فصلية الصقر العاشق

انقلاب حياتي

السلام عليكم اني اسمي فرح من بغداد احنا بالأصل ابوية من العمارة وأمي من بغداد عمري 18 سنة صف سادس أدبي مواصفاتي بيضة حيل وطول 165 جسمي مربرب مثل مسمي امي سمني من منطقة الورك وهذة الشي اللي يخلي أهلي يمنعوني البس أي شي بي ولو شوية
ضيك المهم عيوني لون أخضر طوخ وشعري طويل يوصل لجوة وركي بشوية بي شوية شكار طبعا حالي حال أي بنية عايشة حياة بسيطة وعادية بوسط عائلتي بين قوسين ماعندي شغلات التفييك مال البنات المايعات صحيح أهلي مخليلي تلفون بس كلة واضح و مكشوف كدام نبع الحنان وطبعا ابوية يعني نكدر نكول لا مقيديني ولا منطيني حرية زايدة تخلي الناس تحجي علية طبعا عائلتي متكونة من ابوية وأمي الله يحفظهم وتلث إخوان وإني آخر العقود بزر الكعدة علة كولت ماما اخواني همة علي الجبير وأحمد الوسطاني وهذة صفتة بالبيت كلش عصبي بس حنين بنفس الوقت والصغير غياث الحشاش هذة اني ويا مثل التوأم حتة بالشكل هواي اشبهة المهم جان هاي الفترة صعبة شوية لأن امتحانات نهاية السنة ولازم اكعد من وكت وإني اصلا الليل ما انام علمود اقرة جان اليوم آخر امتحان النة ودعت صديقاتي ورجعت
للبيت من وصلت البيت أريد ادك الباب سمعت ابوية يصيح وأمي تبجي وأصيح راح يكتلون ابني المهم دكيت الباب طلعلي اخوية غياث سألتة شكو شصاير وليش ابوية وأمي يصيحون
غياث....محمد متعارك وية ولد وضاربة وهسة حالتة خطرة وبالمستشفى واهلة مشتكين علة محمد وحاليا هوة بالسجن ويطالبون بدمه

فرح....اني سمعت هيج تخبلت شلون وليش ضلت الاسألة ادور براسي ومحمد شلون بي دموعي نزلت حضني غياث وطبينة للبيت لكيت علي يهدي بأبوية وأمي تبجي طبيت بدلت ملابسي وكعدت احجي وية امي شوية بلكي تهدة شوية و ابوية اجا اتصال طلعو أهل الولد الضاربة محمد يردون ابوية بالمركز مال الشرطة راح ابوية وعلي وغياث ابوية بقا يمنة أخاف يجون للبيت حتة البيت بي رجال يطلعلهم المهم راح ابوية وحاجي وياهم رجعلنة يكول بأجر الكعدة مالتهم لازم يروح ونشوف شنو يردون المهم احنا ضلينة كاعدين علة نار للعصر راح ابوية يشوف حالتة للولد بالمستشفى لليل يلة اجة
الأب... والله هل محمد مصيبة مكسرة للولد مم بقي عضم صاحي بي
وانوب صاير عندة نزيف بالمخ وحالتة كلش خطرة بين الحياة والموت منا لأربعة وعشرين ساعة اذا مستقرت حالتة يموت
الأم .... ومحمد شلون يكتلوا يعني
الأب... خلي انشوف شلون تصفة باجر 
علي....يابوية مو قصدي اخوفكم بس مشفت شلون ولد عمة وعمامة للولد واكفين يردون يهدون علينا لو ما ابوهم الشيخ واكف بوجهم

الأب.... إنشاء الله تنحل  خل اخابر عمامك واشوف شيخ العشيرة شيكول حتة بأجر أروح الهم

فرح ...اني كاعدة واسمعهم وايدي علة كلبي أخاف يكتلون واحد  من أهلي لأن من حجي علي وابوية مبينين ذولة ميسكتون ويردون
حقهم من محمد ااخ يا محمد بيمن وكعت نفسك كمت صليت ووكفت بالمطبخ أحضر العشة...تعشينة وغسلت الماعين ورحت لغرفتي ويمكن لساعة تلاثة بالليل اني مانايمة بالكون غفيت وكعدت ساعة بالثمانية آلة ربع لكيت ابوية متريك هوة وعلي وطالعين لعمامي وشيخ العشيرة علمود الكعدة وصراحتا اني من توصل الشغلة للشيوخ اكوم أخاف 😳😳 الضهر راح للكعدة ورجعو منهة تقريبا العصر أو بداية المغرب جان والوجوه مكلبة كلهة وابوية مبين مهموم صاح امي للغرفة ضل يحجي وياهة واسمعهة تكلة ما اكدر انطيها شلون اني ضل بالي والفضول اكلني أكل ومن فضولي رحت لعلي توسلت بي يحجيلي الصار بس مقبل لو يضل يراوغ وياي وميطي جواب شوية وابوية صاحني رحت لكيت امي تبجي وابوية كلي