فرح....جنت كاعدة بالغرفة وجنت صافنة وأذكر اللي مريت بي بهاي الفترة واتجمعت الدموع بعيوني وصارت الغصة واكفة ابلعومي ضليت صافنة ومحسيت غير لمن صكر فوك راسي بس هل مرة جان متغير ولحيتة طولانة وما أنكر انو طالع حلو بس مع ذلك مبين وجهة تعبان بس لحيتة صايرة عذاب اووووووف يا كلبي شكد اذاني وكلامة جان سجاجين تنغرز بصدري بس كلبي لمن يشوفة لو يحس بي متأذي ينعصر عصر مع ذلك مهضومة منة حيل وهواي مقهورة
اجة كعد يمي .....
(ماكو داعي أذكر اللي صار مرة ثانية😶😶)
طلع من الغرفة وإني مو ما اكدر لا مستحيل أنكر انو ما ذبت بيدة وجسمي استجاب وتفاعل وية لمساتة وعطرة اللي ملة أنفاسي وصدري بس كل ما اعاين جسمي بالمراية واشوف آثار الواير تحترك روحي حرك واتمنة لو اصلا ما حابتة ولا واكعة بحبة وكلبي يتعلق بي لأن لو جان مثل قبل وسوى بية هيج يمكن ما اتأذة هلكد بس هسة لا أحس روحي تنمرد وشعور ما اكدر اوصفة لأن اللي يحب شخص حتة لو مقدار قليل يتوقع الاذية من الكل ما عدا هذة الإنسان شلون وإني هسة كلبي واكعلة ومتعلقة بي......
نرجع لصكر....بعد ما كمل من منذر وأخذ ثارة منة بقالة أساس المصايب الحية جميلة😈
عافهة كم يوم وورة تقريبا
أسبوع رجع للبيت من دوامة وهوة بيدة ورقة ينضرلهة بخبث مو طبيعي وهوة يتحلف لجميلة
علة الشي اللي يشوفة بالورقة حاليا واللي هوة بكل بساطة معلومات عن جميلة كاملة جابهة الة أحد معارفة اللي خلا يراقب بيت عمة وخصوصا جميلة وامهة اللي كلتلة قبل ميطلع من بيت عمة قبل أسبوع هذة الكلام
_عبالك راح اخليك تأذي بنتي لا ابد لو اعرف اسوي المستحيل ماخليك توصلهة وإني اعرف شسويلك
ابتسم وهوة يذكر كلامه اللي راح يخليهة تندم علية دخل للبيت وأول شي سوا راح لأبو
صكر....سلام عليكم
الأب....هلة وعليكم السلام هلة بيك وليدي روح ارتاح وأكل
صكر.....أي بوية بس أريدك اشوف هاي بالأول ....وهوة ينطي الورقة لأبو. ...
الأب وهوة ينضر للورقة......هاي شنو من مصايب عدهة البنية لخاطر الله هاي وحدة صدك عار علينة ولازم نتخلص منهة طلع اخوية ميعرف يربي بناتة زين
صكر.....بوية من بعد اذنك اني أريد أتصرف وياهة وية امهة أريد اخليهة تعرف المن تهدد
الأب....بس لازم ينكشف كلشي كدام عمك سواء بالبداية أو بالاخير
صكر....أي اكيد لازم اخلي يعرف بعمايل مرتة وبنتة المؤدي الشريفات
صكر....صعدت فوك اشوف فرح
دخلت للغرفة لكيتهة كاعدة تكلب بلتلفون دخلت وكلت شلون صارت فرحتي
فرح....لا رد
صكر وهوة يكعد يمهة.....فرح حبيبتي بس عاينيلي
فرح وهية ترفع راسهة تشوفة....لا رد
صكر......فرح بس انطيني فرصة والله العظيم أصلح كلشي صار والله اعيشج بنص كلبي وماخلي الهوة يمسج
فرح بانكسار .....صكر شتصلح هاا شنو تصلح وإني كلما اشوف جسمي لو أذكر اللي صار كلبي يصير رماد
صكر....انتي بس خليج وياية وانطيني مجال وانسيج كل الصار اذيهة مني وعد رجال ....وهوة يخلي ايدة علة خدهة ويقترب منهة.....
فرح....ماعرف صكر انطيني مجال ماكدر اجاوبك هسة ماكدر
صكر وهوة يكوم منهة وينه بحسرة....علة راحتج
...طلعت وإني رحت للغرفة سبت وطلعت أتغدة وبعد الغدة مباشرتا طلعت للمركز لأن رايديني بشغلة هناك واللي هية أمر إلقاء القبض
رحت أخذت كم سيارة وياية طبعا المكان الرايحيلة هوة بيت سحارة احنة متأكدين منهة بس أبد ما كمشناهة بالجرم المشهود بس يجون ناس تشتكي عليهة وذكرولنة بأفادتهم انو اكو أشخاص توفو من وراهة ومن ورة الشغلات التنطيهميا
واساسا بيتهة بيت دعارة بس عدهة اللي يوصللهة معلومات انو راح تجي دوريات شرطة بحيث أكثر من مرة يطبولهة الشرطة وميلكون أي شي أو اي دليل عليهة
اخذت الدورية مال الشرطة ورحنة طبعا جانت دنية مغربية علما وصلنالهة
وصلنة ودخلنة للبيت فجأة ودخلنة لكينة بنات يركصن وزلم وشرب واكو من ضمنهم سكارة يشربون وحتة مخدرات دخلت لغرفة ولكيت المفاجأة اللي ضليت من وراهة مصدوم صدمة عمري ضليت صافن يالله شنو هاي وذني شجابهن وعمي وين عنهن يارب سترك لكيت مرت عمي وجميلة كاعدات يم أم هذة البيت يالله وين وصلت بيهن ذني اشوفهن حاطات الشالات علة وجوهن وكامن يبجن وبديهن علاليك أما بالنسبة لصاحبة هذة المكان القذر اخذهة الضابط اللي وياية للسيارة وكل الموجودين بالبيت هم أما بالنسبة لذني ضليت صافن شون بيهن يارب نزلن روسنة بالكاع شلون اطلعن منا وكلهة زلم وضباط وشحجي شكول من يسألوني ذني منو ويحققون وياهن بس لازم اعرف شديسون هنا اقتربت منهن رادن يحجن
أم جميلة.....صكر يم...
صكر.......ااشش ولج ما اسمع ولا نفس
جميلة.....صكر بس اس....
صكر......كلت اسكتي ادبسز انتي بالذات اسكتي أم المصايب عار لج انتن عار علينة لازم نخلص منجن نزلتن روسنة بالكاع ساقطات انتي وامج.....ضلن بس يبجن اتقربت جريت العلاكة من اديهن وكلبتهة بالكاع وكع منهة كوما غرض وجان اكو فالينة رجالية مكتوب عليهة عكد لسان ومرض لصكر ابتسمت وعاينتلهن وكلت
صكر.....اها عكد لسان ومرض والي هم
أم جميلة.....صكر والله لان ماريدك تأذي بنتي والله
صكر وهوة يتقدم الهة ويحجي.....شوفي حتة لو جنت حاقد علة بنتج الادبسز وناويلهة اأذيهة هسة راح اقتلهة خلاص
جميلة بكاء.....لا صكر فدوة ابوس ايدك و رجلك لتقتلني والله بعد متنعاد صكر فدوة ب....
صكر وهوة ينطيهة راشدي فر وجهة .....اشش بلا صوت وكدامي للسيارة يلللة والعبي علة وجوهجن بسررعة (بصياح وعصبية )
صكر...طلعن كدامي وهنة حاطات العبي علة وجوهن ومن حسن حظي انو الضابط اللي وياية جان صديقي عمار والبقية أصدقائي
صعدن الشريفات ورة بالسيارة وإني صعدت وشخطت السيارة وصلت الدورية للمركز ونزلت سلكت علة شغلة ذني الثنين من خلال معارفي بس مكلتلهم مرت عمي وبتهة لا كلتلهم ناس الي عداء قديم وياهم وأريد اصفي حسابي وياهم وكلفت صديقي عمار يكمل القضية علما اجي
طلعت ولكيتهن وحدة تحجي وية الثانية بصوت ناصي ويبجن صرخت بيهن وسقت السيارة لبيت عمي وخابرت ابوية واخواني يسبقوني لبيت عمي وصلت نزلت من السيارة وفتحت الباب جريتهن ونزلن للبيت يتعثرن ويتباجن طبيت وطبن وراية لكيت عمي كاعد يصيح بصوت عالي الضاهر ابوية حاجيلة الكلتة علة التلفون
العم.....ولج ساقطات عار حقيرة هاي تاليتهة ابن اخوية يلكاجن ابيت دعارة وسحارة ادبسزيات كلبات
صكر.....يحجي ويضرب ويدفر بيهن وهنة جوة رجلي صراحة حسيت أخذت ثاري منهن وانتقمت من هاي جميلة العار هه سأل عمي
العم.....صكر احجيلي شنو جانن يسون ذني العارات هناك
صكر.....عمي طبيت لكيتهن عد صاحبة البيت وطبعا البيت بيت دعارة وسحارة لكيت بيدهن هاي العلاكة .....وفرغتهة كدامة وجان بيهة الفانية اللي هية مالتي وقطعة من ملابس فرح ومكتوب عليهة مرض وهم وعدم راحة ولعبة وبيهة بسامير ورقة ملفوفة بتيب شفاف ودنابيس وبسامير وكومة أشياء بس اللي خبلتني ثوار عصبيتك هية القطعة مال فرح فالينة نسائية شايف فرح لابستهة اني هاي القطعة مشفتهة هناك لأن جنت حاير بيهن شلون أغطي عليهن وما يدخلن سجون وتحقيق وينزلن روسنة بس من شفتهة هنا انجنيت رسمي وهجمت عليهن دفرتهن وضليت اضرب بيهن بحركة كلب
صكر وهوة يضربهن.......يعني كل السويتنة مكفاجن ادبسزيات حقيرات ساقطات ولجن مو وصلتنهة للموت
العم....لك صكر اكتلهن خلاص ما أريد اشوف خلقهن ابيتي اكتلهن خلااص...حجة وهوة يحاول يخنك مرتة وهوة يصيح....ولجن كح.....نزلتن راسي كدام العالم وكدام اهلي وعشيرتي
الأب.....خوية استهدي برحمانك واهدة اول واتصرف وية ذني العارات ....حجة وهوة ينضرلهن نضرة استحقار وحقد وحجة وهوة يوجه كلامة الهن
الأب.....لو بس اعرف هل البنية شسوتلجن وهيج معادياتهة انتن متخافن الله يعني متخافن تطلع حوبتهة بيجن ولجن انتن والله العضيم فاسقات لأن رحتن برجليجن لبيت فاسق وفاجر
العم.....هذني ميبقن ابيتي اني بيتي ما احط بي كح..... وساقطات
صكر ودي العار هية وبتهة لبيت اهلهة وباجر ورقتج يمج انتي طالق طالق طالق ....وطلع برة البيت.....
أم جميلة......يبو يمة لحكيلي يبو
صكر......اششش تذكرين تهديدج قبل سبوع الية هاا هسة اعلمج شنو عاقبة الي يهدد الشيخ صكر ويأذي مرتة ....
لزمتهن موتتهن كتل هية وبتهة فوك الكتل الكلنة من عمي ولبسن عبيهن وطلعن صعدن بالسيارة حشاكم مثل الحيوانات وديتهن لبيت أهل الشريفة أم جميلة العار وكتلهم شنو سوون وهم استلموهن من الباب دك وكتل رجعت لكيت عمي وابوية كاعدين اجة عمي وهوة منزل راسة ويعتذر مني
العم....بوية صكر اعتذر اني عل عمايل مرتي وبنتة بابة خوية اعذرني
صكر.....لا عمي لاتعتذر ولا أبد انتة بمقام ابوية و لاتنزل رأسك مادام انة راسي يشم الهوة ولا تعتذر لاحد
.....ونزلت بست ايدة وراسة......
الأب.....خوية خلص اللي صار صار واللي جان الة نية بالأذية هم أخذ جزاتة وانفضح ماكو داعي تعتذر ولا شي تبقى اخوية الغالي وصكر ابنك اعتبرة. ...حجة وهوة بحضنة. ...
صكر....طلعنة من بيت عمي واحنة دن رجع للبيت ابوي حجة
الأب....يابة هسة هاي الاذاك واذة مريتك الله فضح وانكشفت وأخذ جزاتة بوية هسة التفت لمرتك وراضيهة لتخليهة زعلانة حتة اذا زعلهة ثجيل هم تتراضة بالكلمة الحلوة
صكر حبيت الطف الجو فكلت.....هاي شنو حجي الضاهر امي جانت مدللهة اكوول ذاك اليوم كللهة نسر ابوي راح يزوج عليج وهية تكلة مايسويهة عزيز كلبي
الأب....أي جا شعبالكم اضحكون علة عزيزة كلبي بكلامكم
صكر....بهلاثناء وصلنة البيت طبيت للكراج طبيت السيارة ونزلت دخلة للبيت انة وابوي كبل اجا عيني بعين رويحتي وهية كاعدة بالصالة وبحظنهة ملاك تبوس بيهة واشمهة وتلعب وياهة صحت بصوت عالي شوية
صكر....اوووف نيالج بوية كون انة هسة ابمكانج
....الكل ضحكوا واعاين فرح انصبغ وجهة لون احمر
فرح... جنت دا العب ملاك بحضني وفجأة دخل صكر وعمي للبيت شافني وجان يصيح ياريت لو هسة بمكانج ويقصد ملاك اني هنا وين انطي وجهي ضليت حايرة أحس خدودي صارن يطلعن نار من الخجل وجمالة عمي كملهة وهوة يكول
الأب....ولك نسر شحاجي وي امك هاا
نسر.....شحاجي بوية محاجي شي
الأب.....شني محاجي شلون تكللهة ابوي يريد يزوج انة يايوم كايل أريد ازوج
الأم.....ها ولك نسير جاي تضحك علي
الأب.....ولكم هاي عزيزة كلبي محد يحاجيهة لو يغثهة بحجاية وعلة عنادكم ابقة اليوم وي عزيزة كلبي بالغرفة لباجر الصبح
الكل......شنوووووو😮😮😮
الأم وهية تغطي وجهة بال شيلة.....اسكت يارجال كبرنة علة هسوالف انشاء الله يوم لصكر وفرح نفرح بيهم
صكر....أويلي يمة شوكت يجي هذا اليوم
الأب.....يجي وداعتك مو عزيزة كلبي
الأم.....أي انشاء الله
صكر....وإني راح انتضرة علة أحر من الجمر
فرح...😶😒😒
نسر وعصام وحسام....زوجوني لا احرك روحي😂😂
صكر....دكعدوا خلي اخوكم يحصل شي الأول😂😉
الأب.....صدك بنيتي خل يحجيلج صكر علي صار اليوم
فرح....شنو الصار
صكر.....اللي صار.....وحجالهة كلشي كدام الكل....
الأم.....يا الله لاينطيهن من عساه بحضهن وابختهن تالي توصل بيهن يسون سحر لابني ومريتة فوك المصايب السونهة ذني الحيات
الأب....خلص اساسا اخذن جزاتهن
فرح.....مسلمتهن بيد الله
الآب.....عفية عليج بنيتي علة هل الكلام والله احيي ابوج علة هل التربية رفعة رأس وين متكونين وإنشاء الله تصالحون انتي وصكر واسويلكم عرس ماصاير وافرح بيكم
الكل.....إنشاء الله
أما فرح فدنكت راسهة وهية تفكر
يا ترى بشنو تفكر
راح نعرف بالبارت الجاي👋بااااي
..............يتبع
مرحبا حبايب طبعا آسفة علة التأخير واعرف هذة البارت يمكن شوية ممل اعذروني بس انشاء الله اعوضكم بالبارتات الجاية اللي حتكون عن صكر وفرح وشلون راح يراضيهة😻😻😻 مع كوميدية نسر والعائلة😂😂😂 وقصة حب جديدة بين اشخاص اخرين راح اصير😍😍😍😍 تابعوا
وهاا آسفة علة الأخطاء الإملائية اللي بهذة البارت واللي سبقتة والله هسة يلة انتبهت عليهن😣😢
ولتنسون التفاعل تصويت وتعليق تشجيع حتة ابدعلكم اكثر😍😻💋💋💋💋👄👄👄👄
احبكمممممممم😙😙😙😙😙😙💋💋💋💋💋💋💋💋💋💋
أنت تقرأ
فصلية الصقر العاشق
عاطفيةقصة باللهجة العراقية🔞🔞🔞🔞 تتحدث عن بنت تذهب فصلية لأحد العوائل في جنوب العراق تحديدا العمارة لإنقاذ عائلتها القصة جريئة جدا جدددددا🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞
