فصلية الصقر العاشق

2

الشيخ صكر....اني الشيخ صكر ابن شيخ عشيرة معروفة بالعمارة هية وشيخها الله يحفظة طبعا عمري 30 سنة مواصفاتي طويل 190 وجسمي خشن اشتغل ضابط برتبة رائد عصبي وما أحب أحد يعاندني بس بنفس الوقت ما أحب اظلم احد تزوجت لمن كان عمري 27 أخذت بنت عمي لأن ما عدنة أحد يأخذ غريبة اسمهة شهد جانت حبابة وما آلهة حس أو دخل بأي أحد اجتنة قبل خمس أشهر بنية بس للاسف شهد ماتت بالولادة حزنت حيل عليهة لأن ما أنكر جنت أحبها ولو مهما يكون تبقى مرتي وبيناتنة عشرت عمر المهم حاولت أأقلم نفسي لأن هسة وراية مسؤولية بنتي اللي صارت روحي من الدنية وهية حيل متعلقة بية بس لسة اكو حزن داخلي علة موت شهد المهم قبل شي سبوع جنت بالدوام وخابرني اخوية طبعا نسيت اكلكم اني عندي تلث اخوان وتلث خوات اثنين مزوجات وحدة صف سادس أدبي خابرني كلي

حسام(اخو)....صكر الحك نسر (اخو صكر الصغير) متعارك واللي متعارك ويا ضاربة وواكع علة الشيش وطاب ابطنة ورجلة وهسة حالتة خطرة وبالمستشفى

صكر.... جايك هسة

طلعت من المركز كل بوجه للمستشفى طبيت سألت بالاستعلامات دوني الغرفة وصلت لكيت نسر بالعمليات وأهلي كلهم برة واكفين ينتظرون شوية وطلع الدكتور رحمة كلمة تجمعنا علية سألنا كال حاليا حالتة خطرة ولمدة أربع وعشرين ساعة اذا ما أتعدة مرحلة الخطر احتمال يموت وكفى واشوف ابوي مكسور واكف علة صفحة وأمي وأختي تبجي رحت وكفت يم ابوية واحجي ويا علمود يهدة والا هوة هم يتخربط وأمي كذلك المهم ورة شوية أجو أهلة للولد الضارب نسر ردة نتعارك احنا وياهم بس ابوي واكف بوجهنة وكالنة

الاب (الشيخ)...اوكفي يولد موهيج تنحل الأمور بأجر بالكعدة احنة نحلهة وناخذ حكنة منهم ولتنسون احنة بمستشفى

صكر... وكفنة احتراما لكلمة ابوي وبقوا ويانة واكفين علة صفحة عدت الأربعة وعشرين ساعة وتعدة نسر مرحلة الخطر الحمدلله بقى بالمستشفى وبقى ويا اخوي عصام وحسام رجع وياية للكعدة ابوي تناقش وياية حول الفصل وقرر انو نأخذ منهم فصلية وإني اللي اخذهة بحساب اني الجبير بأخوتي اني ما عارضت بس من حركة كلبي علة اخوي تحلفت الهة صارت الكعدة وطلبنة لو دم الضرب اخوي لو فصلية وإياهم مهلة لليل يفكرون ورة أذان المغرب ورة العشة تحديدا دزوا خبر موافقتهم علة الفصلية ابوي إطار مهلة تلث أربع تيام مهلة يجيبوهة استغربت من فعل ابوي فسألته
صكر....يتبع ليش نطيتهم مهلة وهية مجرد فصلية
الأب .....لانو لو مهما يكون تبقى ما الهة ذنب باللي صار بس مجرد انو نسد حلوك العالم
صكر....(ما اعرف شلون كلت هيج بس جنت بحالة عصبية )بس بابة شلون ماله ذنب وأخوه هوة اللي ضارب اخوي(بعصبية)

الأب....لا يبني صكر لتخلي عصبيتك تتحكم بيك عدك أخت وعدك بنية اعكس السالفة عليهن شوف تقبلهة

صكر....
صفنت وفكرت بكلام ابوي شفت صحيح هل كلام بس رغم هذة الشي مستحيل اعاملهة بطيبة كلب حتلوا بس هاي الفترة علما حركة كلبي علة اخوي تروح ورة تقريبا تبث ايام أجو أهل الولد جايين البنية اللي المفروض اني اخذهة فصلية وصلت السيارة يمي شفتهة منصية راسهة نزلوا ونزلت وياهم وهية مدنكة راسهة وصة ابوهة ابوي الشيخ عليهة واشرلهة اطب جوة طبت بسرعة وهية متلفلفة بعبايتهة حاطتهة على وجهة ومدنكة راسهة عجبتني بهاي الحركة

فرح....طبيت اتلكتني مرة كعدت بالمطبخ ورة شوية اجتي مرة جبيرة وبنية تطلع من عمري طببوني جوة لبيتهم ما شاء الله كلش حلو تصميمة وترتيب بي طابع عربي بس بترتيب كعدت وعرفتني المرة الجبير علة نفسهة عرفت راح اصير عمتي

الأم...هلة بيج بنيتي احسبيني أم الثانية

فرح....هلة بيج خالة

الأم....لا لتكوين خالة كولي ماما حالج حال بنتي و انشاء الله ما فرق بيناتكم

فرح ...إنشاء الله ماما
الحمدلله همزين طلعت عمتي مرة حبابة جنت شايلة هم😥

ريم (أخت صكر)....هلو اني ريم

فرح...أهلا وسهلا بيج اني فرح

ريم...عاشت الاسامي
فرح...تسلمين حبيبتي
للأم....يمة ريم ودي فرح لغرفة هية وصكر

فرح بخوف .....منو صكر

الأم....لتخافين يبعد امج صكر ابني اللي راح يعقد عليج لتخافين منة بس لتعاندي صحيح راح تشوفين صعوبة بالمعاملة وياج بس صدك كلة طيب

فرح....شوية وجابت ريم بنية صغيرة يطلع عمرهة اشهر اني خفت لا يطلع مزوجات لمن كالت هذي الطفلة بنتة سألتة اذا جان مزوج

ريم...لا هوة ممزوج حاليا بس جان وتوفت بولادة ملاك

فرح....ها الله يرحمهة
ودتني للغرفة ورة شوية كالو الشيخ اجة يعقدلهم نزلت وعقدلنة الشيخ يمة من كال نعم صوتة شكد خشن ويخوف كالو طلع للديوان اني صعدت للغرفة ورحت يم بنتة شكد حلوة اناغيهة. ..........يتبع

💟💟
احبكم