"""""""
🌸مع استبرق ومعالي...
معالي : اهاا كدي كيف☺️ ؟
استبرق : لا خلاص تماام...الحمد لله فهمت 😊شكراً ليك والله...♥️
معالي : يا بت هااا...مافي شكر بين اللخوات (الاخوات) ...ولا شنو😀
استبرق : اااي ااي😁
معالي بــ خلعه : 😳😱اللستاذ خشا الفصل يلاكي سرعه آآآبت...
استبرق : يا بت يا معالي الكلام دا كان زمان....🤦🏻♀ هسا إذا قلتيهو هنا ح يعملوك مضحكه والله يا اختي....
معالي : 😐بسم الله ياتو كلام دا؟
استبرق : الاستاذ والفصل ...قولي الدكتور والقاعه... يا معالي..
معالي : اهااا عشاان كدي في بتين قعدن جنبي ... في وحده فيهن قالت للتانيه ...دي موش البت المعانا في الفصل🤭!!
وقرقر بقن يضحكن😂
استبرق : بكون قاصدنك صااح ؟
معالي : اي ظاهر يا بت🤭
استبرق : وانتي عملتي شنو بعدااك ياهناايه...
معالي : فرحت وقلت يمكن دايرات يتعرفن علي...ومشيت بــ كل ابتسامه سلمت عليهن ...😀
💙تٲمل قوله ﷺ.
*لا تحقِرن من المعرف شيئاً ولو ان تلقـۍ اخاك بوجهٍ طليق*💚
لكن الله يوريكي سلامن كيفن....وحيات الله يا التومه لمن يشككنك في روحك😥
استبرق : كيف😕
معالي : يسلمن عليكي كدي بي طرف اصابعن ويجرن يدينن منك سرعه التقول يدك دي فيها شوك😒.
"""""""
*تٲمل* 💜
قوله تعالى : *وإذا حُييتم بتحية فحيوا بأحسن منها او ردوها* 💚
"""""""""
استبرق :هههه والله انتي طيبتك الزايده دي البتوقعك فيهااا....ٳضافه لــ انو الناس دايماً بيكسرو قلوب الطيبين💔
معالي : انا في البدايه قلت يمكن بيسخرن مني ....لكن تاني قلت ...هووي يا بت بيضي النيه....وياهو عاينن لي من فوق لي تحت كدي😓...بعداك انا لملمت باقي كرامتي وٳتوكلت وزحيت من جنبهن....
استبرق : والله ابيض قلب لاقاني قلبك دا💖.
معالي جرت استبرق من يدها : يا بت خلاص بي كلامك الكتير دا يكونو حجزو الكنبه الاولۍ .....
استبرق : اووووو لااااااا ٳسمها بينش ما كنبه يا معالي💔😹🤦🏻♀
معالي : واااي انا من كعوجة الكلام د...
استبرق : شكلك دايره كورس يا ميعوو😂...
معالي : اي اي 😂 دروساً مكثفه يا دي
