ﺑﺲ ﺍﻟﻲ ﺳﻮﻳﺘﻲ ﺑﺈﻳﺎﺱ ﺣﺘﻰ ﺍﻟﻠﻪ ﻣﻴﻘﺒﻠﺔ
ﻣﺎﻛﻮ ﺭﺟﺎﻝ ﻳﺘﺤﻤﻞ ﺍﻟﻲ ﺍﺗﺤﻤﻠﺔ ﺇﻳﺎﺱ ﻣﻨﺞ
ﺃﻳﻠﻮﻝ ... ﺃﻋﺮﻑ ﻭﻛﺘﻠﻜﻢ ﺍﺩﺭﻱ ﺑﻨﻔﺴﻲ ﺍﻧﻲ ﻏﻠﻄﺎﻧﺔ
ﻟﻬﺬﺍ ﻓﺪﻭﺓ ﺳﺪﻭﺍ ﺍﻟﻤﻮﺿﻮﻉ
ﻗﺪﺭ ... ﻻ ﻣﻨﺴﺪﺍ ﺗﺮﺓ ﻧﺪﺭﻱ ﺑﻴﺞ ﺗﺤﺒﻲ ﻭﺗﻤﻮﺗﻴﻦ ﻋﻠﻴﻪ ﺑﺲ ﻛﺒﺮﻳﺎﺋﺞ ﻣﻴﺨﻠﻴﺞ ﺗﻌﺘﺮﻓﻴﻦ ﺑﻬﺬﺍ ﺷﻲ
ﻟﻮﻟﺔ ﺗﺮﺓ ﻣﺎﻛﻮ ﻛﺮﺍﻣﺔ ﺑﻴﻦ ﺍﻟﺰﻭﺝ ﻭﺯﻭﺟﺘﺔ
ﺍﺫﺍ ﻛﻞ ﺍﺛﻨﻴﻦ ﻣﺰﻭﺟﻴﻦ ﺩﻭﺭﻭ ﻛﺮﺍﻣﺔ ﻧﺺ ﺍﻟﻨﺎﺱ ﺗﻄﻠﻚ
ﻭﺍﻧﺘﻲ ﻣﺜﻞ ﻣﺎ ﺯﻋﻠﺘﻲ ﺇﻳﺎﺱ ﻭﺟﺮﺣﺘﻲ ﻷﺯﻡ ﺍﻧﺘﻲ ﺗﺮﺍﺿﻲ
ﺃﻳﻠﻮﻝ ... ﻳﻌﻨﻲ ﺍﺗﻮﺳﻞ ﺑﻲ ﺣﺘﻰ ﻳﺮﺟﻌﻠﻲ ﻻ ﻣﺎ ﺃﻛﺪﺭ
ﻭﻣﺒﻴﻦ ﺇﻳﺎﺱ ﻋﺎﻳﺶ ﺣﻴﺎﺗﺔ ﻭﻣﺘﻮﻧﺲ ﺻﺎﺭﻟﺔ ﺍﺷﻬﺮ ﺍﻫﻨﺎﻙ ﻟﻮ ﻳﺤﺒﻨﻲ ﺟﺎﻥ ﺭﺟﻊ
ﻭﺩ .. ﺷﻴﺮﺟﻊ ﻭﺍﻧﺘﻲ ﻛﻼﻣﺞ ﻭﻳﺎ ﺟﺎﻥ ﻣﺜﻞ ﺍﻟﺴﻢ
ﺃﻳﻠﻮﻝ .. ﻟﻌﺪ ﺍﻧﺘﻮﺍ ﻣﻮ ﺗﻜﻮﻟﻮﻥ ﻣﺎﻛﻮ ﻛﺮﺍﻣﺔ ﺑﻴﻦ ﺍﻟﻤﺰﻭﺟﻴﻦ ﺍﺫﺍ ﻣﺎﻛﻮ ﻛﺮﺍﻣﺔ ﻟﻌﺪ ﻟﻴﺶ ﻣﺮﺟﻊ
ﻗﺪﺭ ... ﺍﻟﻮﺿﻊ ﻳﺨﺘﻠﻒ ﺃﻳﻠﻮﻝ ﺍﻧﺘﻲ ﻛﺘﻴﻠﺔ ﻣﺎ ﺍﺭﻳﺪﻙ ﻭﺍﻧﺠﺒﺮﺕ ﺍﺧﺬﻙ ﻭﺍﺷﻔﻖ ﻋﻠﻴﻚ ﺗﺪﺭﻳﻦ ﻛﻠﻤﺔ ﺃﺷﻔﻖ ﻋﻠﻴﻚ ﺍﺷﻜﺪ ﺗﺠﺮﺡ
ﺷﻮﻓﻲ ﺣﺒﻴﺒﺘﻲ ﻣﺒﻘﻪ ﻋﻨﺪﺝ ﻏﻴﺮ ﻓﺮﺻﺔ ﻭﺣﺪﺓ ﺣﺘﻰ ﺗﺮﺟﻌﻴﻦ ﺇﻳﺎﺱ ﺍﻟﺞ ﻭﺍﺫﺍ ﺭﻓﻀﺘﻴﻬﺎ ﺍﻧﺴﻲ ﻟﻸﺑﺪ
ﺃﻳﻠﻮﻝ .. ﻭﺷﻨﻮ ﻫﻲ ؟
ﻭﺩ ... ﺷﻨﻮ ﺭﺃﻳﺞ ﻧﺴﺎﻓﺮ ﻧﻐﻴﺮ ﺟﻮ
ﺃﻳﻠﻮﻝ ... ﺍﻧﻲ ﻭﻳﻦ ﺍﺣﺠﻲ ﻭﻫﻲ ﻭﻳﻦ ﺗﺤﺠﻲ
ﻗﺪﺭ ... ﺗﺴﺎﻓﺮﻭﻥ ﺍﻟﺘﺮﻛﻴﺎ ﺷﺒﻴﺞ ﻭﻫﻨﺎﻙ ﺗﺸﻮﻓﻴﻦ ﺍﻟﺤﺐ ﻭﺣﺎﻭﻟﻲ ﺗﺘﻘﺮﺑﻴﻦ ﻣﻨﻪ
ﺃﻳﻠﻮﻝ ... ﻟﻴﺶ ﻣﻨﻮ ﻳﺮﻳﺪ ﻳﺴﺎﻓﺮ ؟
ﻭﺩ .. ﻛﻠﻨﺎ ﺑﺲ ﻗﺪﺭ ﻣﺘﻜﺪﺭ ﺗﺠﻲ
ﺃﻳﻠﻮﻝ ... ﺑﺲ ﺑﺎﺑﺎ ﻭﻳﻦ ﻳﻜﺪﺭ ﻳﻌﻮﻑ ﺍﻟﺸﻐﻞ ﻭﻳﺴﺎﻓﺮ
ﻭﺩ ... ﻋﻴﺴﻰ ﺭﺍﺡ ﻳﺒﻘﺔ ﻭﺻﺪﻳﻖ ﺇﻳﺎﺱ ﻫﻢ ﻳﺴﺎﻋﺪﻩ
ﺃﻳﻠﻮﻝ .. ﻛﻞ ﻫﺎﻱ ﺍﻟﺘﻄﻮﺭﺍﺕ ﻭﺍﻻﺗﻔﺎﻗﺎﺕ ﻭﺍﻧﻲ ﺍﺧﺮ ﻣﻦ ﻳﻌﻠﻢ
ﻭﺩ ... ﺗﺮﺓ ﻫﺎﻱ ﻓﻜﺮﺓ ﺑﺎﻥ
ﺃﻳﻠﻮﻝ .. ﺑﺘﻌﺠﺐ ﺑﺎﻥ
ﻭﺩ ... ﺍﻱ ﻭﻟﺞ ﻣﺤﺎﻣﻴﺘﻨﺎ ﻃﻠﻌﺖ ﺫﻛﻴﺔ
ﺟﺎﻥ ﺑﺎﺑﺎ ﻭﺍﻋﺪﻫﺎ ﺑﺎﻟﻌﻄﻠﺔ ﻧﺮﻭﺡ ﺍﻷﺭﺑﻴﻞ ﻫﻲ ﺍﻗﺘﺮﺣﺖ ﻋﻠﻰ ﺑﺎﺑﺎ ﺑﺪﺍﻝ ﺍﺭﺑﻴﻞ ﻧﺮﻭﺡ ﺗﺮﻛﻴﺎ
ﻃﺒﻌﺎ ﺑﺎﺑﺎ ﺑﺎﻟﺒﺪﺍﻳﺔ ﺭﻓﺾ ﺑﺤﺠﺔ ﺍﻟﺸﻐﻞ ﺑﺲ ﻣﻦ ﺣﺠﻴﻨﺎ ﻭﻳﺎ ﻭﻛﻨﺎﻟﺔ ﺑﻠﻜﻲ ﺍﻫﻨﺎﻙ ﺇﻳﺎﺱ ﻭﻟﻮﻟﺔ ﻳﺘﺮﺍﺿﻮﻥ
ﺃﻳﻠﻮﻝ .. ﻋﺰﺍﺍﺍﺍﺍ ﻓﻀﺤﺘﻮﻧﻲ
ﻗﺪﺭ .. ﻋﻠﻰ ﺷﻨﻮ ﺍﻧﻔﻀﺤﺘﻲ ﺗﺮﺓ ﻫﻮ ﺯﻭﺟﺞ ﻣﻮ ﺻﺎﺣﺒﺞ
ﺃﻳﻠﻮﻝ .. ﻭﻫﺴﻪ ﺑﺎﺑﺎ ﻭﺍﻓﻖ ﻟﻮ ﻻ
ﻭﺩ .. ﺍﻱ ﻭﺍﻓﻖ ﻭﺭﺍﺡ ﻳﺨﺎﺑﺮ ﺇﻳﺎﺱ ﺣﺘﻰ ﻳﺎﺟﺮﻟﻨﺎ ﺷﻘﺔ ﺻﻐﻴﺮﺓ ﻟﻤﺪﺓ ﺍﺳﺒﻮﻉ ﻣﻨﺮﻳﺪ ﻧﻜﻌﺪ ﺑﻔﻨﺪﻕ
بيج قصص عراقيه حقيقيه من واقعنا.روعه الطائي
ﺃﻳﻠﻮﻝ .. ﺷﻌﺠﺐ ﻋﻴﺴﻰ ﻭﺍﻓﻖ ﺗﺴﺎﻓﺮﻳﻦ
ﻭﺩ .. ﺍﺭﻳﺪ ﺍﺭﺟﻊ ﺩﻛﺘﻮﺭﺓ ﻫﻨﺎﻙ ﻋﻠﻤﻮﺩ ﺍﻟﺤﻤﻞ ﺍﺭﻳﺪ ﺍﻋﺮﻑ ﺷﺒﻴﻪ ﻟﻴﺶ ﺑﺲ ﺭﺍﻣﺎ ﺻﺎﺭﺕ ﻋﻨﺪﻱ ﻭﺑﻌﺪﻫﺎ ﻣﺼﺎﺭ ﺣﻤﻞ
ﺑﺎﻥ ... ﻟﻮﻟﺔ ﻭﺍﻟﻠﻪ ﻣﺸﺘﺎﻗﺘﻠﺞ ﻻﺗﺒﻘﻴﻦ ﺯﻋﻼﻧﺔ ﻣﻨﻲ
ﺃﻳﻠﻮﻝ .. ﻓﺘﺤﺖ ﺍﻳﺪﻱ ﻭﻛﺘﻠﻬﺎ ﺗﻌﺎﻟﻲ ﺑﺴﺮﻋﺔ ﺍﺟﺖ ﺣﺼﻨﺘﻨﻲ ﻭﺗﺒﺠﻲ
ﺍﺑﺪ ﻣﺎ ﺃﻛﺪﺭ ﺍﻃﻮﻝ ﺑﺎﻟﺰﻋﻞ ﻭﻳﺎ ﺧﻮﺍﺗﻲ ﺑﺎﻥ ﺭﻏﻢ ﺍﻟﺴﻮﺗﺔ ﻣﺎ ﺃﻛﺪﺭ ﺍﺑﻘﺔ ﺯﻋﻼﻧﺔ ﻣﻨﻬﺎ
ﺣﺠﺰﻧﺎ ﺍﻟﺘﺮﻛﻴﺎ ﺍﻟﺮﺣﻠﺔ ﺗﻘﺮﻳﺒﺎ ﺛﻼﺙ ﺃﻳﺎﻡ ﻻﻥ ﺑﺎﻟﺴﻴﺎﺭﺓ ﻣﻮ ﻃﻴﺮﺍﻥ ﺧﻮﺍﺗﻲ ﻫﻴﺠﻲ ﻋﺠﺒﻬﻢ ﻳﻜﻮﻟﻮﻥ ﻣﻨﻈﺮ ﺍﻟﻄﺮﻳﻖ ﺣﻠﻮﻭ
ﻗﺒﻞ ﺍﻟﺴﻔﺮ ﺭﺣﻨﺎ ﺍﻧﻲ ﻭ ﻭﺩ ﻟﻠﺼﺎﻟﻮﻥ ﻻﻥ ﺻﺎﺭﻟﻲ ﻫﻮﺍﻳﻪ ﻣﻤﻬﺘﻤﺔ ﺑﺸﻜﻠﻲ ﻏﻴﺮﺕ ﻟﻮﻥ ﺷﻌﺮﻱ ﺳﻮﻳﺘﺔ ﺍﺳﻮﺩ ﺟﺎﻥ ﻫﻮﺍﻳﻪ ﻛﺎﻋﺪ ﻭﻳﺎ ﺷﻜﻠﻲ
ﺍﺟﺔ ﻣﻮﻋﺪ ﺍﻟﺴﻔﺮ ﻭﺳﺎﻓﺮﻧﺎ ﺑﺲ ﺩﺧﻴﻞ ﺍﻟﻠﻪ ﺷﺼﺎﺭ ﺑﺤﺎﻟﻲ ﺛﻼﺙ ﺃﻳﺎﻡ ﻋﺎﻳﺸﺔ ﻋﻠﻰ ﺍﻟﺒﺴﻜﺖ ﻭﺍﻟﻌﺼﻴﺮ ﺟﻨﺖ ﺑﺎﻟﻜﻮﺓ ﺍﻛﻠﻬﻢ ﻣﻌﺪﺗﻲ ﻣﻦ ﺃﺳﺎﻓﺮ ﻣﺘﺘﻘﺒﻞ ﺍﻱ ﺍﻛﻞ ﻭﺍﻟﻄﺮﻳﻖ ﻃﻮﻳﻞ ﺍﻟﺤﺪ ﻣﺎ ﻭﺻﻠﻨﺔ ﺍﺳﻄﻨﺒﻮﻝ ﺍﻧﺘﻬﻴﺖ ﺍﻭﻝ ﻣﻨﺰﻟﺖ ﻣﻦ ﺍﻟﺴﻴﺎﺭﺓ ﻟﺰﻣﺘﻨﻲ ﺩﻭﺧﺔ ﻗﻮﻳﺔ
ﺟﺎﻧﺖ ﺍﻟﺪﻧﻴﺎ ﻣﻐﺮﺏ ﺑﺎﺑﺎ ﻋﻨﺪﺓ ﺭﻗﻢ ﺇﻳﺎﺱ ﺍﻟﺘﺮﻛﻲ ﺭﺍﺡ ﺍﺗﺼﻞ ﻋﻠﻴﻪ ﺣﺘﻰ ﻳﺠﻲ ﻋﻠﻴﻨﺎ
ﺍﻧﻲ ﺟﻨﺖ ﻛﺎﻋﺪﺓ ﻭﺧﻮﺍﺗﻲ ﻳﻤﻲ
ﻣﺎﺭﻱ ﺃﺟﻪ ﻋﻤﻮ ﺇﻳﺎﺱ
ﻣﻦ ﻛﺎﻟﺖ ﺍﺳﻤﺔ ﺭﺩﺕ ﺍﻣﻮﺕ ﻗﻠﺒﻲ ﻣﺪﺍﺳﻴﻄﺮ ﻋﻠﻰ ﺩﻛﺎﺗﺔ ﺣﺴﻴﺘﺔ ﺭﺍﺡ ﻳﻄﻠﻊ ﻣﻦ ﻣﻜﺎﻧﺔ
ﺧﻮﺍﺗﻲ ﺭﺍﺣﻮ ﻳﺴﻠﻤﻮﻥ ﻋﻠﻴﻪ ﺍﻧﻲ ﺟﻨﺖ ﻣﻨﻄﻴﺘﺔ ﻇﻬﺮﻱ ﻭﻛﺎﻋﺪﺓ ﺑﻤﻜﺎﻥ ﻣﺎ ﺍﺑﻴﻦ
ﺟﻨﺖ ﺍﺳﻤﻊ ﺻﻮﺗﺔ ﺷﻠﻮﻥ ﻓﺮﺣﺎﻥ ﻭﻳﺮﺣﺐ ﺑﺄﻫﻠﻲ
ﻛﺎﻝ ﻳﻼ ﺟﻴﺒﻮ ﺍﻟﺠﻨﻂ ﻭﺗﻌﺎﻟﻮﺍ ﻟﻠﺴﻴﺎﺭﺓ
ﺍﻳﻠﻮﻝ ﻏﻤﻀﺖ ﻋﻴﻨﻲ ﻭﺻﺎﺭﺕ ﻋﻨﺪﻱ ﺧﻴﺒﺖ ﺃﻣﻞ ﺣﺘﻰ ﻣﺴﺌﻠﻬﻢ ﻋﻠﻴﻪ
ﺻﺎﺡ ﺑﺎﺑﺎ ﻳﻼ ﺑﻨﺘﻲ ﻟﻮﻟﺔ ﺩﻧﺮﻭﺡ
ﺍﺭﻳﺪ ﺍﻛﻮﻡ ﺍﻭﻛﻒ ﻣﺎ ﺃﻛﺪﺭ ﺑﺎﻟﻜﻮﺓ ﻛﻤﺖ
ﺍﻧﺪﺍﺭﻳﺖ ﺻﺎﺭﺕ ﻋﻴﻨﻲ ﺑﻌﻴﻨﻪ ﻣﻦ ﺑﻌﺪ ﺍﺷﻬﺮ ﻓﺮﺍﻕ ﻭﻋﺬﺍﺏ ﺍﺧﻴﺮﺍ ﺷﻔﺘﺔ
ﺑﺲ ﺍﻧﻲ ﻟﻬﻨﺎ ﻭﺧﻠﺼﺖ ﻃﺎﻗﺘﻲ ﺍﻓﺘﺮﺕ ﺍﻟﺪﻧﻴﺎ ﺑﻴﻪ ﻭﺻﺎﺭ ﻏﻮﺍﺵ ﻋﻠﻰ ﻋﻴﻨﻲ ﻭﺑﻌﺪﻫﺎ ﻣﺤﺴﻴﺖ ﻋﻠﻰ ﺷﻲ .
ﺇﻳﺎﺱ ... ﻣﻦ ﺻﺎﺭﺕ ﺍﻟﻤﺸﻜﻠﺔ ﺑﻴﻨﻲ ﻭﺑﻴﻦ ﺃﻳﻠﻮﻝ ﻛﺮﻫﺘﻬﺎ ﻭﻛﺮﻫﺖ ﻧﻔﺴﻲ ﺳﻤﻌﺘﻨﻲ ﻛﻼﻡ ﺟﺎﻥ ﺟﺪﺍ ﺟﺎﺭﺡ ﻛﺎﻟﺖ ﻃﻠﻜﻨﻲ ﺑﺪﻭﻥ ﻭﻋﻲ ﻃﻠﻜﺘﻬﺎ
ﻣﻦ ﺷﻮﻳﻪ ﺍﻋﺼﺎﺑﻲ ﻫﺪﺃﺕ ﺭﺣﺖ ﺳﺌﻠﺖ ﺷﻴﺦ ﻋﺮﻓﺖ ﺍﻟﻄﻼﻙ ﺑﺤﺎﻟﺔ ﺍﻟﻌﺼﺒﻴﻪ ﻭ ﻣﺎﻛﻮ ﺷﻬﻮﺩ ﻭﻣﻮ ﺑﺜﻼﺙ ﺑﺎﻃﻞ
ﺷﻮﻳﺔ ﺍﺭﺗﺎﺣﻴﺖ ﺑﺲ ﺟﻨﺖ ﺑﻌﺪﻧﻲ ﺣﺎﻗﺪ ﻋﻠﻴﻬﺎ ﻭﻗﺮﺭﺕ ﺃﺳﻮﻳﻠﻬﺎ ﺩﺭﺱ ﻋﻤﺮﻫﺎ ﻣﺘﻨﺴﻰ ﻭﺍﺫﺍ ﺑﻘﺖ ﻋﻠﻰ ﻗﺮﺍﺭﻫﺎ ﻭﺗﺮﻳﺪ ﺗﻄﻠﻚ ﺍﻧﻄﻴﻬﺎ ﺣﺮﻳﺘﻬﺎ ﻣﺴﺘﺤﻴﻞ ﺍﺟﺒﺮﻫﺎ ﺗﻌﻴﺶ ﻭﻳﺎﻱ ﻭﻫﻲ ﻣﺘﺤﺒﻨﻲ
ﺳﺎﻓﺮﺕ ﻻﻥ ﺍﻋﺮﻑ ﺑﻨﻔﺴﻲ ﺍﺫﺍ ﺍﺑﻘﺔ ﻗﺮﻳﺐ ﻣﻨﻬﺎ ﺭﺍﺡ ﺍﺿﻌﻒ ﻛﺪﺍﻣﻬﺎ
ﺑﺲ ﺍﻟﻘﺪﺭ ﺟﺎﻥ ﺿﺎﻣﻠﻲ ﻣﻔﺎﺟﺄﺓ ﻓﻮﻙ ﻃﺎﻗﺘﻲ ﻣﺎﺗﺖ ﺍﻣﻲ ﻭﺍﻧﻲ ﺑﻌﻴﺪ ﻋﻨﻬﺎ
ﺍﻟﻘﻬﺮ ﻭﺍﻟﺤﺰﻥ ﺩﻣﺮﻭﻧﻲ ﺑﺎﻟﻔﺎﺗﺤﺔ ﺍﺟﻮﻱ ﺍﻫﻠﻬﺎ ﻭﻫﻲ ﻣﺎ ﺃﺟﺖ ﻭﻫﺬﺍ ﺍﺣﺴﻦ ﺷﻲ ﺳﻮﺗﻪ ﺑﻘﻴﺖ ﺑﺎﻟﻌﺮﺍﻕ ﺍﻟﺤﺪ ﺍﺭﺑﻌﻴﻦ ﺃﻣﻲ
ﺭﺟﻌﺖ ﺳﺎﻓﺮﺕ ﻭﺍﻟﺸﻬﺮ ﺻﺎﺭ ﺍﺷﻬﺮ ﺟﻨﺖ ﺍﺷﺘﺎﻗﻠﻬﺎ ﻭﺍﺭﻳﺪﻫﺎ ﺑﺲ ﻣﺴﺘﺤﻴﻞ ﺍﺫﻝ ﻧﻔﺴﻲ ﻫﻠﻤﺮﺓ ﺍﻟﻬﺎ
ﻣﻦ ﻛﺎﻟﻲ ﺍﺑﻮ ﻗﺪﺭ ﺃﻳﻠﻮﻝ ﺗﺮﻳﺪ ﺗﺘﻮﻇﻒ ﺍﻭ ﺗﻜﻤﻞ ﺩﺭﺍﺳﺔ ﺗﺨﺒﻠﺖ ﻭﺭﻓﻀﺖ
ﺷﻔﺘﻬﺎ ﻣﻮﺟﻮﺩﺓ ﺑﺎﻟﻔﻴﺲ ﻧﺰﻟﺘﻠﻬﺎ ﺍﻏﻨﻴﺔ ﺳﻤﻌﺘﻬﺎ ﻭﺍﻧﻄﺘﻨﻲ ﺃﻋﺠﺎﺏ
ﺭﺍﺳﻠﺘﻬﺎ ﺑﺲ ﻟﻸﺳﻒ ﺑﻌﺪﻫﺎ ﻧﻔﺲ ﻋﻨﺎﺩﻫﺎ ﻭﻏﺮﻭﺭﻫﺎ ﺣﺘﻰ ﻣﺘﻜﻠﻒ ﻧﻔﺴﻬﺎ ﻭﺗﻌﺘﺬﺭ
ﺍﺑﻮ ﻗﺪﺭ ﻛﺎﻟﻲ ﺭﺍﺡ ﺃﺟﻴﺐ ﺍﻡ ﻗﺪﺭ ﻭﺍﻟﺒﻨﺎﺕ ﻭﻧﺠﻲ ﺳﻴﺎﺣﺔ ﻳﻤﻚ
ﻓﺮﺣﺖ ﺟﻨﺖ ﻫﻮﺍﻳﻪ ﻣﺸﺘﺎﻗﻠﻬﻢ ﻇﻠﻴﺖ ﺍﻓﻜﺮ ﺍﻳﻠﻮﻝ ﻫﻢ ﺭﺍﺡ ﺗﺠﻲ ﻟﻮ ﻻ ﺍﻋﺮﻑ ﺑﻴﻬﺎ ﻋﻨﻴﺪﺓ ﻣﺴﺘﺤﻴﻞ ﺗﻘﺒﻞ ﺗﺠﻲ ﻭﺗﺸﻮﻓﻨﻲ
ﻣﻦ ﻭﺻﻠﻮﺍ ﺗﺮﻛﻴﺎ ﺍﺗﺼﻞ ﻋﻠﻴﻪ ﺍﺑﻮ ﻗﺪﺭ ﺑﻠﻐﻨﻲ ﺑﻮﺻﻮﻟﻬﻢ ﺭﺣﺖ ﺍﺳﺘﻘﺒﻠﺘﻬﻢ
ﺷﻔﺖ ﺍﺑﻮ ﻗﺪﺭ ﻭﺃﻡ ﻗﺪﺭ ﻭﺍﻟﺒﻨﺎﺕ ﻣﺎﻋﺪﺍ ﺍﻳﻠﻮﻝ
ﻛﻠﺖ ﺑﻨﻔﺴﻲ ﺃﻛﻴﺪ ﺍﻟﻤﻐﺮﻭﺭﺓ ﻣﻘﺒﻠﺖ ﺗﺠﻲ
ﻭ ﻣﻦ ﻛﺎﻝ ﺍﺑﻮ ﻗﺪﺭ ﻳﻼ ﻟﻮﻟﺔ ﺑﻨﺘﻲ ﻣﺎ ﺃﻋﺮﻑ ﺷﺼﺎﺭ ﺑﻴﻪ
ﺻﺎﺭﺕ ﻛﺪﺍﻣﻲ ﻭﻋﻴﻨﻬﺎ ﺑﻌﻴﻨﻲ ﺩﺧﻴﻞ ﺍﻟﻠﻪ ﺃﺷﻜﺪ ﻣﺸﺘﺎﻗﻠﻬﺎ ﺍﺷﻜﺪ ﻫﻲ ﺣﻠﻮﺓ ﺻﺎﻳﺮﺓ ﺑﻌﺪ ﺍﺣﻠﻰ ﺑﺲ ﻣﺒﻴﻦ ﻋﻠﻴﻬﺎ ﺍﻟﺘﻌﺐ
ﻓﺠﺄﺓ ﻓﻘﺪﺕ ﺍﻟﻮﻋﻲ ﻭﺗﻤﺪﺩﺕ ﺑﺎﻟﻜﺎﻉ
ﺣﺴﻴﺖ ﮔﻠﺒﻲ ﺭﻛﺾ ﻋﻠﻴﻬﺎ ﻗﺒﻞ ﺭﺟﻠﻲ
ﺗﺨﺒﻠﺖ ﻣﻦ ﺷﻔﺘﻬﺎ ﺑﻬﺬﺍ ﺍﻟﻤﻨﻈﺮ ﺷﻠﺘﻬﺎ ﻭﺃﺧﺬﺗﻬﺎ ﻟﻠﺴﻴﺎﺭﺓ
ﺧﻠﻴﺘﻬﺎ ﻋﻠﻰ ﺍﻟﻜﺸﻦ ﻭﺍﻣﻬﺎ ﺑﻘﺖ ﺗﺼﺤﻲ ﺑﻴﻬﺎ
ﺍﻡ ﻗﺪﺭ ... ﺍﻛﻴﺪ ﺿﻐﻄﻬﺎ ﻧﺰﻝ ﺻﺎﺭﻟﻬﺎ ﺛﻼﺙ ﺍﻳﺎﻡ ﺑﺪﻭﻥ ﺃﻛﻞ ﻋﻠﻰ ﺍﻟﺒﺴﻜﺖ ﻭﺍﻟﻌﺼﻴﺮ
ﻣﻦ ﺳﻤﻌﺘﻬﺎ ﻫﻲ ﺣﺠﺖ ﻓﻘﺪﺕ ﺍﻋﺼﺎﺑﻲ
ﺇﻳﺎﺱ .. ﺻﺪﻙ ﻛﺬﺏ ﺛﻼﺙ ﺃﻳﺎﻡ ﺑﺪﻭﻥ ﺍﻛﻞ ﻭﺍﻧﺘﻮﺍ ﺳﺎﻛﺘﻴﻦ ﻟﻴﺶ ﻣﺄﺟﻴﺘﻮﺍ ﺑﻄﻴﺎﺭﺓ ﻫﻲ ﻫﺎﻱ ﻣﺎﻝ ﺳﻔﺮ ﺑﺴﻴﺎﺭﺓ
ﺍﻧﺘﺒﻬﺖ ﺍﻟﻨﻔﺴﻲ ﻋﻠﻴﺖ ﺻﻮﺗﻲ ﻋﻠﻰ ﺍﻡ ﻗﺪﺭ ﺳﻜﺘﺖ
ﺻﺤﺖ ﺃﻳﻠﻮﻝ ﺭﺩﻧﺎ ﻧﺄﺧﺬﻫﺎ ﻟﻠﻤﺴﺘﺸﻔﻰ ﺑﺲ ﻋﻨﺎﺩﻫﺎ ﻣﻮﺗﻨﻲ ﻣﻘﺒﻠﺖ ﺗﺮﻭﺡ ﺍﺧﺬﺗﻬﻢ ﻭﺭﺣﺖ ﻟﻠﺒﻴﺖ
ﺍﻧﻲ ﻋﺎﻳﺶ ﺑﻴﺖ ﺻﺪﻳﻘﻲ ﻫﻮ ﻣﺴﺎﻓﺮ ﻭﺳﻔﺮﺗﺔ ﻃﻮﻳﻠﺔ ﺧﻠﻰ ﺍﻟﺒﻴﺖ ﺑﺄﻣﺎﻧﺘﻲ ﺍﻧﻲ ﺍﺧﺬﺕ ﺍﻷﺫﻥ ﻣﻨﻪ ﺣﺘﻰ ﺍﺟﻴﺒﻬﻢ ﺍﻟﺒﻴﺘﺔ ﻫﻮ ﺧﻄﻴﺔ ﻛﺎﻝ ﺍﻟﺒﻴﺖ ﺑﻴﺖ ﻣﻴﺤﺘﺎﺝ ﺍﺗﻜﻠﻲ
ﺃﻳﻠﻮﻝ ... ﻣﻦ ﻓﺘﺤﺖ ﻋﻴﻨﻲ ﺟﻨﺖ ﺑﺎﻟﺴﻴﺎﺭﺓ ﺭﺍﺩﻭﺍ ﺍﺭﻭﺡ ﻟﻠﻤﺴﺘﺸﻔﻰ ﻣﻘﺒﻠﺖ ﻛﺘﻠﻬﻢ ﺑﺲ ﺍﻛﻞ ﻭﺍﺭﺗﺎﺡ ﺍﺻﻴﺮ ﺯﻳﻨﺔ
ﺇﻳﺎﺱ ﺃﺧﺬﻧﺎ ﻟﻠﺒﻴﺖ ﺍﻟﻌﺎﻳﺶ ﺑﻲ
ﺩﺧﻠﻨﺎ ﻟﻠﺒﻴﺖ ﺟﺎﻥ ﻳﺠﻨﻦ ﻭﺍﻟﻤﻨﻄﻘﺔ ﻛﻮﻟﺶ ﺣﻠﻮﺓ
ﺍﻟﺒﻴﺖ ﺑﻲ ﺛﻼﺙ ﻏﺮﻑ ﻓﻮﻙ ﺍﺧﺬﻧﺎ ﺍﻧﻲ ﻭﺍﻟﺒﻨﺎﺕ ﻏﺮﻓﺔ ﻭﻣﺎﻣﺎ ﻭﺑﺎﺑﺎ ﻏﺮﻓﺔ ﻭﺍﻹﻳﺎﺱ ﻏﺮﻓﺔ
ﺻﻌﺪﺕ ﺗﻤﺪﺩﺕ ﻻﻥ ﻣﺒﻴﻪ ﺣﻴﻞ
ﺍﺟﺖ ﻭﺩ
ﻭﺩ .. ﻟﻮﻟﺔ ﺍﺧﻮ ﺇﻳﺎﺱ ﻫﻢ ﺍﻫﻨﺎ ﻫﺴﻪ ﺍﺟﺔ ﺟﺎﻥ ﺟﺎﻳﺐ ﺍﻟﻌﺸﻰ ﺭﺍﺩ ﺧﻄﻴﺔ ﻳﺮﻭﺡ ﻟﻠﻔﻨﺪﻕ ﺑﺲ ﺑﺎﺑﺎ ﻣﻘﺒﻞ ﻛﺎﻟﺔ ﺍﺣﻨﺎ ﻣﺜﻞ ﺍﻫﻠﻚ ﻭﺍﻟﺒﻨﺎﺕ ﺍﻋﺘﺒﺮﻫﻦ ﺧﻮﺍﺗﻚ ﻭﻻﺗﺴﺘﺤﻲ ﺍﺣﻨﺎ ﺑﺎﻗﻴﻦ ﺑﺲ ﺃﺳﺒﻮﻉ ﻭﺭﺍﺟﻌﻴﻦ
ﻧﺰﻟﺖ ﺍﺗﻌﺸﻰ ﻭﻳﺎﻫﻢ ﺟﺎﻥ ﺇﻳﺎﺱ ﻭﻻ ﻳﺒﺎﻭﻉ ﺑﻮﺟﻬﻲ
ﻳﺤﺠﻲ ﻭﻳﺸﺎﻗﺔ ﻭﻳﺎ ﺧﻮﺍﺗﻲ ﺑﺲ ﺍﻧﻲ ﻻﺑﺴﻨﻲ
ﺟﺎﻥ ﻣﻜﻴﻒ ﻋﻠﻰ ﺭﺍﻣﺎ ﻻﻥ ﻫﻮﺍﻳﻪ ﻳﺤﺒﻬﺎ ﻣﺨﻠﻴﻬﺎ ﺑﺤﻀﻨﻪ ﻭﻛﺎﻋﺪ
ﺻﺎﺭ ﺛﻼﺙ ﺃﻳﺎﻡ ﺍﺣﻨﺎ ﺑﺘﺮﻛﻴﺎ ﻭﺇﻳﺎﺱ ﻧﻔﺲ ﻭﺿﻌﺔ ﺃﺷﻜﺪ ﺣﺎﻭﻟﺖ ﺍﻟﻔﺖ ﺍﻧﺘﺒﺎﻫﺔ ﻣﺎﻛﻮ ﻓﺎﻳﺪﺓ
ﺑﺎﻟﻴﻞ ﺟﻨﺖ ﻣﺨﺘﻨﻜﺔ ﻃﻠﻌﺖ ﻟﻠﺤﺪﻳﻘﺔ ﻛﻌﺪﺕ ﻋﻠﻰ ﺍﻟﺪﺟﺔ ﺍﻟﻴﻢ ﺍﻟﺒﺎﺏ
ﺟﻨﺖ ﺻﺎﻓﻨﺔ ﺷﻔﺖ ﺧﻴﺎﻝ ﺃﺣﺪ ﻭﺭﺍﻳﺔ ﺍﻧﺪﺭﻳﺖ ﻃﻠﻊ ﻳﺎﺳﻴﻦ
ﻳﺎﺳﻴﻦ ... ﺍﺷﻮ ﻛﺎﻋﺪﺓ ﺍﻫﻨﺎ ؟
ﺃﻳﻠﻮﻝ ... ﺿﻮﺟﺔ ﻛﻠﺖ ﺍﻃﻠﻊ ﺍﺷﻢ ﻫﻮﺍ
ﺃﺟﺔ ﻳﺎﺳﻴﻦ ﻛﻌﺪ ﻳﻤﻲ ﺑﺲ ﺑﻌﻴﺪ ﻋﻨﻲ
ﻳﺎﺳﻴﻦ ... ﻭﻟﻮ ﻣﺎ ﺍﺣﺐ ﺍﺩﺧﻞ ﺑﺄﻣﻮﺭﺝ ﺍﻟﺨﺎﺻﺔ ﺑﺲ ﻣﻮ ﻛﺎﻓﻲ ﺯﻋﻞ ﺍﻧﺘﻲ ﻭﺇﻳﺎﺱ
ﺃﻳﻠﻮﻝ .. ﺍﻧﻲ ﻭﺃﻳﺎﺱ ﺍﻟﻈﺎﻫﺮ ﻗﺼﺘﻨﺎ ﺍﻧﺘﻬﺖ ﻭﻛﻞ ﻭﺍﺣﺪ ﺭﺍﺡ ﺍﻟﺤﺎﻟﺔ ﻣﺎ ﺷﺎﺀ ﺍﻟﻠﻪ ﺃﺧﻮﻙ ﻋﺎﻳﺶ ﺣﻴﺎﺗﺔ ﻭﻣﺮﺗﺎﺡ
ﻳﺎﺳﻴﻦ ... ﻭﻣﻨﻮ ﻛﺎﻟﺞ ﻣﺮﺗﺎﺡ ؟
ﺃﻳﻠﻮﻝ ... ﻣﻴﺤﺘﺎﺝ ﺍﺣﺪ ﻳﻜﻮﻟﻲ ﻣﺒﻴﻦ ﻋﻠﻴﻪ
ﻳﺎﺳﻴﻦ .. ﻻ ﺍﻧﺘﻲ ﻏﻠﻄﺎﻧﺔ ﺃﺧﻮﻳﺔ ﻭﺍﻋﺮﻓﺔ ﺯﻳﻦ ﻳﺮﻳﺪﺝ ﺑﺲ ﺩﻳﻜﺎﺑﺮ
ﺃﻳﻠﻮﻝ ... ﻳﻤﻌﻮﺩ ﻳﺎ ﻳﺮﻳﺪﻧﻲ ﻣﻦ ﺍﺟﻴﺖ ﻟﻠﻴﻮﻡ ﺣﺘﻰ ﻣﻴﺒﺎﻭﻉ ﺑﻮﺟﻬﻲ
ﻳﺎﺳﻴﻦ ... ﺃﻳﻠﻮﻝ ﺍﻧﺘﻲ ﺗﺤﺒﻴﻦ ﺇﻳﺎﺱ؟؟
ﺃﺭﻳﺪ ﺍﺟﺎﻭﺑﺔ ﺷﻔﺖ ﺳﻴﺎﺭﺓ ﺇﻳﺎﺱ ﻭﻛﻔﺖ ﻭﻫﻮ ﺩﻳﻨﺰﻝ ﻣﻨﻬﺎ ﺟﺎﻥ ﺗﻄﻠﻊ ﻭﺣﺪﺓ ﻣﻦ ﺍﻟﺒﻴﺖ ﺍﻟﻤﻘﺎﺑﻴﻞ ﺑﻴﺖ ﺇﻳﺎﺱ
ﺃﺟﺖ ﺗﻘﺪﻣﺖ ﻋﻠﻴﻪ ﻭﺣﺠﺖ ﻭﻳﺎ ﺑﺎﻟﺘﺮﻛﻲ ﺟﺎﻧﺖ ﻣﺮﺃﺓ ﺍﺭﺑﻌﻴﻨﻴﺔ ﺑﺲ ﺣﻴﻞ ﺣﻠﻮﺓ ﻭﻣﻬﺘﻤﺔ ﺑﻨﻔﺴﻬﺎ
ﻻﺑﺴﺔ ﺷﻮﺭﺕ ﻭﻛﻴﻤﻮﻧﺔ
ﺩﺗﺤﺠﻲ ﻭﻳﺎ ﺟﺎﻥ ﺗﺤﻀﻨﺔ
ﺍﻧﻲ ﻭﻳﺎﺳﻴﻦ ﺑﻘﻴﻨﺎ ﻣﺼﺪﻭﻣﻴﻦ
ﺑﺎﻭﻋﺖ ﻋﻠﻰ ﻳﺎﺳﻴﻦ ﻭﺣﺠﻴﺖ ﺑﺼﻮﺕ ﻣﺨﻨﻮﻙ ﻫﻮ ﻫﺬﺍ ﺍﻟﺘﻜﻮﻝ ﻋﻠﻴﻪ ﻳﺮﻳﺪﻧﻲ
ﻋﻔﺘﺔ ﺍﺭﻳﺪ ﺍﺩﺧﻞ ﻟﻠﺒﻴﺖ ﻳﺎﺳﻴﻦ ﺻﺎﺡ ﺃﻳﻠﻮﻝ
ﺇﻳﺎﺱ ﺑﺴﺮﻋﺔ ﺍﻟﺘﻔﺖ ﻭﺷﺎﻓﻨﻲ ﺑﻘﺔ ﺟﺎﻣﺪ ﺑﻤﻜﺎﻧﺔ ........
ﻳﺘﺒﻊ
أنت تقرأ
المغرورة والاعمئ
ChickLitالقصه ﺟﺘﻤﺎﻋﻴﺔ ﻋﺎﻃﻔﻴﺔ ﻗﺼﺔ ﻋﺎﺋﻠﺔ ﻋﺮﺍﻗﻴﺔ ﻣﺘﻮﺳﻄﺔ ﺍﻟﺤﺎﻝ ﻳﻘﻮﻡ ﺍﻷﺏ ﺑﺘﺰﻭﻳﺞ ﺃﺑﻨﺘﺔ ﺍﻟﺠﻤﻴﻠﺔ ﺍﻟﻰ ﺭﺟﻞ ﺃﻋﻤﻰ ﺑﺴﺒﺐ ﺍﻓﻀﺎﻝ ﻫﺬﺍ ﺍﻟﺸﺨﺺ ﻋﻠﻰ ﻋﺎﺋﻠﺘﺔ ﺍﻟﻔﺘﺎﺓ بقلم بسمة البياتي
