معركة عشق بقلم /دنيا رشاد (مكتملة)

الفصــل الثامــن عشــر

معــــركة عِشـــق
الفصـــل الثامــن عشـــر

من قال أنّ الحب في لحظة يضيع، من قال أنّ الورد يذبل في الربيع، دام الأمل باقي برغبة واقتناع ما جفّت أوراقي ولا اهتز الشراع.

إستيقظت غاده من نومها صباحا لتجد بلال يقف في منتصف الغرفه بمجرد منشفه تحاوط خصره يقف أمام المرآه ينشف شعره لترتفع الحمرة تلقائيا إلي وجنتها من أثر الكسوف الفطري ولسوء حظها لاحظها بلال ليبتسم بخبث وهو يقول
_غاده انتي صحيتي يا فضيحتي !!
قالت غاده بهمس وصوت مبحوح ومازالت مغمضة الأعين
_اسفه والله مكنتش عارفه إنك مش لابس هدومك
قهقه بلال علي فعلتها وقال وهو يستريح بجانبها علي الفراش
_خلاص مافيش حاجه لكل دا انا ذي جوزك برضو !!
فتحي عينك !!
نفذت غاده وفتحت عيناها ببطء لتُقابل عيناه ويبدأ حديث الاعين بينهم !!
وثم قال بلال
_انا هلبس في الحمام علي متكوني فُقتي عشان عوزك في موضوع
وبالفعل بعد مرور وقت معين خرج بلال بوسامته المعتاده يرتدي سروال جينس اسود وقميص رمادي زاده جاذبيه وجلس بجانب غاده التي إنتقلت إلي الاريكه تنتظره وبدأ يقص عليها كل شئ قد مر به تيم من زواجه بــ شهد وكيف انفصلوا وإلي وقتنا هذا !!
جحظت عيناها وهي تتمتم غير مصدقه
_معقول شهد الجاسر القمر دي تبقي مرات تيم !!
قال بلال بهدوء
_ايوا وانا مقلتلكيش إلا لما هو اذنلي وهو بالمناسبه عوزك تتعرفي عليها وتصاحبيها شهد تستاهل
قالت غاده بحنق وغيره
_تستاهل ليه لتكون عجباك !!
مهلا مهلا هل هي تغار أم قلبه الغارق في بحور عشقها يهيئ له ذلك ؟!
ولكنه دون اراده منه فرح واخيرا قد حصل منها علي ردة فعل وعلم نقطة ضعف لها  !!
ليقول
_هي بصراحه تعجب اي حد يبخت تيم بيها ادب واخلاق وجمال و...
قاطعته غاده الغاضبه وهي تقول
_بس بس خلاص مش عاوزه اعرف عموما اي حد غير شاهيناز اكيد حلو !!
ليرد بلال بمرح
_لما اعرف تيم وداها فين هخليه يظبط معاد تتقابلوا فيه
وداخله يشعر بسعاده طاغيه للغايه لإثاره غيرتها ويحمد الله بشده ان تيم غير موجود فلو كان هنا لدفنه حي وهو يتغزل في زوجته ودون أن يرمش له جفن حتي !!
*******
وصلت سياره تيم اخيرا بعد حوالي ساعه كامله إلي المكان المقصود وكان عباره عن فيلا بعيده إلي حد ما عن المدينه ولكن المكان روعه حرفيا حيث يحاوطه الخضره والهدوء والجمال الطبيعي وكانت تتلفت شهد حولها تحاول أن تكتشف المكان ليبتسم تيم تلقائيا علي تصرفاتها والتي تشير إلي طفله في الخامسه وليس إمرأه ناضجه بالغه زوجه وام ليقول بمرح
_الفيلا دي بتاعتي كنت ناوي أتجوز علي شاهيناز واجيب العروسه الجديده هنا بس يلا يا شهد اهي نصيبك انتي !!
تغيرت تعبيرات وجهها في ثانيه ماذا يقصد هذا الغبي !
أكان ينوي الزواج بأخري عليها وللمرا الثانيه !!
لنقول بإستفزاز
_مش بطاله بس ياريت يكون زوقك في الزوجه احسن من زوقك في البيت !
اجاب تيم بمرح
_انا بصراحه طول عمري مبعرفش اختار ستات اي رايك تساعديني !!
لتقول بغضب
_تقصد اي انت ناسي اني كنت مراتك. !!
قرص تيم انفها الذي إحمر لونه وهو يقول
_متإفشيش أوي كده انا بهذر
لتقول
_ميهمميش اصلا ثم تصحب سمر التي تبدو غايبه عن الوعي الي الداخل !!
وبعد حوالي نصف ساعه وبعد ان عرفهم تيم علي المنزل وكيف سيعيشون فيه قام ليستأذن وهو تارك لهم طقم كامل من الحراسه القويه
وقبل أنا يغادر مال علي شهد الجالسه ليقول ما عاد لها الحياه مرا اخري
_البيت اشتاريته عشان لما ترجعيلي نعيش فيه بعيد عن كل الناس وانتي اول واحده تعيش فيه واللي أقصده إني معرفتش ولا هعرف أختار ستات من بعد أم بنتي
ثم مال علي الصغيره قبلها وتركهم وغادر تودعه أبتسامة شهد الفرحه !!
*****
بعد مرور يومان علي هذه الأحداث دون أي جديد يذكر
كان تيم يجلس مع بلال في مكتبه بداخله مقر الشيناوي للموضه يحاولون ترتيب الأوضاع بعد غياب شهد وسمر أصبحت طريقة التواصل بينهم عبر الحاسوب مما اغضب صلاح بشده ولكن أقنعه تيم !!
ومع إستغراقهم في العمل دخل عليهم لؤي الغاضب خلفه السكرتيره الخاصه بمكتب تيم تحاول إيقافه !!
وما ان دخلوا حتي أذن لها تيم بالخروج ليقول لؤي
_مالك يادكتور لؤي خير في حاجه ؟!
قال لؤي بغضب
_مراتي فين يا تيم انا كنت فاكرها عند.شهد وسبتها تهدا شويه لكن رحت بيت شهد مالقتش حتي شهد ممكن اعرف ودتهم فين ؟
حاول بلال التدخل لكن اوقفه لؤي يقول بغضب أعماه
_اخرج انت برا الموضوع يا بلال عشان منخسرش بعض
خبط تيم علي سطح مكتبه بغضب وقال
_انا سبتك تخلص ودلوقتي جه ردي !!
اولا إسمها مدام شهد وهي فين فدا يخصني انا وهي بس !! أما مدام سمر فهي معاها فعلا وبرغبتها انا مش خاطفها وكل اللي اقدر اقولهولك ان هي بخير
جلس لؤي علي الاريكه التي تجاوره بأرهاق واضح وغمض عينيه بألم وهو يقول
_ارجوك يا تيم تقولي هي فين !! انت زوج شبهي وعاشق وادري بحالتي انا بحبها والله هي روحي غصب عني ومن غير قصد زعلتها
قال بلال وهو يربت علي كتفه
_إهدي يابني خير إن شاء الله كل حاجه هتتصلح
ورق قلب تيم لما قاله كثيرا فلو كان مكانه وشهد هي المتغيبه لحرق الاخضر واليابس كي يصل إليها فقال له
_انا مقدرش اقولك مكانهم لسلامة شهد ولو علي الي قلته انا هوصلهوله وانا فعلا عاشق ذيك وحاسس بيك ومتقلقش انا اخوك وفي ضهرك وهقف جمبك !!
نهض لؤي وإحتضنه بحميمه وهو يقول
_شكرا اوي بجد وصلها اني بحبها ومش عاوز غيرها واني بموت بالبطئ وهي مش موجوده إقنعها تسامحني عشان حبي ليها يستحق !!
********
وصلت شاهيناز إلي المكان المتفق عليه لتقابل ذلك المدعو محمود في مكان أشبه بالمهجور !!
هبطت من سيارتها تجده واقف ينتظرها لتقول بصراخ
_ممكن تفهمني يعني اي مخرجتش من بيتها ونهائي وعرفت ان هي سابته ازاي !!
ليقول محمود بخوف
_والله يا مدام انا كنت مجهز كل حاجه عشان أخطفها فعلا ومأجر اللي هيغتصبها بس هي مخرجتش نهائي وبعت حد سأل البواب وقالي إن هي سابت البيت من يومين
صرخت فيه شاهيناز بشده وهي تقول
_يعني اي فص ملح وداب مراحتش الشركه وقلت يمكن عيانه وهتموت إن شاء الله لكن كمان تختفي من البيت وكل مخططاتي تروح علي بلاش مش ممكن !!
ثم توجهت لمحمود تصرخ فيه بشده وهيستريه تقول
_انت تدور عليها وتجيبها وتنفذ اتفاقنا ولو في اي جديده تكلمني وانا هكلمك
ثم ركبت سيارتها بجنون تقول بغل وحاقد واضح في نبرتها
_والله ياشهد مهسيبك ولو في سابع أرض هجيبك برضو !!
******

عرفنا الحب وأسراره، وكتبنا أجمل أشعاره، وغنينا على أوتاره، وذبنا بالغرام ألحان، نسينا كلّ مواجعنا، وبقينا اثنين فقط، والأشواق تجمعنا بلا هجر وبلا حرمان.

بيت شهد ؛؛؛
جاست شهد مع سمر المستلقيه علي الفراش
تحمل معها طبق من الشوربه الطازجه وهي تقول بمرح
_مش ناكل بقي ولا هنفضل زعلانين ومخاصمين الأكل كتير !!
ابتسمت سمر علي وهن وهي تقول
_ماليش نفس
قالت شهد وهي تمد يدها بالمعلقه إلي فم سمر
_لا لازم ناكل  ونهتم بتصاميمنا الا المفروض هتتسلم بعد إسبوع دي ولا اي !!
وبالفعل تناولت سمر من المعلقه
لتقول شهد بخبث
_علي فكرا تيم كلمني وحكالي إن لؤي راحله
إنتفضت سمر من مكانها وهي تقول
_يالهوي الحب ولع في الدره يا جدعان عموما يا ستي هو قال ........
ثم.بدئت تقص عليها المشهد مكتمل وكما حدث في مكتب تيم
لتبدأ دموع سمر بالهطول حرفيا وهي تقول 
_وحشني اووي يا شهد وحشني ومش قادره اسامحه
ربتت شهد علي وجهها وقالت
_لازم تسامحيها يا سمر عشان ذي ماقال هو حبه ليكي يستحق !!
أومات سمر بهدوء تفكر بالأمر وهي تتناول غذائها !!
*****
بعد نصف ساعه ؛؛
رن جرس الباب وفتحت جميله تسبقها روبي إلي الباب مهلله بالضيف والذي كان والدها وكأنها قد إستشعرت !!
ليحملها تيم بسعاده
_حبيبة بابا اللي وحشته
إبتسمت روبي بسعاده وهي تحتضنه وتقول
_بابي وإنت كمان وحستني اووي
كانت غاده بجانبه لتقول بإبتسامه
_القمر دي بنتك !!
أوما تيم بفخر وهو يقول لإبنته
_حبيبتي دي عمتك غاده
قالت الصغيره بإستغراب وهي تفتح يداها
_يعني اي عمتك دي
ضحك تيم وقال
_يعني اخت بابي وبتحبك جدا إتعرفي عليها
ثم اعطاها لغاده التي حملتها بفخر وذهب لــ شهد التي خرجت من الغرفه وراقبت المشهد ببلاهه
وقال
_غاده اختي عرفت انك مراتي وحابه تتعرف عليكي انتي وروبي
أومات شهد موافقه ولم تعلق !!!
********
جلست شاهيناز علي الفراش في غرفتها
تضع صوره لبلال وغاده في زفافهم وتيم زوجها وصوره لـ شهد من ذلك المؤتمر الذي حضرته في السابق!!
نظرت لصورة شهد وهي تقول بغل
_إنتي وعرفتي هعمل فيكي اي !!
ثم لتيم وقالت
_وانت مش موافق تخليني اجيب طفل اربطك بيه فتستاهل إنه الطفل يجي من واحد غيرك ويتنسب ليك !!
ونظرت لصورة بلال وغاده بغل اكبر وهي تقول
_والواحد دا مش هيكون أحسن من بلال عشان الطفل يبقي دمه شناوي ووسيم واهو اكون خسرتك صحبك ولو عرفت الحقيقه متقدرش تفضح عيلتك وتضطر تنسب الطفل ليك واحرق حب غاده وبلال اللي قرب يتولد !!
ثم صفقت يداها بإنتصار وهي تقول
_برافو يا شاهيناز خطه رائعه !!!
*******
رايكم اي
الكاتبه الصاعده /دنيا رشاد