فتحت الباب بعد صراع اني ادخل المفتاح ف الفتحة بتاعته
انا مش شايفه
كل حاجه مشوشه وضلمه من كتر عياطي
.... انا بنهار
حاسة اني خسرت كل حاجه...
كل حاجه ضاعت وكله اسود ف وشي
كل اللي عملته عشانه
انا اتغيرت وغيرت لبسي وغيرت شكلي وحطيت على وشي حاجات انا مكنتش اعرفها ولا اتخيل اني اعرفها عشانه.... وهو حتى محسش
اول ما دخلت وانا عماله اشهق واعيط بصوت عالي و بشكل هيستيري زي الاطفال لقيت هاري وقف
كان بيضحك بس ضحكته دي اختفت لما شافني
مستنتهوش يتكلم وروحت حضنته وانا لسه بعيط
"اهدي.....شششش كل حاجه هتبقى كويسة"
كان بيقول ف ودني وبيطبطب علي ضهري
"كل حاجه خلاص راحت يا هاري راحت خلاص"
بصتله وانا لسه حاضناه
"طب قولي ايه اللي حصل اتكلمي وهتهدي"
بعدت عنه
"عايز تعرف اللي حصل؟"
"اللي حصل ان الشخص الوحيد اللي حبيته طلع بيحب واحده تانيه غيري،
الشخص اللي كسرت كل قواعدي عشانه مش هيعرف يحب غير واحده تانيه،
الشخص اللي اتغيرت عشانه طلع محبش ف حياته غير واحده غيري ومش هيحب غيرها،
الشخص اللي بحبه بيعشق التراب اللي بتمشي عليه واحده دمرت حياة واحد صاحبه وصحابه كلهم بيكرهوها،
الشخص اللي فكرت انه طلب يخرج معايا عشان يقولي كلام كتير ويعترفلي انه بيحبني اعترفلي انه بيحب واحده تانيه،
ايوه يهاري زين بدل ما يقولي بحبك قالي عايزك تساعديني اخليها تحبني"
بصتله ومسحت عنيا مش عارفه ليه وانا عارفه اني هعيط تاني
عينيه احمرت ودمع
هو هيعيط عشاني بجد؟
" انا اسف" هو حقيقي؟
" انت بتتأسف ليه؟ "
" عشان كنت عارف انه بيحبها ومع ذلك خليتك تحبيه اكتر ومش بس كده ده انا عملتلك خطه عشان تقربك منه وتخليه يحبك"
ضحكت ضحكه فيها استهزاء كده"طب ما انا كنت عارفه انه بيحب واحده تانيه غيري وحبيته برضوه"
"متتأسفليش يا هاري انت احسن حاجه حصلتلي ف حياتي انت اللي على طول بلاقيه جنبي وانت الوحيد اللي بيعرف يخفف عني كل حاجه ممكن تحصلي انا المفروض اشكرك"
طبطب عليا وحضني تاني
هو مش اول اللي يتخلو عني ولا آخرهم
هو زيه زي اي حد من صحابي القدام اللي كانو بيسيبوني لأي سبب تافه
.....بس هنا الفرق اني حبيته ومش هينفع حتى اني اقطع علاقتي بيه او ابعد خالص
انا ليه مش جيجي؟
انا مش عايزه اكون بيري الانطوائيه اللي كله بيتخلي عنها
مش عايزه اكون البنت اللي صحابها قليلين ومحدش بيحبها
مش عايزه ابقى البنت اللي البني آدم اللي هي حبته يطلع بيحب واحده تانيه
مش عايزه كل المشاكل اللي بتحصل ف حياتي
انا ليه مش جيجي؟
اب غني وبينفذلها كل طلباتها سواء كانت بسبب او من غير سبب حتى لو كان هيطرد شخص معملهوش اي حاجه
اقل فستان عندها ب 5000 جنيه
وجسمها بيرفكت ومفيهوش غلطه
وعندها واحد بيحبها وهيموت عليها
أنت تقرأ
||MY CURSE||
Fanfictionبيري:"هتعرف تحبب اللي ما يتسمي فيا يحيلِتها!" هاري:"طبعا يبت هو انتي شايفاني قدامك منال دنا هاري علي سن ورمح" بيري:"اما نشوف اخرتها مع اشكالك دي" هاري:"ماتتلمي يبنتالكالب..... المهم سيبيها بس انتي ع ربنا والعبد لله وانشاءالله هيجيلك راكع ع رجل واحده...
