عدا اليوم ف الجامعه عادي ومكلمتش لويس والعيال ومعدتش على الكافتيريا اصلا وحتى مكلمتش البنات بس حسيتهم بيلقحو زي مثلا قالو "اللي بيتبطر ع النعمه بتزول منه" ودي اكيد كانت جيسي و"كانت خروجه حلوه منغيركك محدش عايزك معانا اصلا" دي جايد تقريبا والكلام اللي من ده كان كتير
انا كنت بسمعهم واعض شفايفي عشان معيطش ف مكان بابليك واكيد مكنتش هرد عليهم وأقل قيمتي عشان شوية كلاب ويعني في سبب تاني بس انا مبحبهوش ومش عايزه ابينه اوي ومش معترفه بيه...
انا خايفه وجبانه، خوفت منهم بجد خوفت اتكلم ويردو عليا رد يبهدل كرامتي انا طول عمري ماشيه جنب الحيط مليش ف الحوارات بتاعة الخناقات والمشاكل دي ف بسبب اني جبانه سيبتهم يتكلمو زي ما سيبت كل اللي ف حياتي يتكلمو ويتنمرو عليا من وانا صغيره ومليش حد يدافع عني انا مش لاقيه حد جنبي
انا فعلا جبانه ودي حقيقه انا بهرب منها وحاسه اني هموت بسببها ف الاخر
أملي الوحيد هو اللي هعمله مع هاري عشان زين دي هتبقى اول مغامره ف حياتي مش متخيله انا لو نجحت وخليت زين يحبني هعمل ايه وهبقي فخوره بنفسي قد ايه!
هبقي اخيرا عملت حاجه عشان ارضى نفسي وحققت حاجه ف حياتي اخيرا....
رغم كل المذاكره والتعب ده بس انا مش عارفه انا بعمل كل ده ليه؟ انا مش عايزه ابقى دحيحه كده انا زمان كنت بحقد على اللي مستواهم وحش ف المدرسه عشان هما مستمتعين بحياتهم وانا كنت مش بعمل حاجه ف حياتي غير اني اذاكر رغم انه مش هدفي
انا لسه معرفش هدفي ولا شخصيتي.....
وخلصت المحاضرات الاربعه وده حقيقي اكتر يوم مقرف ومتعب ومع كلام اللي ورايا دول كان زالخرا
بس وانا بلم حاجتي كده لمحت جيجي.
انا عايزه اعرف ايه اللي فيها مش فيا!
بلوند
موجود
عين زرقا
موجود
رُفع وطول
ااااااا....
اوكاي هي ارفع مني شويه صغننين او كتير مش ضامنه!
متشوفنيش بعينك شوفتي بقلبك يا اخويا
وهزيت راسي بعد ما بعدت عيني عنها ولاحظت ان كله مشي
هههييييييييييههه هروح اخيرا...
انا هموت من الفرح مش مصدقه اني خلاص هقابل هاري واعمل النيولوك
بعدها مشيت بسرعه من المكان المشؤم ده قبل ما حد يشوفني عشان مش عايزه اكلم حد وبعدها روحت على بيتي وكلمت تيتا وجدو وللأسف عشان اخلع كدبت ومثلت اني عيانه وعندي برد عشان ميزعلوش الموضوع غلط ونا اتضايقت بس يلا كله يهون عشان ظنظون
قعدت شويه بعد ما كلمتهم وبعدها قومت طسيت وشي بشوية ميه وحطيت ميكب بدل ما الولا يجي يتفجع من وشي اللي بقى شبه وش الميتين
أنت تقرأ
||MY CURSE||
Fanficبيري:"هتعرف تحبب اللي ما يتسمي فيا يحيلِتها!" هاري:"طبعا يبت هو انتي شايفاني قدامك منال دنا هاري علي سن ورمح" بيري:"اما نشوف اخرتها مع اشكالك دي" هاري:"ماتتلمي يبنتالكالب..... المهم سيبيها بس انتي ع ربنا والعبد لله وانشاءالله هيجيلك راكع ع رجل واحده...
